أحلام ببداية العام أو في البحث عن سياسة جديدة وأمير جديد !

Quote: الاخ العزيز دقنة اسمح لي اختلف معاك جملة وتفصيلا زي ما فال لي الاخ العزيز يوسف.للاسف الشديد مشكلتنا كسودانيين وكافارقة عويصة جدا في حتة الاختلاف دي! يا اخى العزيز من حق الاخ عادل التعبير عن وجهة نظره المغايرة بكل حرية ومندون اي قيد او شرط وبي اي اسلوب ضد او مع اي هيئة تتعاطي العمل العام ناهيك عن الاحزاب اخطر منظومة تتصدي للعمل العام في اي مجتمع لما تتمتع بيه من سلطة تصل في مرحلة الدولة او الحكومة الي حد اعلان الحرب التي حصدت الملايين من الابرياء في بلدنا.هزا من جانب .من جانب اخر عادل بحكم حق التصويت الزي يتمتع به كاانسان مستقل هو فى مقام الزبون باالنسبة للاحزاب. والزبون دايما علي حق حتي لو غلطان زي مابقول المثل. بناءا عليه مفروض الحزب الموجه ليه الانتقاد بواسطة الناخبين امثال عادل مش يتقبله برحابة صدر واريحية وبس لا مفروض يشكروه لي تساع جده لي اسدا مثل هذا العروف!انا اتمني مايسالني حزبي كيف? ده فقط عن العرفان والتجبيل المطلوب من احزابنا تجاه ناخبينهم.اما الحزب الشييوعي وطرحه وممارسته للارهاب الفكري تجاه الناخب عادل عبد العاطي فده موضوع البوست القادم. انا شخصيا تعامل معي ومع غيري غيري من المستقلين الشيوعيين فى سوداننت بمنتهي الغرور والتعالي الفكرى المعروفين بيه. دي ما شكوي بقدري ماهي روايه لي احداث او حادث معين. الاخ العزيز دقنة انا لسة ما جيت لى موضوع اختلافي معاك في فهمك ليموقف المدافعين عن عادل بغض النظر عن الدوافع.