|
|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أيمن الطيب)
|
الأخوة والأخوات
شنو الحكاية ما خليتكم وكت مرق أتناول لي ربع رطل شاي من الكنتين
حلوين ومتلمين فوق الياشمهندس يحكي ليكم عن الكندكات .. أجي ألقاكم
عُفاركم لاوي في السما
الحبيب أيمن الطيب
تسلم يا رائع على كل كلمة جميلة طيبة قلتها وهذا عهدنا بك
ودالطيب مابقول ألا طيب .. طبت وطابت بك إنجمامتنا يا طيب
تحياتي ومودتي
قمر سبعتين ( سماح )
كيفك يا سماح وكيف أخبار المعذب شكوكو ؟؟
سماح طولنا ما سمعنا صوتك
سويها خمسة مرات أتصال ما كفاية علينا
تحياتي ومودتي
غيب وتعال تلقينا قاعدين في الإنجمامة تحت الشديرات
يا تيسير المبارك .. بارك الله فيك يا ميمونة .. زياراتك
ورغم أنها متباعدة لكنها تسعدنا ويطربنا حضورك بيننا
تحياتي ومودتي
ود شيقوق
سلام الخبتي كتر عليك لكن أنت البتجيبو لي نفسك زي الكديسا
تخربش حتى نفسك إن وقفت أمام المرآة
يا ودشيقوق كُر من حالك كُر
تفلق وتجادع بي كيمان جمر
تحياتي ومودتي مع أنه لا أمان لك ولا مودة منك
الحبيب الباشمهندس
وين أنتَ اليوم فراغ مكانك واضح وليك وحشا
تعرف كلامي دا طبعا سيغلي في رأس ( حديد مشحود )
ولا تنازل عن تحالفنا مهما كان
تحياتي ومودتي
الغائب الموجود قمر بوبا وعليك تقيل
نشوفك وغائب عنا ما تجي تنجم يا رائع
اليومين ديل بقينا نرش الرمل تحت الشديرات
تعال جِم عضيماتك يا أخوي
تحياتي ومودتي
الحبابيب تيمان برقو
العم كمال عطا وفيسل هليل
تحياتي ارتنو مع بعض وتعالوا لينا وزي ماقالوا
الشدر الكُبار فوقو الصمغ
تحياتي لكما ومودتي
| |
 
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
الى عزيزنا ..شيقا ..ودشيقوق...الشقى بواسطة عزيزنا فيصوحى...سلامات
واللة ياخوى ماراقدين فرااااجة لكن منتظرين اعادة التصويت لانو سموحى قالت حتعيد التصويت
على الزول الجديد الحتكلمــو وبصراحة كدة انا باصيت تلفونى لابونا الذى علمنا السحر وحادخل الانتخابات
لانو الاخبار الجات من البلد قالوا السنة دى الفول والبصل نجح معاهم شديد يعنى الدعم اللوجستى موجود
وبعدين انا شايف الجماعة ديل شغالين بشتتو فى افكارك ...فتحو ليك بوست عن الانتخابات عشان بكرة يدخلوا ليك
الجماعةاياهم ويفلفلو فيك انتة مع المرجعية ولا وفد المقدمة والمصيبة اذا اتلحك اخونا العندو (اسهال اسفيرى) و
حيخلى ليك البوست تقيل تقلة ...تانى قمر بوبة علا يأجر ليهو عتالة عشان يرفعوة ليهو وسوء الخاتمة يقومو الرطانة يصلطو عليك ولدهم فتحى خليل يشطبك من سلك المحاماة يقوم
السلك عندك يضرب تقوم تانى ترجع تفرش ساعات وطلح فى شارع الجمهورية..لووووووووووول
عمك.....كموحـــــــى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
يا حبيبي قُوماك ننفرد
على مقرن النيل الظريف
الروض بسم والطير طَرِب
والطقس لا حر لا برد
والشمس إتبانت شِروق
هِنا ياالحبيب نجلس نروق
وسط الزهور العاملة رُوق
وبعدين نقوم للنيل نرد
ننادي الروض يا جميل
أنا نادو لي تومي
أنا ناري نار
نور الصباح بدا وإنتشر
ومن المنام صِحت البشر
أمّا السواقي بدت تسوق
والقمري غنّا بكل ذوق
أجمل صباح زاد قلبي شوق
أنتَ الحياة وأنا ليك عشوق
بيك طاب زماني البي كشر
وريني ليه ناوي الرحيل
شوف توتي يا المحبوب
بدت كالطفلة لآهيّا
ضمّاها ذاك النيل الشفوق
والطير عمل في نخيلا سوق
تبسم نشوف دنيا وخلوق
والشمس طلّت شوفا فوق
وفسحتنا ياسيدي إنقضت
لازم نعود
عند الآصيل لازم نعود
| |
|
|
|
|
|
|
| |
أيمن الطيب
خالد علي محجوب المنسي
فيصل محمد خليل
الطيب شيقوق
فيس بوك
تويتر
انستقرام
يوتيوب
بنتيريست