|
|
 Re: ملائكــــة فى المـــنبر ،،، (Re: Tabaldina)
|
..
.
برعم العوض الطيب ،،،
يتأمل فى محن الدنيا يا طلع شاعر يا عالم ذرة ..
ماشاء الله .. عيني باردة
يا عين يا عينة يا كافرة يا نصراية
عين الفتاة تقد الواطه ..
..................
عليكم الله دى روضة ما يجى واحد يقول كافرة ولا نصراية
انا سمعت حبوبتى بتقول كدا الله يرحمها ..
وما فاهم اااى حاجة ..
| |
 
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
Quote: حححححححي أنا..
من العسسل الوية بت عكر ..
لبستها امها اللون الاحمر الخطر ..
والشعيرات اربع ببكل زى الزهر ..
تصارع ابوها وترمي عشرين بطل ..
كن قربتو منها تشرشر فيكم البول مطر ..
عمها يقول فيها شعر ولوحبت يكتب ليها نثر .. |
عمو تبلدينا والله خجلتنى
بابا كان داير يبنى ليك بيت شعر من كم طابق لكن قال لى لما انا اكبر واعرف الغزل بعدين برد ليك الكلام العسل ده
شكرا عمو
++++++
tmbisعمو
| Quote: وبالمرة خلى الامورة دي تعمل لينا ( مس كول |
شكرا عمو مس كول بس دى انا داير اشكرك واتونس معاك كتير
الامضاء : الاء ودعكر
| |
|
|
|
|
|
|
|
|
|
ملائكة في المنبر،،، (Re: Tabaldina)
|
يا عمو تبلدينا أنا هاشم جعفرهاشم
خريج حضانة روضة (جيل الغد) بالديوم الشرقية الخرطوم
وداير أواصل دراساتي العليا في المرحلة فوق الحضانوية بروضة (ملائكة المنبر السيبيرية).
تخريمة:-
يا تبلدينا
جايينك نفرين من جهاز المغتربين للنظر في تحديد الضرائب على هذا النشاط التجاري السيبري)...
التحيات لكل العاملين والعاملات بالروضة.
| |
|
|
|
|
|
|
|
|
|
Re: ملائكة في المنبر،،، (Re: jafar hashim)
|
..
.
سلام يا هشوما ..
انت بالله من عندنا !!؟؟
اهلن بيك وبالديوم شرقها وغربها ..
وعقبال الدراسات العليا ..
Quote: يا تبلدينا
جايينك نفرين من جهاز المغتربين للنظر في تحديد الضرائب على هذا النشاط التجاري السيبري)...
التحيات لكل العاملين والعاملات بالروضة. |
محمد معانا ضرايب السودان ما تغشانا
بالله يا أبو هاشم .. ناس الضرائب ديل شوف لينا معاهم حل ..
تحياتي وتحيات الإصطاف العامل ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
Quote: يلالا يا مامــا جبت ليك صاحبه ،، تتونسو بي مزاج وتمشو الروضة مع بعض ..
مـــآب عماد الدين
بت أخوي.. الما شفتها لحدي الآن |
خلاص موافقين وان شاءالله يارب صورتك الجاية يا ماب تكونى فى حضن عمو تمبس
| |
|
|
|
|
|
|
|
|
|
Re: ملائكــــة فى المـــنبر ،،، (Re: WadAker)
|
تبلدينا
بالماء راوينا
الشباب الحين من مرحلة الساس حتى الثانوية
وبعد قبول أم عنان نفكر نقدم طلب لسواق الحافلة
وخلينا نتلم في مؤسستكم التعليمية وكان سويتو ليكم فصول مسائية برانا بنسجل معاكم ، إنشاء الله محو امية
أسم عنان على عنان بنت الولي الأكبر محمد أبوعنان راجل فاس في المغرب
وإسم عناب على عناب العكامية
أما إسم عاصم وديار في صورة نوح عليه السلام
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
الللللللللللله البوست بتاعكم ده جميل خلاص... شي يرد الروح... ربنا يحفظهم ويغطيهم .. ويسعدهم ويكبرهم ونشوف جديدهم...
قبل شويه كنت بتفرج في برنامج عن مصورين محترفين ومشهورين .. عملوا حملة لتصوير الاطفال في دار الأيتام، صور معبره.. وعرضوها في معرض سموهو معرض القلوب.. محاولة منهم للفت إنتباه الناس للأطفال ديل.. وفعلا نتيجة للحاجه دي تم تبني عدد كبير من الاطفال العايزين بيت يلمهم.. تساءلت مع مازن اخوي، ليه الناس بجيبوا اولاد وفي اطفال مساكين ما لاقين اب ولا أم... ربما هي الرغبه في ان يكون لك من يخلفك حقاً.. لكن هل يضير لو كفل احدنا يتيماً ومنحه بيتاً واهل، واخوه؟
معليش، خواطر نص الليل...
بنت الحسين
| |
|
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
..
.
ود الخال يا رهيب .. شطة بس
والله يا يا خال ماشاء الله .. عينا باردة
قل هو الله احد .. الله الصمد
لم يلد .. ولم يولد .. ولم يكن له كفوا احد
الولد جيوفاني ما بقي بشبة اللاتين امريكان
يا خلاخيلو انت ماما نفسها ولا فى كاريبية بالكرباوي
ربنا يحفظه ويغطيه من عين الفتاة البتقد الواطه ،،
غايتو جكس عام 2020
تعبع خلاااص .. يبكو بس ..
دونت فورقت يا جيو تو ساى ثانكز تو انكك تمبس
هاااااااااى انكل تامبا
| |
|
|
|
|
|
|
|
|
 Re: ملائكــــة فى المـــنبر ،،، (Re: elsawi)
|
العزيز الصاوي..
سلامات
فعلا الفنان المصاحب لمجموعة كورس الأطفال هو محمود عبد العزيز وهذا العمل من البوم شايل جراح وتغنى فيه بالعديد من الاعمال الجميلة..
ساقوم غدا صباحا بإدراج اللنك الخاص بالحفظ لعدم توفره الآن بهذا الجهاز ولرادءة الاتصال من ناحية ..
الف شكر
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
قرار إداري :
نسبة للاقبال الشديد على حضانة وروضة ومدارس الملائكة
ولظروف غياب الأبلة ندوية القاهرة
تم تعين الزولة الحلوة الجديدة دى ابلة مساعدة
ونسبة لطلب الأبلة الجديدة نجو (نجود ) سوف يتم تحويل الطفل/ سيدمان
للصف الذى تشرف عليه ..
الابلة /نجود حسن عبدالرحمن
مصممة مواقع سابقة بشركة الدوار للتجارة والخدمات المحدودة
بالله لقيتني كيف يا نجو !!؟؟
ما رئيس مجلس إدارة بحق وحقيقي.
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
Quote: بالله لقيتني كيف يا نجو !!؟؟
ما رئيس مجلس إدارة بحق وحقيقي |
....
....
الحاجة البعرفها انو نجو
ده لقبى
زمااااان زمنى فى الروضة
....
....
الا لكن عملتها ظااااااااااااااااهرة يا تبلدو
ملحوظة:-
زمان دى قبل سنتين ونص
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
بالله لقيتني كيف يا نجو !!؟؟
ما رئيس مجلس إدارة بحق وحقيقي.
لقيتك رئيس بالجد بس لو تميت جميلك وحولت لى الطفل سديمان اكون شاكرة لانو طفل مشاااااغب وتاعب ابله ناديه وشايفاهو عندو حساسيه مع براءة يعنى شيلوهو لى من صف الحناكيش وجيبوهو لى بلقى ناسو هنا
| |
|
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
هذا البوست رائع
وما شاء الله تبارك الله ما شاء الله لا قوة الله بالله.
ربنا يحفظهم ويرعاهم
ويكبروا ويفرحوكم بنجاحاتهم
ويبروكم فى الكبر ويكونوا سندا لكم وعضد
ويعودوا يوما ما الى السودان ويساهموا فى رفعته وبنائه ان شاء الله.
الاخ تبلدينا تستاهل جائزه على هذا البوست الجميل (وواصلوا فى هذا الجمال)
الاخ تمبس الاغنيه رائعه وذكرتنى بأيام الطفوله وأيام مضى عليها زمان.
وأرشحك استاذ للموسيقى فى روضة براعم سودانيز أون لاين 
ولكم تحياتى وودى
| |
|
|
|
|
|
|
|
|
|
Re: ملائكــــة فى المـــنبر ،،، (Re: smilewomen)
|
ياتبلدينا
شنو الهرجلة الفى الروضة دى ؟؟!!!
كدى اولا اى ولى امر يطلع لينا برة شوية ياشباب..لحدى مانشوف اوراق اعتماد الملائكة ديل وبعدين نبت فى امر اولياء امورهم !!
اسمع الاطفال الامريكان ديل لازم يجيبوا ورقة من الوافدين !!
تبلدينا ياخى انت كده بتخسر لى الشفع ديل بتدلع امهاتهم كده ليه ؟!!
| |
|
|
|
|
|
|
|
|
|
Re: ملائكــــة فى المـــنبر ،،، (Re: smilewomen)
|
Quote: الاخ تبلدينا تستاهل جائزه على هذا البوست الجميل (وواصلوا فى هذا الجمال)
الاخ تمبس الاغنيه رائعه وذكرتنى بأيام الطفوله وأيام مضى عليها زمان.
وأرشحك استاذ للموسيقى فى روضة براعم سودانيز أون لاين |
العزيزة Smile
سلامات
اثني على ترشيحك لجائزة أحلى بوست لتبلدينا ، ،لما يحتويه من وجوه ملائكية وطلات بهيه من اطفالنا الصغار ..
وترشيحك مقبول وبلاش بدون مرتب بس ياريت تلحقيهو بي التماس للطلب للإدارة لأنو شايف الطلبات انهالت على الوظائف بعد شوية خايفين ما نلقي ( التكتح ) 
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
Quote: تبلدينا
ياخى الشفع ديل عايزين نكمل اوراق اعتمادهم انت مشيت وييييييييين؟!! |
راح في سين وجيم ... يانادية للاسباب الاتية :-
* عمل روضة دون التصديق لها من ادارة التعليم قبل المدرسي مع عدم دفع الرسوم
* لم يستخرج تصديق المحلية مع عدم دفع الرسوم.
* لم يستخرج تصديق من اللجنة الشعبية مع عدم دفع الرسوم.
* لم يستخرج تصديق لاسم الروضة من لجنة التاصيل مع عدم دفع الرسوم .
* تعين مشرفات على الروضة دون الرجوع للجنة الاختيار مع عدم دفع الرسوم .
* تعين مشرفات غير محجبات مع عدم دفع الرسوم .
* عدم مشاركة اطفال الروضة في مسيرة الغضب الكبري مع عدم دفع رسوم الاشتراك
* عدم التزام الاطفال بالزي الشرعي مع عدم دفع الغرامة
* عدم سداد ضريبةالقيمة المضافة .
* عدم سداد ضريبة الدخل الشخصي .
* عدم سداد دمغة الجريح
* عدم سداد دعم المجهود الحربي .
* عدم سداد دعم السلام .
* عدم سداد متأخرات الكهرباء و المياه .
* عدم سداد رسوم النفايات .
................الـــــــــــــــــــــــــخ
والان عمو تبلدينا نايم من شدة التعب و المشاوير وبعد ما فلس (ولعله الان بياكل ارز مع الملائكة)
وانشاء الله بعد ده كلو يصدقو ليه بالروضة ؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
Quote: ياتبلدينا
شنو الهرجلة الفى الروضة دى ؟؟!!!
كدى اولا اى ولى امر يطلع لينا برة شوية ياشباب..لحدى مانشوف اوراق اعتماد الملائكة ديل وبعدين نبت فى امر اولياء امورهم !! |
هم الشباب ديل كلهم عايزين يتعينوا ولكن يتأملوا فى عيون ناس حلوووين !!؟؟
| Quote: اسمع الاطفال الامريكان ديل لازم يجيبوا ورقة من الوافدين !! |
أنت تأمر ونحن نصيغ اللوائح ..
| Quote: تبلدينا ياخى انت كده بتخسر لى الشفع ديل بتدلع امهاتهم كده ليه ؟!! |
الام مدرسة ان اعددتها اعددت ( جيلاً) طيب الأعراق ..
ولاشنو !!
Quote: تبلدينا
ياخى الشفع ديل عايزين نكمل اوراق اعتمادهم انت مشيت وييييييييين؟!! |
أنت موجودة انا تانى اقدر اتزحزح من محلي ..
حاشتغل دوامين عشان ننتهى من التسجيل ..
ممكن تقبلي دعوة رئيس الإدارة يا ابلة ..
التلج ..
التلج ..
التلج ..
مودة .. دى بت عمي ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: سجيمان)
|
تـبلـدينـا،،
أعتقد نسيتو الطفل دا
ولد الزميل عمر ادريس محمد
دا سايبنو حايم بي بره ليه،،،
داير حول جـدار الحضانة يا مشرفين
مخصوم من الأبلـة عدد (5) بوستات وعدد عشرة مداخلات
ويعتبر هذا انذار نهائي .. واذا تكررت المسألة.....
تعاقب بالفصل .. صحيح عاوز اسأل الابلـه لو فصلوها من هـنا
بوشحـوها بي شنووووووووو؟؟؟؟؟؟؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: نجود حسن عبد الرحمن)
|
| Quote: الابلات بقو اتنين قاصد ياته عشان الخصومات دى مابنقدر عليها |
أبلـه ظـاظـا يا نجـود....
بما أنو أبله نادية غائبة
وانت عليك الاشراف والمتابعة
يبقى الخصم، ح يقع عليك
مالم تقدمي اسباب مقنعة
للإدارة، ولغياب الادارة
وتعييني انا مؤقتاً...
مشرفاً عاماً بالانابة..
يبقى تتقدمي بعدم تكرار
ترك البوابة الرئيسية مفتوحة
وتنبيه البواب بذلك...
بس المشكلة انو ما عينا بواب
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
تبلدينا
ما تشتر اللعب
بالله اعدل لينا الصورة المقلوبة دي
وخلي الشفع يستمتعوا بباقي البوست
طبعاً المداخلة دي جاءت بعد معاناة
لقيتك شاري المداخلة الاخيرة
لحدي المسطرة لنهاية اللصفحة لووووووووووول
قلت صورة مقلوبة نعدلها
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
| Quote: اعتبروهو فيرست ورنغ .... عاااادى |
استاذ تبلدينا
الخطأ الأول مشفوع بإنذار ولا عديتوهو
بعدين أنا أطالب بشدة بعمل تأمين صحي للعاملين في الروضة إنت ماشايف أبلتنا الجميلة نجو ضربتها الملاريا الله لا عادها وعيشتنا في قلق لمدة يومين ماشفنا فيها طلتها البهية أرجو أخذ طلب البواب بعين الاعتبار
منتظر ردك يا رئيس مجلس الادارة.
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
شكراً يا أبلة نجود على الواسطة ومعليش يا أبلة ندوية لو ما عاجبك غناي ممكن أغير للمديح وأجيب معاي كم طار ومكن أستوردهم من حلفا لأنها مشهورة بالطارات الصوتها يرزم في الصدر
بعدين إنتي لمن ترفديني معناها قطعتي عيشي وأنا ماشي السودان مخصوص عشان أكون أحسن بواب يمكن بعديها أترقى وأجيكم في مصر عشان أزاحم الجماعة الهناك دول ،، ولا رايك شنو
| |
|
|
|
|
|
|
|
|
|
Re: ملائكــــة فى المـــنبر ،،، (Re: tmbis)
|
نجوووووووووووووووووووود بطلى الحنية الزايدة دى ..
احمد حنييييييييين
بتك دى تحجبها عشان ماتفتن لينا الاولاد ديل ..لانها شرررررررررط عديل كده ........حلوة بشكل جنان.......ماشاء الله .........عينى باااااااااااردة
| |
|
|
|
|
|
|
|
|
|
Re: ملائكــــة فى المـــنبر ،،، (Re: tmbis)
|
نجوووووووووووووووووووود بطلى الحنية الزايدة دى ..
احمد حنييييييييين
بتك دى تحجبها عشان ماتفتن لينا الاولاد ديل ..لانها شرررررررررط عديل كده ........حلوة بشكل جنان.......ماشاء الله .........عينى باااااااااااردة
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
يا تبليدنا
أنا قلت أعمل تقيل .. وما أدخل ولدي الروضة براي
قمت جبت الصورة ختيتا في البروفايل.. ودخلت البوست
قلت إحم إحم شوفو الود دا يا اخوانّا ودخلو الروضة
يعني لزوم ظهور وكِدا..
أها زول اشتغل بيهو مافي..
وبعدين عمو عادل فضل المولى قال حا يتوسط ليه
لكين صهين وعمل نايم..
المهم مشعل زِعِل وقال إلا يشيلو صورتو من البروفايل
وهو هسي حردان .. مع إنو أنا عارفو نفسو فيها..
خاصة وإنو شقي زي صاحبو سديمان.. وعايز يكون
تحت الإشراف المباشر لأبلة ظاظا.. وآبلة نجو
أنا قلت ليهو يا مشعل يا ولدي نحن ما ناس مهمشين
والروضة دي بتاعة أولاد زوات ..
ومن هذا المنبر أنادي بفتح روضة خاصة بالمهمشين
وتكون الأبلة فيها .. منو يا ربي... ؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: Abdulla Ageed)
|
يا أبو مشعل
تحية ندية
حرام عليك كدا تخلي الولد ياخد موقف من عمو عادل
وانا اقترحت في البوست البي غادي (اقتراح وجيه) - راجع البوست بتاع الملوخية
مش عشان مشعل وبس ..عشانك انت نفسك !!!!!!!!!
لكن يظهر انك ما وقفت عليهو
ومن هنا تمشي تعتذر للولد طوالي وتقول ليهو عمو عادل بيسلم عليك وقاليك انو محمود راجيك لابس هدوم الروضة ..
ما تتأخر عليه
وتاني سلام
ورجع صورة الولد بالله
وشيل الصورة الشيييييييييييييييييييييييينة
دي من هنا
سامع..؟!
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
يا زول ..
Quote: سلام يا جماعة
و أبى البنجوز مازن اِلا أن يشارك فى روضة الأطفال - طبعا أعملوا حسابكم
الولد دة خاطب بنت بكرى أبوبكر بيان ست البنات و بعدين هم الاِتنين حا
يورثوا المنبر دة - شكرا يا تبلدينا على البوست الظريف و ما شاء الله
ربنا يحفظ كل الوليدات و البنيات
زول بن زول |
البنجوز دا ما شاء الله عليو ....
بيشبه صورة أبوهو الخاتيها في البروفايل
يخلق من الشبه أربعين شوفو الحلاى يا ناس
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
Quote: البنجوز دا ما شاء الله عليو ....
بيشبه صورة أبوهو الخاتيها في البروفايل
يخلق من الشبه أربعين شوفو الحلاى يا ناس |
سلام يا ناذز
النصيحة يخلق من الشبة أربعين - شفت الولد دة بيشه أبوهو كيف
حكم يا زول - شكرا يا زول بس انت كتر من ماشاء الله دى - الولد
دة انا ماشى أبخرواو أقراء ليهو المعوزات - غايتو بعدين لمن يعرس
بنت بكرى حا نعمل واسطة يرجعوك المنبر تانى - لأنو باقى لى فى ناس
قاعدة متأمرة عليك و مبيتة ليك النية كان ما بطلت قصايدك الشنو
ما عارف دى
لى قدام يا زول و ربنا يحفظ كل الوليدات و البنيات
| |
|
|
|
|
|
|
|
|
|
Re: ملائكــــة فى المـــنبر ،،، (Re: zoul"ibn"zoul)
|
ياتبلدينا
يعنى انت عشان الروضة حقتك تغيب على كيفك ؟!!!
هنا فى مجلس ادارة وجمعية عمومية ..........فاهم ؟!!
يعنى تغيب بعد الانذار ده بتلقى نفسك مرفود وبنجيب صلاح شعيب بدلك
وناذر بواب بدل ابو شيبة المرفود!!
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
| Quote: وناذر بواب بدل ابو شيبة المرفود!! |
شوفي يا أبله ناديه أنا أمس اعتذرت ورقدت ليكم في ا########## تقومي اليوم تصري على رفدي ،، أنا لن أستسلم وبوابي بوابي بوابي ولو ما عاجبك أنا بشتكيك لحقوق الجكسان
| |
|
|
|
|
|
|
|
|
|
Re: ملائكــــة فى المـــنبر ،،، (Re: محارب)
|
سلام
أها قام بكري شال صورة ولدي بعد ما تمت شهرييييين في حوشو (حسب قوانينو)
أها قمنا مشينا حوش الجيران ورفعنا صورة الولد من جديد (حوش الجيران مدتو مفتوحة)
أها قام الولد انفعل وقال
إنت كدة (  ) يابابا
أها قام أبوه قال للأخوان عليكم الله قولو ماشاء الله والله يحفظو من الكتشب والمايونييييز
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
Quote: ولا يهمك يالملك بخليهو ليك نجو وبشوف لى اسم غيرو
وعشان اسمك نجو بنقبلك معانا من غير رسوووووووم |
....
....
مشكورة يا نجود
الكلام ده كيف يا تبلدو
....
....
نادية عثمان
....
........ازيك يا أبلة
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
إنتي يا أبله نادية ما عليك أنا ببيع ليك الديوان واوضتين كمان ولو عند صالة ندخلها كمان في البيعة مادا برضو من شغل البوابين مش عندكم في مصر بتقولو عنها روبابيكيا،، أها رايك شنو خلاص صافية لبن ؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
سلام ،،،
اولاً التحية لكل البراعم الصغار الذين التحقوا فى فترة غيابنا
ونتمنى ان تكون ابلة نجو قد اكملت اجراءات تسجيلهم ..
وشراء بعض الملبوسات القطينة والبامبرز لبعض الصغار
وبعد إنتهاء ابلة نونو من الأجراءات مع إدارة أطفال المهاجرين
وضرائب المغتربين .. وحماية حقوق الطفل .. وسجلات المواليد
ومصلحة التوظيف .. وحدائق القبة .. ومنشية البكري .. وسينما مترو
وشارع طلعت حرب .. وميدان التحرير والحديقة العالمية وورشة المنيل للصيانة
ومنتجعات شرم الشيخ .. وملبوسات روكسانا للاطفال ومصيف ابوقير وشاليهات دريم
نعود معاً ،، لمتابعة اهتمانا باطفالكم وفلذات اكبادكم وابلاتكم ..
وسنعيد النظر فى بعض الموظفين ..
خصوصاً الغفراء الذين يتسببون ببعض الفوضى .. والازعاج لاطفالنا وابلاتنا ..
الف X1000 حمدالله على سلامة ابلة نادية .. من اللوكال ليف بتاعتها ..
الابلة نجو ..رخيت الحبل للمشاغب ابوشيبة مره تفل ومرة غفير انت عايزاهو شنو!؟
تحية ونعود للقاءات الفردية ببعض الابهات .. واعضاء مجلس الإدارة ..
سيتم اقامة يوم للامهات ويوم عائلي فى غضون هذا الأسبوع ،،،
تحيات إدارة روضة الملائكة ،،
ع/ الريس
| |
|
|
|
|
|
|
|
|
|
Re: ملائكــــة فى المـــنبر ،،، (Re: فيصل النعيمه)
|
Quote: خصوصاً الغفراء الذين يتسببون ببعض الفوضى .. والازعاج لاطفالنا وابلاتنا ..
الف X1000 حمدالله على سلامة ابلة نادية .. من اللوكال ليف بتاعتها ..
الابلة نجو ..رخيت الحبل للمشاغب ابوشيبة مره تفل ومرة غفير انت عايزاهو شنو!؟
|
يارئيس مجلس الإدارة وضح أجب أفصح
| |
|
|
|
|
|
|
|
|
|
Re: ملائكــــة فى المـــنبر ،،، (Re: عبدالرحمن عبدالله أبوشيبة)
|
والله الشغل ده مابمشى كده !!!
ياجماعة اولياء الامور ديل يجمعوا هنا عندنا اجتماع
اسمعوا انتو البنات شوية كده فى الروضة ليه؟
يعنى ماوالدين غير اولاد ولاقصدكم شنو ؟!!
تبلدينا
كدى عندك رسالة فى بوست الديوان امش عليها وتعال قوان عشان نمشى نجيب اللبن للشفع ديل والبامبرز كما خلص .. اخر واحد لبسو ولد عبد الله العقيد !!
سجيمان
انت أحلى طفل عندى فى الروضة لكن اسئلتك محرجة !!
ياخى الود ده الله خلقو كده !!
فاهمنى ؟!!
| |
|
|
|
|
|
|
|
|
|
Re: ملائكــــة فى المـــنبر ،،، (Re: نادية عثمان)
|
يا أبله نادية
إنتي ماشايفة رئيس مجلس الادارة كل شوية يويل لينا يعني ناوي علينا بالعربي ومدينا العين الحمرا من هسه خوفني وسيب ركبي ولو روضتكم بتمارس الارهاب أنا بحرض بنت الاحفاد تفتح لينا خلوة إنشا الله نحفظ جزء عم أريح لينا من وجع القلب لاراضين بينا بوابين ولا تلاميذ الواحد يتخرج فكي لزوم البخرات والمحاية
| |
|
|
|
|
|
|
| |
tmbis
waleedi399
زول ساكت
Frankly
المسافر
مريم بنت الحسين
elsawi
الملك
ahmed haneen
gamal elsadig
عبدالرحمن عبدالله أبوشيبة
سجيمان
Mahmoud Mustafa Mahmoud
عادل فضل المولى
nasiradin
Elawad Eltayeb
Abdulla Ageed
ناذر محمد الخليفة
هاشم نوريت
صلاح شعيب
عمران حسن صالح
فيس بوك
تويتر
انستقرام
يوتيوب
بنتيريست