|
|
 على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا
|
إستمعت قبل قليل إلى آخر النشرات الأخبارية لإذاعة فرنسا الدولية..
يبدو أن ديبي قد عقد مؤتمرا صحفيا أو أدلى بتصريح لبعض الجهات..
لم أستمع بعد إلى ديبي وهو يتحدث.. لكن إتفاق أكثر من وكالة أنباء دولية عن تصريحاته تأكيد على أنه بخير..
هذا وقد أكدت الإذاعة الفرنسية على لسان ديبي أن العاصمة تخضع تماما لسيطرة الحكومة بل والبلاد بأسرها..
وقد رفض إدريس ديبي وقف إطلاق النار الذي قبل به المتمردون يوم أمس على لسان عبدالرحمن غلام الله..
وقد ذكر ناطق رسمي باسم المعارضة أمس ردا على تصريحات مسئوليين حكوميين رفضوا وقف إطلاق النار أنه وافقوا عليه بسبب المدنيين..
هذا وقد أكدت اذاعة فرنسا أن المتمردين يرابطون في منطقة تبعد 30 كلم شرق انجمينا العاصمة عكس ما أوردوه عن ديبي..
جدير بالذكر أن تصريحات متضاربة من أطراف المعارضة كانت قد شككت في وفاة ديبي أو إصابته بجروح خطيرة تقل على أثرها إلى المستشفى العسمكري الفرنسي..
|
|
 
|
|
|
|
|
|
|
 Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: محمد نور أحمد)
|
| Quote: والموالي ديل ما لميت في تصريح ليهم |
و لا حتى كلام الزول القال الوسطاء الافارقة منافقين
| Quote: وإنت لو شايف إنو ما من حقي أنقل كلام في الموقع دا عن أي جهة تانية زيي وزي أي عضو هنا تكرم بالإتصال ببكري يشيل مني العضوية وحترتاحوا مني كلكم لو أنا مسبب أي نوع من التشويش على قضاياكم في المنبر.... |
العفو يا محمد نور
تعرف انا و الله العظيم اول من يفتقدك اذا غبت عن المنبر و بعتقد ان وجود الطرف الاخر الغير متفق معاك مهم عشان انا بستمد حياتي من هذا الطرف المختلف معاي .
| Quote: لكن كدي تعال إنت يا أخوي قول لي شايت وين؟؟ |
انا قلت ليك قبل كده و بعيدو ليك تاني مره
انا مواطن سوداني , السودان عندي اولا و اخيرا .. لي علاقات اسرية سواء كان بالتزاوج او الدم او الزمالة بتشاد .. لذلك اطالب حكومتي ان لا تتدخل في شئون دول الجوار و منهم بالطبع تشاد .. كذلك اطالب حكومتي ان لا تتعامل مع الامور بمنظور قبلي لان ذلك يستهدف وجودي اينما كنت .. النظام في السودان لا يتعامل مع المشكلة من منظور سياسي و هذا هو اعتراضي .. طبعا شخصك الكريم واقع في فخ النظام و اتضح ذلك جليا عندما زعمت ان قبيلة الزغاوة تبيد قبيلة التاما .. في زعمك هذا وضعت الفرد الزغاوي في نيران التاماوي اينما وجد في امريكا او الصين او ابشي .. لذلك انا ضد التعميم .. لو تعامل النظام مع القضية من منظور سياسي , بكره تجدنا في اول قافلة تنطلق من امدرمان لاسقاط ادريس .. اما اذا تعامل مع الوضع من منظور قبلي , فالحفاظ على حياتي اولى من كل السودان .
الا تتفق معي ؟
| Quote: ولا كل الإجابات الفوق دي صحيحية..؟؟ |
كل الاجابات الفوق دي صحيحه
*
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: الصادق ضرار)
|
الأخ الصادق/
Quote: العفو يا محمد نور
تعرف انا و الله العظيم اول من يفتقدك اذا غبت عن المنبر و بعتقد ان وجود الطرف الاخر الغير متفق معاك مهم عشان انا بستمد حياتي من هذا الطرف المختلف معاي . |
أنا فاهم إنو أنا وإنت ما مفروض نكون في صراع أصلا..
طبعا أنا انا ما قاصدك إنت الصادق في شخصك بقدرما أقصد الرؤى البتدافع عنها..
إنت سوداني وإرتباطك بتشاد يفترض يكون في الحدود الإجتماعية..
زيها وزي علاقة أي حلفاوي بي مصر أو بني عامراوي بارتبريا أو زانداوي بالكغو..
لكن مع الأسف علاقتك إنت بتشاد ما كده ..
الإنتفاضة العملوها أولاد الزغاوة في المنبر في اليومين الفاتو ديل وإنت واحد منهم بتقول أنكم تشاديين أكثر من أي تشادي..
أنا ما بستنكر على أي زغاوي استحق جنسية تشادية إنه يحتفظ بيها بجانب جنسيته السودانية..
لكن حكايةإنكم ثوار في السودان ضد الجبهة الإسلامية لتحرير دارفور من الجلابة من هنا..
وأنتو في نفس الوقت تشاديين/سودانيين ضد الثوار التشاديين البيحاربوا ضد ضد ديبي ..
| Quote: انا مواطن سوداني , السودان عندي اولا و اخيرا .. لي علاقات اسرية سواء كان بالتزاوج او الدم او الزمالة بتشاد .. لذلك اطالب حكومتي ان لا تتدخل في شئون دول الجوار و منهم بالطبع تشاد .. |
إنت كان تطالب حكومتك ما تتدخل وإنت تتدخل ما تبقى القصة معايير مزدوجة ساكت..
إنت ما تتدخل كدارفوري سواء كنت زول ملكي ساكت ولا ثائر..
لكن تستنكر تدخل الجبهة المرفوض مني كتشادي وتتدخل إنت حفاظا على مصالحك القبلية ومصالح ثورتك ونحن نتحرق ؟؟؟
الصادق الأعور بيراعو لظرفه النفسي لكني لو كتر يقول ليه إنت أعور..
ألزغاوة مصرين يغزوا عودهم في السودان ويحتفظوا بعودهم المغزوز أصلا في تشاد..
تمنت يا الصادق لو كنت أدنت تدخل العدل والمساواه ..
كان اتدخلوا ياسم واحدة من الفصائل أو باسم قبيلتهم أو بأشخاصهم في النهاية اتدخلوا وهم سودانيين..
ده ما كلامي أنا .. وإنما حديث الجيش الفرنسي وإفادات ميدانية من قوات المعارضة..
راجع تي في 5 وراجع الجزيرة وراجع ار اف اي عشان تستوثق من كلامي.. ولو ديل كلهم كضابين وأبواق للجبهة ما عندي حاجة أقولها..
والقائد الذي أعلنت وكالات الأنباء قتله في من صفوف العدل والمساواه لم ينف أحدكم إنتسابه إلى ثوار دارفور..
يا اخوانا خلونا نقول الحقيقة حتى لو كانت مره ونواجهها..
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: محمد نور أحمد)
|
الأخ محمدنورأحمد سلامات ..
ولو سمحت سؤال؟
ياخي عاوز أعرف ماهي طبيعة الصراع في تشاد؟؟ !! .. أنا حتي الآن ما قادر اضع صورة لأسباب هذه الحروب الطاحنة !! .. والتي بالرغم من أنها تشادية تشادية وجدنا انفسنا كجلابة سودانيين مدانين فيها وكأنما نحن من حاربنا !!! .. طبعآ الوضع ده وضح لينا نحن إنو مشكلتنا بقت تمايز واضح بين أقوام السودان وأقوام ينتمون لتشاد أكثر من السودان !! ..
لكين أنا بس داير افهم لماذا كل ذلك التطاحن في تشاد؟؟ هل هي حروب جهويات؟؟ هل هي حروب قبليات؟؟ هل حروب ايدلوجية؟؟ هل حروب دينية؟؟ هل هناك مشكلة هوية ـ أفرقة وعروبة ؟ ـ وهل عندكم مشاكل عرب وزرقة ورعاة ومزارعين كالتي عندنا في دارفور وغيرها؟؟
نورنا يا محمدنورالله ينور عليك ..
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: Munir)
|
أخونا منير
Quote: لأخ محمدنورأحمد سلامات ..
ولو سمحت سؤال؟
,,,,,,,,,,,,
نورنا يا محمدنورالله ينور عليك .. |
داير تحرق أخوك مالك يا منير...؟
هسع كدا من غير ما إنت تجي البوست الجماعة شابكني كلامات كبار كبار..
مرة عندي غرض .. ومرة أجنده خفية .. ومرة مصالح شخصية
مرة أسلوبي بيشبه أسلوب محمد حامد جمعة. ومره مفرغ ..
ياخي زول بيقول ليك أنا إسمي محمد تقول لي لالا إسمك عيسى كان داير ولا ما داير..
إنت يا اخوي قالوا باقي جلابي صعب .. ما دخلت على أحد وزدته جلبنة.. ما تجيب لي الهواء يا زول..
بجيك راجع على الأسئلة الفوق دي .. طبعا لو ما تولوا التشاديين الهنا الرد علي اول ردي.
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: محمد نور أحمد)
|
الأخ محمدنور .. تصدق وتأمن أنا من أولي مشاركاتك هنا وشفت إنك بتغرد خارج سرب الجماعة عرفت إنك بعد شوية حتخش في نفق  .. وأهو زي ما شايف الجماعة صنفوك خلاس وبقيت شبه عدو لهم !! .. وبعد شوية طبعآ زي ناس بشاشا بعد ما يبدو استغرابهم من خطابك ثم سحب احترامهم حيعلنوها حرب عديل عليك وحيطلعوك جرقاس جلابة و..و.. الاسطوانة المعروفة ..
وعشان كده يا أخوي أنسي الأسئلة بتاعتي الفوق ديك طالما حتجيب ليك الهوا .. أنا براي لو لقيت زمن حأحاول أثقف نفسي بنفسي والنشوف القصة دي بدايتها وين وحتنتهي وين !!! ..
| Quote: إنت يا اخوي قالوا باقي جلابي صعب .. ما دخلت على أحد وزدته جلبنة.. ما تجيب لي الهواء يا زول |
وبعدين ياخوي أنا زاتي مستغرب كيف تم تصنيفي من غلاة الجلابة؟.. حاجة تحير !!.. أنا اساسآ ما بحب الغلاط يجو يطلعوني من غلاط الجلابة؟؟!! .. تعرف أنا شباب دارفور البعرفهم ويعرفوني لو سمعوا بالكلام ده حيضحكوا ملء أشداقهم ..
مشكلتي الوحيدة أني منذ أول طلقة لتمرد دارفور نبهت إلي أن الشغلانة دي حتجرجر البلاد والعباد لعواقب وخيمة ليس لنا كشعوب عالم ثالث مقدرة عليها.. وتراك شايف التفاعل المتسلسل لأول طلقة في هذه المعمعة .. وقد كتبت كثير جدآ عن هذه المآلات .. ولا أقول لأن زيد أو عبيد شرير عشان كده الأمور تفاقمت ، لأ، إنما لأن اللعبة السياسية واقدارها وتبعاتها فوق طاقتنا كشعوب مستضعفة يتلاعب بنا ديناصورات العالم ..
أمسك عندك ادريس دبي دا مثلآ .. أنا شبه متأكد أنه لم يكن في باله أن يخوض حرب مع السودان ولا كانت عنده نية في عداء السودان .. لكنه لقي نفسه مقحم إقحامآ في صراعات لو هو ما شارك فيها سينتقل للقبر سريعآ !!.. فالأحداث والضغوط الداخلية والخارجية أقوي منه ..
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: Munir)
|
يا منير سلامات
ياخي طولت ما شفتك و قلت يا خونا الجلابي الكردفاني ...طول ما عكر صفوالبوسات رغم انها بعيد كل البعد عن ........ المهم ...هل نحن شعب يحترم نفسه .....
تخريمة و اعتزر لصاحب البوست لان الحرب الجادية دي شعر ما عندنا ليه عنقرة .....
-------------------
| Quote: وجدنا انفسنا كجلابة سودانيين مدانين فيها وكأنما نحن من حاربنا !!! .. طبعآ الوضع ده وضح لينا نحن إنو مشكلتنا بقت تمايز واضح بين أقوام السودان وأقوام ينتمون لتشاد أكثر من السودان !! .. |
ياخي يا منير عندنا وفاة عمنا فلب عباس كان يعلمنا انحترم اباد خالتنا الجلابة ...كان يقول شفتو ليكم جيش بجي بنسوانه ... كنا نزوجهم بناتنا لذلك جاؤا فهم منا والينا
نعم هم ظلمة ...لكن الظلمة دوما جا هلون .. ان الله حرم الظلم علي نفسه ....منير و كمجوعة كبيرة هنا ...اقر انكم اكثر محبة للسودان ..لكن تخافون اذا صرنا حكاما \
و تظنون ان هذا ضدكم و يؤدي الي ذوالكم و ذوال ثقافاتكم ... لا والله انكم لخاطؤن ...انها بداية تاسيس التعايش الانساني و فعلا اننا شعوب سنعلم العالم معني ان
افتقد منير زوروا.... وان ثقافة منير و حقه في العيش هو نفسه حقي و روحي
شحتو
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: shahto)
|
شحتو كيف حالك ..
Quote: نعم هم ظلمة ...لكن الظلمة دوما جا هلون .. ان الله حرم الظلم علي نفسه ....منير و كمجوعة كبيرة هنا ...اقر انكم اكثر محبة للسودان ..لكن تخافون اذا صرنا حكاما \
و تظنون ان هذا ضدكم و يؤدي الي ذوالكم و ذوال ثقافاتكم ... لا والله انكم لخاطؤن ...انها بداية تاسيس التعايش الانساني و فعلا اننا شعوب سنعلم العالم معني ان |
يعني معقول ياخوي تصف شعوب كاملة بأنهم ظلمة؟؟!! يا أخواننا عنصريتكم دي لن تولد إلا عنصرية مضادة ..
ويا شحتو إنتو ليه قلبتوا الصراع في السودان لصراع عنصري وملأتم الفضاء بدعاوي جهوية وعنصرية؟؟!! ..
نحن ما عندنا مشكلة في من يحكم إذا كان السبيل لذلك هو الطريق الديمقراطي .. وعندك في آخر ديمقراطية كان لأهل الغرب أكثرية مقاعد البرلمان، ولم ينتبه أحد لجهويات البرلمان !! .. وعندما انقلبت الجبهة الاسلامية علي الديمقراطية لم نكن ننظر لها علي أنها زادت سطوة أولاد دارفور في السلطة والنفوذ !!! .. أنا شخصيآ لم أكن منتبهآ لهذه الجزئية ولم أكن لأعبأ بها .. شفت كيف؟ ..
يعني بإختصار كنا بنشوف السودان كسودان وكانت المشكلة لنا كلنا هي حرب الجنوب ، والتي كان حزب الجلابة ـ الاتحادي الديمقراطي ـ هو الأحرص فيها علي السلام .. وأتي بسلام منصف وقف ضده حزب الغرابة ـ حزب الأمة ـ ومعه الجبهة الاسلامية .. شايف؟ أصلآ نحن كشماليين وشعوب وسطي لسنا أطرافآ في الصراعات مثل تلك التي في دارفور أو في جنوب كردفان !! .. ولا ناقة لنا فيها ولا جمل .. فهي حروب موارد ومراعي نجد انفسنا مقحمين فيها ونحن لا ندري عنها شيئآ !!! وكلها في الآخر بتقع فوق راسنا نحن !! ..
فكما قلت لك لسنا ضد من يحكم .. ولكن ننظر لوسيلة الوصول للحكم .. لذلك قلت لك عندما كان البرلمان مزدحمآ بأهل الغرب ما كان عندنا بيهو شغلة، وعندما كان أولاد دارفور علي صهوة جياد الإنقاذ لم نكن ننظر لهم كأولاد دارفور، إنما كجبهة اسلامية قومية .. وهكذا .. لكين عندما يأتينا أولاد دارفور بصفتهم الجهوية والقبلية والعنصرية ويطلقوا دعاوي حرب الجلابة وما ادراك ما جلابة وعاوزين يأتونا في عمق ديارنا ليحكمونا بالزحف العسكري وسطوة التدخل الأجنبي فتأكد أن دون ذلك خرط القتاد !!! ..
هسه عاين كيف أن كل سوداني يمكنه العيش في الشمالية والوسط في أمن وأمان ، أما إذا حاول أي شمالي الآن يمشي ديار الزغاوة أو الفور سيقتلوه علي الفور !!! .. وكذلك تري الجنوبيين في الوسط والشمال آمنين سالمين بينما يتعرض الشماليون للنهب والتقتيل في الجنوب مع كل أزمة شمالية جنوبية !!! .. يبقي العيب وين؟؟؟ والغلطان منو؟؟..
يازول القصة طويلة وكتابة الماوس دي أنا ما بقدر أواصل فيها كثير ..
| |
|
|
|
|
|
|
|
|
|
Re: على ذمة الـ RFI ديبي بخير ويرفض وقف إطلاق النار والمتمردون ما زالوا في أطراف أنجمينا (Re: Munir)
|
الا خ زورووو
سلام و الله مشتاق ليك عديا واتمني ان اشرب موية من زير بيتكم ...بكوز المنيوم روسي معدل في سويسرا...او كورت طلس فيها علم السودان
القديم المتجدد ..زي علي حركة تحرير السودان قيادة الوحدة
شوف يا منير ...والله اجبتتك كاخ بدون انا اراك لكن بين السطور انت سوداني و حبيب و عادل انا والله ......
شوف انا عندي ايميل و سازورك .. ..في البيت ..حتي الان الاخوة يعطوني فيزا في جوبا و الخرطوم و ووو ه كذا في كردفان... السودان و دارفور
والله التقيت بكتيبة الشمالية في حركة تحرير السودان تحت قيادة .. كادوا ابوبكر كادوا و جلهم من الشمالية العرضي او الاردي
منير استحلفك باله و محبتي لك و للسودان
الرجاء ان نناضل و نجاهد وووللسودان... لامي و امك لاختي التي هي حتما هي اختي و جدك الذي ...عبر الد ان اه جدي
اما عن الذي من يعتدي عليك قتلني قبل ان يجرح شوعرك يا منير شحتو
اخوك توسلا شحتو
| |
|
|
|
|
|
|
| |
محمد نور أحمد
الصادق ضرار
Munir
shahto
فيس بوك
تويتر
انستقرام
يوتيوب
بنتيريست