بيان هام من المكتب التنفيذي للحزب الليبرالي السوداني

Quote: طيب يا زهرة لو عاوز اعرف المحددات الذهنية لكادر الحزب الليبرالي يعني منهج الحزب الليبرالي البتحدد ليهو طريقو ؟؟ وبالمرة ما هي مبادي ومرتكزات الحزب الفكرية ؟؟ تاني هام وصفتي حزب الامة باعتباره واحدا من تيارات الاسلام السياسي ما هو تعريفك للاسلام السياسي وما هو في رايك منهج وفكر حزب الامة ؟؟

(عدل بواسطة زهرة حيدر ادريس on 03-13-2008, 07:40 AM)

Quote: عاوزه بس ااكد على حاجه انا ما متوقعه انو نتفق في الكلام القلتو ده لانو ده تحليل وفق منهجي .. لكن ضروري نكون فاهمين كل واحد مننا شايف شنو.. وللفائده العامه طبعا في طرح رؤيتنا لغيرنا

نكون متفقين وكما قلت سابقا لكان من البديهي ان يكون بيتنا السياسي واحد او على الاقل الفكري العام واحد .. وده ما ..شي غلط كونوا نكون مختلفين.. لا .. دي رحمة- ورحمة دي من مرتكز فكري لحزب الامة.. وليس ليبرلي وبيجيك ليهو صادي بعدين بعد ما نبدا في حزب الامة ومنهجيتو وعلاقتو بالاسلام السياسي والاسلام المدني والاسلام العلماني والاسلام الليبرالي الخ الخ الخ الخ - تصدقي ده كلو مدراس موجودة في الاسلام وكلو وليهو منطقو .. المهم كما قلتي ان نعرف بعضنا افضل من ان نتصادم ولذلك كان اسلوبي معك اسلوب التوضيح والسؤال والتدقيق وضبط المفردات والمصطلحات حتى لا نتهم مرة اخرى في مقاصدنا ...عندما طلبت تفسير المنهج للحزب الليبرالي عرفتي بانو المحددات الذهنية ولكن بالنسبة لي ان المحددات الذهنية كلمة فضفاضة وعامة ولا تحمل تحديدا معينا فكل انسان ينطلق من محددات ذهنية خاصة به بل حتى الحيوانات تنطلق من محددات ذهنية تعكس فهمها للاشياء من حولها .. الطفل في المهد ينطلق من محددات ذهنية وعلاقات الاشياء بالاشياء ..


ولذلك طلبت تحديدا وتفصيلا اكثر لما هي المحددات الذهنية المقصوده هنا فمن المعلوم مثلا ان انصار السنة ينطلقون من محددات ذهنية منطلقة من مرتكزات فكرية منغلقة حول تفسيرات ماضوية وتراث فقهي شمولي عرف تاريخيا وعلميا بالمذاهب الاربعة وتحديدا ما جمعه المذهب الوهابي المنتمي لمحمد بن عبد الوهاب والمنكفي على المذهب الحنبلي ..
بالنسبة للشيوعية مثلا تنطلق من النظرية الماركسية فجدليات وفرضيات النظرية الماركسية تمثل المنهج التحليلي المسمى علمي كذلك للرؤى والافكار والبرامج المطروحة للاحزب الشيوعية في العالم ولذلك اندهشت جدا للجمع بين حزب الامة والشيوعي عند حديثك حول التغييرات المنهجية للاحزاب السودانية فما يحدث في الحزب الشيوعي هو دراسات تقدم ومناقشات عامة بين العضوية واصدقائها لايجاد منهج للحزب الشيوعي اما يعتمد على النظرية الماركسية نفسها او ايجاد منهج بديل تماما .. ولا يوجد ذلك في حزب الامة !!
ولكن سيتبين الفرق بصورة اكبر من خلال النقاش ...

كذلك مثلا الحزب الاتحادي الديمقراطي كنت في حوار مماثل مع الشاعر الطيب البرير فسالته عن المرتكزات الفكرية للحزب الاتحادي الديمقراطي فاجاب اجابة عامة كذلك عن الديمقراطية وحقوق الانسان اي انها ايضا محددات ذهنية للحزب الاتحادي الديمقراطي احد المنضوين تحت القائمة السداسية !!!!
اي ان الحديث عن الديمقراطية صار مثل الجواد الرابح و كل يدعي الوصل بليلى !! ولكن من هي ليلى !!
المحددات الذهنية تختلف من جماعة لجماعة ومن فرد لفرد فلا يمكن قيام تنظيم وحزب مثلا باعتبار ان الفردية هي الاساس !! اذا من اين ينطلق الفرد ابتداء فهل مثلا اذا حمل فرد ما فكرة دينية حسب اجتهاده الفردي وتم نقاشها في اطار جماعة فهل يمكت تبني رؤية دينية او طائفية بناء على الفردية ام ان هنالك موجهات ومرتكزات لمحددات الذهنية !! وعندما كانت الكلمة نفسها ( محددات ) تدل على ضرورة وجود محددات اطارية لان التحديد هو الحد اي حد معين لا يمكن تجاوزه باي حال من الاحوال فليست هنالك جوامع لا نهائية فلكل جماعة - تنظيم - محدداته وهذا من الضروريات والا فعلى ماذا اجتمعوا ؟؟
لذلك عندما تقدمت في قراءة مداخلتك وجدت الاتي وقلت ربما كان هنالك تفصيلا اكثر :

Quote: المحددات الذهنيه للفكر الليبرالي عموما مبادئ اساسيه مرتبطه بحريه الفرد في البدء المرتكزه على الايمان بالمقدره الانسانيه في التفكير السليم والتجربه والتعلم و الابداع ومن ثم التطور.. منتقلين الى حريه المجموعه على نفس الاسس مع الوضع في الاعتبار خصوصيتها عن الفرد ومن ثم الى حريه المجتمع... روح الفكر الليبرالي هي الديناميكيه وعدم الرضوخ للثبات.. فان كان ما حول الفرد او المجتمع في حالة حراك دايم لابد ان يصاحب ذلك حراك على هذه المستويات ... واليات التطور هي التجربه و التعلم من جهة وتجاوز او كسر المكبلات الا منطقيه لهذه الحريه و التي تحول دون التطور الانساني

هنا ازدات انعقاد الحواجب !! وتعظمت الحيرة تماما !! فما هي المبادي الاساسية واذا كانت هنالك مبادي اساسية فما معنى ( عدم الرضوخ للثبات ) فلما كانت المبادي تحمل صفة الاساسية فهذا يعني بالضرورة ثباتها كذلك وهو الصحيح فعلا ان تكون المبادي ثابته والمتغير يكون في الوسائل لتطبيق المبادي ولكن ما هي المبادي !! فحرية الفدر المرتكزة بالايمان بقدرات الفرد من الممكن ان تجد لها الف مصوغ ديني وفلسفي ومثال لذلك حتى لا يكون الحديث انشائيا ( كثير من الايات في القران الكريم تتحدث عن القدرات العقلية للانسان بل تستفز العقلية الانسانية في الكشف عن اسرار الطبيعة والوصول الى معرفة الله والعقل اساس التكليف ) .. فهل الفردية والعقلانية نا صفة خاصة بالفكر الليبرالي ومحدداته اي انها براءة اختراع ليبرالية ؟؟ قطعا لا .. اذا ما هي المحددات والمرتكزات ونعود الى المربع الاول ..

ولكن هنالك بريق ضوء ..

Quote: نجي لمرتكزات الحزب الفكريه .. يا ود العمده على قدر تقديري ليك وبي متابعتي لمداخلتك مع ثروت فانت بالجد ما ماستوعب محمولات الليبراليه .. فبمجرد ذكر ليبراليه فهناك محمولات تتبعاها كالديمقراطيه و العلمانيه والمبادئ الاساسيه لحقوق الانسان.. وانا يا ود العمده لمن بقول ليك انو كنت حاسه انو منهجك ليبرالي وانت بتناقش الشيخ الطقي قاصده شنو قايلني .. الكلام اللي انت كنت بتقولو ده كلام علماني .. يعني ما ثروت المحتاج يفتش لي كلمة علمانيه في ادبياتنا لانها موجوده ضمنا .. هسه نحنا بنتناقش على ياتو اساس في المنبر ده انت ما شايف اراءنا وموقفنا علمانيه

ولمزيد من الدقة يا استاذة زهرة :

هل المقصود بالمرتكزات الفكرية ومحمولات الفكر الليبرالي للحزب الليبرالي السوداني ( فقط ) :

الديمقراطية
والعلمانية
والمبادي الاساسية لحقوق الانسان
؟؟

بعد السؤال ح اوضح ليك المنهج الكنت بتناقش بيهو مع الشيخ الطقي وح اوضح ليك ليه ثروت محتاج لكلمة علمانية في ادبيات الحزب الليبرالي .. وبقول ليك ليه ذكرتو مفردات ومصطلحات مثل الديمقراطية ومبادي حقوق الانسان والدستور ( المدني ) وليس العلماني في النظام الاساسي والاعلان السياسي .. يعني حقارة بس بالعلمانية ولا شنو يا زهرة
ولحدي ما تجاوبي كمان عاوزك وثروت تفكرو ليه حركة حق كانت بتركز في حديثها عن العلمانية بفهم خاص بيها هو العلمانية الايجابية تتذكر يا ثروت نقاشنا الزمان ؟؟


في انتظارك يا زهرة

Quote: يا ود العمدة بطريقتك دي بيجيني بهق يعني انا خشيت حزب الامة بالغلط و لا كيف؟ كدي امشي روق و صباحات الله بيض و تعال بدون انفعال نناقش وجهة نظرك عادل رجاءا روق شوية مع الزول دا و براحة

Quote: عندما طلبت تفسير المنهج للحزب الليبرالي عرفتي بانو المحددات الذهنية ولكن بالنسبة لي ان المحددات الذهنية كلمة فضفاضة وعامة ولا تحمل تحديدا معينا فكل انسان ينطلق من محددات ذهنية خاصة به بل حتى الحيوانات تنطلق من محددات ذهنية تعكس فهمها للاشياء من حولها .. الطفل في المهد ينطلق من محددات ذهنية وعلاقات الاشياء بالاشياء ..

(عدل بواسطة زهرة حيدر ادريس on 03-13-2008, 12:26 PM)

Quote: ولمزيد من الدقة يا استاذة زهرة : هل المقصود بالمرتكزات الفكرية ومحمولات الفكر الليبرالي للحزب الليبرالي السوداني ( فقط ) : الديمقراطية والعلمانية والمبادي الاساسية لحقوق الانسان ؟؟

Quote: انا ما شايفه كدا عارف ليه لانو شايفه انو مساله فصل الدين عن الدوله عمود اساسي في احترام الاخر اللي ما بيشارك المعتقد الديني ..وعمود اساسي في كسر مكبلات التطور الانساني .. لانو الدوله الدينيه بتجمد حاله التفاعل وبتقتل روح الابداع والفكر وبتنحاز لمنهج فكري محدد بتفترض فيو الصحه دون غيرو

Quote: طبعا لازم نبدا من كلمه فضفاضه اذا كنا بنتكلم عن منطلق لفكر انساني وبيحي بعد داك التحديد بالشكل السرتو ليك .. لكن اللي انا حسيتو من كلامك انو انت العندك خلط ما بين المحددات الذهنيه وبين المرتكزات الفكريه التعريف الاوردتو يا ود العمده بيتدرج ليك في محاوله لايضاح تطور الفكره الصياغي .. نبدا بي انو في محددات ذهنيه متستوعب الحريه الفرديه على اساس الايمان بقدرات الفرد ومقدراتو البتوجهو للتطور واللي روحها الدينماكيه والحراك اللي بيستوعب التطور الاناسني تفكيكا للتعريف .. تنطلق الليبراليه من فلسفة إن من حق الإنسان الحياة والحرية والاختيار بناءا على الايمان بمقدره الانسان عل التفكير والتجربه والتعلم والتطور.. كدا بنكون خلصنا مرحلة الكلام عن المحددات الذهنيه للفكر الليبرالي نجي للمرتكزات اللي انطلقت من المحددات السابق ذكرها مرتكز اول في االيبراليه حرية الاعتقاد .. ودي ما فيها كلام كتير لانها واضحه اظن مرتكز ثاني في الليبراليه قبول الاخر وحينما نتحدث عن حريه الاختيار فهذا لنا ولغيرنا المختلف معانا فلكل حريته في اختيار ما يريد و لذا كان قبول الاخر مبدا اساسي يجي السؤال كيف تدار الحياه في ظل هذا الاختلاف دون ان يطغي طرف على الاخر او يفرض فكر نفسه على كونه الاصلح والابقى.. وهنا يجي الكلام عن الليبرالية السياسية اللي بتستوعب التعددية الثقافيه و الفكريه و المنهجيه ايضا على الصعيد السياسي تدعو الليبراليه إلى سيادة القانون في الدوله من خلال نمط حكم ديمقراطية تعاقبي على السلطة.. وده بوضح ليك كلامي عن القانون ومعرفة المواطنين لحقوقهم وضرورة التمرن على الحياه في دولة مؤسسات واللي نحنا بنهدف لتحقيقها وهي على الصعيد الاجتماعي بتنادي الليبراليه بالمراجعة دائمة والمستمرة للنظم الاجتماعية وتجديدها وإصلاحها وعدم الوقوف في وجه تطورها وارتقائها الطبيعي والليبرالية على الصعيد الاقتصادي تدعو إلى الحرية الاقتصادية واحترام الملكية لفردية وحرية تكوين الثروات ورؤؤس الأموال مع ضرورة دعم الطبقات محدودة الدخل، من خلال فرض الضرائب على حركة رؤوس الأموال والأرباح، لأحداث توازن حقيقي ما بين الطبقات الاقتصادية والشرائح الاجتماعية عموما عرفت الليبراليه من خلال حركتها التاريخية ومنظومتها الفكرية والسياسية على إنها حركة وعي إنساني تهدف إلى التحرر من قيود الاستبداد الديني والاقتصادي والاجتماعي والثقافي، التي تعوق النهوض والتقدم والتطور بمختلف جوانبه ..ة وده القصدتو ليك لمن قلت ان الدينماكيه والتطور زي ما الياتو التجربه و التعلم والتطور اليتو برضو كسر المعوقات الا منطقيه البتعوق عمليه التطور الانساني

Quote: اما عندما تحدثت عن العلمانية تحدثت بصيغة ( انا شايفة ) يعني قد تكون رؤية شخصية وقد تكون تنظيمية وانا ارجح الاولى وذلك لان النظام الاساسي والاعلان السياسي تحدثوا عن دستور مدني ودولة ديمقراطية ولم يذكر اسم العلمانية

Quote: ما قلت ليك انت قاعد تقرا كلامنا وفي ذاكرتك نتائج مسبقه عشان كدا ما قادر تقراهو كويس وبتكون انتقائي فيو ياخي قلت لين انو واحد من الطرق البنواجه بيها النظام دستوره اللي هوه سناه وفي وسائل تانيه منها وثائق حقوق الانسان والاعراف الدوليه اللي السودان نفسو مقر بيها ومعترف بيها .. قانون النظام العام بالتحديد اللي انت بتفتكر انو الزقاق الضيق اللي نحنا حننزنق فيو بتعارص مع حقوق الانسان وفي الحاله دي بنحاسبهم باقرارهم لموثيق حقوق الانسان والتفافهم عليها يا اخ الهادي في اعتقادنا انو اكبر مساحه تركتها القوى المعارضه للنظام عشان يتفسح فيها هي المساله القانونيه دي .. نحنا دايرين ما نفوت المعركه دي وواثقين انها معركه الانتصار فيها مضمون لانهم ما قدرها.. هي بس محتاجه وعي اكتر للجماهير بحقوقها ومحاصرتها للنظام وفق الحقوق دي حاجه تانيه اذا كنا بنتكلم عن تغيير وسودان جديد .. فاشنو اللي عايزنو للسودان الجديد ده .. عايزين ناسس لدولة فوضى تاني الافضل انو نتعلم نعرف حقوقنا ونناضل عشانها بدل الرفض من اجل الرفض .. واذا اردنا دولة مؤسسات يبقى لازم نتمرن عليها من هسه وانشاء الله نكون قربنا خطوه لي انو نوضح رؤيتنا ليك

Quote: لا مع الدستور لا مع قانون 2005

Quote: نحنا بنحاصر النظام بي قطبيه بما وقعو عليه واجازوه .. واللي نحنا شايفين انهم عاجزين عن انو بي عيوبو دي انو يكونو قدروا .. انا اصلا لمن اتكلمت ليك عن قانون النظام العام ما قلت ما يفيد تبريرنا ليو او تايدنا ليو .. ما عارفه انت مصر تفهم بي الشكل ده ليه .. ياريت تقرا الباكتبو براحه بدون حمى الماتش مع الليبرالي.. دا اولا

وإنتي برضو ياريت تقري القاعد أكتبو براحة وبي رواقة وتفهميهو..
فأنا لم أتحدث عن عجز النظام عن تطبيق دستوره وقوانينه يا زهرة ...
بل إنو مشيت كمان أكتر من كده وأعطيتك مثال لقوانين وممارسات وعقوبات يجري تطبيقها بصورة يومية في المحاكم بمختلف أنواعها، ولم أتطرق أبداً إلى إنو النظام يخرق الدستور، أو يهين المواطنين ويعاقبهم وينتهك حقوقهم وآدميتهم خارج إطار المحاكم يا زهرة
الممارسات دي كلها قاعدة تتم في إطار نفس الدستور الموجود الآن وتحت مظلة القوانين السائدة ...
فبماذا ستحاكمون النظام يا زهرة ؟؟؟
ما هي الآلية لمحاكمة النظام بما وقع عليه وأجازه وهي دستوره ؟؟
... ده هو السؤال يا زهرة ...
وخليك مني ، انتي أتفضلي ووري الزوار والقراء الكرام أدوات "الحزب الليبرالي" في المعركة القانونية مع النظام اللي هو بيقول عليها دي في ظل الدستور السائد الآن ..
وإذا كانت الإجابة هي الإجابة المعهودة وهي :
مواثيق وعهود واتفاقيات حقوق الإنسان الدولية اللي صادق عليها السودان ..
فأنتي ملزمة بالتفضل على القراء والزوار الكرام بإيراد نص من دستور 2005 بعطي لمواثيق وعهود حقوق الإنسان الدولية والموقع عليها السودان قابلية النفاذ في المحاكم السودانية

وده كلامي وأسئلتي حتى الآن ..

عندك ليها رد .. اتفضلي مباشرة وردي

ما عندك .. قولي ما عندي ..

عشان نمشي للنقطة اللي بعدها!!

Quote: يا زهرة يا بنت العم التعامل بي نفاد الصبر أبداً ما بحل قضية .. فالرجاء " فضلاً لا أمراً" ضبط الانفعال .. ومن قبل ضبط المصطلحات "للفائدة العامة" ! وبطلب منك كمان إنك تخلي نفسك طويل في النقاش، ما دام انتي هدفك هو الفائدة العامة وما دام كمان بتعايني لكل المرور والقراء واللي تجاوز عددهم حتى الآن الثلاثة آلاف قارئ وقد يزيد !! واللي أعتقد إنهم يستحقوا عناء الشرح والتوضيح والإفادة وإزالة اللبس القائم في بيانكم !

Quote: النظام ودستوروا واتفاقيتو وقوانيونو سيئه عديل كدا .. انتم رافصينها ؟؟؟ .. هل دا موقفكم القائم حسه؟؟؟ لو كانت الاجابه بي نعم ... فسر لي موقف الصادق المهدي الاخيره واعلانو انو خاشي في حوار مع المؤتمر الوطني .. والهدف شنو من الحوارات دي .. وما مدى الاتفاق الساعين ليو معاو .. وما مدى ما توصلتو ليو من اتفاق معاو؟؟؟ ووين مساله الدستور والقوانين القائمه من الاتفاق اللي ممكن تتوصلو ليو؟؟؟ ثانيا. شنو موقف حزب الامه من قانون الانتخابات .. وهل انتو قابيلن فكرة استثناء احزاب ما قبل 89 بس من التسجيل وفق نفس القانون؟ ثالثا . ما موقف حزب الامه من الانتخابات القادمه .. ووفق اي قانون حزب الامه حينزل الانتخابات لو عندك قرارات بي انو ينزل؟؟؟

Quote: حا تجيك مواقف وأجوبة حزب الأمة وبالتفصيل الممل كمان عن كل ما سألتي كخاتمة للنقاش الدائر في هذا البوست يا زهرة ، وده عشان ما نشتت تركيز الناس، وعشان كمان ما نضيع "الثمين" وسط "الغث" يازهرة!

Quote: والله يالهادي ما المساله ابدا انك تجي تختم كلامك بس وتقول الكلام انتهي ياود الناس وين الحوار لي فائده الكل القعدتها تقولو فوق .. انتو شايفين روحكم الختام المسك ولا شنو؟؟ يا ود العم تعال اقعد في الواطه دي وجاوبني على الاسئله دي لانها من صميم موضوع البوست دا .. انت ما ملاحظ انو الاخوه في حزب الامه هم بس الما فاهمين وما قادرين يستوعبوا الكلام البتقال وهم الوحيدين اللي شايفين تناقضات وهلما جرا يبقى منن الضروري جدا في صميم موضوع البوست والحوار الماشي فيو اناقش ليك العقليه و المبدايه الما اديره تفهم اي كلام بتقال دون الخلق الحايمه فيو يبقى ما في داعي للزواغانات لانوالاسئله لازم تتجاوب واكيد ما حيختتم بيها البوست

Quote: الهادي بالجد انت بتشوف كويس ؟؟؟ يعني متاكد انك قاعد تقرا الكلام.. او للحظه بتقيف وتفكر انو يعني شنو .. ولا المساله والولاء خلاك زي البتنطح وبس بدون وعي يا اتو زوغان الزوغتو دا انا ؟؟ انا شرحت وفصلت لمن الكلام قرب يقول ليك انا هنا يا الهادي تعال لي اقراني تاني .. ومشيت اكتر من كدا ضربت ليك مثل بي معركه قانونيه انخاضت من قبل ناس تانين بيتفقوا معانا في كتير وهي في صلب مساله منازلة النظام بي قانونو ودستورو والاتفاقيات الموقع عليها بتاعة حقوق الانسان.. يعني اكتر من مثال حي ينقال ليك شنو

يعني مع احترامي ليك يا ( زهرة حيدر ) لمن نقول عليكم إنكم بتضللوا الناس وتسوقوا ليهم الوهم ما بنكون أبداً بنفتري عليكم
لأنو بالنسبة لموضوع الدكتور ياسر ميرغني اللي بتفتكري إنو مراقة ممكن يحلك ..
فالمادة التي قدم بها الدكتور ياسر للمحاكمة وهي المادة (159) من القانون الجنائي "إشانة السمعة"
لا تزال موجودة وقائمة، ولا تزال تشكل سيفاً مسلطاً على رقاب الصحفيين وعلى موضوع حرية النشر والتعبير، ويجري استخدامها من قبل النظام ومؤسساته على نطاق واسع لإرهاب الصحفيين ومصادرة حقهم في التعبير وممارستهم لدورهم في الرقابة على المسئولين وعلى أجهزة الدولة ومؤسساتها! وتشكل تلك المادة السيئة الصيت أحد أدوات النظام الماضية في قمع الناس وقطع ألسنتهم وإخراس أصواتهم ! وإن كان قد حكم على الدكتور ياسر بالبراءة في قضية الدواء الفاسد ، فقد صدر بموجب نفس المادة أحكام وعقوبات على الكثير من الصحفيين والمواطنين لصالح أجهزة النظام وبضمنها وفي مقدمتها جهاز " الأمن " !!!
وبالتالي فإن احتفاءكم بهذه الطريقة، يكشف بالفعل إنو ليست لديكم أي آلية لمواجهة النظام ومحاكمته عبر دستوره وقوانينه، في المعركة القانونية التي تدعونها وأن حديثكم في هذا الصدد لا يخرج عن كونه خطل وتضليل وتسويق للوهم للناس وهرطقة وكلام سااااي ليس إلا !!

وعليه فلا زال الجمهور يطالب جماعـة " تستندون" بـ :
1ـ الآلية الواضحة والتي تمكنهم من محاصرة النظام وفق دستوره وقوانينه ..
2ـ النص الدستوري الذي بسمح بالاحتجاج بالاتفاقيات والمعاهدات الدولية لحقوق الإنسان لدى المحاكم السودانية

وعشان تاني ما في زول يجي يرمي للناس كلام سااااااااي كده ويشتت ..

وخلصونا من النقطتين ديل يا جماعة خلونا نمش لي قدام

(عدل بواسطة Elhadi on 03-19-2008, 10:48 AM)

Quote: لا حل الا بفصل الدين عن الدولة

Quote: لقد حكم السيد الصديق بمنهج علماني او مارس السلطة تحت العلمانية وكذلك السيد علي والسيد الصادق لا اعرف اي مجادله الان لتحكيم الشريعه

Quote: يا ود العمده القصد ان السيد الصديق او السيد عبد الرحمن ابان الاستعمار او بعد ذهابه والامام الهادي لم يشتغلوا بالدعوة لدولة دينية

Quote: يا صبري يا اخوي متين الامام الصديق حكم السودان

Quote: اما عندما تحدثت عن العلمانية تحدثت بصيغة ( انا شايفة ) يعني قد تكون رؤية شخصية وقد تكون تنظيمية وانا ارجح الاولى وذلك لان النظام الاساسي والاعلان السياسي تحدثوا عن دستور مدني ودولة ديمقراطية ولم يذكر اسم العلمانية

Quote: شوف يا ود العمده ... نحنا مختلفين اختلاف منهجي كامل يحتم عدم تلاقينا فكريا اوسياسيا دي قناعه عندنا..ويستحيل من وجه نظرنا للاختلاف دا نلتقي على اي مستوى .. لكن لو رجعت للورقه اللي كتبتهافي المؤتمر حول علاقتنا مع القوى التقليديه.. الورقه اتكلمت في مقدمتها وفي الحته اللي انت ارتكزت عليها لاثبات التناقض انو في تحولات وحراك داخل هذه القوى من الجيل الجديد .. هذه التحولات في رايي منبعها تغيير في المنهج القديم لهذه القوى فرضته متطلبات العصر و التطور الفكري الطبيعي اللي بيخلو الشباب يسعوا لتغيير المنهج القديم.. مثلا شوف التحولات الحاصله في الحزب الشيوعي ومراحل التحول فيو عشان ما تزعل تقول انتو بس .. وحتى داخل الحزب الاتحادي .. انا كنت متابعه موقف شباب الحزب الاتحادي اللي عاصرتهم في الجامعه امثال بابكر فيصل وغريب الله داخل الحزب .. وحتى عندكم لمن كنت بتابع كثير من كتاباتك انت ولنا والشباب في البورد

Quote: ورد في نفس البيان الانت قريتو ده حديث عن مراقبة اقطاب النظام - اللي هم الحركة الشعبية والمؤتمر اللاوطني - مراقبة القطبين ديل ضد التجاوزات - يعني مافي حديث عن تغيير الدستور بل الشرح الوحيد الاتقدم هو منازلة النظام وفق الدستور دستور 2005 يا ثروت !!!!

Quote: هل هذا البيان ازلي؟ هل بيان بنهاية التاريخ؟ هل هو شامل لكل شيئ؟ هل مجمل للفقه الدستوري؟ هل هو محيط بكل اوضاع السياسةالسودانية؟ لا طبعا البيانات تكتب بإختصار مفيد لتوصيل فكرة ما يميل البيان للخطوط العامة و يجنح لتفيصل و ذلك لانه يعبر عن وجهة نظر اعضاء مجموع كبير من الناس هذا من ناحية من الناحية الاخرى ليكون مقرؤا بغكبر كمية من ناس ايضا يظهر بشكله المضغوط المثال. لقد حملت البيان اكثر مما يجب. مواصلة

Quote: ما بين الليبرالية والعلمانية : ويربط الناس بشكل مبتسر ما بين الليبرالية والعلمانية؛ وهذا ليس صحيحا دائما في الحقيقة؛ حيث يمكن للإنسان أن يكون علمانيا دون أن يكون ليبراليا؛ ويمكن للدولة أن تكون علمانية دون ). .. كما يمكن للمرء أن يكون ليبراليا دون أن يكون علمانيا؛ طالما اعترف للآخرين بحريتهم في اختيار ما يريدون واعتناق ما يريدون في إطار سلمي . بمعني آخر إن الليبرالية ليست عقيدة ما للنظر للكون والأشياء؛ كما النظرة العلمانية والنظرة الدينية؛ وإنما هي آليات لتقرير ضرورة الحرية وللدفاع عن الحرية ولتنظيم ممارسة الحرية في المجتمع. لذلك يمكن أن نجد مثلا داخل الحزب الليبرالي السوداني؛ ورغم غلبة العلمانيين أو أصحاب النظرة العلمية فيه؛ الكثيرون من المتدينين وممن يستقوا اغلب أفكارهم من الثقافة الدينية؛ كما هناك الكثيرون ممن لهم مواقفا وسطا ولا تستطيع أن تحسبهم علمانيون للنهاية أم متدينون للنهاية. ولا يبحث الحزب في كل هذا؛ باعتبارها أشياء خاصة ترجع لاختيار الفرد؛

Quote: هذا الامر يا ثروت ويا د عوض يؤكد بما لا يدع مجالا للشك ان الحزب الليبرالي ليس حزبا علمانيا وهي ضالتك يا ثروت التي تبحث عنها ... ولكنك لا تجدها في ادبيات الحزب الليبرالي وانما تجد حديثا حمال اوجه اي انه من الممكن ان يكون هنالك خطابا علمانيا ولكنه في نفس الوقت من الممكن ان يكون هنالك خطابا دينينا كذلك لان عادل يقول ان هنالك متدينون يستقون افكارهم من ( الثقافة ) الدينية !!

Quote: ود العمدة سلام لا ادرى على اى اساس فهمت من هذا الكلام ان الليبرالى ليس حزبا علمانيا؟ فى اى حرب هتاك نفاوت فى نظرة افراده لمعظم الامور و فى النهاية هتاك الموقف العام او الرسمى للحزب و هو جماع هذه النظرات و محصلة اليات الديمقراطية داخل الحزب هذه هى ابجديات السباسة ووافع الحال فى اى حزب يستحق اسم حزب (الا اذا كان حزب صورى يديره فرد مثل الاتحاد الاشتراكى المقبور)!

Quote: وعشان ما يحدث لبس سالت الاخ ثروت كثيرا عن مفهومو للعلمانية بالنسبة ليهو - ولكن طالما لا اجابة بيكون نقاشي للعلمانية من التعريف السائد والمعروف ..

Quote: اي حزب ليس بعلماني فهو اسلام سياسي !!!

Quote: هذا جزء من ورقة لتعريف الحزب بنفسه و هئيته الفكرية المقدمة لمن يرغب في الإلمام بشيئ عنه.

Quote: الهادي يابن العم نحنا لا مع الدستور لا مع قانون 2005 و الكلام ده وضحتو من ثاني مداخله لي نحنا بنحاصر النظام بي قطبيه بما وقعو عليه واجازوه .. واللي نحنا شايفين انهم عاجزين عن انو بي عيوبو دي انو يكونو قدروا ..

Quote: بإعتبارك رجل طائفي اسكنت نصف عقلك{في احسن الاحوال} للامام طائفة يتكسب من ولائك الاعمى سياسيا و النصف الاخر مغلق تجاه فكرة العلمانية و محدد وجهة نظرك فيها بشكل مسبق بناءا على موجهات الطائفة الدينية التى شكلت وعيك و محيطك الذي تتحرك في مساحاته المحدودة الان. يبقى الاعادة و التكرار لا معنى لها هنا في هذا البوست فقط لنطفئ ظمأ شقفك بعيوش الكلام و الجدل السرمدي. و الدليل تلويحك للتعريف {السائد و المعروف}. اي التعريف العدائي للعلمانية الذي يحمله اصحاب الافكار الدينية السياسية امثالك.

Quote: ثم ناتي لسؤال اخر هل الفلسفة الليبرالية هي وحدها القائلة بحرية الفرد في الاختيار ؟؟ هل الاختيار في الفلسفة الليبرالية مقصور فقط على الاختيار الدنيوي ؟ وبذلك تنفي الليبرالية نفسها ام من الاختيار مفتوح للدنيا والاخرة ؟؟ فهل مثلا اذا اخترت ان اتخذ من الاسلام منهجا لي هل هذا يعتبر اسلام سياسي ام حق اختياري

Quote: يا عزيز انا عارفه انك ما بتتكلم عن عجز النظام في التطبيق بتتكلم عن سوء القاونين نفسها ورفضك ليها .. وتاني باقول ليك انو نحنا برضو رافضينها .. بس نحنا مع رفضنا ليها بنستخدمها لمحاصرتهم... والشاهد انو في القاعد يحصل فعليا مش شايفين انها سيئه بس انها بتسخر للقهر و الاذلال ودعم النظام واحاديته او ثنائيته في الحاله القائمه وفي النهايه لانتهاك حقوق الانسان كمان.. طيب ده ممكن نكون متفقين عليو .. اللي انت مصر انك ما تشوفوا انو التسخير دا بيستخدم جهل المواطن السوداني لحقوقوا وللقوانين السيئه دي نفسها واللي فيها جزء كبير فيو تناقضات مع الدستور ومع اتفاقيات حقوق الانسان الموقع عليها السودان .. والجهل دا ممتد من المواطن البسيط للجهات البتمثلو وقواه السياسيه الممكن تعبر عن عنو ومفروض تخوض عشانو معارك قانونيه على اعلى المستويات .. وعلى اسوا الفروض هي ممكن ماترجع ليو حقو حتكون على الاقل بتفضح في النظام وتحاصرو .. ولو انت قادر تستوعب دا .. حتقدر تعرف انو مهمه المحاصره دي لانو حتجي لحظه ويحين اوان المحاسبه واللي ما مفروض تكون انفعاليه ومتخبطه لكن منطقيه وقانونيه .. دا غير انو ممكن تربح المعركه القانونيه دي مثال حي للمعارك القانونيه دي .. المعركه الخاضها دكتور ياسر ميرغني ضد النظام بي قانونو القائم في موضوع الادويه الفاسده وربحها .. ان مثل هذه المعارك تشكل قدر كبير من الانتصار لحقوق المواطن وفي قضيه الوطن بي شكل عام .. وحقيقي بتعكس وعي كبير من قبل الدكتور وحزبو الخاض معاو المعركه دي وبتكلم هنا عن حزب المتمر السوداني طبعا دي مثال حي لمسالة المعارك القانوني اللي انتو ما شايفنها وما عندم بديل ليها .. مش نحنا الما عندنا ليها اليه معارك زي دي في حتات كتيره حنلقاها حتستخدم تنافض القانون مع اتفاقيات حقوق الانسان الموقع عليها النظام ..وفي الحاله دي بتنتقل المعارك لي مساحات اكبر وقوانين دوليه .. وده القصدتو بي استخدام الاتفاقات الدوليه في المعركه كاليه هل مصر برضو انو دا كلام ما عندو معنى ودا اعتراف او تاييد للقانون او الدستور.. ؟؟؟ اللي نحنا شايفنو انو العقليه دي في المعارضه (طبعا ده لو حنفضل نتكلم عن انو مواقفكم الاخيره لسه بتنتمي لفكره المعارضه) سبب اساسي لتخبط القوى المعرضه وعدم قدرتها لانجاز التحول الحقيقي والتغيير اللي بتطمح ليو الجماهير واللي بيحقق تطلعاتها.. وبدل كدا نجدها بتفتش ليها في مخارج ما حقيقيه احل الازمه دي في جانب تاني للمساله دي .. هو انو خوض المعارك دي فيها تربيه وتدريب للمؤسسيه واللي نحنا فقدناها على مر الفترات من الاستقلال وحتى الان.. واذا في اي كلام عن التعلم من الاخطاء فلابد انو مساله التدريب على ممارسه المؤسسيه دي نستصحبو في برامجنا على صعيد المواطن و الدوله وعلى صعيد العضو في الحزب او المؤسسه

(عدل بواسطة زهرة حيدر ادريس on 03-18-2008, 09:05 AM)

Quote: وهنا بتجي مسالة الانطلاقه بتاعة الليبراليه الاجتماعيه و السياسيه و الاقتصاديه من قاعدة حريه الفرد ..المفروض تدار شئون الافراد ديل او الجزر المتقطعه بي طريقه ما تمس خصوصياتهم وحرياتهم الفرديه وتسمح ليهم بممارسه الحريات دي بالكامل يبقى كيف ندير الاختلاف دا العلمانيه هي الطريقه الوحيده لاداره الاختلاف دا دون المساس بي خصوصيات الافراد .. ولو لفيت وفتشت ما حتلقى طريقه لاداره الخلاف دا غير العلمانيه

Quote: طبعا انا مبدئيا كده عندي حساسية شديدة مع التحديد الشمولي ده .. يعني لامن تقولي العلمانية هي الطريق الوحيد دا بيعني الا طرق اخرى اطلاقا يمكن سلوكها مع انو النسبية سمة اساسية وبتحكم العالم من حولنا ولا موش كده ؟؟

Quote: بس التعبير المره دي قصدت بيو انو لحدي هسه ما شافين في شكل ممكن تتعامل بيو مع الفكره الليبراليه بدون علمانيه .. يعني ادارى شئون الافراد باحترام مسالة الفرديه دي وافراره في اطار الوحدات الاكبر من الفرد تبقى كيف؟؟ قول لي انت شايف في طريقه تكون دوله ليبراليه من غير نظام علماني ؟؟

اكيد في طرق كثيرة جدا بس اهم حاجة الناس ما تضع محددات ذهنية لنفسها وده انطلاقي فيهو مرجعيتي في الكتاب والسنة ( قل سيروا في الارض فانظروا كيف بدا الخلق الاية ) وده نضم لسع ما جيناهو لامن نتناول منهجية حزب الامة ورؤيتو بتضح الرؤية اكثر واكثر طبعا ده بعد ما نخلص من ضبط المصطلحات ده وبعد كده نبدا البوست ( زي الناس ) ..

المهم الحاجة الطلعت بيها انو انتو بترو انو العلمانية دي وسيلة موش غاية وطريق للوصول للدولة الليبرالية وحياة الليبرالية البتتجسد فيها الفلسفة واقع معاش وطالما كده الفهم ببقى مختلف تماما خاصة عند ناس اخونا ثروت ..
وده بقودني لكلامك الاول

Quote: لكن بالنسبه للعلمانيه زي الوضح لي انك حتتكلم عن واحده من التحليلات اللي بتفتكر انو مساله فصل الدين عن الدوله دي مساله ما فيها احترام للاخر واحترام لاعتقاده وده يا ود العمده منهج الاسلام السياسي في تحليل الليبراليه .. او بالاصح المدرسه الاكثر اعتدالا للاسلام السياسي اللي بتفصل بين الليبراليه والعلمانيه لصالح الليبراليه وفق اعتقادها

طبعا اتفق معاك في الجزء الاول عن العلمانية اذا كان بتقولو بالعلمانية الايجابية حقت ناس حركة القوى الجديدة الديمقراطية ودي اصلا علمانية موش مرفوضة لسبب بسيط انها موش العلمانية الفلسفية المعروفة عشان كده طلبت منك تعريف العلمانية في المداخلة الفوق دي .. لانو صراحة العلمانيات بقو كتار شديد ده حتى الشيوعيين بقو يقولو هم علمانيين تصدقي ؟؟؟!!!! شدة ما بقت هوينا

طبعا الجزء الثاني ده فيهو خلط كبير جدا .. لانو برضو الفلسفة الليبرالية دي عندنا فيها راي وما بنتفق معاها اصلو .. لكن ضرورة النقاش افترضت الترتيب في فصل كل محور لوحدو وزي ما قلت ليك البوست لسع في مرحلة التسخين

وكمان الجملة بتاعت الاسلام السياسي دي وحسب تعريفك انتي الحصرتي الاسلام السياسي في منهجية الكتاب والسنة وتراث السلف الصالح بقول ليك بموجب التعريف بتاعك ده حزب الامة ما اسلام سياسي وده بخليني برضو نطرح منهجية حزب الامة وبرنامجو في البوست ده برضو

وبالعودة انشاء الله ...

Quote: بس التعبير المره دي قصدت بيو انو لحدي هسه ما شافين في شكل ممكن تتعامل بيو مع الفكره الليبراليه بدون علمانيه .. يعني ادارى شئون الافراد باحترام مسالة الفرديه دي وافراره في اطار الوحدات الاكبر من الفرد تبقى كيف؟؟ قول لي انت شايف في طريقه تكون دوله ليبراليه من غير نظام علماني ؟؟

Quote: جزء كبير من الكلام التبع ده في مداخلتك اعتقد انو متسق مع حوارنا ..وعايزه اقول ليك كمان انو من خلال الحوار التم ده بالنسبه لي شخصيا ..استشعرت مساله افتراضنا في الحزب الليبرالي انو الرؤيه بتاعت الليبراليه ضمنا بتستصحب العلمانيه رؤيه واضحه.. دي ما صحيحه .. حقيقي لازم ادبيات الحزب تنص على العلمانيه.. وتشرح ليه ..لانو في مدارس كتيره في التحليل وحتى في تعريف المصطلحات واعتقد انو واجب ازالة اللبس . .. وحاطرح نقاش داخلي حول المساله دي علها تجد النور من خلال منابرنا

Quote: لانو تاني بارجع واقول ليك الاستناد عليو مرتبط بحاله اتحددت وشرحتها مطولا لالاخ الهادي فوق .. وهي اداره معركه محدده لينا مع النظام نحنا شايفينها .. وشايفين انو القوى المعارضه التانيه جلها ما منتبهه ليها

Quote: ومن هنا تبدأ مشكلتنا مع الدستور المؤقت الذى وضعته حكومة الشراكة والذى يعنى حمايتها.. لتصبح حماية الدستور بذلك هى أستمراريةالحكومة العسكرية والانتقال فقط من الدكتاتورية العسكرية الى الديمقراطية الديكتاتورية..

Quote: أليس هناك رؤية موحدة للحزب اللبرالي السوداني حول دستور 2005م؟؟؟!!! لكم الود

Quote: بناء نظام ديمقراطي برلماني مستقر ودستور مدني يحمي حقوق الأفراد جميعها، وحكومة تعمل علي توفير الحريات الأساسية المنصوص عليها في القوانين والمواثيق الدولية.

Quote: بل اتشرف بحزب عملاق ولد باسنانه لا تعرف افكار ما بعد الإنفناسة له طريقا. اتمنى أن اجد مكانا صغيرا بينكم نزاحم به الرجعية و الشمولية البغيضتان لمستقبل زاخر بالحداثة و الديمقراطية و حكم علماني. تشكر يا صديق لإنارة الطريق

Quote: هذا يعني إن الاستناد على هذا الدستور هو الاستسلام و القبول بالانتقال من الدكتاتورية العسكرية إلى الديمقراطية الديكتاتورية، لذلك لا بد من إجماع و طني يعمل على تأمين انتخابات حرة نزيهة تفضي إلى ديمقراطية حقيقة و ليست ديمقراطية دكتاتورية . لكن السؤال، لماذا هذا التناقض بين بيان الحزب الليبرالي الصادر من المكتب التنفيذي ، و تعليق الأستاذة نور تاور حول الدستور، هل الأستاذة نور تاور لم تكن حاضرة اجتماع المكتب التنفيذي للحزب الليبرالي الذي صدر عنه هذا البيان ؟