هذا تصحيح لمعلوماتك يا ود القريش سنة الفين وتلاتة في لقاء لي مع بورداب الخرطوم كان ان التقيت بالاخت الفاضلة ملكة سبأ والتي عرفتني علي الاخ ابو ساندرا وكانت جلسة بورداب علي الهواء الطلق في حدائق القصراذكر منهم فتحي البحيري ودريم وابو يسرا وكريمات ابو ساندرا وحبيب الكل و مجموعة من البورداب وصديقي ابو الشوش من خارج المجموعة ليلتها علق صديقي ان بركات دا زول ظريف لكن (ختري) وبكاي
12-29-2007, 05:20 PM
معتز القريش معتز القريش
تاريخ التسجيل: 07-07-2006
مجموع المشاركات: 11343
ابو ساندرا منور يا ايها البعل الاسفيري حقوق اسفيريه مافي فقط انضباط خطاب....ومساككه في البوستات شد حيلك.
Quote: هسع نقوم نطالبك بالحقوق بتقومي تجقلبي أو تجغلبي
وبعدين يازول ده زواج كندي يعني قوانين بتسري هنا انت قايلها قوانين قرط المتخلفه اعمل حسابك
تعال ورينا الاقتباس لبكيتك التاريخيه في مرة الرئيس الكوز؟؟؟؟
انا من قبيل كايسه في الاراشيف سلقط ملقط ما عرفتها و البوست اعتقد بتاع ملكة سبأ الكتبتها عن محبة الرسول(ص) بعد حادثة الدب و المعلمه جليان جيبونز.
انكت الفيلم يا كابتن وبعدين نشوف كيفية استعدالك اسفيريا. مطششين بناس رشيده من المنابر وما عارفين انه كتمت النفس دي وراكم وراكم والجندريات اخوات رشيده مفتحات عيونهم زي الريال ابو عشرة و الحساب كمان باثر رجعي.شفته (الكنديات ديل كيف و الاجر على الله؟؟)
12-29-2007, 05:06 PM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
Quote: يعني يا داقسين أساسي الكان رومانسي قال ليكم انا بعرف العزيزة بلقيس ملكة سبأ حق المعرفة والعرفة ومن زمان يعني مافي أي إحتمال للدقسة في شكلها وصورتها
وبعدين نحن عارفين العيون وما لحقها.... ويمكن ملكة سبأ الاصليه ذاتها مبكياك من زمان او بتشبه زولتنا دي..المهم الكلام الاتكتب كان بكيه بت كلب.... حسه جيب الكلام وبطل هروب......
12-29-2007, 05:23 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: أنا غايتو بحكم شغلي في الصور بجيب ليك رابط الصورة بس الصورة دي بجيب الهوا وانا زول أبو عيال وحريمي كتار مين البربيهم لما اروح شمار في مرقة وكان نكر بجيب ليك المداخلة
أحسن تعترف يا ابوساندرا..
طبعا هو قايل دي صورة ملكة سبأ وما عارف انها صورة زوجة (هناي)
سا سمتهبل عارفاك بتخاف من عمك الجعلي هجو الاقرع......
لكن بلقى لي زول ينزل لي الصورة وش........
كدي شوف لينا اغنيه مناسه للبوست ده عن البكايين.
12-29-2007, 05:46 PM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
ويا بريء انت ما عارف انها زوجة عمر البشير حاليا وارملة ابراهيم شمس الدين؟؟؟؟
وهذه هي سيدتنا الاولى..التي امدت التهميش لداخل القصر الجمهوري وخلت اختنا فاطمه خالد من احق من يفترض يلتحقوا بجيوش المهشين ونها صارت اكبر ضحايا الاقصاء و الاستبعاد عن ماركز القرار..... يازول ديل قربوا يخترعوا وزارة آخر للثروة الحيوانيه وشؤن الاسماك يمسكوها لفاطمة خالد ادخل القصر الجمهوري.
يازول ما تشوف الزولة الكاتله حيلها دي دي اخطر امرأة الآن في بلادنا.....
ويا د.مصطفى محمود عليك الله...اخطف رجلك لمنبر السودان الجديد وجيب لينا الصورة الثنيه مع اليارهوات لسيدتنا الاولى وداد...تلقاه في بوست لخالد الطيب اسمه وداد وكان جبنا اللينك بكري بيتجنن. فكدي جيب لينا الصورة بلا لينك يا دكتور مصطفى ينوبك ثواب.
12-29-2007, 06:18 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24986
Quote: وهذه هي سيدتنا الاولى..التي امدت التهميش لداخل القصر الجمهوري وخلت اختنا فاطمه خالد من احق من يفترض يلتحقوا بجيوش المهشين ونها صارت اكبر ضحايا الاقصاء و الاستبعاد عن ماركز القرار..... يازول ديل قربوا يخترعوا وزارة آخر للثروة الحيوانيه وشؤن الاسماك يمسكوها لفاطمة خالد ادخل القصر الجمهوري.
يازول ما تشوف الزولة الكاتله حيلها دي دي اخطر امرأة الآن في بلادنا.....
تراجي
كده حاتخرجي البوست عن موضوعه
ياريت لو تم سحب الصورة ونترك باقي البوست لسلخ ابوساندرا
12-29-2007, 06:24 PM
Mohammed Haroun Mohammed Haroun
تاريخ التسجيل: 12-21-2005
مجموع المشاركات: 4836
سيف جبريل يا لذيذ يا رايق انت اصلا طلقنا النضال وعدنا لوقاعدنا سمالين. يناير على الابواب.....وان شاء الله القوات الدوليه تدخل ونتفرغ للفارغه الزي دي. خلي الراجل العاملين لينا فيها رجال يمشوا يبنوا الاتهدم داك انا شخصيا فترت وقلت الروب.
Quote: يا تراجى... واللهى انت كدة احلى .. زولة... ياخى دة بوست رائع جدآ.... وبعدين يا..ياسيكو عليك الله ما تدخل البوست دة.. الا لو داير تقوق كلام حلو.....
ايو بالله ياسيكو ده امسكوا مني......صورة بروفايله العسل ما مابينها الا طبيظه ...بيرفع ضغطي طوالي.
ان شاء الله حفلتكم تكون تمام نحن حلفتنا ب(ابوساندرا) ومعيدين هنا بس.
12-29-2007, 07:10 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
هسع عليك الله اللمبة المنورة دي بتطفيها أي ظلاميات مهما حلك ظلامها وتطاول في الرتب بطلو الحسادة
اما جزلوت ده فأمره عجب بنتظرو لغاية ماتفك منو وبعدين بسألو بعدين يا نعوم يا فنان كيف فات عليك أن لا تلحظ شبكة الأصابع الزي بلح الشام ونجد أقعد بس باري لي في القرود ديلك وفوت على نفسك الجمال الحارسات الليبيات ذاتهن قهن في الرتينة لغاية ما إنجهرن
12-29-2007, 08:49 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا ابوساندرا ولو (العمي ) حصل يا خال قول لينا عوووك فانا جاهز (للسواقة) وح اقصر العصاية وبرضو جاهز اقول ليك واشاور عندما نصل بالقرب من الاشياء التي يجب ان تضرب وتعمل فيها عميان ( علي طريقة صحبك بتاع مصر داك)
12-29-2007, 09:04 PM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
Quote: Usataza Tragie How are you ? This post almost cracked my head wide, I have not laughed that much in a long time. So, that is Wadad, eh ! Ma sha Allah
تشكر اخي على السؤال انا بخير.
وبركه الضحكته يا اخوي هي الدنيا دي فيها شنو غير الضحك.
وهاهي هي وداد يا اخي بشحمها ولحمها
زولنا عزال مش كده؟؟؟؟
برجع بحكي لك نكته بعد شويه.
12-30-2007, 05:05 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
عزيزى فيصل ....مسكاقنا فرغت قبل قليل من قراية رزمانة الاستاذ كمال الجزولى وبعدها دخلت على البورد فوجدت هذا البورد عن ملاسى وصاحبك ابو ساندرا الذى ابكانى فى بوست الديوم. وبماان الحكاية بقت كشف حال فأرجو ان تنقل هذا الجزء الى هذا البوست و(تعالو شوفو حالة القاضى دة
أمام محكمة بإحدى مدن الجنوب الامريكي الصغيرة وقف محامي الاتهام يستجوب شاهدته الأولى، وكانت سيدة عجوز، محنيَّة الظهر، تتوكأ على عصا، وتلهث بفم تساقطت منه الأسنان، ولولا مساعدة الحاجب لما استطاعت أن تصعد إلى منصَّة الشهود، وهي تتلفت، وتحدِّق في القاضي والمحامين والجمهور، من وراء نظاراتها السميكة. وكما يفعل المحامون، أحياناً، أراد الأستاذ أن يبدأ معها ببعض الاسئلة التمهيديَّة:
ـ "سيِّدة جونز .. هل تعرفينني"؟!
غضَّنت وجهها، هنيهة، وتلفتت تبحث عن مصدر الصوت، وهي تحرِّك فكَّيها المترهِّلين تمضغ الهواء، وتضيِّق ما بين عينيها باسطة كفها فوقهما تدقق النظر، ثمَّ ما لبثت أن صاحت بصوت متحشرج:
ـ "منو؟! وليامز؟! أمانة ما بعرفك عِرفة .. منذ أن كنت ولداً صغيراً إلى أن كبرت وأصبحت، بصراحة، خايب، عايب، كذاب، تخون زوجتك، وتغتاب الناس! أنت يا وليامز تظن أنك شئ .. لكنك لا تملك حتى المُخ الذي يجعل منك شيئاً! عاد كيفن ما بعرفك"؟!
صعق محامي الاتهام تماماً! وفجأة، في غمرة ارتباكه، ألفى نفسه، دون أن يقصد، يمدُّ ذراعه يشير إلى زميله الجالس على الطرف الآخر، ويسأل:
ـ "سيِّدة جونز .. هل تعرفين محامي الدفاع"؟!
عادت العجوز تمضغ الهواء بفكيها المترهِّلين، وهي تتلفت باسطة كفها فوق عينيها، قبل أن تصيح بصوتها المتحشرج:
ـ "منو؟! برادلي؟! بعرفو والله مِمِّا كان في الكليَّة .. كسول ومتعصِّب وسُكرجي كمان! ده غير إنو أفشل محامي في البلد، وإنسان غير قادر على إقامة علاقة سويَّة مع الآخرين! أما خياناتو المتكررة لزوجتو .. فخليها ساكت"!
شحب وجه محامي الدفاع، وغاص في مقعده يكاد يموت من هول الصعقة! وفجأة، قبل أن ينطق محامي الاتهام بكلمة أخرى، أمر القاضي كلا المحاميين بالاقتراب من منصته، ليهمس لهما بصوت مرعوب وعينين جَّاحظتين:
ـ "إسمعا جيِّداً أيُّها الوغدان .. إعملا حسابكما! إذا سأل أيٌّ منكما هذه الشاهدة إن كانت تعرفني، فليكن متأكداً من أنني سأرمي به في السجن، لا محالة، بتهمة .. إهانة المحكمة"!
12-31-2007, 07:20 PM
kamal ali kamal ali
تاريخ التسجيل: 06-21-2007
مجموع المشاركات: 362
د. مصطفى محمود (معليش يا دوك) اجتهد وجاب الصورة.. بعدها سأل تراجي بكل براءة who is she by the way ومعتز يقول زوجة هناي.. وناس فاكرة هناي ده -لا سمح الله- زميل في البورد ولا حاجة..
____ على قول الفنان.. أرمي الملامة على شيطان ..ملكة سبأ
ابوساندرا مسيكين.. جاء في wrong place at the wrong time بس الناس -الزي تراجي- ما بترحم
01-01-2008, 02:28 PM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Tragie Mustafa
عبدالكريم الامين احمد
حيدر حسن ميرغني
AMNA MUKHTAR
معتز القريش
أبو ساندرا
اساسي
Mustafa Mahmoud
haroon diyab
Shams eldin Alsanosi
Mohammed Haroun
Saifeldin Gibreel
Gazaloat
رأفت ميلاد
طارق جبريل
Zakaria Joseph
Mohamed Omer
نجوان
Abdel Aati
kamal ali
مصطفي سري
فيصل محمد خليل
oudenoord
فيس بوك
تويتر
انستقرام
يوتيوب
بنتيريست