|
|
 Re: يا خصوم تراجي وأعدائها: تعاملوا مع تراجي مصطفي بشرف وأخلاق ! (Re: Tragie Mustafa)
|
Quote: يا جماعه بقول لكم شنو
الزول ده مؤهلاته في الدنيا انه قريب وداد زوجة البشير
ارملة ابراهيم شمس الدين.
وعارف يا فتك زمانك انت بتاع قرزه وطبزه
اعلم ان بوست زي بوستك ده بأكد لينا ضحالة فهمك القانوني اللاسف قال
بتحضر فيه دكتوراه في هااوي بقروش شعبنا الغلبان الطعتوا زيته
وواقف ليه واحد امين زي هباني.
هباني ده انت وكيزانك كلهم ظفره ما بتسوه عارف ولا نزيد لك.
ويا هباني تعال ورينا ياتو بوست هو الهبشته فيه الزول الهايج زي عش الدبابير ده. |
Quote: الأخت تراجي صباحاتك بيض وسلامي للاولاد
اظنك قاصده الأخ محمد عبدالمنطلب حسن بهذه
المداخله واريد ان اؤكد لكي وللجميع بانه
لا علاقة له البته بوداد بابكر زوجه البشير
الثانيه ومن اورد المعلومه للأخ هشام قد أخطأ..
دليلي على ذلك ان الأخ محمد هو اخي ابن عمتي
والدي ووالدته اخوان اولاد خالات.. ونحن من بدين
يعني محس..ولايوجد في اسمنا اسم بابكر البته ..
ولم يكن محمد كوز ولن يكون في اي وقت..
اما حضوره لامريكا فقد كان عن طريق اللوتري..
قد لا يعرفني الكثيرين في المنبر ولكنك تعرفينني
فهل تتوقعي ان اكون كاذبا؟.. ارجو منكم جميعا عدم
الزج باسم الاخ محمد كقريب لوداد فهذا الامر يؤلمنا
جدا.. و
ولكم مودتي
عزالدين |
يا شباب:
كدي أولن بالتبادي قولو لي مبروك ... دي أول زياة خورية لشخصي الضعيف.. وان شاء الله ما تكون آخر زيارة.
دحين المرا دي طق طرق كده لا أيدي لا كراعي طلعتني حراااااااااامي وبحضر بقروش الشعب السوداني المسكين, ومش كده وبس كمان مرة الرئيس زاتو طلعتها خالتي عدييييييل لزم.... والله هسه بقيت محتار جنس حيرانيه.... بقيت ما عارف أنا خالتي منو؟؟؟ قت أقوم اتشالق أمشي للسيد الرئيس وأكلمو بالحاصل عشان يشوف لي وزارة مطرفة كده عشان خاطر النسابة وكده , يقوم يديني طلقة في راسي يجيب أجلي... أبقي لا لميت في الوزارة ولا في النسابة وكمان سهري وقدديد عيوني في القراية ده يروح شمار في مرقة ساي.... وده كلو يكون بسبب المرا دي .... شكيتك علي الله....... أحلف ليكم بي شنو؟؟ وحياة الخور ده وكل الخيران السودانية من خور أبو عنجة لي خور برنقا: أنا ماسرقت أنا بس جيت أعاين.
غايتو بس ربك رب الخير ستر, عندي ود خالي عضو في المنبر ده جا وضمني وطلعني ما حرامي ولا نسيب الريس .... وحياة الخور ده الرئيس ده بي عيني دي ما شفتو. وزاد العندو وطلعني ما كوز....ولا جك زاتو. وحات الكيبوردي ده أنا زول لوترابي سااااااي.!!!!!
والله المرا دي لا بعرفها ولا شفتها ...... بس طلعتني حرامي ساااااي..... وحياة الخور ده ومعاهو خور شمبات وابو عنجة وما طالبني حليفة, أول مره في حياتي زول يطلعني حرااااامي.....
دحين يا الخوراب وروني النصيحة: أنا حرامي ولا ما حرامي...... عليكم الله كمان وروني أنا خالتي منو؟؟
غايتو الشكيه لابو ايدن قويه.
| |
 
|
|
|
|
Yassir Tayfour
Tragie Mustafa
Mohamed Abdelmotalib Hassan
فيس بوك
تويتر
انستقرام
يوتيوب
بنتيريست