|
|
 Re: الرق في شمال السودان ودنقلا .. حوار مع بشاشا !! (Re: Abdel Aati)
|
Quote: اراك ياعادل تعود لذات سيرتك القديمة في الخصومة، لتستغل كلام محدد ذكره بشاشا عن اهل بيته كنموذج لما هو هناك في كل بيت شمالي، لتستخدمو ضد بشاشا، بي صورة مريضة بحق!
شوف ياعادل برضو ماحاجريك، لاني عارف نفسياتك اوبالذات لما تغضب بتتطشش مرة واحدة، او انت ياداب جيت بعد غياب سنين، وانا ماشي بعد بكرة.
لهذا اولاني باستمرار اسعي للاستقامة والخصومة بشرف، فلن اجاريك مع اني قادر علي الرد المؤلم بحق او ارشيف دواسنا موجود اوشاهد.
خلينا نبعد الاسر نتفق علي نقطة محددة او نوصل راينا للقراء.
|
يا كمال بشاشا كلام انو اهلك في دنقلا يسترقون الناس الى اليوم ؛ وان الرقيق موجود في بيتكم حتى اللحظة؛ كلام كتبته انت بنفسك؛ كشاهد ملك على نفسك واسرتك واسترقاقها للبشر؛ وقلت انت اساسا طالع عشان تفضح مجتمع الجلابة ودولة الاقلية؛ وعايز تبدأ بي ناس بيتكم ؛ فلماذا تغضب عندما نذكرك به ؟؟
انا طبعا يا بشاشا لا اصدق كلامك هذا؛ واعتقد انك تتبلى ساكت على اهلك؛ لكن اذا صدقناك فحق لنا ان نسألك؛ وماذا فعلت لتحرير هذا الرقيق في بيتكم ؛ المسترق من اسرتكم؛ قبل ان تأتى وتهاجم نور تاور وغير نور تاور؛ عشان يا حبيب المسيح قال: كيف تنظر للقشة في عين اخيك - وتطلب منه نزعها - وتنسي الجذع في عينك؛ ولا شنو ؟؟ .. لاحظ سالتك قبل كده وزعلتا وما رديت؛ والان اسالك وعايز تعمل فيها زعلان وما ترد برضو ؛ لكن عدم الإجابة لا يلغى شرعية السؤال..
اما كونو نخلى قصة الأسر دي؛ اقول ليك نخليها كيف؟؟؛ موش انت شاهد ملك؛ يلا قول شهادتك واشهد على نفسك اولا؛ ثم على اسرتك تانيا؛ وبعد داك شوف الباقيين .. بعدين يا اخي تعريضك بي اسرة نور تاور وكونو ابوها او جدها سلطان اوغير سلطان؛ ما كان اُسر ؟؟ ولا اسرتك مصونة واسرة نور يمكن التعريض بها؟؟ اها العقليتو جلابية هنا منو ؛ والبجيب الاُسر منو؟؟
أما كونك تجاريني او ما تجاريني؛ فهذا يرجع ليك يا بشاشا؛ انا لم اشتمك وانما اتيت بمعلومة اتيت بها انت؛ وسألتك ماذا فعلت مع هذه الجريمة النكراء؛ اى استرقاق البشر امام عينيك؛ كل ذلك لاوضح لك ان استخدامك للالفاظ العنصرية كامن في عقلك الباطن؛ وانك فاقد للمصداقية او مفارق للحقيقة .. فاذا انت عايز تجيب لي اعتراف من اعترافاتي - التي لا اخجل منها ولا ازعل عندما اُسال عنها- فتفضل؛ وساجاوبك على كل سؤال؛ ولو عايز تشتم برضو اتفضل؛ يعني بعد شتمك دا كلو لي نور تاور تفتكر فارقة معاي تشتمني ؟؟
أما مسالة كونك تخاصم باستقامة وشرف؛ فدي اشاعة انت فاكيها في نفسك؛ لانو شتائمك لي نور تاور دي كلها؛ عشان هي بتختلف معاك فكريا او سياسيا؛ واستخدام الترسانة الثقيلة لممارسات اغتيال الشخصية؛ توضح كيف انت بتخاصم؛ ومحاولاتك لاغتيال شخصية البشر؛ مثل اتهام الناس عشوائيا بالكوزنة دون معرفة بهم او دليل؛ فتثبت انك تمارس العكس تماما مما تزعم ..
| Quote: كلامك بتاع مافي رق في الشمال الا في بيت ناس بشاشا، لايحتاج حتي الرد عليهو. |
يا زول كيف ما يستحق الرد عليهو؛ وهو لب لب نظريتك ؟؟
انا طبعا ما مصدق انو بيتكم ذاتو فيهو رقيق؛ لكن نقول شنو نجاريك في تبليك على اسرتك؛ يعني حنكون عارفين حال اسرتك اكتر منك ؛ ولا حال مسترقيكم احسن منك؟؟
عموما الناس الجادة كتبت في موضوع الرق ووثقتو؛ فمحمد ابراهيم نقد؛ على علاته ؛ كتب كتاب عن علاقات الرق في السودان؛ تناول فيه تاريخ الرق وعلاقاته بتوثيق جيد؛ وعشاري وبلدو في 1987 كتبوا كتاب مذبحة الضعين: الرق في السودان؛ كتبوا فيهو توثيق لمذبحة الضعين وما اسموه رقا هناك؛ وان اعتمدوا على مصادر طرف واحد .. وبونا ملوال كتب الكثير عن الخطف والممارسات الشبيهة بالرق في مناطق التماس؛ وعبد الله على ابراهيم في كتابو الأخير عن الحزب الشيوعي خصص جزء كبير منو عن علاقات الرق واتهامات وجود رقيق في السودان وعلاقات العرق والاقتصاد في الصراع في دارفور والجنوب وافريقيا الخ ؛ واهتمت بالموضوع منظمات عالمية مثل منظمة التضامن المسيحي العالمي السويسرية والتحالف ضد الرق في امريكا وغيرها ..
بل ان نور تاور نفسها؛ كتبت عن ممارسات الخطف والاستغلال الجنسي للمخطوفين والتشغيل بالسخرة الخ يا بشاشا؛ في مناطق جنوب كردفان ومناطق التماس واثناء الحرب وبعدها؛ ممن وقع ضحاياها اهلنا النوبة؛ وذكرت الاسماء والتواريخ والارقام؛ فلماذا لا توثق انت وجود الألاف من الرقيق في شمال السودان كما تقول؛ وانت صاحب الزعم؛ لانو نحنا يطرشنا ما سمعنا بيهم الا منك؛ ويقد عينا ما شفناهم ؛ والبينة على من ادعى؛ وقصة لا يحتاج حتى الرد عليهو ما بتحلك ..يحتاج يحتاج !!
| Quote: اقتراحي ليك، نبدا بي انو هل ده راي بشاشا الشخصي في نور باعتبار بشاشا استعلائي تماما كبقية مستعلواتية هذا الفضاء ام هناك واقع في السودان فيه قهر لامثال نور وبشاشا يشهد هنا عن ما عايشه، ويتحدث بلغة عشيرته الشمالية معبرا عن هذا الواقع كما اوضح لك الاستاذ ادروب. |
يا زول ما تأكل عقلنا بحلاوة؛ ولا تحاول خداعنا ..
انت مختلف سياسيا وفكريا مع نور؛ ونور تنتقد الحركة الشعبية الانتا شايفة نبي السودان الجديد؛ ونور تنتقد المغامرات العسكرية الطائشة الانتا بتايد فيها؛ عشان كده ما تعمل لينا انو دا تمرين مدرسي .. دا فش غبينة وشتم واستعلاء وتجريح واغتيال شخصية واحكام عشوائية صادرة اما من فجور في الخصومة او فحش مستفحل او عنصرية مضمرة؛ وانت اختار منهم ..
واذا عايز تعبر بلسان عشيرتك الشمالية المزعومة؛ امشي قول الشتائم دي لي للاستاذ ادروب الذي يؤيد اسلوبك؛ قول ليهو انت كوز ومستعبد ومستلب واقل من انسان ومستعد تبيع نفسك الخ؛ انتا وهو أحرار في شتم بعضكما .. نور ما تشتما لينا ولا تعملا سبورة يا استاذ..
Quote: هل هناك في السودان مفاهيم سادة اوعبيد ام لا؟
احرار او فروخ، فرخات، فيران، او عرق، ام لا؟
هل عادل عبدالعاطي نفسه عاني من هذا في حياتو ام لا؟ |
نعم هناك مثل هذه التعابير ومثل هذه العقليات؛ ونحن قضينا عمرنا كله نحارب فيها؛ وتعرضنا لها .. لهذا السبب لا يمكن ان نوجهها لانسان؛ سيان كان ذلك؛ عشان نفهمو انو في حاجات زي دي؛ ولا عشان نشتمو بيها .. يعني يا بشاشا انتا تفتكر نور تاور ما عارفة انو في عنصرية في السودان؛ عشان بشاشا يجي يوريها ليها ؟؟ انت عايش وين يا بشاشا؛ وقايل نفسك منو ؟؟ عشان تفترض السذاجة والهبالة والبلاهة في محاوريك؛ ولو كانت المحاورة قائدة من قائدات جبال النوبة ومن قائدات السودان؟؟
بعدين هل وجود هذه المفاهيم يفسر كلامك لي نور انها مستلبة؛ مستعبدة؛ مسترقة؛ كوزة ؛ مفروض تتحاكم؛ الخ الخ ؛ والسخرية من اسرتها كسلاطين ولا غير سلاطين .. يا بشاشا هل تريد ان تخدع الناس ام تخدع نفسك ؛ لمن تقول اوصافك العنصرية لي نور هي مجرد درس للمهمشين؛ وخصوصا كونها خصمك السياسي ..
دي تلقاها عند الداقس ...
Quote: اذا اتفقنا علي وجود قهر اجتماعي في السودان ادي الي محارق تطهير بالملايين ليصبح السودان موقع اكبر مجزرة بشرية علي سطح الارض الان، ممكن نجي لي بشاشا او عنصريتو.
مافي شئ اصلا بخليني زاتو اناقش علي اساس كهذا اصلا، ولكن لامانع اكراما لك ومساعدة للقارئ للوصول للحقيقة. |
ليه يا بشاشا ما ممكن تكون عنصري ؟؟ وتاني ليه ما ممكن تكون عنصري ؟؟
كل ابناء الشمال والوسط؛ ممن تسميهم عشوائيا بالجلابة؛ هم عنصريين عندك؛ وكمال بشاشا ما عنصري ؟؟
الناس الما بشتموا الناس بي كلمة فرخ وعب حبشي وخادم واقل من انسان ومستعبد ومستعبد ومسترق ومسترقة؛ عندك عنصريين؛ وانت الذي تستخدم كل هذه التعابير الغارقة في العنصرية؛ ما عنصري ؟؟
الناس الذين يحترمون حركات وقيادات المناطق المهمشة ويديروا معهم حوارات جادة وصريحة ورفاقية عنصريين؛ وانت العايز تعلم ناس الهامش عن طريق شتمهم؛ وتحويلهم لسبورة تخط فيها عنصريي الشتائم ؛ ما عنصري ؟؟
بشاشا امشي اقرأ كلام معروف سعد ليك لمن كنت بتحندك الناس بي قصة صورتك .. عشان تعرف كيف الزول ممكن يدعى محاربة العنصرية؛ وهي راقدة في جواهو زي التمساح العشاري ..
| Quote: بشاشا اوعادل افراد، دعنا في الاول نناقش الخلفية الاجتماعية البنحدر منها بشاشا اوعادل، لنري لوفي عنصرية في البيئة النشا فيها بشاشا اوعادل ثم نتاول بالتقييم سلوك بشاشا في المنبر ده، ثم نستنتج معا لوبشاشا بناءا علي الtrak record بتاعو فعلا عنصري وبالتالي مارس عنصرية ضد نور. |
يا زول واضح لي ان الخلفية الاجتماعية لينا مختلفة؛ وتجاربنا مختلفة؛ لكن انت عايز تحاكم كل الناس بي تجربتك؛ وبراك قلتا انك كنت مستلب وما عارف هويتك؛ يبقا نحنا ذنبنا شنو ؟؟
انا ولدت ونشأت في اسرة تعتز بي اصلها النوبي؛ رغم اننا نوبة مستعربين - شوايقة - ؛ وسمعت عن العنصرية المورست على حبوبتي نافلة الدنقلاوية من بعض افراد القرية؛ وربما سمعت تعليقات عنصرية هنا وهناك في محيطي ؛ لكن هذا لا يجعلني اصف كل الشوايقة بالعنصرية؛ وفي كل تاريخ اسرتي الطويلة والعريضة؛ لم نُسترق يوما لاحد ولم نسترق أحدا وانما كان اهلي مزارعين بسطاء وعمال ؛ يتعاطفو مع كل المضطهدين.. ولم اصف يوما انسانا بوصف عنصري؛ مع اني وصفت بها في هذا البورد وفي اوروبا وفي بلدان عربية؛ اها رأيك شنو ؟؟
أما نور فهي رئيستي ومعلمتي ومثلي الاعلي؛ احبها جدا واحترمها اكثر؛ اتمنى ان يكون لي خصالها وأرى فيها ما ذكرت واكثر؛ بينما ترى فيها انت ما ظللت ترميه بها طوال الاسابيع الفائتة؛ من اوصاف عنصرية واقصائية ومختلقة؛ من شاكلة انها كوزة ومسترقة واقل من انسان الخ ..
انت بالمقابل تقول ان اسرتك كانت او لا تزال تسترق الناس؛ ثم لا تفعل شيئا لحل هذه الجريمة؛ وتظن نفسك محرر الهامش؛ بل واستاذ المهمشين؛ وعندما يختلف معك احدهم؛ تواجهه بكل هذا القاموس العنصري؛ وتبرر ذلك بانه هكذا يفكر عنك الجلابة؛ فرأيك شنو في الtrak record بتاعك دا ؟؟
Quote: لانو ماممكن بي بساطة شديدة تحصر ماتسميه عنصرية واسميه استعلاء في بشاشا او اسرتو عشان فقط تسدا لي نور كمثل اعلي بالنسبة ليك!
هذا لايعقل.
بالنسبة لي كدي فهو لامصداقية له، لانو موقفو ده، مدفوع بي حسابات تصفية حساباتو مع بشاشا بي سبب الموقف من الفلسطينين.
وهو زيك بالضبط، فقط لمان اختلف مع بشاشا، ابتدا يجرد مواقف بشاشا بي اثر رجعي! |
يا زول عنصرية واستعلاء ممكن يكونوا فيك؛ ولو اتنين قالوا ليك راسك ما فيك اتبنو؛ مش انت القائل ان كل الجلابة عنصريين ؛ انت تطلع منهم وين ؟؟
بعدين نور ليست مثلا اعلى لي فقط؛ وانما لمئات والاف الناس؛ وليس هؤلاء الناس هم الجلابة الذين تزعم انت انها تتمسح فيهم؛ ولكن قبل كل شيئ ابناء جبال النوبة وجنوب كردفان ؛ نوبة وعربا وخاطفين لونين؛ والدليل توليها لمناصب قيادية في منظمات النوبة المحترمة؛ فقد كانت عضوا قياديا في الحزب القومي السوداني؛ وممثلة له في التجمع الوطني الديمقراطي بكندا؛ وكانت عضوا قياديا وربما لا تزال في رابطة ابناء النوبة العالمية؛ وكانت عضوا وربما لا تزال في هيئة تحرير افضل نشرة محكمة تعني بقضايا جبال النوبة؛ وهي الآن الشخصية الثانية في منبر جبال النوبة الديمقراطي - اذ تحتل موقع الأمين العام - .الخ الخ ..
أما قصة اسرتك دي شرحناها؛ ولا يزال السؤال مطروحا .. أما خالد كودي فرغم اختلافي السابق والحالي معه؛ فهو في الخلاف معك على حق؛ وقد استطاع ان يحللك جيدا؛ بينما نزلت انت فيه بكل خطابك العشوائي والاقصائي والمستخدم لتعبيرات عنصرية؛ وخير للمرء ان يجرد بأثر رجعي؛ من الا يجرد على الاطلاق..
Quote: اتمني تهدئ اعصابك او تناقشني بي هدوء اكثر، علي غير عادة بشاشا الذي كقاعدة يداوس فقط.
عندي رغبة اناقشك فقط، اوماعندي اي ترسبات من دواسنا المشهود في الماضي، كعادة بشاشا، دوما.
بشاشا لايحقد او يحمل ضغائن او غبائن خالص.
اما اذا اصيرت علي اسلوبك اعلاه، فبشاشا في حل وسيعاملك بالمثل يرد الصاع صاعات.
لااتمني ذلك.
في انتظارك. |
يا مكفولي انا اعصابي هادئة رغم الحزن والغضب؛ وسؤالي لك انت لماذا تداوس بمثل هذا العنف ومثل هذا التجريح؛ الا تحتاج انت ايضا الى النقاش بهدوء ؟؟
بعدين يا بشاشا قصة انك لا تحمل غبائن او لا تحقد دي انساها؛ ودع للاخرين ان يقيموك؛ واسمع منهم ولهم؛ لان تقييم الانسان لنفسه دائما ذاتي ومحدود؛ والجمل ما بشوف عوجة رقبتو..
واسلوبي اعلاه اعتقد محتفظ لك بكل الاحترام؛ وانا لم اشتمك ولم اصفك بما ليس فيك؛ مثلما فعلت انت مع نور؛ اما اذا اردت ممارسة الاسفاف والشتم فمن يمنعك؛ وهل تظن انك تخيفني؟؟ لا يا عزيزي .. اذ لا يهدد الحوت بالغرق ..
لك ودي ..
عادل
|
|
 
|
|
|
|
|
| العنوان |
الكاتب |
Date |
| الرق في شمال السودان ودنقلا .. حوار مع بشاشا !! | Abdel Aati | 03-16-07, 07:29 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 07:41 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 07:42 AM |
| Re: الرق في شمال السودان ودنقلا .. حوار مع بشاشا !! | Bashasha | 03-16-07, 08:09 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:14 AM |
| Re: الرق في شمال السودان ودنقلا .. حوار مع بشاشا !! | Elbagir Osman | 03-16-07, 08:13 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:20 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:26 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:28 AM |
| Re: الرق في شمال السودان ودنقلا .. حوار مع بشاشا !! | osly2 | 03-16-07, 08:27 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:40 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:45 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 08:52 AM |
| عووووك يا ناس : بشاشا خلاص الهضربة خلتو | ASAAD IBRAHIM | 03-16-07, 08:54 AM |
| Re: الرق في شمال السودان ودنقلا .. حوار مع بشاشا !! | doma | 03-16-07, 09:03 AM |
| Re: الرق في شمال السودان ودنقلا .. حوار مع بشاشا !! | Elbagir Osman | 03-16-07, 08:47 AM |
| Re: الرق في شمال السودان ودنقلا .. حوار مع بشاشا !! | doma | 03-16-07, 09:29 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 01:28 PM |
| Re: الرق في شمال السودان ودنقلا .. حوار مع بشاشا !! | Elbagir Osman | 03-16-07, 09:41 AM |
| Re: الرق في شمال السودان ودنقلا .. حوار مع بشاشا !! | doma | 03-16-07, 10:26 AM |
| Re: الرق في شمال السودان ودنقلا .. حوار مع بشاشا !! | Elbagir Osman | 03-16-07, 10:54 AM |
| Re: الرق في شمال السودان ودنقلا .. حوار مع بشاشا !! | doma | 03-16-07, 12:42 PM |
| Re: الرق في شمال السودان ودنقلا .. حوار مع بشاشا !! | الطاهر ساتي | 03-16-07, 11:07 AM |
| Re: الرق في شمال السودان ودنقلا .. حوار مع بشاشا !! | saadeldin abdelrahman | 03-16-07, 12:05 PM |
| Re: الرق في شمال السودان ودنقلا .. حوار مع بشاشا !! | saadeldin abdelrahman | 03-16-07, 12:11 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 02:16 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 02:40 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 02:57 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 03:16 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 03:45 PM |
| Re: الرق في شمال السودان ودنقلا .. حوار مع بشاشا !! | محمد مكى محمد | 03-16-07, 02:10 PM |
| Re: الرق في شمال السودان ودنقلا .. حوار مع بشاشا !! | Nasr | 03-16-07, 02:14 PM |
| Re: الرق في شمال السودان ودنقلا .. حوار مع بشاشا !! | osly2 | 03-16-07, 03:17 PM |
| Re: الرق في شمال السودان ودنقلا .. حوار مع بشاشا !! | jini | 03-16-07, 03:26 PM |
| Re: الرق في شمال السودان ودنقلا .. حوار مع بشاشا !! | osly2 | 03-16-07, 03:55 PM |
| Re: الرق في شمال السودان ودنقلا .. حوار مع بشاشا !! | Bashasha | 03-16-07, 05:20 PM |
| Re: الرق في شمال السودان ودنقلا .. حوار مع بشاشا !! | Bashasha | 03-16-07, 06:07 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 09:14 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 09:18 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-16-07, 09:27 PM |
| Re: الرق في شمال السودان ودنقلا .. حوار مع بشاشا !! | Faisal Taha | 03-16-07, 10:12 PM |
| Re: الرق في شمال السودان ودنقلا .. حوار مع بشاشا !! | Bashasha | 03-16-07, 11:06 PM |
| Re: الرق في شمال السودان ودنقلا .. حوار مع بشاشا !! | osly2 | 03-16-07, 11:13 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 00:00 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 00:07 AM |
| Re: الرق في شمال السودان ودنقلا .. حوار مع بشاشا !! | PLAYER | 03-17-07, 01:10 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 11:57 AM |
| Re: الرق في شمال السودان ودنقلا .. حوار مع بشاشا !! | Bashasha | 03-17-07, 01:14 AM |
| Re: الرق في شمال السودان ودنقلا .. حوار مع بشاشا !! | عبدالرحمن عزّاز | 03-17-07, 03:56 AM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 12:03 PM |
| Re: الرق في شمال السودان ودنقلا .. حوار مع بشاشا !! | Elbagir Osman | 03-17-07, 04:30 AM |
| Re: الرق في شمال السودان ودنقلا .. حوار مع بشاشا !! | doma | 03-17-07, 07:30 AM |
| Re: الرق في شمال السودان ودنقلا .. حوار مع بشاشا !! | Yassir Tayfour | 03-17-07, 07:39 AM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 09:54 AM |
| Re: الرق في شمال السودان ودنقلا .. حوار مع بشاشا !! | doma | 03-17-07, 10:08 AM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 12:10 PM |
| Re: الرق في شمال السودان ودنقلا .. حوار مع بشاشا !! | doma | 03-17-07, 02:23 PM |
| Re: الرق في شمال السودان ودنقلا .. حوار مع بشاشا !! | Munir | 03-17-07, 03:38 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 11:53 AM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 12:58 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 12:16 PM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 01:14 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 02:22 PM |
| Re: الرق في شمال السودان ودنقلا .. حوار مع بشاشا !! | saadeldin abdelrahman | 03-17-07, 10:26 AM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 01:44 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 02:29 PM |
| Re: الرق في شمال السودان ودنقلا .. حوار مع بشاشا !! | Munir | 03-17-07, 04:16 PM |
| Re: الرق في شمال السودان ودنقلا .. حوار مع بشاشا !! | الصادق صديق سلمان | 03-17-07, 02:13 PM |
| Re: الرق في شمال السودان ودنقلا .. حوار مع بشاشا !! | Abdulgadir Dongos | 03-17-07, 09:20 PM |
| Re: الرق في شمال السودان ودنقلا .. حوار مع بشاشا !! | Abdel Aati | 03-17-07, 09:26 PM |
| Re: الرق في شمال السودان ودنقلا .. حوار مع بشاشا !! | jini | 03-17-07, 09:34 PM |
|
| |
Abdel Aati
فيس بوك
تويتر
انستقرام
يوتيوب
بنتيريست