يا بكري ..... شاذلي بتاع أسيوط

Quote: لمن نحكي عن تجربتنا بمصر لابد ان نقول انو التميز جا نتيجه لظروف منها انو الارث التاريخي للطلاب السودانيين بمصر منذ رواق السناريه وناس عبد الخالق وعمو تيجاني مرورا بصلاح بشرى وحتى مانجي في الثمانينات لأبوجبر وأمال عباس لحدي ناس امل الخاتم وبهاء شوفوا بالله دي كم سنه أنا متأكد انو أمل دي لمن كانوا ناس عبد الخالق بمصر أمها ما كانت مولوده. وزي ماقال طراوه انو ناس السر كانوا ساكنيين في الشقه الكان ساكن فيها عبدالخالق ويمكن يكونوا ورثوا الارشيف بتاعهم مؤكد ماكان حق الحزب ولا ج د لكن بالمناسبه دي مره شغاليين تنقيح في الأرشيف لقينا مطبوعات انتخابيه فيها اسماء كتيره منهم الجيلاني الواثق عشان كدا المداخله بتاعت ص ع ص مهمه جدا لانوا وكما قال انوا كان عنده جدول مذاكره في الارشيف منتظم ................دي واحده ..الطلاب السودانيين بمصر كانوا اكبر تجمع طلابي داخل وخارج البلاد >في الثمانينات كانوا حوالي 15 الف<دى غير الجايين خارج التنسيق ...دي التانيه ..مصر كانت بها حركه ثقافيه واسعه وحركه يساريه متعدده ..معارض كتاب ..كتابات لناس محترمه ..مدبولي..وزي كم حزب شيوعي ويساري ويمكن دي برضك ..زي مابقولوا اهلنا المصريين .دي .من الحاجات الكانت مؤثره ..ونجي لحاجه تانيه انو تنوع التجربه وتميزها جاء من الانتشار الواسع للطلبه السودانيين على طول مصر هبة النيل ..من سوهاج وحتى شارع الجيش باسكندريه شوفوا بالله حته زي سوهاج ممكن تلاقي فيها منشور من الجبهة الديمقراطيه مكتوب فيهو أطلقوا سراح محمد جعفر وعمر ابوراس يلقاه واحد صعيدي يقوم يسأل مين محمد دعفر وابوراس دول ياهريدي وايه دبهه ديمقراطيه ديه ؟ الشسوع دا كانت نتيجتوا وجود فروع ووحدات عديده ل ج د ولأ بو الحاء ...قوم أتخيل معاي فرع ل ج د في اسيوط في الثمانينات وماقبلها واسيوط الفيها مكفيها يجوا ولاد وبنات جايين من الشيخ طلحه ولا أم سنط يعملوا ليهم غا غا بالبريزه زادوها ولا لا ويطلعوا بيان في انو في واحد طالب في مدني السني قتلوهو ناس النميري اسموا طه يوسف عبيد نحن مش فاضيين للعب العيال دوت يا أسامه ياكاشف و والولا بتاع زراعه الببعصلي بيده الشمال ..المقصود خالد ابولفته..دا احنا كارلوس بعبصناه ومعلوم حجم الد عم الكانو بيقدموه الكيزان للراجل وهو الرائد مهران والذي اغتيل بواسطة الجماعات بعد ذلك ...........ولا فرع ل ج د في المنصوره قريبه من المركز وبها حر كه ثقافيه وسياسيه نوعا مازي اسيوط ولا شبين مؤكد من تجرنتهم دي يكونوا اول ناس ينتزعوا الاتحاد وتكون عندهم نماذج زي صادق ومحمد جعفر وحللي والولد احيمر الحريص .. ونموذج تا ني زي الزقازيق مدينه محدوده بها عدد كبير من الطلبه والزملاء ومن الناس العندهم حضور وذكاء ساعدتهم عمليات التجديد والتجارب والخبرات المتعاقبه عبر الاجيال من ناس علي فضل لحدي ناس الزيناتي.........وطبعا القاهره بشسوعها وتعدد مراكزها التعليميه لها خصوصيتها وسنأتي لهذا مستقبلا عندما يواصل كمال قسم الله والأخرييين........تنوع المنابع والمشارب الاتى منها هولاء الزملاء ناس تلقاهم جايين من دايرة عبد الخالق الجغرافيه زي طراوه وياسر الطويل ومنقا ..وناس جايين من الهامش زي ناس المرحوم ابوراس..جبال النوبه ..ومن ارض الحجر زي بهاء وجريس واخريين اتوا من كل فج عميق الابوه ختمي ولا انصاري ..جبهة ميثاق ولا جبهه معاديه للاستعمار ديل جو اسيوط ولا طنطا ولا اي حته في مصر لقوا نفسهم مع بعض ياكلوا سوى ويجوعوا سوى يلبسوا هدوم بعض وينتظروا تحويل اي واحد فيهم مع بعض ويذاكروا ويشرحوا لبعض ويثقفوا بعض ويقدوا مع بعض وفي القده زي المابعرفوا بعض من الجديه والضبط والحزم بالله عليك دي ماحاجه مميزه..........................................................وسنعود..................شاذلي