|
|
 Re: درر ودرّاب... مقتطفــات فضــائية.. فاضية... (Re: abubakr)
|
والله يا باش هارموني دي كمان  ..
مذيعة هارموني في تهاني العيد خارج الخرطوم .. في العبادية..
تسأل ضيفة.."حصل حضرتي العيد خارج العبادية؟"
الضيفة.."لا أبدا ما حصل"..
المذيعة.. "خالص؟؟؟"..
الضيفة.."لا ما حصل"..
المذيعة.. "طيب نفسك تحضري العيد خارج العبادية؟"
!!!!!
_____
يعني في داعي كان للتلتلة .. المشوار.. والبنزين
إذا كانت الأسئلة بالمستوى ده؟؟
| |
 
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
برنامج بعنوان "الضحك اجيال".. بالنيل الأزرق
تقديم رهام عبدالرحمن وشابة لا أعرف اسمها..
الضيوف:
أجيال كوميدية: محمود سراج.. محمد نعيم سعد.. عبدالسلام جلود
والفنان صلاح ابن البادية..
خلال معرض حديثها قالت رهام..
"نتكلم عن الشخصيات النمطية..
زي تور الجّر اللي هو ابو قبورة .."
(مشيرة الى محمود سراج)..
قام بتصحيحها محمد نعيم.. (الذي لم يخفي دهشته
طيلة فترة البرنامج من تسطيحة المذيعات..)..
ان ممثل شخصية تور الجّر هو المرحوم عثمان حميّدة..
وايضا قالت رهام لمحمد نعيم..
"قبل ما تكون مخرج.. وممثل.. كنت بتضرب بنقز.."
محمد نعيم"بضرب شنو؟؟"..
رهام "بنقز.. يعني ضابط ايقاع"..
المهم..
يُجبر محمد نعيم على ان "يضرب" قليلا على البنقز..
فيفعل..
فما كان من رهام إلا أن إلتفتت ووجهت سؤال لضيف آخر..
فتساءل محمد نعيم باصرار "أها وبعدين؟" مستفهما عن مغزى البنقز..
رهام اضطرّت تقول حاجة كده غير مفهومة..
_____
كله كوم.. وعبدالسلام جلود ده كوم..
يقاطع الآخرين طوال البرنامج.. يجيب عنهم..
وفي لحظة قال مقاطعا محمود سراج "انت بتتكلم ليك 40 سنة.. خليني اتكلم"..
_____
كانت جسور الحوار وعرة ...ومنعدمة احيانا..
محمود سراج كان زعلان معظم الوقت..
_____
برنامج بدا وانتهى بالبركة..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: برنامج بدا وانتهى بالبركة.. |
انتي صبرك عجيب .. انا كنت عايز ابقي زي المذيع المشهور الله يرحمو اشايل الراديو وطاااخ دشدشو حتة حتة لما الزووووول داك ابو العريف ما قدر ينطق اسمو ذاتووو .. اها كنت عايز اكسر التلفزيون .. بس تماسكت ورحت بعيد بسملت وحوقلت .. بعدين الواحد يسمي نفسو جلود ليه تمينا بمين ... دة نمطيةةةةةةةةة!!!!!!!!!!!!!!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Hussein Mallasi)
|
يا ملاسي..
ماكانت في لغة مشتركة.. أو بالأحرى كان في كلاش أجيال..
قبل البث (او التسجيل).. كان يجب مناقشة نقاط البرنامج مع الضيوف..
لتجنّب سوء الفهم الحصل بالفعل..
لكن نعمل شنو..
___
محمد نعيم سعد ده انا وضعته في قائمة خاصة جدا
من يوم أخرج المشلشل الغريب بتاع علي مهدي..
| |
|
|
|
|
|
|
|
|
 Re: درر ودرّاب... مقتطفــات فضــائية.. فاضية... (Re: نجوان)
|
نجوان يديك العافية وعيدك مبارك !!!
سامحيني جيت بيت البكا دة متأخرة شوية لظروف قاهرة وأعذريني لتسمية بوستك الرائع ببيت البكا لأنه
فعلا تلفزيونا حالتو تبكي وما بتسر حبيب وقبل كدة لمن قلناالقناة السودانية في ذيل القائمة قاموا
المطبلاتية وقالوا ما عندنا وطنية معليش نعذرهم عشان مفهوم الوطنية يختلف من شخص لآخر عموما شكرا
يا ست الحبايب لتقليبك المواجع وكله سنة وإنت بألف خير,,,
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: عواطف ادريس اسماعيل)
|
العزيزة نجوان كل عام وانتم بخير
ذكر الشاعر الفطحل يحي فضل الله في صحيفة الخرطوم " المهجرية " في مقالته الاسبوعية الرائعة " تداعيات " أن مذيعة في حوار معه سألته السؤال التالي" ما هو اثر القرية على شعرك؟!!! بفتح الشين أي والله
شكرا على صبرك الايوبي في متابعة مثل هذه البرامج المثيرة للاعصاب
| |
|
|
|
|
|
|
|
|
 Re: درر ودرّاب... مقتطفــات فضــائية.. فاضية... (Re: نجوان)
|
بالصدفة شُفت لقطات من سهرة بعنوان (( سوداني في الخليج ))..شايفة فيها شروق أبو الناس و التاج مكي و محمد المغربي..
المذيعة بعد ما لبست الدهب الفي الخزنة كلو في إيدينها و إضنينها..
...و الباقي الفي الفترينة في وسطها...
لقت لسه فاضل ليها حِجِل..قامت ركٌبتوا في نخرتها!!!!
الشي دا طبيعي و عادي و مُتعارف عليه...
....و لا أنا بقيت ما مُواكبة...؟؟!!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
سكان البوست العالي ............... سلام
سهرة تلفزيون السودان يوم الإثنين 15 أكتوبر .... سبدرات .. كمذيع للسهرة ...
___
أكتر حاجة كانت ممتعة .. كلام .. وغناء الفرجوني ... ( إحساس غريب أن الزول ده عبارة عن مستودع لأشياء كتيييييييييرة ..... فن وأدب صوفية و..و...)
___
الشاعر / صديق مدثر ... وكفى ..( نوعية الناس دي إختفت من السودان )
-----
محمد ميرغني ... صوته فرق من زمان ... ما جديده .... الجديد ... كابلي ... برضه صوته فرق .......... كارثة
-----
جمال الوالي ... الدخله شنو في القعدة دي ..؟ .... عشان أبوهو كان مثقف وكاتب ...؟؟ ........ واسعة شوية ..... وفي السهرة .... لا طعم ولا رائحة له ....
-----
عجبنى ... أحمودي لما عصر سبدرات في قصايد البلابل .....
-----
بعيداً عن السياسة .... سبدرات زول ما ساهل ....
-
-
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: jini)
|
| Quote: زمان الفاقد التربوى بودوهوا المنطقة الصناعية الظاهر بقى يودوهم التلفزيون!! |
ماالمنطقة الصناعية حردانة وحلفت يمين كان هوبو ناحيتها تنتحر مرة واحده وبعدين بتزعل شديد من الكلام الزي دي اصلها ملطشة ولا ناقص تربوي صناعي ؟؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
يا باش..
بعد عرض "دوبلاج بمزاج" المؤلم .. كل أمسية.. خلال رمضان
تخّيل ماذا كانت عيدية النيل الأزرق للمشاهد المسكين
سهرة كاملــة عن نفس البرنامج!
يعني عايزين يقضوا على من لم يمت أو يفقد صوابه بعد..
عملا بمقولة "وراك .. وراك والزمن طويل"..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نجوان .... إختلفنا ....
ياخي الفرجوني ... طعم غناهو مختلف عن فردتكم .... الزول ده بيدي الغنا حقه تماماً...
فردتنا (كده أنامركب مكنتكم)... لو قعد 100 سنة ما حبغني زي الزول ده ..(فردتنا ..... لاشئ شخصي هنا)
--------
ياباش .... بكلامك ده ... وداعاً شروق ... وإحتمال وداعاً المريخ .... وأزيدك ...تاني ح أسافر مدني بالشرق
-
-
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يا نجوان .. شاعر باحباط انو انا ما طلعت لاعب كورة ...يعني انا البطبخ انواع وانواع ومعكرونة بالبشملي ورجلة وكوسة محشية وكفتة وكباب وووووووو ما يجو ناس "بي ان" يصوروني في المطبخ ..هم الصورو واحد بيطبخ!!! بيض (اورديحي وما اومليت .. بيض ساااي ) وبياخد 1% في شغل المطبخ ...هسع الواحد كان بيكون مسنتر في برنامج "الكورة في البيت "... دة كلام ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
هارموني قناة سودانية.. شعار ترفعه هذه الفضائية منذ شهور وباصرار ممل لكن طالما سودانية فلنقبلها ولكن كيف هي سودانية والقائميين علي القناة ياتون بما يجعل حتي من السوداني غير ذلك .ز الزي الشعبي او الوطني يميز شعبا عن الاخر وليس اعتباطا او لبس الموجود او الفي الشماعة ....اهل الخليج العربي رغم ما تربطهم من وشائج قوية يصروون علي تمييز لباسهم الوطني بينهم فاللبس الاماراتي غير القطري وذلك غير العماني او السعودي او الكويتي او البحريبن .. وهكذا.. الخ ... ولكن يصر بعض السودانيين علي لباس غيرهم وبصورة مزعجة فلقد غيرو الطواقي والجلاليب والتياب وووووو ولكن طالما الامر في نطاق خارج الاعلام فالاثر يقل اما ان تصر الفضائيات علي ذلك فامر مزعج . وهارموني " قناة سودانية " تزعجنا ببعض من ذلك وهاكم صورة ووالله لو لا الصوت لما عرفت ان هذا المنشد او المغني سودانيا وارجو الا تقوم هارموني باستبدال الصوت السوداني كذلك ؟؟ هذا المنشد المغني يلبس لباسا عمانيا كاملا وتعرض صورته باستمرار.. هذه قناة تفاءلنا عندما انطلقت ولكن وباصرار شديد وبسرعة فائقة خذلتنا انتاجا واداء ووعيا وطنيا :
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
فعلا يا باش.. لم يساورني شك ان الشاب الفي صورة عماني..
حتى قرأت مداخلتك..
لكن.. هذا متوقع عندما لا يكون هناك فكر أو فلسفة تسبق بث القناة..
الهدف والرؤية يقودان ويحددان رسالة أي جهاز إعلامي..
لم تعكس قناة هارموني أيا من ذلك
it doesn't even live up to its name
هارموني تبث نشازا يوميا..
قناة الشروق.. تبنت التعددية خلال حملتها الترويجية..
وفتحت أبوابها لإعلاميين سودانيين وغير سودانيين..
آمل أن تكون تجربة مختلفة.. وناجحة
ولو قليلا..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: لم تعكس قناة هارموني أيا من ذلك
it doesn't even live up to its name
هارموني تبث نشازا يوميا.. |
اكييد ..فاشلة بالمعني العام .. وقعت عند اول لفة كالحصان المريض
Quote: قناة الشروق.. تبنت التعددية خلال حملتها الترويجية..
وفتحت أبوابها لإعلاميين سودانيين وغير سودانيين..
آمل أن تكون تجربة مختلفة.. وناجحة |
في الانتظار .. لنري ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: غايتو لمن احضر ليهو برنامج واحد اسبوع كامل بكون حواجبنى داخلات جوة الطاقية من الاندهاش والاندحاش! |
انا لو عرفت بس حاجتيين للزول دة :
الاولي هو بياخدلو صنة كدة ويمسك شعر راسو ويلتفت وبعدين يقول اي حاجة فما عرفتها دي شنو؟
التانية البتاعات البلبسن دييل ياتو موضة واصلو الاستوديو بارد للدرجة دي؟ والغريبة الضيوف بيكونو لابسيين عادي؟ وبعدين الدلقانة البختها في جيبو كمان شنو؟
يالله الصبر ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: عبد الدائم سيد أحمد)
|
سهرة بالنيل الأزرق امبارح..
بعنوان "نأسف للخطأ"..
لوهلة..
افتكرت انه النيل الأزرق تنوي الإعتذار
عن اخطائها في حق المشاهد المسكين..
المغلوب على أمره.. وما زال متشبثا بالأمل وبريحة السودان..
رغم ما يلاقيه من هوائل من هذه الشاشة العجيبة..
لكن لم يكن الأمر كذلك..
السهرة تقديم عفاف حسن أمين..
ضيوف: استاذة محامية إقبال
وخبير نفسي أو إجتماعي د. الجيلي..
والفنان محمود عبدالعزيز..
موضوع السهرة الإعتراف بالخطأ..
والتعايش مع مترتبات ذلك..
الخلاصة ان المحامية كانت ضحية نصب وقضت فترة في السجن بسبب ذلك..
كان كلام د. الجيلي من اعقل الأشياء التي سمعتها في النيل الأزرق..
حيث الكلام المعقول نادر ندرة غريبة..
والدراب طبعا من عفاف..
سالت عفاف المحامية.."قضيتي كم في السجن؟"
استاذة إقبال "سنة و9 شهور"
عفاف.. "كتــــار!!!!"
ثم سألت محمود عبد العزيز "هل الناس بيغلطوا في حقك بالشائعات؟"
محمود "نعم.. كلها شائعات"
عفاف .. "وشخصيتك.. ما ليها دور في كده؟؟"
محمود "أبدا.. ما ليها اي دور"..
عفاف "يعني ظاهر انه الناس بتهتم باخبارك الخاصة اكتر من فنّك.."
محمود "أيوه.. بالضبط"
ينهي محمود احدى اغانيه بجملة "مديون للعذاب.."
تسال عفاف "ح تسدّد الديون دي كلها كيف؟"
محمود -مبتسما- ومحاولا مجاراة السؤال الرشيق "سددتها كلها"..
عفاف "متأكد؟" ..(او شئ من ذلك القبيل)..
يبدو أن محمود عبدالعزيز حريص على انهاء أغانيه بصورة معينة..
الكاميرا ناحية عفاف وهي تتململ من إطالة محمود لخاتمة الأغنية..
وتتململ.. ثم تقاطعه بسؤال قبل ان تنتهي الأغنية..
(يعني اليشوف قلة الصبر!)
عفاف .. عادة.. تحاول إكمال جمل ضيوفها..
مع استاذة إقبال.. د. الجيلي.. ومحمود عبدالعزيز..
وتقريبا في كل مرة.. تخطئ إختيار الكلمة المكمّلة
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: وتقريبا في كل مرة.. تخطئ إختيار الكلمة المكمّلة |
يالصبرك يا نجوان ؟؟ الحلقة معادة او من ذلك القبيل لاني شاهدت جزء منها قبل فترة واختنقت من القفز علي الحلوق الذي تزاوله المذيعة ... كيف تختار النيل الازرق مذيعيها ؟؟؟الا تتعلم وتتعظ من بلاوي الفضائية السودانية ؟؟؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: وتقريبا في كل مرة.. تخطئ إختيار الكلمة المكمّلة |
يالصبرك يا نجوان ؟؟ الحلقة معادة او من ذلك القبيل لاني شاهدت جزء منها قبل فترة واختنقت من القفز علي الحلوق الذي تزاوله المذيعة ... كيف تختار النيل الازرق مذيعيها ؟؟؟الا تتعلم وتتعظ من بلاوي الفضائية السودانية ؟؟؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: يالصبرك يا نجوان ؟؟ الحلقة معادة او من ذلك القبيل لاني شاهدت جزء منها قبل فترة |
أعتقد انها معادة..
لم اشاهدها من بدايتها.. لكن كان فيها تهنئة برمضان وكده
| Quote: الا تتعلم وتتعظ من بلاوي الفضائية السودانية ؟؟؟ |
كيف والإتنين يسكونوا نفس الحوش..
هي una familia يا باش
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: كعادة النيل الازرق سوء في الاعداد والاختيار |
يخيل لي..
ان ابجديات الحوار.. في جهاز إعلامي
ان يكون هناك تكافؤ في عدد ممثلي الرأي والرأي الآخر..
إلا إذا كان البرنامج موّجه.. infomercial ..
أو شئ من هذا القبيل..
لكن نقول شنو..
ما يعرض ليس نقاش في جهاز إعلامي..
وانما جلسة في قهوة..
تحت عمود نور..
ولا ونسة في حافلة..أو دفّار..
حاجة زي دي كده..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: التانية البتاعات البلبسن دييل ياتو موضة واصلو الاستوديو بارد للدرجة دي؟ والغريبة الضيوف بيكونو لابسيين عادي؟ وبعدين الدلقانة البختها في جيبو كمان شنو؟
يالله الصبر .... |
بلبس الشراب كرفتة والكرافتة شراب!
دايما بكون لبسوا قاطعو من كراعو ! لانه ما عندو راس!!
خالف تذكر!
مرضة الله يشفيهو!
الناس دى ول بتصفح انترنت يا كان طورت نفسها يا كانت سابت الشغلانة!
حمزة عوض الله واخونا ساعت كنا فى ماليزيا (عوى محمد عوى) نهائ ما بحضر ليهم حاجة!
جنى
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: jini)
|
| Quote: حمزة عوض الله واخونا ساعت كنا فى ماليزيا (عوى محمد عوى) نهائ ما بحضر ليهم حاجة! |
هو كان هناك ..انا ما كت عارف وكل سنة من عشرة سنوات وانا ناطي هناك وبنياتي قاعدات هناك ..اوع يكون هو وداك الاسمو زي اسمو كانو اصحاب كمان ؟ ياها التمت ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
برنامج "مافي مشكلة ".. بالنيل الأزرق الآن..
موضوع البرنامج "الإنطباع الأول"..
الضيوف أخصائي وأخصائية اجتماعية..
المذيعة.. (تقول انها جديدة على البرنامج) حاولت محاولات جيدة لإدارة الحوار
(يا ريت ناس الكنترول لو تركوها تتداخل مع ضيوفها
دون التدخل الواضح عبر سماعة الأذن)..
اتصلت طالبة بالجامعة..
تحدّثت عن صعوبات في تكوين صداقات مع زميلاتها
لعدم ثقتها بالآخرين..
تقدم لها ارشادات (تبدو معقولة)..
(كانت هناك عدة مكالمات تشكو من مشكلات مماثلة)..
تتصل شابة أخرى .. تبدأ كلامها بعد السلام بـ "مشاكلي مع الراجل ده"..
تم تحكي عن علاقة مضطربة مع زوجها.. تعتقد انه يكرهها..
يتركها فترات عند أهلها.. ولا يعبأ..
وتذكر حرفيا "مرّات بينظر لي نظرات بتخوّفني"..
كانت مكالمة مزعجة.. ومثيرة للقلق..
تنقطع المكالمة (شبكة.. او رصيد نفد)..
يتحدث الأخصائي عن أهمية الحوار والتواصل بين الشابة و زوجها..
لكن.. يقرّر ان ليست هناك مشكلة مستعصية بينها وبين زوجها..
لا معلومات تعطى لها عن اللجؤ لجهات متخصصة لمساعدتها
(خدمات اجتماعية.. استشارية.. ربما أمنية)..
أو ارشادات عن مصادر الدعم المتاحة لها من الأهل وغيرهم
وكيفية الإستفادة منها..
فرصة لنشر الوعي.. في مجتمعنا حديث العهد نسبيا
بثقافة طلب العون للمشاكل الشخصية..
لكن إستغلالها قاصر ..
هل اسم البرنامج "مافي مشكلة"
بيفرض التخفيف على الناس.. والطبطبة..؟
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
برنامج "صوت وصورة" (؟)..
ضيوف: الأستاذ فريد عبد الوهاب
مهندس تصوير عوض النعيم..
تسأل المذيعة.."هل ممكن الزول يدخل مجال الإعلام صدفة؟"..
___
المهم.. ما يحدث بعد الصدفة
أو الواسطة يا ناس النيل الأزرق..
___
تحدّث الأستاذ فريد عبدالوهاب
عن الإمكانيات والتقنيات المحدودة في السابق
وكيف كانوا يصنعوا المعجزات...
روح التنافس والإبداع..
ثم تحدّث عن ما يميّز المذيع (ما أشار اليه الباش)..
أهمية التخصصية.. وعدم الإستهلاك..
أهو الكلام قالوا يهم في بطن بيتهم..
ومن العارفين..
عسى ولعل..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: محمد المرتضى حامد)
|
يا ود المرتضى ..
اتكلم عما يروق لك ..
وأكيد ح نتعلم شئ جديد..
كله يصب في مجرى واحد..
خصوصا ونحن الان نتنفس العولمة .. شئنا ام ابينا
يصعب تناول تجربة اعلامية بمعزل عن نظائرها في أماكن أخرى..
الفضائيات العربية -على علاتها- هي مصدر الهام فضائياتنا..
من جهة أخرى
وفي تقديري..
القنوات الغربية التي تصل لهذا الجزء من العالم
مختلفة عن امهاتها الجات منها.. CNN .. FOX وغيرها..
حتى الكوادر البشرية فيها واسلوبهم..
تماما زي المواد الإستهلاكية التي تصدّرها أوروبا أو امريكا الشمالية
ليست للإستهلاك المحلّي
Export Only
دائما تثير ريبتي
مرحب بمساهماتك.. وكلنا اذان صاغية..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
كان أول دروس فريد عبدالوهاب (وانشالله يكونوا أخدوا بالهم)
في اسلوبه في السرد..
خليط من السلاسة.. أدب وتواضع غريب..
تناول تقريبا معظم أوجه القصور الموجودة حاليا..
تحدّث عن العمل في الزمن الجميل..
كفريق لديه تصور معين للبرنامج.. ورؤية واحدة..
يعمل الجميع لتحقيقها..
كان عنده برنامج فكرته فنجان شاي .. كل مرّة مع ضيف ..
وكانوا يبدعوا في تغيير الديكور ليلائم مهنة الضيف (طبيب.. معلم..)..
بأقل الإمكانيات.. تحدث عن ورق الحائط ومواد الديكور المختلفة..
كان المذيع عضو فاعل وملم بكل خطوات انتاج الحلقة..
(وليس puppet أو حنفية كلام محلوجة..
دي ما قالها فريد.. من عندي )
ذكر فريد عبدالوهاب انه كان يأتي بالشاي للحلقة من بيتهم (في سيرموس )..
أكد ان الإطلاع مهم جدا للمذيع..
والإستعداد لكل ضيف.. قراءة سيرته الذاتية.. المستجدات في مجاله..
وحذّر من الإستهلاك..
فالمذيع على أقل تقدير لن يكون له وقت لتطوير نفسه..
كيف هذا وسعدالدين ورهام كل يوم في برنامج شكل..
نشوفهم أحيانا أكتر من مرّة في الأمسية الواحدة..
يحاوروا اهل الفن.. السياسة.. الدبلوماسيين
الرياضيين..المشوكشين.. ناس الفتّة.. ناس بيتكم وبيت الجيران..
والله خايفة يوم أفتح تّلاجتي
القى سعدالدين ورهام مصنقرين جواها!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: اتصلت طالبة بالجامعة..
تحدّثت عن صعوبات في تكوين صداقات مع زميلاتها
لعدم ثقتها بالآخرين..
تقدم لها ارشادات (تبدو معقولة)..
(كانت هناك عدة مكالمات تشكو من مشكلات مماثلة)..
|
نجوان .. تحياتي
دي البت البين كل جملة والتانية شابكانا "عن جد .. عن جد"؟
وبما أنه أول ظهور للمقدمة، لن يسعنا التعليق على أدائها، وإن كانت تتميز بالحضور واللباقة
بعدين الدكتور دة ما فهمنامنه جملة مفيدة .. بس شابكنا
الـ ferist eeempression is not the last eeeempression
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
برنامج "مساء جديد" قبل قليل بالنيل الأزرق
تقديم رشا و شاب اسمه محمد الطيب يقول كان غائب فترة عن البرنامج..
(بس للأسف رجع  )
موضوع البرنامج الثقافة..
ضيوف: صحفية سلوى غالب (بدت وكان موضوع البرنامج كان مفاجأة لها)
الفنان ياسر (لم التقط اسمه كاملا)
سلوى غالب:" تعريف الثقافة هو الإلمام بالأشياء الأساسية..
يعني اعرف عن شعوب ..وقبائل مختلفة.. "
رشا" يعني أعرف عن ناس حتى لو كنت ما ناوية امشي عندهم؟"..
سلوى" أيوه ما ضروري أكون ماشة الجنوب أو القاهرة..عشان اعرف عنهم"
محمد يقول شئ كده ثم يضيف "لولا اختلاف الآراء لبارت السلع"..
(no idea what that was ..or where it came from)
رشا تسأل الفنان ياسر "رأيك شنو في الفن المحدّث..
بيهدد المحافظة على ثقافتنا؟"..
ياسر "ليس بالضرورة.. لأن التجديد هو سنة الحياة.. و.."
محمد الطيب مقاطعا.."التجديد.. يعني انت يا ياسر لّما بديت تغنّي
ما كان عندك العود السمح ده.. يللا غنّي لينا بيهو غنية.."
_____
والله موضوع الفتّة اتاريهو كان ثقافي اكتر من موضوع الثقافة ظاااتو ..
يا حليلك يا رهام..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: المذيعة دي كانت مركّزة وبتسمع كويس.. |
Ditto يا نجوان
أكثر ما أمبرسني هو المقدمة الظريفة التي بدأت بها السهرة عندما قالت أننا سنناقش مشكلة تواجه الجميع و"تواجهني أنا شخصياً وأنا أظهر للمرة الأولى، وهي مشكلة الـ first impression
وبالمناسبة: أمس شاهدت سهرة يقدمها عوض إبراهيم عوض في قناة هارموني ... بس الحمد لله الأطباء طمأنوني وقالوا لي حالتك مستقرة الآن
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: وبالمناسبة: أمس شاهدت سهرة يقدمها عوض إبراهيم عوض في قناة هارموني |
دي بعيدوها كل يوم او يوميين ( من ضمن برامج هارمون الترويجية) فخذ خذرك والافضل الا تفتخ هذه الفناة عشان ما تحصبل ليك مضاعفات وتحيير الدكاترة معاك ..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: عشان ما تحصبل ليك مضاعفات وتحيير الدكاترة معاك .. |
صدقت يا باش..
انشالله يسمع النصيحة..
وقعت فيها امبارح يا حسن بشير .. بس كنت عاقلة جدا..
وعلى طول حوّلت للنيل الأزرق
كالمستجير من الرمضاء بالنار..
السهرة دي بتاعة التربية الرياضية..
لكن ..سبحان الله.. خلّوها ضارة بالصحة
"عذّبني وتفنّن في ألوان عذابي".. يا هارموني..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: فخذ خذرك والافضل الا تفتخ هذه الفناة عشان ما تحصبل ليك مضاعفات وتحيير الدكاترة معاك |
نصيحة غالية يا باش .. وهي جزء من الـ Recuperation process
نجوان
بالطبع جربت مسألة التحويل دي لدرجة إني من فرط اليأس والاحباط حولت لـ "السودانية" !!!!. وهي طبعاً لم تخذلني: السهرة كانت عبارة عن حوار مع مسؤول في الشرطة، وهو ليس أقل تعذيباً من مجدي شمس الدين ويونس في السهرة الرياضية بالنيل الأزرق. الحل الوحيد الذي تراءى لي هو النوم مبكراً على أمل أن لا يطاردني أولئك حتى في أحلامي
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: hassan bashir)
|
| Quote: الحل الوحيد الذي تراءى لي هو النوم مبكراً على أمل أن لا يطاردني أولئك حتى في أحلامي |
امس نمت بدري وصحت بدري يعني اتنين صباحا واها طلعت رجعت الكورنر بتاعي قت اشتغل شوية طالما النوم طار وكالعادة شاشة الكمبيوتر بتكون مقفولة شغلتها وبس جم طالعيين!! اصلو انا بكون قافل شاشة التلفزيون وموصل الارسال بالكمبيوتر وامس نسيت تو اسويتش اوف .. اها لقيتهم منتظريني وقاعديين ؟؟؟ دييل ما بينومو وقاصدني عديييل...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: hassan bashir)
|
| Quote: السهرة كانت عبارة عن حوار مع مسؤول في الشرطة، |
صباح الخير يا حسن..
امبارح فتحت التلفزيون على النيل الأزرق ..
لمدة خمسة دقائق فقط I swear
المذيعة نسرين..
ضيفين من الشرطة (المرور؟) والمعتمدية..
عن تحويل موقف المواصلات..
المهم.. في ال5 دقائق دي..
اتصل مشاهد..
قائلا.. "انتي الناس ديل طوّالي قاعدة تقاطعيهم ..
وما بتخليهم يكمّلوا كلامهم"..
الظاهر في نتيجة..
إرهاصات مقاومة من الداخل
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: السهرة دي بتاعة التربية الرياضية..
لكن ..سبحان الله.. خلّوها ضارة بالصحة |
هي ماتشات الكورة بقت ردحي ومنلوجات وانا ما عارف ؟ زمانك الماتشات كان فيها ميدان وكورة و22 نفر بيلعبو سشوتوها يمين شمال وجري وقووون اها دييل قاعديين في اي وقت يشوتو نضمي سااااي...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: وكمان ... دلوقت اصبحت "الكورة في البيت".. |
انا غيتو قاصدني عدييييل ...اها بعد المقلب بتاع اتنين صباحا الفيهو جو طالعيين من شاشة الكمبيوتر رجعت بعد المغرب من الشغل وبرضو طوالي الي الكمبيوتر اقضي باقي شغل واندمجت شوية ثم التفت ولقيت التلفزيون والشاشة سودا فقلت اها الواحد يشتغل ويرفه عن نفسو يمكن!! واسويتش اون والقاهم قاعديين منتظريني...!! اتهجمت وخصوصا واحد كان بيقول انو مدربيين العالم قالو انو احنا احسن لعيبة .. اها والله انا طلعت ملعوب عليه ... يا ناس يا هوي فكو الاشتباك بيني وبين الناس دييل .. انا اصلي لا بلعب كورة نضمي ولا شليت بالرجل ..دة حالة ؟؟ الواحد يخلص من هباش يجي يهبشو ساااي ...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
كل الأسئلة الدرّاب كوم..
وكونه مذيعة في سهرة .. بعد الصفقة والشيل مع الفنان
تزغرد كمان..
اكتر من مرّة..
(بالضبط..
سهرة الطيب عبدالله.. التي تم الإشارة اليها في بوست أغاني وأغاني)..
لا أدري ماذا كان يفعل المخرج أثناء هذه المهزلة..
كان بيبشّر يا ربي
السؤال الذي يطرح نفسه (ضمن مليون سؤال تاني)
ما هو مفهوم المهنية في أجهزتنا الإعلامية؟
انه واحد في استديو وكا ميرا ومايكرفون؟
هل يعقل الا يوجد شخص واحد في طاقم هذه الفضائية
يتمتّع ببعض ال common sense ؟
يدرك الفرق بين المقبول و غير المقبول في جهاز اعلامي..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: هل يعقل الا يوجد شخص واحد في طاقم هذه الفضائية
يتمتّع ببعض ال common sense ؟
يدرك الفرق بين المقبول و غير المقبول في جهاز اعلامي.. |
السؤال اساسا هل هناك " اعلاميون مهنيون محترفون" في هذه الاجهزة ؟.. هل الوظيفة تصنع اعلاميا؟ كل المهن والحرف تتطلب مهنيين محترفيين لتنفيذ وادارة والاشراف علي الاعمال التي تقع في دائرة اختصاصاتهم ؟؟ اين هؤلاء في الفضائيات السودانية ؟؟ فشلنا بعمر هذه الفضائيات ان نجد اثرا لهم ؟؟؟ الي متي ننفخ في بالونات فارغة بمقولة " نحن احسن .. الخ " تملا الاذن ضجيجا حين تنفجر والبيان حالنا وحال بلادنا وكل المناشط فيها....هل نحن مؤهلون في الالفية الثانية لنافس عالميا من خلال عمل لا قول وسرد لتواريخ وماضي ؟؟ مدننا بائسة والخدمات قيها لاتوجد ومياه المجاري تتحتلط بمياه الشرب والشوارع تجرفها مياه الامطار والمستنقعات تملا الخواري والازقة وجامعاتنا تخرج شبابا لم يتعلم بعد لسوء حظه مع مافيا المدارس والجامعات ومستشفياتنا فيها اطباء لا يفدرون علي كتابة الروشتات كما قال المجلس الطبي .. وعمالنا لايعملون لانهم لا يجدون علاجا ومعاشا يستر الحال ولا صحة ويراس اتحادهم وافد عليهم "بروفيسور " لا يعلم عن حالهم شيئا ...يا عالم ياهوي ماشيين وين ؟؟
| |
|
|
|
|
|
|
|
|
 Re: درر ودرّاب... مقتطفــات فضــائية.. فاضية... (Re: abubakr)
|
| Quote: اها يا معتصم الجاي دة ما دراب واتقال لناس الدراب في عقر دارهم لعلهم يتعظون : |
بيني وبينك يا هندسة الدراب حاصل ..
بس المحيرني المزيعين ديل بختارهوم كيف ؟
وما هي المعايير التي يتم قبولهم بها ..
يا نجوان ..
أوعى في يوم تتصلي على قناتنا الفضائية ..
وتقولي عايزه ترسلي سلامك وتحياتك للبلد ..
دي ورطه ما بعدها ورطه ..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: كل المهن والحرف تتطلب مهنيين محترفيين لتنفيذ
وادارة والاشراف علي الاعمال التي تقع في دائرة اختصاصاتهم ؟؟
اين هؤلاء في الفضائيات السودانية ؟؟ |
بالضبط يا باش..
لابد من reform شامل وكامل لحقل الإعلام المرئي (موضوع الخيط ده)..
وقبل ذلك.. clean house بالكلوركس والديتول لكل من ساهم
في تدّني مستوى الأداء ..
| |
|
|
|
|
|
|
| |
نجوان
Hussein Mallasi
abubakr
mamkouna
عواطف ادريس اسماعيل
الفاتح ميرغني
tmbis
Hatim Yousif
jini
معتز القريش
saadeldin abdelrahman
عبد الدائم سيد أحمد
محمد المرتضى حامد
معتصم دفع الله
mohmmed said ahmed
hassan bashir
فيس بوك
تويتر
انستقرام
يوتيوب
بنتيريست