|
|
|
 Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: wd al geran)
|
سلمى يا عسل
كلك جمال ،،
Quote: عارفة يا خالدة عجبتني فكرتك في بوست يا ناس الرياض شيلوا شيلتكم...
فرأيك شنو في وظيفة المصلح الإجتماعي ...مبدأياً بس.....
والعمودية موجودة... |
شكراً سلومي
ما عندك مشكلة اعتمدي
بس الله يقدرني على زوج/ة طالما دي جامعة
سودانيز اون لاين اهـ جنس خالد المنسي دا
البقولوا كلامهم ويسحبوا 
وبعدين في لائحتنا المشوكشين يشوفوا حنانهم وين
في الشوكيش شوكيش نت 
بكري لازم يكون مدير للمكتب دا عشان المسنجر ما في
غيرة يقدر يفيدنا وناس هاشم خلف الله يورطونه مع ناس هويدا،،
وبنجيهي ليك اقتراح منى خوجلي
برجع ،،
| |
 
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: خالدة البدوي)
|
العزيزة خالدة البدوي...
سعيدة بمرورك ....
Quote:
بس الله يقدرني على زوج/ة طالما دي جامعة
سودانيز اون لاين اهـ جنس خالد المنسي دا
البقولوا كلامهم ويسحبوا |
الأخ خالد ده طمنيو يا خالدة !!
أنا غايتوا وريتو قصدي شنو...
وطمنته....
Quote: وبعدين في لائحتنا المشوكشين يشوفوا حنانهم وين
في الشوكيش شوكيش نت
بكري لازم يكون مدير للمكتب دا عشان المسنجر ما في
غيرة يقدر يفيدنا وناس هاشم خلف الله يورطونه مع ناس هويدا،،
وبنجيهي ليك اقتراح منى خوجلي |
بعد ما تم إقتراحه أعلاه...
نحن كذا نقترح كليات جديدة تماماً...
كلية الصدمات
كلية معالجة الصدمات...
كل الود خالدة
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: wd al geran)
|
wd al geran
Quote: ما عِندكم كُلية لإدارة الازمات السياسية
والا اقول ليكي ..
كُلية ما بتنفع ..
انا بقترِح يكون معهد دراسات إستراتيجية .. ونسميهو:
معهد ابحاث السلام وفض النِزاعات المُسلّحة
|
يا حول الله ده شنو؟؟؟؟ أنا قايلاك من طلاب كلية النغم( برضو بوست محمد عثمان )
إتفاجأت !!!!
أنا مديرة هنا كمان...لالالالا .....نزاع... سلاح...ليه بس؟ إنت زعلان مني ولا شنو؟ 
آي بالله بي سرررررعة!!
تقديري...
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: Quote: اما موضوع الكافتريا دا خلاص اتحسم بقى شراكة بيني وابو بكر
يعني بشان انا بر البلد عايزة تعملي نفسك شريك مواطن نايمLocal Sleeping Partner وتصحي بس وقت الدفع والبيزات ؟؟؟ حاليا المجموعة :بتاعتنا" ما عيزة شراكة بس ممكن يمكن محتمل وكيل بعمولة وفي الجاني والبروموشن يدفع لينا ... تحسبو شغل ولايات وصينيين ؟؟؟ |
Quote: الكلام التحت ده عدتو ليك تاني عشان لو ماشفتيه هناك تلاحظي ليه هنا...
وهسي جاياك للكلام المهم....اقري بس...
Quote: رأيك شنو طالما اتقابلنا بره الجامع نتفق ندى عطاء الكافتريات لابوبكر اكراما لاهلنا النوبين
قريتيه كويس....عارفة منو الكتبو؟؟؟؟
خمني ؟
شفت عشان ده إثبات انك بتهميني ودايرة ليك الخير...ما فتنة...
والجامع دي شنو؟....في حرف ناقص ولا هي كده؟
|
ايوااااااااااااا
سلمى صبحي وابو بكر
انتو باين في إتفاق حصل بيناتكم 
وبعدين يا ابو بكر انا إتنازلت وشاركتك تجي تعمل لي فيها وكيل بعمولة
لو انت قايلنا في شراكة وحدة وطنية فخليك عارف اذا قبلت شراكة معاك
فلأني انا الشريك الأكبر
بلا شراكة معاكم يلا نخلي المنافسة مستمرة
ونحن بنعرف نشتغل الشغل دا وين
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: انعام عبد الحفيظ)
|
انعام عبد الحفيظ....
Quote: ايوااااااااااااا
سلمى صبحي وابو بكر
انتو باين في إتفاق حصل بيناتكم |
ظلمتينا والله ....
كدي أهدي!!!
الشخص الأبدى الإقتراح داك ما استاذ أبوبكر...
ده المدير ذات نفسو يا إنعام.........
ود الجعلي....
وعشان ما تظلميهو...المدير عندو سبب مقنع....
اقري في البوست هنا كويس ...Somewhere حتعرفي السبب !
ـــــــــــــــــــــــــــــــــــ
شفت استاذ أبوبكر ده زول نيته صافية كيف !
....
....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: الشخص الأبدى الإقتراح داك ما استاذ أبوبكر...
ده المدير ذات نفسو يا إنعام.........
ود الجعلي....
وعشان ما تظلميهو...المدير عندو سبب مقنع....
اقري في البوست هنا كويس ...Somewhere حتعرفي السبب !
|
انا ما قلت ابو بكر إقترح انا قلت ليك انتو إتفقتوا على خلاص 
وبعدين المدير دا لسه ما تم تعيينو  كلامو غير معتمد
Quote: شفت استاذ أبوبكر ده زول نيته صافية كيف !
....
|
ايوا والله شفت
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: خالد علي محجوب المنسي)
|
خلود يا فرده
Quote: أسوي شنو يا خلودة الخواجية بقت تقرأ العربي وتستهجى زي الترتيب
والخواف بربي أحمد
ولا قولك شنو يا خلودة ؟؟ |
اها فرده دي اعلها كمان عرفتها
كان ما عرفتها لي هسه قولي تصبر شوية
نثقفها ليك جنس ثقافة عبر جامعة
سلمى سودانيز اون لاين
عشان تربي أحمد الله يخليه ليك يا رب
وكمان الباقين يربوا عيالهم
( الوقاية خير من العلاج )
| Quote: تحياتي يا خلودة ووين طولتي كدي أغتربتي ولا شنو |
تحياتي يا غالي واشواقي الكثيرة
فعلاً أنا في غربة وكمان الايام دي
خاتاها في غربال وربك يهون ،،
أمنياتي ،،
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
مساء الخير يا سلمىQuote: عندنا فئتين لحد الآن...وأساسي خلى الكافتيريا بقى في شي تاني....
إنت قاصد منو بالضبط... |
أحكي لك حاجة
عندي - كغالبية السودانيين - مشكلة الكلام السريع
وانا زايد شوية في السرعة
فدايما بحتاج اعيد الكلام مرتين تلاتة عشان اتفهم
الظاهر بقيت اكتب بسرعة كمان
انا قاصد بـ المستهلكين المفترضين لكافتريا البكايات
لكن شكلو ابوبكر قارش الشوتة دي كلها
وانعام ما ظنيتها تلقى ليها يد يدين معاه إلا إذا اعادت النظر في التحالفات
لاسيما اذا استعانت بذوي (النظرة الثاقبة) الذين يتناولون الشاي (بهدووووووووووء)
تمام كدة
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
| Quote: سأتقدم لنيل العطاء و على ثقة تامة في نجاحي |
it is a lefetime single sourced contract وعليه لا عطاء ولا بطيخ ..؟؟ان مجموعة "بتاعتنا" هي من اجل رخاء كل المنتسين والمنتسبات الي هذه الجامعة وهي تناضل من اجلهم ضد من تسول نفسها/ه بالتفكيير في تعكيير مشروباتهم الباردة والساخنة وسندوتشاتهم ...تسقط كل محاولات النيل من "بتاعتنا" ( اشمعني "بابا قربة" ياخد توريد الباصات كلها وما واحد يعترض ولا يقول عطاءات )
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: خالد علي محجوب المنسي)
|
الأخ الفاضل خالد محجوب....
Quote: حمامة السلاااام
أسمعي كلامي والباقي أدي البحر
الكافتريا دي أوعي تديها لي زول من أعضاء المنبر
لازم العطاء يعطي الأولوية للقراء مثلاً
وهي حقاً لهم وكذلك مطعم الطلبة ( المينزا )
والله اي زول من أعضاء المنبر العام يأخذها بفلس ويدخلك في مشاكل
وين يربح مع ناس تراجي بعين حمرا يشربو ويزغو
|
وأنا أقول انت بتقول لي حمامة السلااام ليه؟؟؟؟؟؟؟؟؟؟؟؟؟؟؟؟
يا دوووووووووووب فهمت....لكن برضز ما بقع!!!
على العموم الموضوع داير تفكير براحة....
ولازم يكون في نقاش بتروي ودبلوماسية..!!!
ولا كيييييف....رأيك شنو؟؟؟
.....
| |
|
|
|
|
|
|
|
|
 Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
سلوم الخاتيه اللوم كيفك
مشتاقين ...
غايتو اسرع جامعة تم انشائها فى التاريخ ...
تارى الناس دى كلها ممكونه وصابرة والكليات نازله هبطرش وشايفه كمان جابت ليها دراسات عليا وكدة ..
عن نفسى ماعايز كليتى تبقى مجهجه وكده بكرة تجونى و تقولو لى ماعارفين شنو وماعارفين منو علشان
كده متاخرة فى تقديم التفاصيل حتى لا ادع مكان للصدف هنا شوفتى كبف اللغه العربيه المتقنه ، بركات الجامعه ...
تسلمى يارب ....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: ماجدة عوض خوجلى)
|
ماجدة خوجلي يا عسل
ذكرتيني بسلوم الخاتية اللوم دي عواطف إدريس....مجبتي لها ...
Quote: غايتو اسرع جامعة تم انشائها فى التاريخ ...
تارى الناس دى كلها ممكونه وصابرة والكليات نازله هبطرش وشايفه كمان جابت ليها دراسات عليا وكدة ..
عن نفسى ماعايز كليتى تبقى مجهجه وكده بكرة تجونى و تقولو لى ماعارفين شنو وماعارفين منو علشان
كده متاخرة فى تقديم التفاصيل حتى لا ادع مكان للصدف هنا شوفتى كبف اللغه العربيه المتقنه ، بركات الجامعه ...
تسلمى يارب .... |
سرعة إنشاء الجامعة دي من بركات الشيوخ والحجّاج.....
شفت الناس ممكونة كيف الحمدلله فتحنا الجامعة الحمدلله..
بالعكس تقدمي التفاصيل عشان لو في زول داير يلتحق بيها وينضم ليك يقدم طوالي.....
لغة تمااااااااااام....!!
أهم شي مبروك عليكي وعلى البورداب كلهم....إضافة الماسنجر الداخلي في الجامعة....
قريت التفاصيل...
...
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
يا بوردااااااااااااااااااااااب
حنكرر المفاجأة دي تاني هنا لأنها ماسااااااااااهلة....
والمفاجأة الكبرى..........................
وبناءاً على طلب الكثيرين ....بالجد كتيرين....!!!
وبعد معاناة زمنية ظويلة.....ولا أدري كيف كان شعور كل شخص كان يتمتع بهذه النعمة....والتي ما بين طرفة عين وانتباهتها سلبت منه....نعيدها الى الحياة .نعم..من أجلكم أيها البورداب....
الا وهي ....
الا وهي...
هذا الإختراع العجيب الذي افتقده أعضاء المنبر....ولأن ما يهمنا هو إسعادكم...نبشركم ان الإنترنت يعمل بسرعة كبيرة....والماسنجر الداخلي شغال....لأسباب كتيرة منها....
الصورة أدناه توضح....
بس خايفين من شي واحد يحميكم القراية....
الصورة أدناه توضح....
تنويـــــــــــــــــــــــــــــــه
وفي حالة الإجماع على إستخدام الماسنجر بصورة فوق العادة... ولأسباب أخرى جانبية........مما يؤثر على السيرفر.....فسيتم إغلاق الماسنجر لأجل غير مسمى.....
الا هل بلغت فاللهم أشهد !!
براكم شايفين الحاصل في الماسنجر الداخلي هنا في المنبر....
يعني أمامكم عبرة....
بالتوفيق.....
وألف مبروووووووووووووووووووووووووووك
...............
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
سلمى ... تحية ...
أنا زول رسمى وبحب الهدوء والقراية
أقدم طلب أمين المكتبة ، لسببين
أولهما لاأملك مكتبة فى المنبر ( يعنى حأعمل عمايل )
مكتبه من نوع آخر وبإسلوب ما حصلش ...حديث ومبتكر
يعنى نجيب لك الكتاب فى البيت ونقراه ليك كمان
مع توفير المكيفات من شيشة وغيره ..
وثانيا تشجيع بائعى الفراشة ( كتب الأرض ) لأن كتب الواطة
فيها الممنوع من النشر يعنى ضد الضد وكتب الشمارات الممنوعة
أها كدى أنظروا لى فى الطلب ده .. وهسع أنا فارش من أمس كتبى ومنتظر
على باب الجامعة ... سـلملم .. وأرقدو عافية كو ..
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: Zomrawi Alweli)
|
الأخ الفاضل Zomrawi Alweli
الحمدلله محاولة الرد هنا على المداخلة نجحت....
| Quote: خلو لي كلية حلالي المشاكل |
هذا الإقدام على تولى مسؤولية كلية حلالي المشاكل....يشف عن شجاعة وقوة تحمل ولين وصبر بوردابية أتت بالتأكيد من خبرة سنين طويلة في هذا المنبر ...
نحييييك بحق على هذه الشجاعة.....لأنو ولا شخص تقدم بهذا الطلب من قبل ...
| Quote: وبختارك يا صاحبة البوست يا راقية تكوني مسجلة الناس العندها مشاكل |
هي يا استاذ زمراوي مدام الكلية فيها مشاكل من البداية مش أحسن نبعد....
دي كلية عاوزة ليها ناس تتحمل الصدمات والصدامات.....
وعليك ترشح من تراه مناسباً( غيرنا ) لوظيفة مسجل هذه الكلية وممكن نعرض الموضوع على البورداب !!
.....
نرجع ونقول ....مبروك توليك المهمة....على العموم أحسن من كلية الشكل والمشاكل
وكان الله في عوووووووووونك....
....
| |
|
|
|
|
|
|
|
|
 Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
سلوم يا الخاتية اللوم !!!
معقول يفوتني بوست حلو زي دة ؟؟مستحيل !!! أنا كنت وين ؟؟ أنا منو ؟ أنا شنو ؟؟
عموما يا سليمى أنأ عايزة كلية راسين في الحلال بتصدقي سبقتيني عليها وكأنك بتقري أفكاري المهم
شرط الدخول للكلية إمتحان الكشف عن الكذب ,,, الإقرار بعدم وجود أكثر من جكس أو جكسوية ,, كتابة
تعهد بالسير في العجين قبل وبعد الزواج ,,, عدم استخدام أي نوع من الأودات الحادة خاصة الشواكيش
وفتكم بعافية ...
خارج النص : بالله يا سلمى لما تكتبي موضوعات زي دي كلميني بالتلفون !!
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: عواطف ادريس اسماعيل)
|
عطوفة.....
جيتي ومعاك جاني الصباح عْم الشروق حزن الحروف
يا طيبه زي دفقة طمي بالخير غشت جدب الجروف
| Quote: معقول يفوتني بوست حلو زي دة ؟؟مستحيل !!! أنا كنت وين ؟؟ أنا منو ؟ أنا شنو ؟؟ |
إنت الصباح الضاحك
إنت المياه العذبة
إنت النسيم الصافي
| Quote: أنأ عايزة كلية راسين في الحلال |
يعني انضميت لي منى خوجلي ....والله دي حتكون كلية ما حصلت....
Quote: شرط الدخول للكلية إمتحان الكشف عن الكذب ,,,
الإقرار بعدم وجود أكثر من جكس أو جكسوية ,,
كتابة تعهد بالسير في العجين قبل وبعد الزواج ,,,
عدم استخدام أي نوع من الأودات الحادة خاصة الشواكيش |
كده وضحت تمام تفاصيل الكلية لكن صدقيني دي شروط مع سبق الإصرار والترصد يعني ما في زول حيعرس في كليتك دي يا عطوفة.....
يا هو العرسان قالوا مع السلامةوالبنات (...)
نرجو إعادة النظر في هذه الشروط من أجل المصلحة العامة....واسمك عطوفة يعني العطف واجب على أخوانّا الجماعة.....لحين إقرار آخر بعد شربكتهم في العرس...
نرجو كذلك الإجتماع من منى خوجلي لتحديد ما فيه الخير للجميع....
كل الود عطوفة.....
ــــــــــــــــــــــــــ
منى خوجلي.....برضو الإجتماعات لاحقاك....ما في فايدة..
....................
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: ابوبكر يوسف إبراهيم)
|
د. أبوبكر يوسف ابراهيم...
طمأنّا على صحتك أولاً....عساك بألف خير....
Quote: أثني هذا الإقتراح بشدة وأقترح على سبيل الإجتهاد وليس إنتقاصاً من قدر أي عضو والجميع فراقد وجهابذة
بكري ابوبكر : عميد الطلاب والقبول..ابوجهينة نائباً له
نور الهادي : عميد كلية الفنون التشكيلية .. وسلمى صبحي : نائبة للعميد.
منصور مفتاح : مدير قسم بحوث تاريخ الوطن بمركز الدراسات الإستراتيجية.
عبدالله الشقليني : رئيس قسم الفلسفة والتصوف الحق.
سمية الحسن طلحة: عميدة كليةأدب التراث .
د. محمد حسن : مدير المركز الثقافي للجامعة.
ماجدة عوض خوجلي: متحدثة رسمية بإسم الجامعة.
ابوبكر سيدأحمد : عميد كلية الحضارات السودانيةو الدراسات النوبية
أُبي البشرى : عميد كلية التربية.
عواطف إدريس : رئيسة كلية الصحافة.
الطيب شيقوق : رئيس قسم علم الأخلاق.
ول قور : عميد كلية المسرح.
|
ونثني على إقتراحك....لكن الفنون التشكيلية دي ما عندها ناساها يا استاذ أبوبكر...بكرة يجوا يقولوا لي ...الخط الفلاني والحرف والعمق والبعد الثاني ....ما بقدر عليهم...
كدي شوف لي وظيفة تانية...
أما القسم الإخترته لأستاذ الطيب شيقوق....ولا أقول ليك ما حاعلق خلي الأخ خالد محجوب المنسي هو اليجي ويعلق....فاهمو كويس...
وكمان استاذ الطيب شيقوق لسه ما زار الجامعة دي ... فحنخليه يفكر...
وأما باقي الترشيحات فلا نعفيك منها بما إنك عضو في هذا المنبر فلك حق التصويت....
منتظريييين..
دوماً لك كل التقدير
متّعك الله بالصحة والعافية
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
اعلان مدفوع الاجر ( اسالو سلمي بتودي الفلوس وين؟؟):
تعلن مجموعة" بتاعتنا" عن تخفيضات هائلة في اسعار السندوتشات البيرجر (سمك - للحفاظ علي صحتكم جميعا ضد حمي الوادي المتصدع وانفلونزا الطيور) والكابتشينو المدنكل وجوائز عينية كثيرة : شرائح "بتاعتنا" -كوسة محشي سمك برضو -مررو في اكياس "بتاعتنا"
لمنتسبي كل كلية جديدة تضاف الي الكليات الهبطرش الفوق دي (كترو الكليات تستفيدو من التسهيلات )....( تسهيلات خاصة لكل جد وحبوبة من منتسبي الكليات )
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: خالد علي محجوب المنسي)
|
| Quote: أما القسم الإخترته لأستاذ الطيب شيقوق....ولا أقول ليك ما حاعلق خلي الأخ خالد محجوب المنسي هو اليجي ويعلق....فاهمو كويس... |
أنا هين وماعندي شك في قدراته
لكن هذا قفز بالزانا وتحطيم كل الأرقام القياسية
من سواق بص البنات لي رئيس قسم علم الأخلاق
ماعندنا شك في خلقو عقيد الدندر بس من دريكسون لي ......
إنشاء ربي يخفي هذه المداخلة من الباشمهندس أبوبكر
وإن بقى عينتو
العشر بقوم لي شوك
وألبل قرونا تقوم
هسي بجي ناطي صاقعة النجم البحمي الشهادة والنضم
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: خالد علي محجوب المنسي)
|
الرطاني
Quote: تعلن مجموعة" بتاعتنا" عن تخفيضات هائلة في اسعار السندوتشات البيرجر (سمك - للحفاظ علي صحتكم جميعا ضد حمي الوادي المتصدع وانفلونزا الطيور) والكابتشينو المدنكل وجوائز عينية كثيرة : شرائح "بتاعتنا" -كوسة محشي سمك برضو -مررو في اكياس "بتاعتنا"
لمنتسبي كل كلية جديدة تضاف الي الكليات الهبطرش الفوق دي (كترو الكليات تستفيدو من التسهيلات )....( تسهيلات خاصة لكل جد وحبوبة من منتسبي الكليات ) |
الحاجات الفيها اكل ومطابخ وهيييييييييييييع بتعرفها بالحيل اصلك وارثها وانا زمان قلت ليك اكان ما التعليم المجاني اكان هسع ايدك طااااااااااااااااااااااااااعمة ضيعناك بالمجاني وجعنا وراك .
الاخ الكريمة والاستاذة المحترمة سلمى حسن عباس صبحي :
دعونى اولا ان اعبر لكم عن خالص امتناني لتكليفي بالمنصب الجديد غير انني مدرك تماما بانني غير مناسب لهذا المنصب لان فاقد الشيئ لا يعطيه ومن ثم فان واجب الامانة يقتضي تقديم استقالتي فورا .
لكم خالص الود
ود شيقوق
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
الأستاذ أبوبكر....
Quote: اعلان مدفوع الاجر
( اسالو سلمي بتودي الفلوس وين؟؟): |
ده شنو يا استاذ أبوبكر؟؟؟؟
وأنا اشيل واشكرك لي إنعام.....خلاص دي فرصتها فيني....
بعدين إعلان مدفوع الأجر دي أنا قايلاها من ضمن promotion >>>>> قلت يا سلام ده تعبان شغال بي عرق جبينو....
هو القصة كدا!!
بعدين القروش حتمشي وين يعني....ما في تأسيس الجامعة دي..ده لو أنا استلمت قروش أصلاً...
وهسي الماسنجر الداخلي والأنترنت العملناها دي من وين؟؟؟؟
والحفلات الحننظمها دي للإحتفال بعمودية المتعينين الجدد من وين؟؟؟
ما ياهو من الميزانية....ده غير اني بدفع كمان من جيبي....
......
راجعة للمداخلة دي تاني بي تأني لأنو عندي إجتماع ضروري الآن بخصوص هذا الموضوع.....
..........
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
غايتو يا سلمى إجتهدتي في المشروع الحلم دا
لحدي ما بقيتيهو حقيقة واقعية
تعرفي الفضل شنو؟
الفضل إنو نعمل ليكي تمثال مِن حجر الغرانيت الفاخر وإنتي
لابسة روب البروفسيرات وشايلة الشهادة التقديرية في يدك.
وطبعاً التمثال دا ح يكون منصوب مباشرة مُقابل البوابة الرئسية
للجامعة مِن الداخل .. عشان الداخل والخارج مِن طلبة الجامعة
والمُرتادين عليها مِن مُواطني مدينة سودانيز اونلاين يلهج لسانو
ليكي بالشُكر والثناء علي فضلك العظيم دا.
تسلمي يا إنسانة يا راقية
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: إيمان أحمد)
|
إيمان اذيك...
Quote: أنا غايتو كليات وشهادات دي مابقدر عليها، لكين كان ناس الكافيتيريا بقبلوني
بلقط ليهم الكبابي. |
شفت الوظيفة الكتبتيها دي استاذ أبوبكر ما حيخليها ليك...شركته دي بتحتكر كل شي...أديك مثال بسيط....قلنا عاوزين منظمي حفلات ومناسبات ...قال : أنا....إحنا طبعاً قصدنا الفنّانين مش الوجبات...
يعني ما بيدي طريقة لي زول....أنا بقيت أحس انو استاذ أبوبكر ده مسنود من جهة وعندو واسطة....
| Quote: هو العطاء رسى على منو؟ |
المفروض يرسى بعد ده لانو استاذ أبوبكر عمل نفسيات لي إنعام عبد الحفيظ....
الزولة دي طموحة لكن الزمن صعب
أنا متأكده طموحها ده حيوصلها لي أهدافها السامية...
| Quote: وبعدين مابعرف أقرا ولا أكتب، ممكن تتوسطوا لي معاهم؟ |
دي أصلو ما كان تكتبيها....هسي يقراها استاذ أبوبكر...يلقى سبب في عدم إنضمامك للمجموعة!!
مودتي إيمان...
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: أنا غايتو كليات وشهادات دي مابقدر عليها، لكين كان ناس الكافيتيريا بقبلوني
بلقط ليهم الكبابي. |
أهلين إيمان
خلاص تم تعيينك في إصطاف الكافتريا
براتب كبير جداً في وظيفة ملقط كبابي
Quote: Quote: هو العطاء رسى على منو؟
المفروض يرسى بعد ده لانو استاذ أبوبكر عمل نفسيات لي إنعام عبد الحفيظ |
وتيب !!!!!!!!!!!!
اننا مش بقول ليك شكلك كدا إتفقتي مع ابو بكر
سلمى صبحي أعملي حسابك شوية كدا وأجيب ليك أساسي (بتاع الأمن)
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: wd al geran)
|
wd al geran
Quote: وطبعاً التمثال دا ح يكون منصوب مباشرة مُقابل البوابة الرئسية
للجامعة مِن الداخل .. عشان الداخل والخارج مِن طلبة الجامعة
والمُرتادين عليها مِن مُواطني مدينة سودانيز اونلاين........
..... |
قصدك تقول لو حصل أي شي في الجامعة ما عجب الطلبة يقوموا علي بعدين ويكسروا التمثال....وكمان خليته منصوب مباشرة مُقابل البوابة الرئسية للجامعة يا حول الله ...و مِن الداخل يا ود الجيران.... يا لطيف يعني حيتكسر حيتكسر.. وما حينجدني الا حجر الغرانيت الفاخر ...بس...
الطلبة ديل ما ليهم أمان....
تقديري ود الجيران
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: انعام عبد الحفيظ)
|
انعام عبد الحفيظ
ما تحتاري كده!!
الله بيفرجها....
يازولة قلت ليك استاذ أبوبكر ده شغال معاك بالحرب النفسية....صدقيني!
بس إنت كمان في شي مهم ناسياه....وهو جذب الزبائن... يعني استاذ أبوبكر كل يوم يطلع لستة مأكولات شي بيرجر وشي سمك...الخ وكل يوم بيجدد فيها....
إنت لازم تقدمي عرض أحسن وبي لستة مأكولات تخلي الناس يجوك جري ...ما تنسي الشطة والليمون....هو دي فاتت عليه...خليك إنت حريفة...
ودي
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: أنا غايتو كليات وشهادات دي مابقدر عليها، لكين كان ناس الكافيتيريا بقبلوني
بلقط ليهم الكبابي.
هو العطاء رسى على منو؟ وبعدين مابعرف أقرا ولا أكتب، ممكن تتوسطوا لي معاهم؟
سلامي ومحبتي |
انتي يابتي شن علمك الكتابة اها القراية ذااااتها ما بتعرفيها ؟؟ يعني تقولي عطاء ورسي علي منو ومجموعة "بتاعتنا" تدفع فلوس كتيرة لسلمي حق الاعلانات المدفوعة الاجر؟؟..اها حننظر في امر تعيينك في المجموعة .. بس المشكلة انتي كيفن حتعرفي الانا كتبتو هنا وانتي عايزة استيكة كبيرة بشان تحمي الامية ؟؟؟
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
استاذ أبوبكر...
| Quote: ومجموعة "بتاعتنا" تدفع فلوس كتيرة لسلمي حق الاعلانات المدفوعة الاجر؟؟. |
أوكي ...مدام الموضوع بقى فيه إشهار علني وإشاعات... فلنعلن دي إحنا كمان...
الشيك المرسل من قبلكم من غير رصيد......وعليه صورة الكافتيرا ستهتز أمام الزبائن...!!
( ده برضو إعلان مدفوع الأجر بس من جهة تانية)...
يمكنكم إدراك ومعالجة الموضوع وذلك بالدفع نقداً (كااااااااش) وبأسرع وقت + عمولة نفي الإشاعات !!
ملحوظة :
(إسم الشركة ده غريب جداً ) ما عارفة على أي أساس تم إختياره...
....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
| Quote: يمكنكم إدراك ومعالجة الموضوع وذلك بالدفع نقداً (كااااااااش) وبأسرع وقت + عمولة نفي الإشاعات !! |
بالدينار الانقاذي وكتييير كمان زي ما عايزة ...
Quote: ملحوظة :
(إسم الشركة ده غريب جداً ) ما عارفة على أي أساس تم إختياره... |
عجيبة .. مش علي كيف اصحاب المجوعة ..اها "كل واشرب" دي ( عندكم في الشارقة عندها فروع ) شاوروكم فيها ؟؟ ما اها الناس بس بتاكل وتشرب ساااي ..
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: أنا غايتو كليات وشهادات دي مابقدر عليها، لكين كان ناس الكافيتيريا بقبلوني
بلقط ليهم الكبابي.
هو العطاء رسى على منو؟ وبعدين مابعرف أقرا ولا أكتب، ممكن تتوسطوا لي معاهم؟
سلامي ومحبتي |
انتي يابتي شن علمك الكتابة اها القراية ذااااتها ما بتعرفيها ؟؟ يعني تقولي عطاء ورسي علي منو ومجموعة "بتاعتنا" تدفع فلوس كتيرة لسلمي حق الاعلانات المدفوعة الاجر؟؟..اها حننظر في امر تعيينك في المجموعة .. بس المشكلة انتي كيفن حتعرفي الانا كتبتو هنا وانتي عايزة استيكة كبيرة بشان تحمي الامية ؟؟؟
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
ازيكم يا ناس الجامعه ,,
انا غايبه من الجامعه دي مما سجلت , ما جيت تاني ,,
يعني بلغة الجامعه (داكه) !!
اها ,
لا في زول قال لي القرايه فاتتك ,
لا في زول قال لي غيابك كتير !!
عشان كده انا ناويه اكمل معاكم في الجامعه دي !!
انا زاتي جيت هسا عشان اشوف البوتيك الجمب السور ده
فيهو شنو , واشرب لي كباية شاي مظبوووووطه ,
واضرب لي واحد ساندويتش بيرجر من محل التخفيضات داك ,
واعرف الشمارات الفاتتني اليومين الفاتو , واجي تاني بعد
تلاته اربعه يوم كده !!
وهسا شفت لي واحده من صاحباتي الضهب الكنت بضهب معاهم زمان
في الجامعات المجاوره , اخليها تعزمني حاجه باااااارده خالص ,
وبجيكم تاني يوم من الايام !!!!
| |
|
|
|
|
|
|
| |
Safia Mohamed
د.محمد حسن
salma subhi
خالد علي محجوب المنسي
abubakr
انعام عبد الحفيظ
الطيب عبدالرازق النقر
wd al geran
خالدة البدوي
محمد البشرى الخضر
mamkouna
ماجدة عوض خوجلى
محمد مختار جعفر
Zomrawi Alweli
عواطف ادريس اسماعيل
انعام حيمورة
الطيب شيقوق
إيمان أحمد
فيس بوك
تويتر
انستقرام
يوتيوب
بنتيريست