|
تربية الحبوبات ....
|
الحبوبة مدرسة خاصة فى التربية .....
هل يختلف الذين تمت تربيتهم بواسطة جداتهم (حبوباتهم ) عن أولئك الذين تمت تربيتهم بواسطة أبويهم .... ؟؟؟
الحبوبة تحب أبن ولدها أكثر من الآخرين ؟؟؟؟؟ اى إبنة ولدها وإبن وبنت بنتها .... أم تحب بنت بنتها ؟؟؟
أم تساوى بينهم فى حنانها تجاههم ... الحبوبة تعطى عصارة حنانها وتجربتها لمن تربية من أبناء بنيها .....
|
|
|
|
|
|
|
|
Re: تربية الحبوبات .... (Re: الرشيد البصيلى)
|
انت ماسمعته بالمثل البقول:- احلى من الولد ولد الولد ؟ ؟ ؟ بس حبوبات الزمن ده عايزين ليهم تربية حبوبات ؟ ؟ ؟ ناس السوق الزمان نمن يجوا يشكرو ليك حاجة بقولوا الحاجة دى فاتورة وفاتورة الحبوبات فى نظرى هى الشلوخ والمفحضة يالذيد
| |
|
|
|
|
|
|
Re: تربية الحبوبات .... (Re: علوبه)
|
والله انا تربية حبوبات ....وبعدين حبوبتى كانت عندها لى وجبة خاصة ....مع الصباح ......بتجيب لى لبن ، وبتقوم طبعا بتسخينه ليلا ترمى عليهو حبة حلبة ومن 12-13 بلحة ( من البركاوى المكرب ) وأقوم انا (ألهط الفلم ) وحوالى الساعة العاشرة ...تجيب لى شرموط الصيد المسحون مسحسح على خفيف بالسمن ...وتكرر هذه الوقفات الغذائية المميزة ( يعنى مشروع تسمين ) وإستمر هذا الحال طيلة فترة الإبتدائى والمتوسطة وبعدين الحكاية ليها سلبياتها أولا بتخلى أصابعك قلاد ما زى أصابع الأولاد البتعلب معاهم ... وكل الناس بتجى بشتكى منك..... لأنو المشاكل بتكتر...... بعدين بتلاحظ إنو أولاد وبنات عماتك ما مخلى ليهم فرقة فى بيت الحبوبة وياهو الحال يا الخالة دوما و يا علوبة
| |
|
|
|
|
|
|
Re: تربية الحبوبات .... (Re: الرشيد البصيلى)
|
دى ترباية حبوبتا الصفار شابك خدرتا معذورة امها كان دستها مجننانى انا ود حلتها
وللصدفة كنت وابنتى تربية حبوبات امى الله يرحما ادتنى لامها واديت امى عزوز وقلبى متيقن انها ستحسن تربيتها وهذا ما فعلته
والحبوبة يا سيدى امر احبه وساظل اتوقد دوما بمعزتها هى وجدى عليهما كل الرحمة فلقد ربيانى واحسنا تربيتى
القصة طويلة مع الحبوبة الحبوبات اجمل حاجة فى الدنيا وعندى كاتب كامل عنهن وعن امهاتى لم انشره بعد وبالمناسبة لم يحدث قط ان ناديتها حبوبة ولا عزة فعلت مع امى ناديناهن امى دوما
| |
|
|
|
|
|
|
Re: تربية الحبوبات .... (Re: سلمى الشيخ سلامة)
|
Quote: وللصدفة كنت وابنتى تربية حبوبات امى الله يرحما ادتنى لامها واديت امى عزوز وقلبى متيقن انها ستحسن تربيتها وهذا ما فعلته
|
حفظك الله الأستاذه سلمى الشيخ سلامة .... وأنا برضى تربية حبوبات ... فكانت الحبوبة مطرية بت أُمحمد ود محمود(حبوبتى لأبى) ولا زالت - أطال الله فى عمرها- قارورة الحنان التى نشم عبقها .... لقد إحتضنتنى وربتنى ...... أتذكر تماما لبن الصباح بالحلبا والبلح ..... وشرموط الصيد بالسمن ...والبلح الخاص المدكن فى الشنط .... والمحفضة (الميم مضمومة ) بتاعت القروش لما تفتحا وانت تنطط قداما... أمشى يا ولدى إشترى ليك بسكويت وجيب لى معاك لوح كبريت ..... ألبس نعليك ما تمشى حفيان ... دخل الريال دا فى جيبك وأمسك قوى عشان ما يقع منك ....يا سلاااااااااااااااااام يا سلمى .......إنها الحبوبة ولى عودة
| |
|
|
|
|
|
|
|