|
Re: يــــــا دنيـــــــا (Re: معاوية كرفس)
|
تعرف يا صديق زول برااااهو في هذا الليل لا يحركه إلا سؤال كمثل سؤالك. فقط حرف نداء ومنادى، والغرض -حتماً ليس النداء- أعرف يا صديقي لكنها أحوال أخر، وعوالم أخر. وانا الآن وحدي أنادي: ياااا دنيا!!
معاوية.. قديماً -ليس قديماً جداً- قال رشيد الضعيف: (كيف يترك الليل وحيداً في الليل.. الكون غافل عن هذا الخطر الداهم...) ، هل تأملت يامعاوية في كيف يكون الليل - بالفعل- قاسياً وخطراً حين يكون وحيداً ؟ وأنت الآن يا صديقي حتماً وحيد، وإن كنت في زفة عريس، فالوحدة ليست في كون لا أحد معك. وأنك في ليل تُرك غفلة وحيداًً .. والدنيا أعجب من أن نناديها بهذا الاستغراب. وتصاريفها مريعة حد الضحك.. ونقول حين الموت: اييييييييييييييييه، دنيا.. ونقول عند انقلاب الحال: دنيا.. ونقول عند الضجر وعند الحزن وعند حراق الروح، يا دنيا.. ، وتظل هي "الدنيا"، ولا أعرف ما هو الأعلى، فهذه الدنيا -التي هي مقابل الحياة- وهي على علاتها أعلى وأغلى وأجمل ما وُهب لنا. ، وفيها ما فيها.. ، دم بخير يا صاحبي، وبكرة يمكن.. ، محبتي
| |
|
|
|
|
|
|
Re: يــــــا دنيـــــــا (Re: معاوية كرفس)
|
.
و شرفي يا بدري الياس
لو كنت أعلم مسبقاً
أن كتابتي هاهنا سوف تجمعني بك
لجعلت نفسي مثل الكتبة المدّعين الحياري إياهم ....
يا حبيبي مشتاق شديد أنا ..
مشتاق للسودان و النيلين
و مشتاق لشارع السيد عبد الرحمن و القندول
و مشتاق لذلك اليوم في ( 2001 ) الذي أودعتك فيه
حقيبتي و أنا مفارق السودان غداً
وعدت بعد خمس ساعات
و قلت لك أنني وجدت عملاً
و أن أصحاب العمل سوف يبعثوني إلي شركتهم الأم
في جمهورية الشيك .
و مشتاق لدهشتك أن بداية عمل أحد أصدقائك
تبعثه لخارج السودان ..
و لاحقاً .......
مشتاق لي لمتنا في ( الأمارات 2006):
محمد حسبو ، أسامة معاوية ، أمجد عطا ، محمد الوسيلة ،
و الرشيد جادو و عمر فانوس .
و البنات
مشتاق ليكم شديد و الله
.
| |
|
|
|
|
|
|
Re: يــــــا دنيـــــــا (Re: معاوية كرفس)
|
كرفس يا ابن الحلال مالك معاي محل اقبل القاك اخوي هل هذا هو محمد النصري ولا زول تاني المشترك بيننا يا صديقي شرك كبييييييييييير وكبير جدا ما بقدر اوصفوا ليك ... المهم كل سنه وانت طيب وجميل,,, وجروحك كلها بريانه ... بريانه .. يا كرفس والله ما عارف اقول ليك شنو ولا مالي لكن خليها كده بس اظنك فهمتني مع انو انا ما فهمتني احبــــــــــــــك ولبدري الياس الامنيات معتصم
| |
|
|
|
|
|
|
Re: يــــــا دنيـــــــا (Re: معاوية كرفس)
|
.
Quote: كرفس يا ابن الحلال مالك معاي محل اقبل القاك اخوي هل هذا هو محمد النصري ولا زول تاني المشترك بيننا يا صديقي شرك كبييييييييييير وكبير جدا ما بقدر اوصفوا ليك ... المهم كل سنه وانت طيب وجميل,,, وجروحك كلها بريانه ... بريانه .. يا كرفس والله ما عارف اقول ليك شنو ولا مالي لكن خليها كده بس اظنك فهمتني مع انو انا ما فهمتني احبــــــــــــــك ولبدري الياس الامنيات معتصم |
معتصم ود الجمام ،أدروب العزيز
يا جميل أشكرك كتير علي تضامنك
و كل الجميلين الزيك كدا العارفين كل الأخبار ..
و إنت عايزني أقبل وين يا معتصم غير عليكم ؟
و أخت همومي و أرجاكم إنتوا أصحابي تدلوني ؟؟؟؟؟
| |
|
|
|
|
|
|
Re: يــــــا دنيـــــــا (Re: معاوية كرفس)
|
دنيــــــــا بي حظي الزريع بتحمل
القدر المريع
خايف مع الاحزان اضيع
يالله يا ود النصري ...ويالله عليك
وسنتكم جميعا سعيدة من غير اواجع
وشكرا علي الاختيار الفوق للروعة مشي بيغادي
| |
|
|
|
|
|
|
Re: يــــــا دنيـــــــا (Re: sudania2000)
|
انكرب يازول كلها سته شهور وتقول دنيا طيب لمن تقفل السنة تقول شنو ؟؟ عيدك سعيد عامك اسعد اخد ليك لفة في السينمات والمسارح ديل عندهم اجمل مسارح العرائس في العالم لف يازول ياتربادوور مودتي
| |
|
|
|
|
|
|
Re: يــــــا دنيـــــــا (Re: salma subhi)
|
اييييييييييييه ... دنيا !!!
سلامات معاوية
وللجميع
منى خوجلى ...
دى انتى ولا سلمى ولا الحاصل شنو!!!1
اوعى تكونى إتهكرتى...؟؟؟
اليومين دول الباسورد البيروح ما بيرقعش
| |
|
|
|
|
|
|
Re: يــــــا دنيـــــــا (Re: معاوية كرفس)
|
.
الأعزاء الجميلين
سوف أعود لكم لاحقاً .
فقط أريد أن أحيي صديقي
( بدري الياس )
عساه في أحسن حال .
و يا عزيزي و زي ما قلت ليك أنا بحاول و بكافح شان أجيكم هناك و قريب كمان ..
الدنيا دي يابدري أحوالا صعبة خلاص
ما بقدر عليها زول براهو .. ولا رأيك شنو ؟
.
| |
|
|
|
|
|
|
|