|
Re: لاح لي من صعيد برقاً كتم تعّالو (Re: الطيب شيقوق)
|
Quote: شيقوق عندك أمثال عجيبة بالحيل كدي أشرح لينا معني الشيح هنا !؟ |
ورد في كتاب الطبقات لود ضيف الله ان الشيح هو نوع من النباتات التي تنمو في ارض البطانة . اما الشيح في ريح تعني تعني مافي التكتحة ( التكتحة يا الرطاني تعني الحبة والحبة هنا ليست حبة بندول وانما حبة عيش ود عكر ( وود عكر نوع من الذرة ينمو جيدا في الاراضي الباشندية ( الباشندية تعني الاراضي الطينية السوداء عالية الخصوبة)
| |
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: يالملكة العرريب الفوكابيولري بتاعو تعبان مما بقي زول بندر وسكن امبدة ...هسع انا كنت عايزو يشرع شنو السهراجة وانتي انقذتيه ... |
الرطاني ده كمان بقى فوكابولاري مهجن بعدسات حضارية
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: ورد في كتاب الطبقات لود ضيف الله ان الشيح هو نوع من النباتات التي تنمو في ارض البطانة |
اها بس في طبقات ود ضيف الله انت ما شفت الببيعو الشيح والحزي (كان ما غلطان) في الخرتوم وكانو بيجو راكبيين جمال ( دة في زمن انت لسه كنت بتلعب فيه مع القرود الفي الغابة الفي الطريق الي النهر الجاف )..حكم .. شيح ما تعرف طيب تعرف شنو ياعرريب قشرة
| |
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
قالوا العربي كان فتح بجيب لي أهلو بلية يعني شيح في ريح بتاعتك دى زي شمار في مرقة ولا شنو ؟ نحن عندنا دى دعوة يدعو عليك يقولوا ليك يكب شيحك والمعني هنا هو الصديد عكس الشيح والنال والخزام دي نباتاتنا وبنعرفا زي جوع بطننا ياخالد المنسي ماتلحقنا بكلمات ود أهل أبوبكر دا : في الضواحي وطرف المداين ...
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
قالوا العربي كان فتح بجيب لي أهلو بلية
كان جاب لي أهلو بلية بحلوها حلالّين العقد
يا الطبيعة الواديك ساكن مافي متلك قط في الأماكن ياجمال النال في ثراكن ياحلاة البرعن اراكن في قفاهن تور قرنّو ماكن لا غِشن لا شافن مساكن في الخزام والشيح والبراح
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
يسلملي خالد زى البرق في النهمة لفاي المضيق قبال سماع الطهمة أخو الراسية ورزينة حاشا مي منلخمة راجية الله الكريم تنزل عليك الرحمة
ريحانة البطانة
بارك ربي فيك زيدتيني شبرين هوشة عارفاني جعلي والنمة بتسيلّي الدوشة تمسكني القشعريرة والرويس إقوم صوفه الزول اقتنع ياودشقوق ما تسيلّك طوشه
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أهل البادية براء مما تقول |
بشان كدة انتي الملكة ..معا لفضح البدوي المزور دة ؟ ما قت ليك هو من امبدة ومشي اضاف حماميين وطابق لبيتو الهناك .. وقصه مشوار سنينو ورحلة عمرو بيان بانو لم يري البادية فهو يتحدث عن نهر جاف وقرود وغابات في قريتهم ؟؟
| |
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: بشان كدة انتي الملكة ..معا لفضح البدوي المزور دة ؟ ما قت ليك هو من امبدة ومشي اضاف حماميين وطابق لبيتو الهناك .. وقصه مشوار سنينو ورحلة عمرو بيان بانو لم يري البادية فهو يتحدث عن نهر جاف وقرود وغابات في قريتهم ؟؟ |
ما تخاف الله ضحكتني حتى البداوة في زمنا ده الناس جاريين لتزويرها _ اها يا اخوى النوبوية ( كده صاح لغة ونسبا؟) ممكن تتزور ؟
بت طلح بطلتي بروقك قابلتيني لكن اكان قبلت عليكم بسود خطوتكم طااااااااااااب .
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: حتى البداوة في زمنا ده الناس جاريين لتزويرها |
ما زي التايواني زمانك ؟ ما اصلي ؟يعني ما بتعرف تدوبي ولبن النووق بسوي فيك السواهو في نافع وجماعتو .. دحين انت عندك ابل ؟ وفي امبدة بتخليهم وين ؟ في البلكونة بكان ما بتصنقر تعاين للماشات والجايات ؟
| |
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: ما زي التايواني زمانك ؟ ما اصلي ؟يعني ما بتعرف تدوبي ولبن النووق بسوي فيك السواهو في نافع وجماعتو .. دحين انت عندك ابل ؟ وفي امبدة بتخليهم وين ؟ في البلكونة بكان ما بتصنقر تعاين للماشات والجايات ؟ |
انا في البلكونة فوق بتاوق من بعيد عشان اعرف الصائم والفاطر رمضان وشفتك خاتي حبوب السكري في طاقيتك تحت السرير تبلع سااااااااى اتاريك فاطر؟ اوع ترجع السودان لانهم ما بعرفوا الرخص الرمضانية البتجدع بيها سااااااااااااى في الخليج مع الهنود السيخ .
| |
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
شفت ياأبوبكر كيف بيهرب من الإجابة طيب هناك خيارات خليهو يشرح بيت واحد بس من كلام عمي أم حومد دا:
من الفاهه مزرة ونفّض البرّاق خانتني الظروف حكمت علي بفراق ياعبدالله مملوك حكمة الخلاق بارز وسيفه لدم الملوك سفاك
محمد ود نايل
| |
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: وينك يالعرريب ودشيقوق البدوي المزيف ؟؟؟ |
هسع الابيات بتاعة الملكة العملت ليها كوتنج دى وقعت فيها اعمى سااااااى ولا كان معاك حد قلت ليهو اعزل لي ابيات اعمل ليها كوتنج لود شيقوق .
الاخ مرتضى عيان ولزم السرير في المستشفى اتصل فيهو او شوف ليك حد جنبك اديهو موبايلك يكلمو ليك
| |
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: الاخ مرتضى عيان ولزم السرير في المستشفى اتصل فيهو او شوف ليك حد جنبك اديهو موبايلك يكلمو ليك |
اتصلت بيهو .. هو يحتاج يرتاح وينوم شوية بعد نوبة المايجريين الصعبة دي عشان كدة ما اتكلمت معاهو كتير وقلت حاتصل بيهو باكر للاطمئنان ..
| |
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
صح لسان بنتك الخنساء ياأبوبكر خلاص شيقوق الليلة كان قريب في أمبدة (أسترحنا من الجارحنا) لكن بيني وبينك حاسدنو عديل علي العيد في السودان بين الأهل والحبان ، طبعا حيعمل لينا سافوتة وينغل أضنينا خصوصا إنو ناوي يقابل بورداب الخرطوم فردا فردا .
معروف السمح نادر وزيو عدم إن مر بالفريق كل الخلوق تنلم قولو الحق ولمع البرق من المبسم تسلم ياالهميم تاج بنات العم
شكرا خالد المنسي يسلم راسك وتاجك ويدوم عزك.
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
الملكة بت طلحة
كيفكم وكيف شيخ الزبير وعزو
هييييييييييع هلا هلا انا الان على ضفاف النهر الجاف وهو الايام دى مش جاف دميرة عدييييييل انا الان بنقي في عنكوليب الدرتية وباكل في بطيخ الدرتية احلى من الامارات كلها .
خليك يا رطاني مالي جيوبك حبوب ضغط وسكرى وحاجات كده وانا هنا مجدع في طرف الغابة
| |
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
الطيب شيقوق كل عام وأنتم بخير العيد مبارك عليكم أعفوا مننا وعافيين منكم وربنا يديم عليكم نعمته
هجام الظريف عَقَب القريعاء يسدّي عَرَّد بي وجفل قلع الزمام من يدّي ما بتبارى وكتين جم قفاهو يندّي سَرعو بروق وضهرو المركب البِتعدّي
ودشوراني
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
يادناي بعيد عاشقي البيشرق كمعو داك شرف الهواد طال أستعد لي جمعو هجيم الهدّ فوق بحر الدكاكر دمعو خلا جريك كذا البرق البيوشك لمعو
دناى بعيد مخبور مجرب فنعو مو دوار صنق ربع أم زمام كان طمعو السما فوقو جاب نقل السحاب طب جمعو لا القبلى أب شرار لا شرك المخادات منعو
منصور
| |
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
رمشك مظلات من حمو الشمس المداريه وعيونك طاقه للغنا والسحاب نفسك نسيم ليل الخريف والقبلي شايل في الصعيد بعد اليباب زولك حزين محقت سنين الغربه عمرو وعده خلالهو الشباب قاعد على قهوة محطات العمر يحسب سنين عمرو المضت من غير اياب
عبد العال السيد
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
البرق البضوي في الضلمة سنونا إن وقفت عديلة وإن مشت موزونة قصيبة ود عكر في موية مى معطونة نحنا كِتِلنا ... وأهل المروة نسونا
قصبة ودعكر تتنى زى بسطونه عودا الخيدران شلع البروق هو عيونا أب قلبا حديد فد شوفه صار مجنونه والكان شيخ طريق ما بوعى تانى بدونا
منصور
| |
|
|
|
|
|
|
Re: لاح لي من صعيد برقاً كتم تعّالو (Re: ابوبكر يوسف إبراهيم)
|
لك الشكر أخي الدكتور أبوبكر يوسف أدب ظاهر وفضل باهر وحظ من المحاسن وافر يليق بك وبمحتدك الشريف ومفخرك المنيف يا أيها : الواهب النعم الجراجر عادة * من ذي يدين إذا سخا لم يندم فكأن مجدك بارق في مزنة * قبل العيون وغرة في أدهم
دمت ودام فضلك ووصلك
وإلى بوارق الشريف الرضي نرتحل :
وظبية من ظباء الأ نس عاطلة تستوقف العين بين الخمص والهضم لو أنها بفناء البيت سانحة لصدتها وابتدعت الصيد في الحرم قدرت منها بلا رقبى ولاحذر على الذي نام عن ليلي ولم أنم بتنا ضجيعين في ثوبي هوى وتقى يلفنا الشوق من فرع إلى قدم وأمست الريح كالغيرى تجاذبنا على الكثيب فضول الريط واللمم يشي بنا الطيب أحيانا وآونة * يضيئنا البرق مجتازاً على إضم وبات بارق ذاك الثغر يوضح لي * مواقع اللثم في داج من الظلم وبيننا عفة بايعتها بيدي على الوفاء بها والرعي للذمم يولع الطل بردينا وقد نسمت رويحة الفجر بين الضال والسلم وأكتم الصبح عنها وهي غافلة حتى تكلم عصفور على علم فقمت أنفض بردا ما تعلقه غير العفاف وراء الغيب والكرم وألمستني وقد جد الوداع بنا كفا تشير بقضبان من العنم وألثمتني ثغرا ماعدلت به أرى الجني ببنات الوابل الرزم ثم أنثنينا وقد رابت ظواهرها وفي بواطننا بعد من التهم
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
أنا في العيون ببنيلو دارين من مودة ومن منى وبضمو في قليبي إنبساط و محبة فياضة وهنا ما ردتا غيرو ولا هو راد زولاً سواي أبداً أنا نظراتو كيفن أوصفا دي الفي عيوني مدونة بسماتو لو شفتو البروق وكتين تشع لحظة سنا همساتو تحنان القماري الراجعة للعش والجنا
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
لامن شوفي راح أنا قلبي ما خلاّهن جفلن مني هن ولا هسه جاري وراهن خدّادِن درر برق الظلام بسماهن منزوع النحل وضعه الإله في فاهن
منزوع النحل طب النفوس وشفاهن خلقو المولى زاد واتحملنو شفاهن الخرف العكشنى حرمنى طاعم شاهن وكضاب البقول أنا قلبى مابشهاهن
منصور
| |
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
Quote: سلام يابيت عشوقي نعلّو سيدك طيِّب قال لَي كنت عارفك يانديم مِتغيِّب ياهرع البروق اللي الجمال بتعيِّب صبري لقيتو رملة قيف وجاتو هِبيِّب |
السلااااام والاحترام يصلك يا المبروكة في بُكانك ... يرسي الثبات في قلوبنا بحديثكم الجميل
لك التحية يعقبها بريق عبادي
خالد
| |
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
منزوع النحل طب النفوس وشفاهن خلقو المولى زاد واتحملنو شفاهن الخرف العكشنى حرمنى طاعم شاهن وكضاب البقول أنا قلبى مابشهاهن
منصور
برّاق السنون مرض القلوب ودواهن خلقو المولى لي عطش النفوس ورواهن دروبكم في الضلام دون الدروب ببراهن كضاب البقول بخبر لي جيهة براهن
سمية الحسن طلحة
| |
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: هيييييييييييييييييييع |
أمُحُمّد ود الفكي حمد قاليها: سَـماحِك غير حِبُوب بَرتا وقصيص حُجّاج سـماح اليبّسـت دوف الطريفي السـّاج شِـعاع ظُرر الغشيـم الفي الظلام وجّاج سـماح الفرُو بـرّاق السـرى الفجّاج
شيقوق كيفنك أريت حالك طيب
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: اها يا الملكة شايفة بتي جني الرطانة بتقول شنو .. وينك يالعرريب ودشيقوق البدوي المزيف ؟؟؟ |
هسع زولك ده بعرف الجرن (بضم الجيم)؟
في ندوة امبارح عن اللغات بنادي الجالية بمسقط قالوا الرطانة عملوا ليهم تلاته مدارس في الخرطوم تدرس اللغة النوبية
عليك الله شوفي نحن في شنو والحسانية في شنو
| |
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: في ندوة امبارح عن اللغات بنادي الجالية بمسقط قالوا الرطانة عملوا ليهم تلاته مدارس في الخرطوم تدرس اللغة النوبية |
وفي نفس المحاضرة قالوا : إن إسقاط أي لغة إسقاط لآية من كتاب الله .
التحية للسمحين أبوبكر وتماضر وللغتهم السمحة
معروف السمح دايما بصلح القول متوّج في الخلوق وزولنااسمح زول من عينك تشوفو تتمنى تنظر حول لاتبرح عيونو وان شفتا فيهن هول
تماضر الخنساء حمزة
الزول السمح دايما بدى هطول بعينيه لونظر الجبال بتزول زي بارق الأمل لوطل عمري بطول ولي ريده مسطر في الأزل مسجول
سمية الحسن طلحة
أها نحن في شنو ياشيقوق نحن في السودان ...
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
لاح البرق وكتم وسحباً دكّن إتلملمن. البرك والبصهلنّن والبحلبّن كرفن الدُعاش وأطمنن بي خريفا زين. من بين كل ذاك الجمال أهديك ريحانة البطانة أجمل التهاني بعيد الأضحى المبارك أعاده الله علينا وعليكم باليمن والبركات وبالدنا ترتع في خيراً كثير وكثير لكي نرتاح طال بنا الفراق والأمل المشوش ديما. دعةاتنا لك ريحان البطانة الصحة والعافية لك ولاسرتك الكريمة والسنة القادمة معتلين جبل الرحمة ( عرفات ) حجيجا بإذنه تعالى.
تحياتي واحترامي
خالد
| |
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
بروق الغيم المتباريه كبسيمك لي متواريه اسود العرين الضاريه من سيف عينيك متضاريه
عمر البنا
بروق الغيم إدودن فوقنا جابن ساريه حجزن سوقنا لى حادق اللهيج أم ساريه مرحات اللرايل فوقنا جات متباريه كهربن البكان أنوار عيونهن ضاويه
وكل عام وأنتم بألف خير
منصور
| |
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
بروق الغيم إدودن فوقنا جابن ساريه حجزن سوقنا لى حادق اللهيج أم ساريه مرحات اللرايل فوقنا جات متباريه كهربن البكان أنوار عيونهن ضاويه
منصور
بروق الغيم ساقن سارية ماحجزت روحنا السارية لحاظن بايعة وشارية في نفوسنا الليهن طارية
سمية الحسن طلحة
| |
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
اللهم آمين ياخالد أتمنى ألاقي كل أحبابي في تلك الديار الطيبة ونتلاقى جمعا هناك يارب
برق الحجاز سحر فاحت روايحو أبدل منامي سهر وفؤادي جارحو
من سوح أحد وقباء نسامو ليا صبا من سيد النجباء من للمسيء غفر الناجا ذات البر صاحب لواء المحشر بالبر والإحسان رشحت صوالحو
من ديوان الروض النضير / الحسن محمد طلحة
| |
|
|
|
|
|
|
Re: لاح لي من صعيد برقاً كتم تعّالو (Re: عبدالله الشقليني)
|
الحب يا صحاب حُمناهُو طُفنَا درُوبُو والواحِد هَجَع بعد السَهر يا دوبُو واتلاقى القلب فرحان مع مَحبُوبُو فوق فَرعُو النحيل عَلَّق عِبايتُو و تُوبُو
عبد العظيم الطاهر
الحب ياصحاب قسم الإله في غيوبو أصحاب العقول معسول الكلام سكروبو أتلاقى القلب فرحان مع الفازوبو لاح برق البسيم فوق كاسن الشربوبو
سية الحسن طلحة
| |
|
|
|
|
|
|
Re: لاح لي من صعيد برقاً كتم تعّالو (Re: عبدالله الشقليني)
|
الأستاذ/ عبدالله الشقليني كل عام وأنت بخير لك السلام وقطارك يحل بكل المحطات
الحُب اللذيذ شاكِك سِهامُو مُغَـرِز لا بِعَرِف صَبي لا عَجُوز بيفَــرِّز ود الطاهر مَرَق رَبَط الدَرِب مُتحَرِّز شُوف أُم خِشيمَن نَبَتْ شَفَايفُو تَكَرِّز
عبدالله الشقليني
الحب ما بشاور وكتين يجيكا مطرِز ياخدك من عقابك وغادي بيكا بيرِز الكان قلبو ثابت وبالصبر متحرز من ختفي البروق نومو بقى متعزِز
سمية الحسن طلحة[/B]
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
البروق الشايلة قبلي جمرة طارت من سيوف أهلي المِدِمة والرعود الشايلة ترزم نقرة في صفحة نحاسن تنسمع يوم الملمة عاد طريت زمان جدودي وهم ولاد راجلاً مسمى طايلة فوق الناس رقابن وكانوا مقنع كل خالة وكل عمة
مقطع من تهويمة حفيد سعيد ود بادي
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
من أسماء البروق القبلي والبطحاني والعبادي ... وهذه تصيب بالمطر ومن أشكالها عسعس وحرقوص ورويق .. وللشعراء بروق أخر كبرق العيون وبرق السنون طريت برق الفويطر الشال ومن الهم بقيت في حال ويبدو أنه من البروق التي لاتخطي ونزل دمع الشاعر مطر ( سال دمعي البصب وشال )
| |
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: الحُب اللذيذ شاكِك سِهامُو مُغَـرِز لا بِعَرِف صَبي لا عَجُوز بيفَــرِّز ود الطاهر مَرَق رَبَط الدَرِب مُتحَرِّز شُوف أُم خِشيمَن نَبَتْ شَفَايفُو تَكَرِّز |
Quote: وللشعراء بروق أخر كبرق العيون وبرق السنون طريت برق الفويطر الشال ومن الهم بقيت في حال |
وكان محمد عمر الرباطابي يغني بـ:
شايل برقو عبادي أصيح دايما عليه وانادي ويهرب مني لـ غادي
وآخر يقول:
لاح براقا قبلي فوق عربي وفوق إبلي يا ودبخيت أحلبلي لبن أم زور طايب لي
| |
|
|
|
|
|
|
|