|
Re: مهداة للجميع (Re: Siddig A. Omer)
|
ميكانيكا،بي تيك،89 وليد عبدالفناح نور الاسلام طاهر سلامه ...سلامه(ابراهيم،صاح) وليد ابوسنينه(يا لروعته) محمد عوض جيلاني داؤود طارق حامد فتح العليم الطاهر ثروت امبر ...عبدالقادر عبده قمرشميت عادل محمد البشير تاني منو با ولبد؟ عماد جلجال كهرباء89
مرنضى سيف الدين مها محسي صفاء سيد ربيع السماني(وين يا زعيم) البروف قاسم رافت سيداحمد مايكل(كسح قبل التخرج) الطيب البلاع يوسف ابكر تميتوا با ربيع؟ الصافي الفضل يا مرجع افتيناحتى لو عبر الايميل واللا لسه مباري الهلال؟
| |
|
|
|
|
|
|
Re: عبدالمنعم عثمان (Re: Siddig A. Omer)
|
رقدت بالليل ودون الاستعانه بصديق
باقي ناس الكهرباء
حيدر عمر وحيدر ... ادم ابراهيم هارلم مامون عثمان احمد ناس مدنيه عمر علي عمار نافع عمر عبدالكريم النايم جمال نعيم سعد الميكانيكا ودالمصطفى بدر الدين جمال الفاضل سعيد واظن في حاتم في الكهرباء وعن حاتم اللذيذ يروى انه الاستاذ صلاح بشير كرب الجماعة بتست صاموطي وقابله حاتم قال ليه والله يا استاذ بهنيك بس التصحيح يكون من جنس الامتحان. الله يا زمان،قالوا واحد سال استاذصلاح بشير في تست قال ليه المقاومه دي كيلو شنو طبعا علامةالاوميغا ما كانت مطبوعة خطأ مطبعي رد الاستاذ وقال ليه كيلو موز.برضو واحد اخونا دخل ليه لما كان عميد وعرفه بصفته اللي هي انه رئيس رابطه الهندسيه الجناح الغربي قام من الكرسي وقال ليه صلاح بشير جارالنبي عميد الهندسيه الغربي والجنوبي ....ونلتقي
| |
|
|
|
|
|
|
الراحل على عبدالسلام أحمد فضيل...الدويم (Re: النصرى أمين)
|
الراحل على عبدالسلام أحمد فضيل...الدويم
على لم يكن طيف من الاشجان و الحب و العقل...بل كان انساناً جميلاً بهدؤيه وحبه للسودان وأهله.....زارنى واسرته فى منزلى بالدوحة وهو فى طريقه للسودان للعمل بمصفاة الجيلى و قبلهــا كنــا قد درسنــا بمدرسة الدويم الريفية الثانوية العامة بفارق سنتان، فأنــا بالسنة الثالثة وعلى فى السنة الاولى زميل أخى عمر عبدالمنعم. ثم التقينــا بمدرسة النيل الابيض و معهد الكليات التكنولجية ثم مهندســاً يشار اليه بالبنان فى قطر للبترول ثم كان الوداع الاخير فى العام 2004.
له الرحمة ولاسرته الصبر الجميل.....
صديق-الدوحة
| |
|
|
|
|
|
|
محمد المهل عمر مساعد (Re: Siddig A. Omer)
|
محمد المهل عمر مساعد
محمد...صديقى و أخى لم نفترق...ذهبنــا الى ليبيا سويــاً...وكانت فكرته...و يالهــا من فكرة؟؟؟ تركته فجلس 3 أعوام وعاد ثم عشنــا فى السودان من 94 حتى 97 واتيت الى الدوحة....واتئ....ثم لم يحتمل الغربة فعاد الى السودان...وهو يعمل الان مزارعــاً بمشروع الجزيرة[/B]..."ما وش نعمــة" و هذه الصورة عند أول ايام حضوره الى الدوحة فى العام 2003 قبل أن يتجزر مرة أخرى.
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: النصرى أمين)
|
الناس خايفة....................؟؟؟؟؟؟؟؟؟؟؟؟؟؟؟؟؟
و الله يا أخوى النصرى....لو ما جيت جائيـــك و فيديو كمــــــان....انت القال ليك جيبنى هنــا ...منو؟؟؟؟
لك التحايـــا و الحب و لى أخونــا بكرى كل الحب و التقدير و الاحترام الذى جمعنــا ها هنــــــا.....
حبى و تقديرى.....
أخوك المجنون القاعــــد هنـــــــــــــــــــــاك......صديق
| |
|
|
|
|
|
|
المعـز شايب (Re: Elmuez Shayeb)
|
المعـز شايب - بنوك 1993
الاخ معز لك كل التحايــاو الود و الاحترام لمشاركتك لى فى هذأ البراح و الذى مازال فى بدايته. فنحن لولا ظروف الحياة لجلسنــا نكتب ليل نهار عن تلكم الذكريات الجميلة التى عشناه فى ذلك الصرح العظيم.
منتظر منك الكثير انشاء الله و شكراً كثيراَ على المشارة...
صديق - الدوحة
| |
|
|
|
|
|
|
Re: محمد الشابك (Re: ASAAD IBRAHIM)
|
اما الصورة الظريفة دي ففي سطوح "العمارة" الحلة الجديدة
ويظهر بالخلفية مطعم عمك " "
وفي الصورة يظهر الاخوة :
الجالسين من الشمال
نور الله ناصر
عمار عبد القادر
أحمد
الواقفين كمان من الشمال
صديق
عبد الغفار
ابوبكر نصر
والله يا صديق معاي صور تحف بالجد
لسة التقيل وراء
| |
|
|
|
|
|
|
Re: اصحاب الايام الجميلة والتي لا تنسي الواحد ما قادر يعمل اصحاب تاني وعايش علي الذكريات (Re: ASAAD IBRAHIM)
|
الاخ / صديق
سلامات
أسمح لي بنشر الرسالة ادناه والتي وصلتني عن طريق البريد الاليكتروني وتخص البوست:
Quote: الأخ/ حيدر المحترم السلام عليكم ،
يا أخ / حيدر أن عاوز أشارك فى البورد بتاع خريجي المعهد لكن ما عندي إشتراك فى سودانيزاونلاين للأسف 0 فهل بالإمكان مشكوراً المساعدة فى نشر هذه المشاركة 0
أولاً أنا إتخرجت سنة 83 وطبعاً ما كان فى دفعه إتخرجت السنة ديك لأنو تم تجميدها0 ثانياً كان من دفعتنا شحطو - وشحطو دا من يومها حنكوشا 0 الناس كلهم قاطعوا الإمتحانات يومها إلا هو الوحيد الدخل القاعة وكان إمتحان أنجليزي 0 لكن أظنو عشان أستاذ الأنجليزي كان مستر مارك وأعطى شحطو موتر وشال منو لوحة - عشان كده دخل الإمتحان 0 بعدين يا شحطو تحياتنا لنجلكم جيفارا وين هو وكم عمره دالوقتي 0 معهد الكليات التكنولوجية مؤسسة عظيمة - بشهادة المعهد عملت بكل سهولة الآن ماجستير ودكتوراه 0 كان معانا زميل هندي فى فى قسم المحاسبة فى المعهد يومها - تقدم بعد زمن لعمل زمالة يقول كنت أرى جميع المتقدمين للزمالة يعانون من Stage one لكن أنا تم أعفائي exempted نظرا لأني أحمل شهادة معهد اكليات التكنولوجية
أنا تزوجت زميلتي و بعد فترة توفيت - كانت زميلة رائعة وكنت أحب أن أحافظ على كل ما يربطينى بالمعهد 0 لم أتزوج بعهدها - بدأت أجتر الزكريات وأحافظ عليها بكل ما عندي من قوة 0
الكلام عن المعهد كتير وجميل - كنت أسكن فى الحلة الجديدة - أول فى الداخلية الغربية فوق بوفيه عمك عبدالمولى والجرسون مريديان 0 ثم لامن بقينا سنير رحلنا الى الداخليات الجديدة الغرفة 60 0 الكلام كتير وسنواصل
|
| |
|
|
|
|
|
|
Re: اصحاب الايام الجميلة والتي لا تنسي الواحد ما قادر يعمل اصحاب تاني وعايش علي الذكريات (Re: حيدر حسن ميرغني)
|
لابد ان ياتي زكر داخلية انور عندما تجي سيرة معهد لكليات هنالك معالم فى هذه الداخلية العجيبة والحقيقة هى بيت (ملجن) خرابه بالواضح كنا ساكنيني فيها رجالة مع البعوض والمجاري المهم تجمع فريد جمعني مع كوكبه من اقضل الشباب الاخ فتحي موسي عبدالباقى الجيلي حسن نقه نورالدين عطا السيد الاخ نصر الدين من ابناء النهود --------------- نورالدين التجاني العوض وقدورة احد الظرفاء لقمان ابن المفرن
واهم شخص ( النقر ) تلفاه حايم جووه وست الشاي قسمه ان لم تخني الزاكره بسال عن احد الاسماء المعروفه فى المعهد الكـــــــــــــــــــــامل احد الشخصيات المميزه نفتقده بشده لا احد يعرف عنه شيئا منذ ان ترك العمل ببنك البركه
| |
|
|
|
|
|
|
المعز الشايب...و داخلية "أنور" (Re: Elmuez Shayeb)
|
المعز الشايب...و داخلية "أنور"
طبعــاً أول مرة زرته داخلية "أنور" فى العام 1984 و كنت أسكن بداخلية "الحلة الجديدة" و بحثت فى كل الطرق....تاريخــها معروف فلقد كانت تبعث التاريخ من تحت الارض... لكن ساكنيهــا كلهم مهمون بالهم بي الشان العام و الخاص منهم من اراد أن يكون قريب من المعهد للتحصيل... ومنهم من اراد أن يكون من الاتحاد مثل الاخ أحمد عطية ومنهم من كان أن يريد ان يكون قريب من سينما الخرطوم غرب و منهم ومنهم.......
يا مان نحنا كنــا فى داخلية الحلة الجديدة...عشان داخلية الهليتون و السطوح و لا مش كدهــا.....هاهاهاهاهاه
عمك طه و عبدالعظيم الاغبش و التلفزيون.......
أذكر فى العام 84 كانت قناة الخرطوم الانجليزية مع قناة التلفزيون المعروفة و طالب أحد الاخوة الجنوبيون (زكريــا) بالتحول الى القناة الانجليزية و كانت الساعة ساعة المسلسل العربى......و تقاتل زكريــا مع أحد عاشقى المصرين حتى الاغبش (عبد العظيم) شال التلفزيون و دساه فى المطبخ عشان ما اتكسر......
لك الحب
صديق- الدوحة
| |
|
|
|
|
|
|
Re: عبدالباقى شحتو على ازرق (Re: ABUKHALID)
|
الاخ صديق تحياتي لكل الاحباب بالدوحه واخص الاخ مبارك يسن الاخوان بالسعوديه اخبارهم مقطوعة تماما فتحي موسي نزار خليفة عبدالماجد طلال ضو النعيم نزار خليفة جاد المولى طارق على
وهذه بمثابه مناشده لكل من سمع او يعرف شيئا عن احد الخريجين حقيقة انه لم يتخرج من الجامعة لظروف اختفاءه الغامض لا احد يعرف عنه شيئا ان كان حيا او ميتا اسمه
مجتبي معاوية من ابناء الابيض وكان يعمل بمصلحة الاثار ويدرس بالسنه الرابعة محاسبه داعواتكم
الهم رده الي اهله سالما الهم رده الي اهله سالما
| |
|
|
|
|
|
|
Re: عبدالباقى شحتو على ازرق (Re: Elmuez Shayeb)
|
وين سيد بركة وين محمد ابدقن وين صلاح سليمان مرضي معلم حسن النقر اسامة عبد الباقي واسامة عبد الباقي واسامةالخاتم وعادل سليمان ومحمد عبد الملك وصلاح الدين محمد صالح ومها محسي وفتح العليم يوسف تماضر محجوب حنان تاج السر الطاهر بشري مراد علي الامين علي الهادي يوأنا عطية نادر مهنا علا الدين الواثق
الصافي الفضل رافت سيد احمد اسامة جنابو شبيكة عزالدين مايكل اسامة الريس صلاح صاغة خالد كودي فاطمة عقلي الهادي حسن محمد مصطفي الخليفة ادم ابراهيم ادم (هارلم) ادم ابراهيم ادم (تكساس) هالة عمر وفاء الامين فتاح الامين غادة عبوش عاطف النور هاشم محمد الحسن حنان عبوش محمد ميرغني النورابي عبدالعزيز بورد المرحوم علاء الواثق ألمرحوم أمير تاج السر المرحوم علي عبد السلام أحمد سعد محمد شريف يوسف الصحابي عصام عبدالعال مصباح الصافي النور عطا السيد عثمان سر الختم السر الحلفاوي ندي صلاح بشير انوار صلاح بشير احمد عطروني صلاح الدين حمد صالح حسن نقة محمد نقة هي بعض الاسماء سأعود يا صديق
| |
|
|
|
|
|
|
Re: عبدالباقى شحتو على ازرق (Re: ABUKHALID)
|
وين محمد ابدقن شيخ كبير في حمد النيل وين صلاح سليمان في المانيا فقد تلفونه مرضي معلم في نيالا مسؤل كبير للحزب
صلاح صاغة في السودان راجل كبير خالد كودي استاذ و مناضل كبير فاطمة عقلي
ادم ابراهيم ادم (هارلم) ادم ابراهيم ادم (تكساس)
و الله هذا مقمت بتذكره بعد الهرم و الله كانت لنا الايام كانو كلهم اخوة و احباب ووطن احن اليه
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
صديق منجييغه المجنون وصلتنى الرساله دى من الاخ مبارك شمبول (محاسبه 1988)
ليبسي تحياتي ليك و لجميع الاخوان صديق منجيقا و مرتضى ساتي و علي التلب و عمر الباقر و صابر اسماعيل و طارق حسيب و جميع الاخوان بدون فرز و رحم الله اخونا علي عبد السلام و امين يوسف عمر و كفاية علينا ذكريات - الباقي من العمر اصبح لايسمح بايام ندية كتلك التي قضيناها في المعهد .- و يحضرني هنا الاخ عصام كاو الزول المتفرد في كل شئ حتى في فيما سوف اسرده عنه و كيف كان له دور كبير في اقناعي لدخول كلية الدراسات الاضافية - ذات مرة و نحن في بيت المال كنا واقفين امام بيت ناس النصري امين و دار نقاش بيني و بينه و شنو يعني المعهد و حكاية الدراسة المسائية (دراسة بعد العصر بتاعة الجماعة) و انفة مني بتاعة واحد داخل الجامعة و عنده فرص و خيارات كثيرة لدخول الجامعة - في لحظة كدا زهج مني و قال لي اسمع ياخ انت ذاتك لو دخلت معانا استمراريتك في المعهد ذاتها فيها مشكلة علشان الدراسة فيه صعبة و من المحتمل ما تكمل خلينا كدا ... و انا راجع البيت من بيت المال لودنوباوي كداري بالزقاقات بدات افكر في كلام الزول المجنون دا ؟؟؟؟ و من هنا بدأ المشوار و التحدي و كانت من اندى الايام التي قضيتها في حياتي و الشكر لعصام كاو المجنون. ياسر عبد الرحمن و احمد سعد و حامد محمد نور ابناء بورتسودان لهم مني تحيات انضر من ازهار البنفسج . و سوف اعود
مبارك شمبول الخرطوم انتهى
سلام يا شمبول يا مرتاح
بمناسبه هذه الفقره
Quote: و انا راجع البيت من بيت المال لودنوباوي كداري بالزقاقات |
احكى لك هذه الحكايه .. كنا مشتركين فى حافله تقوم بتوصيلنا كل ليله..ننزل انا وعبدالهادى فى شارع كبرى شمبات وتواصل الحافله طريقها الى ودنوباوى وباقى الثورات .. فى احدى اليالى طلبنا من السواق ان يدخل بنا داخل اذقه حي بيت المال الضيقه جدا (الزقاقات) احدى الاخوات كانت مستغربه جدا من هذه الزقاقات .. تانى يوم شافتنا انا وعبدالهادى ومن بعيد صاحت بصوت عالى جدا جدا "يابتاعين الزقاقات" يا بتاعين الزقاقات"
يااخونا البت العويره دى البسكتها شنو(لسان حالنا)
| |
|
|
|
|
|
|
مبارك شمبول (Re: النصرى أمين)
|
مبارك شمبول
كيف يا مبارك، هل تذكر قصة "ياشمبل" "كما كان يقولها أستاذ رسل و كيف تذكر أن عصام عبدالكريم (كاو)، كان زهرة الكلية. لاندرى حتى السنة الثالثة أن عصام كان يدرس فى كلية الدراسات الاضافية بقدر ماكان يتواصل معنــا صباحــاً ومساءاً. أما عن أخونــا النصرى "اصلو" بتاع زقاقات بس هو بخاف من ضــلو....
يالهــا من ايام. هل تذكر ود المتكسى وطرائفه التى لا تنتهى. هل تذكر مرتضى ساتى وابراهيم النويرى واسامة الخواض، و البنت الهندية الكأن مقطع فيهــا عصام كاو، وهل تذكر وهل تذكر.
فى السنة الاخيرة من دراستى قررت أن ادرس فى كلية الدراسات الاضافية لشىء فى نفسى، فدخلت كورس الدراسات المكتبية Office Practice مع الاستاذ ضياء الدين و الجماعة كلهم قالوأ صديق جنــا و ركب المحنــا، لم يدرون أن اننى كنت أخطط لان أكون كمبيوترياً كما أنــا الان... وكانوأ فاكرين المســألة اضافية هاهاهاهاها.......
الكلام كتير يا مبارك و الذكريات جميلة. أرجو مراسلتى وتذكيرى بالكثير والنصرى أخوى خليهو، بقى ما بتذكر وبنسى ( يعنى بقى عندو Dementia).
بالمناسبة، ايميلك عندى و قاعد اراسلك بانتظام و خاصة "النكات" بس تكون ما عارف البراسلك منو أوعو تكون جاتك ال " Dementia" بتاعت أخونا النصرى...هاهاهاهاه
صديق - الدوحة
| |
|
|
|
|
|
|
الوليد عبد الفتاح عبدالمنعم (Re: Siddig A. Omer)
|
الوليد عبد الفتاح عبدالمنعم
طبعــاً وليد بقى امام الجامع و الحمد لله له من الابناء اثنان محمد و احمد و لازال هو هو الا انه لازال يخطب بس فى الجامع...من منــأ لا يعرف وليد عبد الفتاح و مواقفه...
هذه الصورة منه، تعرفت الى فتح العليم وهو يجلس بجواره واحمد المصطفى يجلس فى الصف الامامى....بسرعة يا عبد المنعم عثمان ورينى منو البقية من الاحباب....
| |
|
|
|
|
|
|
أسعد أبراهيم (Re: ASAAD IBRAHIM)
|
أسعد أبراهيم
ماشاء الله ....ماشاء الله ......ربنــا احفظهم وامهم و احفظك و وافقكم ..انشاء الله ...أمين......
ياخى صورة جميلة بجمالك.........و مساهمة كبيرة منك.......
تلفونك يا مان و رسلوا لى على الايميل المايل و كلامى معاك كتير.....
[email protected]
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
مجييغه المجنون
Quote: و البنت الهندية الكأن مقطع فيهــا عصام كاو، وهل تذكر وهل تذكر |
البنت الهنديه اسمها بونام شام .. كانت صاحبتى جدا جدا جدا ... كنت انا "صديق الاسره" ابوها كان بعزنى جدا وبعتمد على فى حمايتها من الوحوش امثالكم... وامها كانت تتكيف جدا من زيارتى ليهم فى البيت فى الخرطوم بحرى .اذ ان والدها كان مهندس مبعوث من الهند للعمل فى شركات قنجارى ازكر اننى استطعت اقناعهم بذهاب بونام رحله مصنع سكر عسلايه(او كنانه لا ازكر) اها الجماعه الشرامه استفادو من غيابى وقامو شربوها المريسه.. جيت راجع لقيتها سكرانه طينه وتلقلق....وتقول لى بعربيها المكسر داك
(جاى ليه؟امش لصاحبك)
بعد التخرج مباشره (شهرين تقريبا) ذهبت بونام لانجلترا وحصلت على زماله محاسبى التكاليف فى زمن قياسى وتعتبر اصغر من حصل على تلك الزماله(عمرها اظن كان 21 عام)
بعد سنتين تقريبا رجعت الاسره للهند بصوره نهائيه واستقرت بونام فى انجلترا
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
ورساله من شمبول Lipsey this a recent photo to Shamboul after amendmend ( it fits two functions ) to know me and scare the kids and thier mom when needed the second photo me and another guy u all ???????? know him well - guess who's he
A wonderful price to whom know who's beside me in the second photo. regards
يا شمبول انت ما عارف انو فايلاتى كلها اتمسحت و فاقد للذاكره
| |
|
|
|
|
|
|
لطفى صالح العوض (Re: النصرى أمين)
|
لطفى صالح العوض
الانسان المهذب، الرقيق، المجتهد المثابر و الصديق الخلوق الحبيب. طبعاً المفاجاة فى حلق الدقن و كان تميزه. ولكن لم تمشى عليه السنون كما مشت على النصرى و الاخ مبارك شمبول. و الله الواحد كانوا دخل فلم "هندى" الناس ديل حصل ليهم شنو بقوأ عاملين كدهــا.
المهم سوف التقى بكم اليوم مساءاً Live فلقد استلمنا أخونــا جابر برير الشيخ من السعودية و حا نعمل ليهو غسيل مخ انا و مبارك من اثار السعودية.... واللبيب بالاشارة يفهم!!!!!!
صديق - الدوحة
| |
|
|
|
|
|
|
جابر فى الدوحة (Re: Siddig A. Omer)
|
جابر فى الدوحة
طبعــاً جابر اتعود علينـــا بطلاته الفجائية و هذه أحداهــا. المهم انا و مبارك عملنا ليهو غسيل مخ من اثار السعودية و بالصور كمان:
جابر ذكر بأن لديه قصيدة لعصام شبور و صديقه النائم محمد جبارة.....محمد كأن يحيرنى كيف ينوم أكثر من يكون صاحياً، نذهب الى المعهد الساعة السادسة صباحاً وناتئ عند الثانية و النصف و هو ما زال نائماً ثم نذهب الى وقت المكتبة ونعود عند السابعة والنصف و هو ما زال نائمــاً، نطلع الطابق الرابع للنوم فنراه صاحيً يتمطــأ.......يالهــا من نومة.
مبارك و جابر عندى بتاريخ 28 مارس 2007 الدوحة
وكان صديق
| |
|
|
|
|
|
|
Re: مبارك فى السودان بعد اربعة عشرة عام من الغربة (Re: Siddig A. Omer)
|
لاخ العزيز صديق عمر
استمتعت جدا لتلفونكم معاي يوم الاربعاء
كان لقاء حميما ولطيفا مفعم برائحة زمن جميل عطر تبقي تلك اللحظات عالقة في جدار الذاكرة وتزين جدرانها بتلك الصور والمشاهد التي تحاورني دوما واستانس بهامما لها الاثر العالي في جهجة جنجويد الغربة ... جابر برير شخصية تمارس تنكهة المكان بحضور السمح الجميل وابتسامتة الجزيلة ياله من خيال مبدع له اسكتشاتة التي تاتي اليه دون اذن منه..اجدني مرتبط به كثيرا كما تسكن الابتسامة شفتيه.
اما الاخ صديق عمر الشخص الذي فتح هذه النافذة التي تطل علي بحر من جمال الذكريات ..يبدوانه ساحر هذه اللمة التي اتهاها فوج من عمالقة المعهد الذين يمتلكون لحظات من ذهب هؤلاء النفر الذين تركوا بصمات حضورهم النبيل علامة عالقة كبوابة هذا الصرح العظيم ..فيا سيدي صديق سوف ياتونك من كل فج عميق وبعد شوية الناس بيكترو ونسمع بالجمعيات الاكاديمية والاقليمية وبعدج شوية حنعمل الانتخابات لاتحاد هذا البوست ويجيك وليد فتاح وخالد كودي وربيع السماني وناس كتاااااااااااااااااار...والمكرفونات تحت الشجرة دييييييييييك,
الاخوة والاخوات تلتقيكم .............. في ركن للنقاش بعد قليل.
الاستاذ مبارك يس ابونا الكبير كان ياتي الينا ومعه دوما ابتسامتة الجميل وحكاوية في جمعية المحاسبة كان صديقا حميمايملاء المكان بحضوره السمح ويوزع شربات الفرح بيننا حين يلقانا في مكتب الجمعية ساعتها كنت سكرتيرا للمكتب الثقافي والاخ نصار الصادق رئيسا والاخت العزيزة نغم زين العابدين سكرتيرا عاما(وهي تتوسط مبارك يس وبشري في احدي الصور أعلاه).
بدون ذكر الاسماء واحد من اصحابنا عزمنا عرس اختو ورسل لينا كرت دعوة ...وكتب تحت الكرت العريس انصاري سنة. وبعد ما جينا وبدت الحفلة العريس يا زول رقص رقيص شديد ..فقمنا نادينا صاحبنا وسألناه (يا أخي العريس ما قلت انصاري سنه؟ صاحبنا بي ضحكة قال اي العريس انصاري سنة لكن ما دافع إشتراكات...
يا صديق راجعييييييييييييين
واعلم تمام العلم ان جمال هذا البوست ممكن يحتمل حتي الكيزان ناس الدومة وصلاح صاغة..
| |
|
|
|
|
|
|
Re: مبارك فى السودان بعد اربعة عشرة عام من الغربة (Re: مجدي شبندر)
|
شكراً العزيز مجدى على الكلمات الجميلة و المشاركة لى هذأ البوست منذ خروجه الى العلن.....الكلام كتير و الحكى الجميل أتئ لا محالة.....
خليك قريب...يا جميل ____________________________________________
مبارك فى السودان بعد اربعة عشرة عام من الغربة
فى الصورة ادناه، الواقفون من اليمين الى الشمال:
1- جلال محمد زين 2- مبارك يس 3- عبدالرحيم عمو 4- صلاح عبد الله 5- عبد الله البشير 6- حامد زبد 7- بشرى (النائم)
الجالسون من اليمين:
1- أسيا 2- خالد نورالدين 3- مجدى أسماعيل 4- أخو حامد زبد 5- نغم ذين العابدين
نغم....مبارك..وبدرالدين
عبدالله البشير...مبارك.. وجلال محمد زين
| |
|
|
|
|
|
|
Re: الزبير صالح الزبير حماد (Re: Siddig A. Omer)
|
الزبير صالح الزبير حماد
وصلنى الايميل من الاخ الزبير، له كل الشكر و التقدير على مشاركته لى هذأ التوثيق.
كما اشكرك كثيراً على المكالمة التى تعكس مدى اهتمامك بهذأ التوثيق و التواصل الاخوى.
صديق - الدوحة_
________________________________________________________________________
الأخ صديق عمر لك التحية والتقدير
إليك بعض الخربشات
مع البداية الحقيقة لنا بالكلية أول يوم دراسي لنا فقد كنا متاكدين من شي واحد فقط انو اول محاضرة قانون تجاري للاستاذ دالي وهو من أبناء توتي ودخلناها وطبعا استاذنا دالي بداء يتحدث بالانجليزي كلام كبار كبار ما فهمن منو اي حاجة وكان بجانبي ابن خالي محمد عبد اللطيف جواد وهو الان بالمنطقة الشرقية بالسعودية وكان الفصل لا تسمع لة اي صوت سوي صوت المروحة بالسقف فالجميع اما مبهور بالتجربة الجديدة او محبط وبيفكر ينط حيطة اقصد سور امبدة ويتخارج .وفجاءة وقفت زميلتنا الهندية شيفالي شانترلال وسالت سؤال بالانجليزي ودة طبعا معناة انها فاهمة وبتناقش كمان وهنا فاض الكيل بالاخت غادة احمد علي الطيب وبكت بأعلي صوتها بكاءا حارا وحارقا وقعدت تتمتم دة شنو دة ودة ما مفهموم فما كان من استاذ دالي الا ان هداها وقال ليها انتي اسمك منو قالت لية وهي تغالب دموعها غادة قال ليها ما تزعلي يا غادة دة موضوع سهل وكلنا كنا زيك كدة اول يوم محاضرات لنا بالدراسة الجامعية وبعدين الامور بتمشي وفعلا مشت واتخرجت غادة واتزوجت والان علي ما اعتقد في الامارات مع زوجها العميد السابق في القوات المسلحة والغريبة انو شيفالي والتي كان ملقبها ابن خالنا محمد عبد اللطيف بالبي بي سي فلم تتخرج من سنة اولي فقد فصلت اول سنة واتذكر انها عادت للكلية بعد سنتين واعتقد انها مشت خارج السودان وكملت دراستها هنالك كما ذكرت في زيارتها تلك للكلية واتذكر لمن البورد بتاع سنة اولي علق وقبل ما اشوفة سمعت عنة وان شيفالي سقطت فما كان مني الا الخروج من باب الكلية دون النظر للنتيجة لاني قلت ليهم اكان شيفالي ما نجحت البينجح منو . والله تلك ايام لن تعود .
اما اخونا عمر مدني والذي يعمل الان في جامعة قطر فقد كانت لدينا قصة طريفة معة وأحنا في سنة رابعة وهو في 3+1 علي ما اتذكر مشي مع ناس المعامل رحلة جبل مرة وكان معنا بالغرفة المرحوم الدكتور بكري عبد الرحيم وهو خريج مدنية الله يرحمة بيتيك وكان اليوم جمعة وصحيت الصباح علي صوت مناقشتهم مع بعض هو يقول لية والله بتحبها من وقفتك كدة معاها وهو يقول ابدا ما حصل فسالتهم في شنو فذكر لي المرحوم بكري انو شاف صورة لعمر مدني في رحلة جبل مرة مع برلومة معامل وهو من دلديل يدينة في الصورة اكيد بيحبها وعمر ينكر الكلام دة (ودي حقيقة لانو عمر انا بعرفة داخل وخارج الكلية فقد كان من جيرانا في عطبرة وانا بعرف انو الموضوع دة ما صحيح) الا ان المرحوم بكري اصر علي ذلك فقام عمر مدني حلف انو ما بيحبها ولا حاجة وهنا انتهز المرحوم بكري وسحب المصحف من دولابة وقال لية تحلف وهنا اعتقد عمر مدني انو الموضوع بينتهي بحليفة فقال لية احلف فوضع عمر يدة علي المصحف وبدا يردد خلفة والله العظيم اقول الحق ولا شي غير الحق ووالله العظيم انا ما بحب البنت دي ولا حاجة وهنا اطلق المرحوم بكري ضحكة وجري خارج الغرفة واعطي أحد الأخوان عشر جنية وقال لية اسرع نادي اخونا سمير من بيتهم وكان الاخ سمير وهو خريج احياء من قسم المعامل بيروح يوم الخميس بيت اهلة في الحاج يوسف وفعلا حضر سمير وحكي بكري الموضوع وقصة الحليفة وطلبو منه بحكم انو شاعر الداخلية قصيدة وفعلا فما ان جات صلاة الجمعة الا واجتمع الجميع في الغرفة 23 في العمارة الشمالية بالحلة الجديدة والتفو حول عمر مدني وغنو لية الغنوة واتذكر مطلعها (بالله ما بتحبها وتحلف كمان). وتلك ايام وزكريات لن تنسي واعتقد انو الأخ عمر مدني لن ينسي اليوم داك ابدا في حياتة. ونلتقي في بوست أخر
اخوكم الزبير صالح الزبير حماد بنوك وتصدير 1989 _________________________________________________________________
| |
|
|
|
|
|
|
الاستاذ/ عبدالرحمن محمد الحسن و د. أسماء الدروبى (Re: Siddig A. Omer)
|
الاستاذ/ عبدالرحمن محمد الحسن (هندسة ميكانيكا) و د. أسماء الدروبى (كلية الدراسات التجارية)
الاستاذ عبدالرحمن و الاخت اسماء يعملان هنا فى قطر - الدوحة، عبدالرحمن لازال يمارس حبه مع التدريس فى قطر للبترول " مركز التدريب" و اسماء تعمل فى شركة راس غاز - كبيرة منسقى التدريب.
الاستاذ عبدالرحمن عمل فى معهد الكليات فى قسم الميكانيكا و اسماء عملت فى كلية الدراسات التجارية. اسماء و عبدالرحمن متزوجان ويعيشان فى الدوحة......
لهم التقدير و الاحترام و لطلابهم هنــا.......
أصبحت أكتب لوحدى........
صديق - الدوحة
| |
|
|
|
|
|
|
ابراهيم سليمان (Re: Siddig A. Omer)
|
وصلنى الايميل ادناه من الاخ العزيز ابراهيم سليمان....الدوحة
____________________________________________________________________
معهد الكليات
الاخ الصديق
شكرا وانت تحمل عنا جهد الكتابة و نزيف الذاكرة.
طبعا يا مان (مسروقة من قاموس منجيقغا) معظم المتداخلين من اولاد الدفعة بلغوا الاربعين ونيف. وبمناسبة الاربعين اذكر قصة سمعتها من مداح في حلة كوكو كان يحكي للسامعين بعض القصص اذا سئم هو والسامعون المدائح وقل مايضعون في الخرقة المبسوطة للتنقيط من القريشات:
قال ابن ادم والحصان والحمار والكلب والقرد، كل واحد منهم اعطوه 25 سنة عمر. فقال ابن ادم 25 بس!!!!!! قليلة ولا ارضي الموت وانا شاب. فقيل له ممكن تستلف من اخوانك حسب عطائهم من اعمارهم المقدرة.
فقال: لذلك ابن ادم يعيش حتي سن ال 25 وهو كامل الانسانية من حيث الجسم والوجدان. مثالي وعايز يحب ويساعد المساكين والضعفاء ويزعل جدا ان لم يري الناس يتصرفون كما في المدينة الفاضلة التي يحلم بها.
25 -40 سنة يعيش في 15 سنة استلفها من الحصان. يبرطع ساكت. وعايز يغترب ويبني بيت ويتزوج ويعمل في ثلاثة اماكن ويركب عربية.....الخ.
40 -60 سنة يعيش في 20 سنة استلفها من الحمار. لا يغير البيت ولا الزوجة ولا مكان سريره الذي ينام فيه. والدرب البيمشيهوا يجي راجع به تاني لايغيره. ولا يحب يغير اصحابه ولا ناسو البعرفهم. ثم يسردب ليعيش وليداته ويحمل الكل والمسؤليات . كما لاننسي الاستكانة بين الانسان في هذا العمر والحمار اعزكم الله.
60- 80 سنة يعيش في 20 سنة فضلا من الكلب. ينبح ولايفعل، فالمروة قد كملت. ياولد جيب الابريق ويرمي بالحجر في المقابر يوجه الحفارين ولا يفعل هو. نبيح من غير فعل.
80 فما فوق اطال، الله اعماركم جميعا، يدخل في سنوات القرد. يضع يده في جبهته ليساعد بها النظر. ويضحك عليه الاحفاد. كما لاننسي المقاربة في الشكل الخارجي اكرمكم الله.
فياخي صديق اولاد الدفعة في عمر الحمير. لاتلمنا ان لم نشاركك الكتابة.
تخريمة
اخر الانباء: ( صديق منجيغا عندو قطايع كفروا له). (صديق!!!!) الرجاء عدم السنسرة.....ها ها ها .
غير ان سن 33 هي اشد الانسان من حيث قوة البدن والاربعينيات هي اشد الانسان من حيث العقل والنضج. فالنبوة والرسالة جاءت لمعظم الانبياء في هذا العمر.
لذلك يخيل الي ان الاضافة التي يمكن ان يساهم بها هؤلاء الشياب كبيرة من حيث الراي في:
• تقييم تجربة التعريب في معهد الكليات التكنلوجية (جامعة السودان حاليا). هل هي سلبية ام ايجابية؟. • المستوي المهني و الاكاديمي بين القديم والجديد وكيف يمكن تطويره؟. سمعت ان هناك محاسبون يقدمون حسابات للمراجعة ليس بها راس مال او حقوق مساهمين!!!!!!!!!!!!!. • التخلف التقني والتدهور المهني وكيف السبيل الي النور؟ • كيف يمكن تطوير الضوابط الداخلية الادارية والمحاسبية لسد منافذ الفساد الذي كثر الحديث عنه الان، حقا او غرضا، في القطاع العام والخاص في السودان؟ • ماذا يمكن ان يقدمه الخريجون لمؤسستهم العريق جامعة السودان؟ • ولا انسي تجربة الاخرون في المهجر والداخل في المجالات الاخري. وكيف يمكن الاستفادة منها • واخيرا وليس اخرا كيف يمكن للخريجين من تغيير عقلية الافندي الباحث عن وظيفة الي عقلية رجل اعمال يوظف الاخرين من خلال التجارب العملية.
و مازال في البال شئ من حتي.
كال الله لكم من العافية حتي الاستغاثة.
ابراهيم سليمان - الدوحة
| |
|
|
|
|
|
|
Re: أسعد أبراهيم (Re: Siddig A. Omer)
|
يا صديق
في اقصي شمال الصورة علي ما اعتقد الاخت علوية امين
الواقفين نمرة 3 من اليمين اعتقد الاخت نجاة سكرتارية من القضارف
الزول التحت البيرش بالموية دة اعتقد معيد في قسم الشكرتارية مين كدة شريف والله اعلم
ياخ الناس دي طلبة
بس طلبة زمان زي حاجات زمان كانوا مبروكين
| |
|
|
|
|
|
|
Re: أسعد أبراهيم (Re: Siddig A. Omer)
|
سلام صديق وكل الرايعين ،اخدت لي سفرتين يا صديق عشان كده انقطعت
قلت لي وليد امام جدمع عديييييل كده ،بركه ربيع السماني الجمع
ومبروكه البنيه،راجع لكم
| |
|
|
|
|
|
|
عبدالمنعم عثمان (Re: fidyas)
|
الاخ عبدالمنعم عثمان
تحياتى و انشاء السفرات للخير....
سعيد بوجودك..كما اننى اعتذر عن تغيبى لمرض عرضى و الحمد لله مرت عافية و صحة.....
منتظر منك الكثير من المشاركات.
صديق القاعد بعيد
ملحوظة:
اهــا الناس المادايرين اظهروأ و عاملين فيهــا مدراء جائييكم بصوركم من سنة أولى و بعدين الا بكرى اعمل ليكم عضوية عشان تقدروأ تردوأ.....
المثل بقول لا ترمى كل سهامك و لا تضع كل بيضك فى سلة واحدة.... والجاييت أجمل من "الفايتات"!!!!!!
| |
|
|
|
|
|
|
Re: عبدالمنعم عثمان (Re: Siddig A. Omer)
|
الاخ صديق عمر
هنا علي ان احتفل باؤلئك الذين قاسمونا ذلك الزمن الجميل فتكونت بيننا قواسم مشتركة عظيمة فاصبحت المحبة والمودة مونة بناء ذلك الصرح الاجتماعي الكبير . بيننا وبينهم حكاوي وطرائف كثيرة
1/العربي ابراهيم العربي من ابناء القضارف اول من تعرفت به عند دخولي المعهد ..يعمل الان بالرياض
2/قسم السيد عبدالله الحاردلو ...القضارف ...يعمل بابوظبي 3/حسين عبدالهادي حسن ...القضارف يعمل بلندن
4/احمد ابراهيم عطبرة السودان
5/صلاح ابراهيم عطبرة السودان
احمد ابراهيم وصلاح ديل اطول ناس في الجامعة وما بيخلو زول امشي في نصهم عشان الطول ما يظهر
6/بشري حامد سليمان المحمية ....العمل بالسودان
7/الصادق علي عطبرة ...السعودية جدة
8/ناجي محمدعبد الرحيم
ونواصل العقد الفريد
| |
|
|
|
|
|
|
Re: عبدالمنعم عثمان (Re: مجدي شبندر)
|
انت يا جماعة دفعتي ناس 94 و 95 ما بعرفوا انترنت ولا شنو ؟
ما في زول ظاهر منهم ، والله حسستو الزول انو كأنو ما درس في جامعة السودان
| |
|
|
|
|
|
|
مجدى الشبندر و معتصم عبد الحليم (Re: رقم صفر)
|
مجدى الشبندر
ياعزيز و ياحبيب....انا قلته مجدى دها أكون قاعد مع جابر برير و بحكوأ فى غسيل
المخ العملناهوا لجابر فى الدوحة......طبعاً جابر "حيطى القصيرة" و انت فاهم......
أخر مرة قدم الى الدوحة "خاف" من غسيل المخ وقال: ديل لسع مجانين...طبعاً فاهم
معتصم عبد الحليم "رقم صفر"
الجماعة ديل "شكلهم" خافوأ منك بعد ماعرفوأ انك حاييم بجاى...و رقم صفر كمان
لكم التحايا و متمنى تواصلكم
صديق - الدوحة
| |
|
|
|
|
|
|
الفاضل عبد الله أبوشنقرة (Re: Siddig A. Omer)
|
الاستاذ الفاضل عبد الله أبوشنقرة
الفاضل لم يكن نسمة طيف مرت على ايامنا بل كان جزءاً عزيز و اصيل و لا زال.
الفاضل اخوى مثله مثل الاستاذالراحل بشير حسين الخواض و الاستاذ دالى و
جميع الاساتذة الاجلاء...اعطونامن علمهم ووقتهم وانسانيتهم و اعطونا الحب و الثقة فى
النفس و فوق كل ذلك المثل.
لو لم يكونوا هناك لم نكن هنا....
اتصل على اليوم الاخ الاستاذ الفاضل من السعودية يسأل و بكل حب عن اخوانه فى
الدوحة واحداً واحداً و لست مستغرباً فقد عودنــا دائماً أن يكون الكبير له الحب بحب و وتقديراً بتقدير...
الحكى عن التوثيق عن الايام الجميلة مع الفاضل و رفقاء دربه الاستاذ الراحل
بشير حسين الخواض و الراحل الاستاذ حسن رحمة و الاستاذ الاخ العزيز دالى حديث
طويل...لو كتبت عنهم لصرت أحد كتاب التوثيق...لجيل من الاستاذة قل أن يجود الزمان
بمثلهم....
سوف أحاول فى قابل الايام ان أكتب عنهم الكثير الكثير....
الفاضل لا زلنــا كما الايام الخوالى جنب الى جنب و مازال هو هو لم يتغير و
مازال يعلمنأ كيف أن نكون قدرا من التواضع و الالفة.
له التحايا و الامانى الطيبة و لاسرته بالصحة و العافية......
و جاييكم بالكلام الكتير عن الفاضل أبوشنقرة الاستاذ و الفنان و الطالب و
الصديق..
صديق - الدوحة
| |
|
|
|
|
|
|
|