|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: Sudaneseonline Biggest Loser (Re: EBTIHAL OSMAN)
|
يؤسفني ان اقول اني حأوقف رياضة كم اسبوع كده.. اعتقد اني غير مستعدّة صحّياً ليها... لكن حأتابع معاكم... ولما ابدا بكتب اكيد اني بديت...
ابتهال، اعتقد انه الفكره الناس يلعبوا في العجلة مع بعض ويشجّعوا بعض.... لكن ما اعتقد انه دي فكرة كويسه، لانها حتقوي عضلات الرجلين فقط... حتحتاجي معاها تمارين تانية للبطن والجزء الاعلي من الجسم...
استاذ معتصم الطاهر... hates off والله!
| |
 
|
|
|
|
|
|
|
|
Re: Sudaneseonline Biggest Loser (Re: معتصم الطاهر)
|
الف مرحب بيك يا معتصم فى عالم الخاسرين الكبار....
واضح جدا انك عندك هدف معين ومربوط بفترة ذمنية وده احتمال كبير
يكون السبب فى فوزك بالمسابقة..
العجلة الفى الصورة اشتغلت بيها لمدة يومين لكن اكتشفت انها مش زى عجلة الجرى
treadmill
بالنسبة لى انا داير لياقة (ورشاقة لو امكن) اكتر من نقصان وزن
اتخايل العجلة دى للعضلات اكتر .....
فرق كبير جدا بين الصورتين ..
ما شاء الله ....
اليوم انا جريت الميل بتاعى اليومى
وحاولت ازيد ال incline الى 1.5 لقيت روحى طالع جبل عالى جدا
كراعى ماتو عديل ....دقيقة دقيقتين ورجعت المكنة الى وضعها
الطبيعى وبدون incline
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلامات.....و ما شاء الله عليكم
طيب....قائمة المتسابقين....الupdated
1- النصرى أمين:
الوزن: 251 رطل
العمر 49:
الطول: 5 قدم و 11 بوصة (قول 6 قدم)
2- مريم بنت الحسين
العمر: ???
الطول: 163 سم
لوزن: Z-.2
(مريم ح تاخد اجازة لفترة قصيرة و تجينا بعده اكتر استعداد..ان شاء الله)
3-omer osman
العمر = 44 سنة
الطول = 180 cm
الوزن = 79 kg
4-جعفر محي الدين
العمر: 47 سنة
الطول:5 قدم و6 بوصات
الوزن: كيلو (183 رطل)
5-حمد فتح الرحمن
الوزن: 88 كيلو
الطول :182 سم
العمر: 38
BMI: 26.31
7-EBTIHAL OSMAN
العمر = 34 سنة
الطول = 160 Cm
الوزن = 80 Kg
8-د.نجاة محمود
العمر: الاعمار بيد الله
الطول: 168 سم
الوزن: 93 كجم
8- Dr. Amy
العمر:????
الطول:169 cm
الوزن: X
BMI Norml but close to overweight , Body Fat, fittness to acceptable
9-معتصم الطاهر
الف مرحب بابتهال عثمان...ما شاء الله عليك....go girl
مرحب ب د.نجاة محمود...اسالى الدكتور اذا كان ده من الاثار الجانبية للعلاج.
مع انى خبرتى ما خالص فى المواضيع دى...لكن ممكن اتقلك و نشتغل سوا فى التدريبات. انا ما عاوزه انقص وزنى الان لكن ح اكون معاك بقلبى . عشان الالم اللى فى الركبة اهم شيئ انك تبدى براحة. جيبى ليك جزمة رياضية مريحة و ابدى اتمشئ كل يوم لمدة 20 دقيقة. بسرعة (ذى ما قلت قبل كده) تقدرى تتكلمى اثناء المشي. و الاهم انك ما تقدرى تغنى. جربي الاتنين و حاولى تتمشي بسرعة فى النص.
جربلا الحاجه دى و بعد اسبوع نشوف الحصل شنو
للف مراحب ب معتصم الطاهر ....و الله انجاز عظيم...ما شاء الله
Quote: لمن وصلت ربع ميل ...خلاص كرعينى نملو وجسمى كلو بينتح ...
لكن لازم استمر واخلص الميل |
النصري....جسمك بينتح لانك غالبا فقدت سوائل...اهم حاجه انك تشيل معاك فى مكنة الجرى قزازة موية و تشرب طوالى.
| Quote: الحاجة الحابي أضيفا يا النصري، إنو أنا وجهة نظري انك ما تشغل بالك بالسرعة في الوقت الراهن، فكر إنك تتمرن لأطول وقت ومسافة تقدر عليها، وخليك على السرعة البتحس انك مرتاح فيها وما بتجهدك وتخليك توقف التمرين، أو تكرهو، أو تخاف منو.. |
كلام الهادى صحيح....فى البداية السرعة ما مهمة. ركز الان على المواصلة فى الجرى. انا ما عاوزه احبطك-يا النصرى- ..لكن سرعة 4 ميل تعتبر مشي. الجرى بيبدا من سرعة 5 ال 5.5 ميل فى الساعة.
| |
|
|
|
|
|
|
|
|
|
Re: Sudaneseonline Biggest Loser (Re: معتصم الطاهر)
|
يا اسمارت
| Quote: انا ما عاوزه احبطك-يا النصرى- ..لكن سرعة 4 ميل تعتبر مشي |
4 ميل فى الساعة جرى عديل بخمة نفسه كمان.....
امبارح الزول جارى فى المكنة المجاورة كان ماشى وبسرعة شديدة ..
الماكينة كانت بتقول السرعة 2.5
ارجو من ادارة المسابقة التحقيق فى الامر وياريت لو اى زول محايد
طلع فى الماكنه treadmill
واثبت لينا انو 4 ميل فى الساعة تعتبر مشى وليس جرى
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
اولا يا خالد العبيد الصور الجبتها دي ما تغشك ساكت.. الصور دي دائما بتكون من شركات الاستهبال والفهلوة البتبيع حبوب لتخفيض الوزن ويجيبوا ليك صوريت لشخصيو واحدة لمن كانت سمينة وبعدين لمن انخفض وزنها بعد اخذ حبوب الاستهبال ,, وطبعا عادة الصورتين لشخصيتين مختلفتين ولكن يخلق من الشبه اربعين...
ويا النصري نصيحة ليك ما تتغشى ساكت بالاعلانات واؤكد ليك ما بينفعك غير المشي كل يوم نصف ساعة ... وبعد شهر شوف النتيجة
| |
|
|
|
|
|
|
|
|
|
Re: Sudaneseonline Biggest Loser (Re: معتصم الطاهر)
|
النصري....ما تزعل يا اخى  ....انا قلت ليك ما تشتغل بالسرعة....اصلا ما مهمة. لكن الجري بيبدا من 5 ميل فى الساعة و فى ناس بيقولوا 5.5 كمان.
دى صورة من موقع بيحسب ليك حرقت كم سعر حرارى بمعدل جرى معين. ما مهم الارقام...بس عاين لمعدلا السرعة للجرى و للمشي
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
يا اسمارت اليوم مشيت الجيمانزيون
شغلت المكنه على 4 ميل فى السودان وحاولت امشى وما اجرى
لقيت روحى ماشى بسرعة شديدة وزى الداخل سباق بتاع مشى...
حولت حركة الجسم الى جكة وبنفس السرعة (4 ميل فى الساعة) بقيت جارى....
المهم فى الاخر اقتنعت انو سرعة 4 ميل دى ممكن تكون مشى سريع او جرى خفيف (جكة)
المهم زدت السرعة الى 4.5 ميل فى السرعة وخلصت الميل بتاعى فى حوالى 15 دقيقة
(غير محسوب زمن التسخين والتهدئة فى النهاية)
المهم فى الشغلانة بالنسبة لى مش الجرى او حتى الرياضة ..المهم هو الالتزام العجيب
حتى اليوم لم افط اى يوم على الاطلاق (خمسه مرات فى اليوم...السبت والاحد اجازة)
انها معجزة حقيقية..
الظريف عملت اصحاب فى الجمانزيوم و استفدت منهم كتير..خاصة واحد فى نفس عمرى نقص
اكتر من 110 رطل ..
| |
|
|
|
|
|
|
|
|
|
Re: Sudaneseonline Biggest Loser (Re: Elawad)
|
انا بجي اتاوق ليكم واتحسّر.. والله مغيوظه غيظه... ! لكن كلها اسبوعين واجيكم ان شاء الله....
مبروك الالتزام يا النصري... انا والله عايزه اعمل لي برنامج بتاع مشي عادي... كل يوم.. في بيتي ده... اعتقد ده مافيه مشكله يا سمارت موش؟
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
سمارت ..
كلامك مقنع ..
نعتذر .. عن المعلومة
لكن أنا من 6.4 طوالى بجرى ..
طريقتى فى الرياضة .. هى
فى البيت ..
ا لبرنامج رقم 2 فى السبورت ارت ..
و هو كل 10 دقائق .. جرى ثم 8 دقائق .. حمل اثقال و رياضة بطن .. ثم أكرر .. لأربعة مرات ..
و فى الجيم .. ( اسباير ) كل يوم رياضة مختلفة ..
كورديو .. + عجلة هوائية + حرق دهون ..
| |
|
|
|
|
|
|
|
|
|
Re: Sudaneseonline Biggest Loser (Re: معتصم الطاهر)
|
النصري، ما شاء الله you are really doing vey well
الالتزام اهم شيء في الرياضة. و الأهم انها ما تكون مرحلة بس، لازم تكون حاجه معقولة عشان تقدر تعملها style of life لو بقي الروتين بتاعك حاجه صعبة جداً ما ح تقدر تستمر فيه لزمن طويل. و لما تقيف ح ترجع الوزن و تفقد اللياقة.
العاوزه اقوله انه اي واحد ممننا ( من حق روحه عليه) انه ممكن يكون بيقدر يوفر نصف ساعة او ساعة في اليوم عشان يتريض و يحافظ علي جسمه و معنوياته.
و من البوست ده نناشد الأزواج يدوا زوجاتهم فرقة في اليوم ( نص ساعة بس) يمسكوا فيها الأولاد و يخلوا الزوجات يتريضوا فيها
مريوم، just don't over do it. اهم انك تتعافي تماماً و بعدين تتريضي. و إحنا راجنك. بعدين النصري خلاص ادمن :) و ما أظن يخلي البوست ده يتارشف ابداً
العوض، شنو يا اخي؟ ما عاوز تخسر معانا؟
بشمهندس معتصم، شكراً جزيلا. بالتوفيق ان شاء الله.
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
اسمارت حمدا لله بسلامة العودة
مريم فاقدنك والله وبالنسبة للوزن المعلق والميزان الابى يتهرش لى المرة دى بقول ليك بتمشى وتجى تلقينى راجياك مافاتك شى
عموما انا محبطة تماما ...ماعارفة اعمل شنو مواصلة بمشى يوم بعد يوم بقيت 3 ميل ويومين بستخدم انواع مختلفة من الاجهزة للبطن
الله غالب..
النصرى انت ماقاعد تتوزن حاول ورينا انت الحاصل عليك شنو عشان اعرف اصطكاك الوزن الحاصل لى دا طبيعى ولا لأ؟؟
| |
|
|
|
|
|
|
|
|
|
Re: Sudaneseonline Biggest Loser (Re: د.نجاة محمود)
|
ابتهال.. لا عليك الله كان تُحبطي... اوعك توقّفي... الثبات في الوزن بحصل عادي.. مرات اختلاف في كيمياء الجسم ساي، يقوم وزنك في الميزان يزيد... يعني موية زيادة او اي شي يخلي الميزان ما يديك وزن اقل...
ختي في بالك انه الثبات زاتو نعمه.. استمري ما توقفي اصلو..
برضه بالنسبة للوزن... بقولوا ليك احسن شي انك توزني نفسك مره في الاسبوع.. يعني حددي يومي محدد واوعدي نفسك ما توزني قبله ... اول ما تصحى من النوم، وتدخلي الحمام... تعالي اوزني..
انا حأتمشّى في البيت زي ما قلت ليكم، مشي خفيف لمدة نص ساعة.. لحدي ما امشي الدكتور يوم الاربع واشوف متين ممكن ارجع بقوّة.. meanwhile، واصلوا يا جماعة وشجّعونا...
د.نجاة، حاولي اتمشي في البيت زيي... صحي المشي بره لزيز.. لكن اهو عشان تبدي.. عندنا واحده صاحبة ناس ماما، محاااافظة ما شاء الله عليها، رغم انها النوع البسمن سريع.. لما سألوها صاحباتها بتعمل شنو، قالت، لما اكون في المطبخ وبطبخ، ما بكون واقفه ساي.. يعني تكون بتسوط في الحلّة، وماشه في مكانها.. كل ما تكون واقفه وبتعمل شي ممكن تكون بتتحرك معاه.. بتمشي في مكانها... وفعلا الحاجه البسيطه دي بتفرق...
| |
|
|
|
|
|
|
|
|
|
Re: Sudaneseonline Biggest Loser (Re: حمد فتح الرحمن)
|
ابتهال..
you did very well
و بتفق مع كلام مريم القالتو ليك فوق ده..
just keep running, and don't worry about your weight at this time
ولو كان لي أن أقدم نصيحة "ربما تنفع البعض ممن يمرو من هنا" فبقول لأي واحد عاوز يبدأ في ممارسة الجري إنو :
try to keep your running more smoothly (you could slow down ) until you get into proper running technique and breathing pattern that works best for your bodies
لأنو الحاجة الأنا قاعد أشوفا غلط في كتير من الناس البكونوا بمارسوا في رياضة الجري "وفي السباحة برضو" الواحد تلقاهو نفسو قائم و بيتنفس بسرعة شديدة جداً، أو زي ما بنقول "بيناهد" أثناء الجري، وزي ده سرعان ما يقطع لأنو بنزينو أو "الأكسجين" بيكون نفد عنده، وإذا الطريقة دي نفعت في الـ sprints فقطع شك ما بتكون ملائمة مع المسافات المتوسطة والطويلة..
وبصراحة برضو ، ما في زول من البداية ومن قولة تيت حا يقدر يجري عشرة أميال، ولو حصلت في يوم ما بتحصل كلو يوم أو باستمرار، ده بكون زول عندو باقي عافية مدسوسة في حتة :)
لكن العاوز يجري باستمرار بيبدأ براحة "أو بسرعة معقولة حتى لو كان بيعتقد انها بطيئة" لحدي ما يلقى / يتعلم / ويعرف التكنيك المناسب البخليهو يعرف يضبط وينظم أنفاسه مع وقع خطواته أثناء الجري..
بعد داك بيقدر يزيد سرعته ويجري أي مسافة هو عايزا بدون ما يحس بتعب وإرهاق كبير
كدي لي بعدين.. انا اتاخرتا
| |
|
|
|
|
|
|
|
|
|
Re: Sudaneseonline Biggest Loser (Re: Elhadi)
|
نكسة
يا اخوانا معليش ما قدرت اجرى الميل بتاع اليوم..
امبارح بالليل مشيت اكلت دجاج هندى دندورى
قام بى ..
الليل كلو مانمت ..
مشيت الشغل مدروخ وفاقد طاقة وسوائل
لكن ان شاء الله اعوض الميل بميلين بكرة الثلاثاء 27 سبتمبر
يا ابتهال انا ما وزنت روحى قريب وغير متحمس للفكرة لان برنامج الغذاء
بتاعى سئ جدا ...ونفسى مفتوحة بصورة غريبة ....عارف روحى لو مشيت وزنت
حامرض روحى ساكت ...
لو قدرت اثبت برنامج الرياضة(وهو الاصعب) الوزن مشكلتو ساهلة .......
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
يا اخوانا دايرين منى واحد ميل..
فى عهدتى ..ان شاء الله خلال اسبوع نسدده...
مشيت اليوم للجيم بعد توقف 3 ايام (سبت احد اتنين) وجريت الميل بتاعى(الوحيدونى)
تقريبا اخد معاى حوالى 11 الى 12 دقيقة..
الحاجة الكويسة السرعة كانت 4.5 الى 6 ميل فى الساعة...
الربع الاخير من الميل كانو معظم ب6 ميل فى الساعة ...
اعتقد ان دى اصعب دقائق من بداية البرنامج .....
فى جماعة هنا دايرين منهم الاف الاميال....
وعاملين مجانين ...
ما دايرين يدفعو ديونهم ...
يوم الحساب قرب ...
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
| Quote: العوض، شنو يا اخي؟ ما عاوز تخسر معانا؟ |
والله يا سمارت داير أخسر و داير أخسر شديد كمان لكن قاتل الله الكسل و عدم الانتظام. ما عندي أي عذر عندي (Treadmill) في البيت مرات بالشهور ما بمثي بجنبها الغريبة لمن أبدا من أول يوم ممكن عادي أعمل تلاتة كيلو يعني قريب الميلين. عادة أنا ما بجري بمشي بمتوسط سرعة ستة لستة و نص كيلو في الساعة. مشكلتي الكبيرة هي عدم الانتظام عشان كدا خايف ألتزم هنا بحاجة ما أعملها لكن حأحاول أول انتظم بعدها أجي هنا أقول ليكم :).
| |
|
|
|
|
|
|
|
|
|
Re: Sudaneseonline Biggest Loser (Re: Elawad)
|
سلام يا ياسر
| Quote: عشان كدا خايف ألتزم هنا بحاجة ما أعملها لكن حأحاول أول انتظم بعدها أجي هنا أقول ليكم :). |
الشغلانة كلها لا تخرج من انها التزام ...
التزام ولا غير .....
مش نية ولا حماس ولا رغبة
التزام ......
انا حليت مشكلة الالتزام دى ...
كل يوم حوالى الساعة 9:30 صباحا بتوقيت كالقرى بعرف تقرير لليوم ..
اذا اتريضت بكتب اتريضت كم وكيف واذا ما اتريضت برضو بكتب ..
بالطريقة دى عملت لنفسى التزام معنوى انى report هنا الشى البعملو...
سبحان الله ...الطريقة نجحت نجاح شديد .....
لغاية دلوقت لم افط اى يوم الا امس الاتنين بسبب المرض ..
وغالبا خلال الاسابيع القادمة نتعود على الشغلانة وتبقى جزء طبيعى من برنامج اليوم
لغاية ما تصل مرحلة الادمان (ودى مرحلة وصلو ليها ناس معاى فى الشغل)
| |
|
|
|
|
|
|
|
|
 Re: Sudaneseonline Biggest Loser (Re: النصرى أمين)
|
لما كنت بعمل رياضة يا النصري ويا العوض، كان دافعي اني لازم بالليل اجي اكتب ليكم اني اتريضته ولا لأ... عشان كده كنت ممكن اكون تعباااانه اجي القى الناس كاتبين انهم اتريضوا... واقوم اقول لا انا ما حأكتب اني ما اتريضته.. اقوم اتريض واجي اكتب... فعلا الفكرة بتاعت البوست حلوه شديد
| |
|
|
|
|
|
|
|
|
|
Re: Sudaneseonline Biggest Loser (Re: معتصم الطاهر)
|
والله يا معتصم الميل بتاعى ده انا شايفه كتير كترة....
ياخ كنا وين وبقينا وين ....
دى معجزة عديل كده ....انت ما بتقدر تتخيل انا بتعب كيف عشان اكمله
لكن زى ماقلت ليك العافية درجات .. انا همى الاساسى الانتظام
فى البرنامج ..ان شاء الله كان 3 دقائق فى اليوم ..احسن لى
من ساعتين جرى مرة فى الشهر ......
الحمدلله اليوم الاربعاء 28 سبتمر جريت 4/1 1 (ميل وربع)
السرعة اختلفت لكن لاول مرة جريت بسرعة 7 ميل فى الساعة لمسافة 100 متر ....
هديت السرعة عشان اظبط الريموت التلفزيون(ولم يظبط معاى)
دلوقت انا مديون 75. من اليوم ....
الحمدلله بديت الاحظ تغيير طفيف فى اللياقة العامة
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
ازيكم يا شباب....
العوض...ذى ما قالت ليك مريم...التزم معانا هنا...و ح نحرجك حرجة السواد لو ما اوفيت :)
النصرى...ما شاء الله و عينى باااردة.
د.نجاة...المطر ما عذر. البسي جزمة كويسه و جكت بتاع مطرة بطاقية و اتوكلى.
مريوم....كيفك? ان شاء الله احسن
ابتهال....ما تقلقى بموضوع الوزن (الان)....اهم حاجه تعملى لياقة كويسه هسي. حاولى تللى من النشويات شويه شويه. (يٌقال) بان الجسم بيدمن النشويات...و لو سبتيها مرة واحده ح تدبرسى (انا غايتو بدبرس)...سيبيا حبة حبة. ابدى بالسكريات, بالصودا و العصاير. اشربى موية بس و اكلى فواكه. العصاير ده ما منها ى فايدة لو بتاكلى فواكه.
بعدها قللى العيش و النشويات ....و ان شاء الله كلو يكون تمام....بالتوفيق
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
الحال أفضل يا سمارت... لكن لسه ما بالدرجة الانا عايزاها...
لقيت اني في البيت ما بمشي ولا شي... فقررت اسوق العيال ونطلع نمشي نص ساعة كده ونرجع... منها نغيّر جو، ومنها انا اتحرّك... لحدي ما اقدر اتحمّل رياضة أقوى.. مشتااااااااااااقه لليوجا... لكن احسن ما اتسرّع..
عندي checkup يوم الاحد...
ابتهال وين يا جماعة.. ما تكون احبطت وخلت البرنامج.. ما بنخليك يا ابتهال، انت ماشه كويس ...
يا جماعة Dr.Amy كلمتني قبل كم يوم انها نقصت 1.7 كيلو .... مبروك يا دكتوره  ..
للناس البحبوا الباوند... 3.7 pounds....
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
يا اخوانا امبارح الخميس 29 سبتمبر ما رفعت تقريرى اليوم
بسبب الارشفة....جريت ميل وربع بسرعة تتراوح بين 5 و 7 ميل فى السرعة
اليوم الجمعة 30 سبتمبر جريت الميل الوحيدونى بسرعة 4.5 و 6 ميل
الحمدلله خلصنا الاسبوع
موعدنا الاثنين
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
السلام عليكم
مريم
فيكى الخير والله انا فعلا كنت قنعت لكن لعنت ابليس ورجعت لكنت مافاعدة اتوزن ,,,ان شاء الله الليلة الدكتور يطمنك وتقدرى تواصلى
Elhadi
شكرا على الاهتمام كلامك صاح وبطمن
Quote: ما في زول من البداية ومن قولة تيت حا يقدر يجري عشرة أميال، ولو حصلت في يوم ما بتحصل كلو يوم أو باستمرار، ده بكون زول عندو باقي عافية مدسوسة في حتة :)
|
اسمارت
Quote: ما تقلقى بموضوع الوزن (الان)....اهم حاجه تعملى لياقة كويسه هسي. حاولى تللى من النشويات شويه شويه. (يٌقال) بان الجسم بيدمن النشويات...و لو سبتيها مرة واحده ح تدبرسى (انا غايتو بدبرس)...سيبيا حبة حبة. ابدى بالسكريات, بالصودا و العصاير. اشربى موية بس و اكلى فواكه. العصاير ده ما منها ى فايدة لو بتاكلى فواكه.
بعدها قللى العيش و النشويات ....و ان شاء الله كلو يكون تمام....بالتوفيق |
كلو قدرت عليهو الا الشاى الصباح بالبسكويت
| |
|
|
|
|
|
|
|
|
|
Re: Sudaneseonline Biggest Loser (Re: EBTIHAL OSMAN)
|
غايتو الليلة جيتكم بعذر شين شنة...
طلعت الماكنة كالعادة وتووووووش ظبطت السرعة على 5 ميل فى الساعة...
وبديت اجرى ..والعرق بدا ينزل ...
فجاة صفارات انذار الحريق ضربت ..طوالى وقفت المكنة ولملمت حاجاتىى وداير
اتخارج ....
فى هنديةتتريض فى الماكنه جنبى ...قلت ليها ما حتتخارجى ..
المتخلفة قالت لى مافى حاجة... مافى حريق ....
لمن طلعت الشارع لقيتها قدامى ..
المهم
جريت حوالى ثلث ميل ....
حاعوض الباقى خلال الاسبوع ....
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
غايتو يا اسمارت جاتنى من السماء
كريم ادى غشيم ...
اتزكرت لمن نكون دايرين نزاكر واجباتنا المدرسية والكهرباء
تقطع ...نفرح فرح شديد ...
المبنى بتاعنا شغال فيهو الاف العاملين ...
خلال ثوان الناس كلها طلعت الساحة الداخلية ..
انا طبعا ما مصدق ..
جرى شديد على العربية (خايف يلغو الانذار)
لمن دورت العربية عربات المطافى ظهرت ...
بعدين حارجع الشغل و نشوف الاتحرق شنو ....
بس اوع تكون الماكنات حقاتى
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
الثلاثاء 4 سبتمبر 2011
جريت ميل وثلث بسرعة 5 ميل فى الساعة..
لم اشعر بتعب رهيب..احتمال لانى كنت بتونس مع زول فى الماكينة
الجنبى...
5:30 صباحا اتعكرت عكيرة شديدة جدا بسبب خلاف مع احد الزملاء (لا اعرفه)
حده فى الكلام وفى النهاية قفل الباب فى وجهى بسبب غضبه الشديد ...
طبعا حماقة سودانيين مشيت انتقم واخد حقى منو ...
وطلبت توضيح من الادارة حول الامر ...
اتضح انه هو الصحيح وانا الغلطان ..
فتشت المبنى كله افتش ليه عشان اعتذر ما لقيته ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
الاربعاء 5 سبتمبر 2011
تغيير فى جدول اليوم
مشيت ثلاثه ارباع الميل (مشى سريع) ثم جريت ثلاث ارباع ميل (جرى سريع بين 5 و6 ميل فى الساعة)
المجموع الكلى لحصاد اليوم واحد ميل ونصف الميل (ما بطال ..كنا وين وبقينا وين)
مجهود الاسبوع كله راح بعد صينية باسطة مكربة ...
قابلت الزول الشاكلتو امس ..اعتذرت ليهو ويبدو انه قبل الاعتذار ..وبكده ما بحتاج
اتلبد كلما اشوفه ...
قابلنى مديرى المباشر (بعد غياب عدة اشهر) وسلمنى pin ترمز لاكمالى 5 سنوات
بالاضافه الى 50 دولار ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
Quote: جرى شديد على العربية (خايف يلغو الانذار)
لمن دورت العربية عربات المطافى ظهرت ...
بعدين حارجع الشغل و نشوف الاتحرق شنو ....
بس اوع تكون الماكنات حقاتى |
ما عنك عشرة يا النصرى...ما كانت تنتظر تشوف لصحابك فى الشغل كيف. بعدين مش كان لازم يعدوكم (او شيء كده) عشان يعرفوا المفقود منو!!!!
Quote: حده فى الكلام وفى النهاية قفل الباب فى وجهى بسبب غضبه الشديد ...
طبعا حماقة سودانيين مشيت انتقم واخد حقى منو ...
وطلبت توضيح من الادارة حول الامر ...
اتضح انه هو الصحيح وانا الغلطان ..
فتشت المبنى كله افتش ليه عشان اعتذر ما لقيته ... |
تعرف ده اهم حاجه مفروض اهلنا يعلمونا ليها Be cool....واحد عربى رفدوه هنا لانه ضرب لزول الطربيزة....اهمل حسابك بتعمل ليك سمعة انك شكال.
| Quote: مجهود الاسبوع كله راح بعد صينية باسطة مكربة ... |
لقيتها وين الباسطة???? بختك يا عم. يا اخى انا كنت بظبت باسطة خرافية...لكن وقفت من عملها لظروف صحية...
Quote: قابلنى مديرى المباشر (بعد غياب عدة اشهر) وسلمنى pin ترمز لاكمالى 5 سنوات
بالاضافه الى 50 دولار .... |
الف الف مبروك...كويس انهم ادوك كاش. ناسنا ديل بيدوك هدية صغيرة (ذى الدبابيس دى) و معاها صفقة قوية فى ال staff meeting ...قلت ليهم كان ادونى 10 دولار مش احسن من الصفقة????
ماشي تمام يا النصرى...بغرتنى. مع ان انا ما عاوزه انقص وزنى...و ما فروض افكر فى موضوع اللياقة الان (لظروف صحية...برضو) لكن ح ارجع امشي. من بكرة ح اوريكم عملت شنو!!!
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
انا امس سقته العيال وابوهم ومشينا الكورنيش اتمشينا... كان مشوار لزيز جداً... الليلة سقته العيال ومشينا لي جماعة معارفنا بي كرعينا... مشية حلوه برضه... حاسه بنفسي احسن، بنتظر الاحد مواعيدي التانية وبعداك حأبدأ الرياضة...
مبروك يا النصري... الpin والقروش... والانتظام في الرياضة....
سمارت... go easy on yourself... المشي الخفيف كويس معاك، استمتعي بيه...
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
يا اسمارت ومريم للاسف ال 50 دولار ما كاش ..
عندى خيارين ..اما تنزل مع المرتب ..وبعد الضرائب وذكاة الجريح وماشابه
تصلنى منها زى 6 دولارات كده (الخيار ده مرفوض)
الخيار التانى استلمها فى صورة كردت كارت (ماستر كارد)
ده حيكون الخيار بتاعى...حااعبى الفومات اليوم وغالبا استلم ال
Master Card خلال ايام ....
اعتقد الوزن بتاعى زايد لانى معوض العذاب البتعذبه فى الرياضة
معوضه فى الاكل ...لكن بعد فترة حابدا برنامج جاد جد لتنظيم الوجبات
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلامات
والحمد لله الوزن بقى 77 كيلو
يعنى نقصت 3 كيلو
مبسوطه لدرجة انى ما قادرة اكتب
يا سمارت
يعنى كدا فضل لى كم كيلو من الوزن المثالى (اقل شى 19 كيلو صاح ههههه)
مريم
استعجلى القصة بدت تثمر .......وكلامك صاح كنت يئست وقررت اوقف لكن دخلت وشفت بوستاتكم وقررت اواصل ...يديكم العافية
النصرى
حمدا لله عالسلامة ومبروك وبالتوفيق ان شاء الله وبعدين 7 ميل فى الدقيقة دى وهيييييييييييييييييييبه انا غايتو لسة فى ال 4 لكن يوم بعد يوم بمشى 3 ميل
| |
|
|
|
|
|
|
|
|
|
Re: Sudaneseonline Biggest Loser (Re: EBTIHAL OSMAN)
|
واااااااااااااااااو... ألف مبروك يا ابتهال... بغّرتينا والله... انا ثاااااابته في مكاني... لكن الثبات نعمه مع اللهط البلهط فيه يومي ده.... كده شجعتيني والله .. ان شاء الله الاحد زاتو لو لقيت وضعي كويس، بجي ابدا رياضة طوالي... حأحاول امشي زيّك... الجو عندنا بقي حلو شديد، باخد الاولاد وانزل اتمشي تلاته مرات في الاسبوع... تغيير ليهم هم زاتهم....
النصري اعمل حسابك.. الناس الدايرين يزيدوا وزنهم بنصحوهم بالرياضة لانها بتفتح النفس... :D...
أين البقية يا حكم؟
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
| Quote: أين البقية يا حكم؟ |
الظاهر يا مريم الحكم بتاعنا مشغول تعزية فقيد التكنلوجيا ستيف جوبز ربنا
يرحمه بقدر ما قدم للبشرية من خدمات....
الخميس 6 اكتوبر 2011
تغيير اخر فى البرنامج..
ثلث ميل من المشى السريع
ثم ثلث ميل من الجرى بسرعة 5.3 ميل فى الساعة
ثلث ميل بين المشى السريع والجرى
بالاضافة الى حربشات
المجموع الكلى 1.4 ميل
ما بطال
يا ابتهال خليتى ابقر عديل..
3 كيلو حتة واحدة ....
ما شاء الله .....
انا غالبا احدد اليوم الحبدا فيهو الريجيم diet فى المستقبل القريب ...
والله يا مريم انا مستغرب جدا ..انا بقيت شرفان عديل
ده شنو ده...
الواحد لو لقى حصحاص يقرقشو..واى اكل بقى طاعم ..حتى سلطة الروب (كراهيتى الاولى)
اكلتها بنهم قبل كم يوم ..
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
ده برنامج الاكل اليومى بتاعى
بصحى من النوم الساعة 4 صباحا
بشرب شاى ببسكويت او بمشى محل القهوة بشترى قهوة (3 لبن و 3 سكر) ومعاها
سندوتش صغير بتاع بيض مع الجبنة egg and cheese on a toasted bagel
تقريبا تكلفة الفطور ده 3 دولار ..
برجع البيت حوالى الساعة 9:45 صباحا ,,
بفطر الساعة 11 الى 12 ..غالبا فول مظبط (الوصفه فى بوست مخصوص) وعيش كتير
لو مافى فول ..3 سندوتشات سجك .... او باقى ملاح بايت ..اهم شئ رغيف ابيض كتير جدا
نومة صغيرة ....
حوالى الساعة 2:30ظهرا كوباية شوب شاى احمر .......
بتغدى او بتعشى حوالى الساعة 6 مساء
غالبا ملاح بعيش ابيض(كتير)
بشرب شاى بلبن.. المغرب حوالى الساعة 7:30
اليوم الغذائئ انتهى ....
بمشى السرير حوالى 10 الى 11 مساء
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
الجمعة 7 اكتوبر 2011
جريت 1.1 ميل بسرعة 5.1 ميل الساعة (لكن لمن نفسى يقوم بنزل السرعة شوية
لغاية ما اخد نفس)
قربت اقع فى المكنة لمن جارى الذى يتريض معى يوميا وهو شخص قصير وبدين جدا
يشبه يونس شلبى ..قربت اقع لمن قال لى انه نقص 15 رطل فى خلال اسبوعين الفاتو ....
سالته :هل تتريض يوميا ..اجاب نعم..سبعة يوم فى الاسبوع مع ريجيم صارم ....
اضاف انه قابل دكتورته وقالت ليهو انو احد "زبائنها" نقص 15 رطل فى الاسبوع دون
ان يتريض اطلاقا ..فقط ياكل خضروات مسلوقة ..ولاشى اخر ....
سبحان الله
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
النصري ازيك.. من كلامك عن اكلك، واضح انك عارف مشكلتك وين... :)...
الليلة طلعنا مشينا كلنا زي ساعة كده حولين الحي بتاعنا... كانت مشيّة حلوه خالص.. ناويه اعملها تلاته مرات في الاسبوع... الجمعه تكون ثابته.. وبعداك نشوف يومين خلال الاسبوع نكون رايقين فيهم، ونطلع..
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
متابع بشدة
بوست جميل ومفيد
طبعا انا يتيم وما بوصوني على البكاء
منضبط لأبعد الحود فى مسالة اللياقة والاكل
الاسم جني
الطول 179
الوزن 81 كجك
اها عمري كم؟
وأنصحكم بالفحوصات الدورية السكر والضغط والكولسترول ...الخ
تحياتي
جني
| |
|
|
|
|
|
|
|
|
|
Re: Sudaneseonline Biggest Loser (Re: jini)
|
إزيكم يا جماعة
الواحد قدر ما يعمل نائم من البوست دا برضو يعتر ليه
حتى الآن لم انتظم في برنامج رياضي
لكن أمارس الرياضة بشكل متقطع
وعامل حسابي في الأكل شديد خصوصا العشاء
الحمد لله نقصت 4 رطل خلال هذا الشهر
والتزامكم جميعا يمثل دافعا مهما
بجانب الرغبة الحقيقية في تحسين اللياقة وضبط الوزن
| |
|
|
|
|
|
|
|
|
|
Re: Sudaneseonline Biggest Loser (Re: جعفر محي الدين)
|
Quote: قربت اقع لمن قال لى انه نقص 15 رطل فى خلال اسبوعين الفاتو ....
سالته :هل تتريض يوميا ..اجاب نعم..سبعة يوم فى الاسبوع مع ريجيم صارم ....
اضاف انه قابل دكتورته وقالت ليهو انو احد "زبائنها" نقص 15 رطل فى الاسبوع دون
ان يتريض اطلاقا ..فقط ياكل خضروات مسلوقة ..ولاشى اخر ....
سبحان الله |
الاخ النصري سلام متابعين معاكم وقاعدين نتريض برضو،،
غايتو انا جربته برامج كتيرة و مانجحت ماعدا واحد' وكمان بتنقص وزن فى فترة وجيزة ،،،انا قبل سنتين نقصت ٤٤ باوند فى ٦ شهور بس مشيت السودان رجعتهم بسرعة ،،اليومين ديل رجعته ليهم تانى وح اتابع معاكم.
| |
|
|
|
|
|
|
|
|
|
Re: Sudaneseonline Biggest Loser (Re: Nagat Sid Ahmed Elshiekh)
|
قصة الcrash diets دي اصلها ما بتخارج.... النزول السريع بتبعه عادة رجوع سريع للوزن، ومرات برجع أكتر مما كان... غايته النتيجة الطلعته بيها من موضوع الdiets ده انه الزول ما يعمل diet ما بقدر يستمر عليها باقي حياته... الاعتدال في الاكل، وعمل اختيارات ذكية smart choices في كل مرّه بياكل فيها، هي المفتاح عشان الواحد ينقص وزن... ومعاهم لازم لازم الرياضة..
صاحبتي ادتني فكرة حلوه للأكل... الواحد ياكل في صحن منفصل، موش زي اكلنا بتاع السودان داك... وبعداك الواحد يقسّم صحنه على الشكل التالي:
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
سلامات يا شباب
برنامجي الرياضي و الغذائي ما تغير تقريبا فطيت يوم الاربعاء و الجمعة لدواعي السفر
سكريات و عصائر من بعد رومضان الاستهلكتها ما بتفوت خمسة ملاعق
اليوم قست وزني و لقيت نفسي نازل واحد كيلو خلال شهر يعني بقيت 87 كيلو ، و ان شاء الله خلال الشهر الجايي عايز انزل 2 كيلو .
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
نبدا بجنى..
اهم شئ العمر كم !!!
لانو اى زول فات الاربعين يفترض يبدا يعمل حسابه...
وانت اظنك داخل على الستين.....
غايتو اذا ما داير تطقع لملم لينا الحجار
(يعنى اكتب اى شء يحفز الناس على الرياضة)
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
ياجعفر ياخ ما تراعى لمشاعرنا ياخ
| Quote: الحمد لله نقصت 4 رطل خلال هذا الشهر |
انا واختى ابتهال نتجارى لينا شهر وماقادرين ننزل اوقيه
تجى انت وماخد راحتك شديد تنزل ليك 4 رطل !!!
لكن اقول ليك حاجة ..
لو اتسابقنا 400 متر ..صدقنى حاسبقك لانو الساقين ما شاء الله
بقى سيقان صبى عمره 17 سنة
هل تقبل التحدى؟
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
| Quote: النصري ازيك.. من كلامك عن اكلك، واضح انك عارف مشكلتك وين |
بالظبط يا مريم ..انا عارف تماما مشاكلى وين..
مشكلتى الاساسية (حسى انا شغال فى معالجتها) هى اللياقة
مشكلتى الثانية (حابدا فى معالجتها قريبا) هى الرغيف ..
هل تصدقى انا باكل المكرونه بالرغيف ؟
ان شاء الله الايام الجاية حاعلن عن بداية حملتى القومية لمحاربة الرغيف
انا عارف روحى زول لايوق ..لمن اشبك فى الحاجة ما بخليها الا تقول الروب ...
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام نجاة
مرحب بيك فى عالم الخاسرين العظام.....
سبحان الله ..لمن مشيت السودان قبل 3 سنوات لاحظت ان الاكل
اصبح لى غريب شوية ....حتى لحم الضان بقى لى اشتر..
الظاهر اتعودنا على ضان البلد دى الزفر بسبب الهرمونات ...
غايتو انا كان قعدت فى السودان سنة كاملة ما اظن وزنى يزيد بسبب
الجرى الشديد والسخانة
غايتو خلينا فى الصورة واكتبى عن برنامجك اليومى فى الرياضة وانقاص
الوزن
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام حمد
| Quote: سكريات و عصائر من بعد رومضان الاستهلكتها ما بتفوت خمسة ملاعق |
لاحولا .....
من رمضان؟؟؟؟؟؟؟
ياخ اناال 5 ملاعق سكر ديل شربتهم قبل 10 دقائق !
ده الكلام الببوظ الاعصاب و يخلينا نتهور(زى ماعمل فينا الهادى فى
حكاية 4 ميل فى الساعة)
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
ازيكم يا شباب؟؟؟
النصرى...جنى ده زول رياضى و بيخاف من المرض و الموت خوف شديد. هسه تلاقيه لا بياكل ملح لا سكر لا دهون.
بالله بتاكل عيش قدر كده؟؟؟ دى نشويات ما ليها حد!!!!!
حاول تقلل. بالكتير فى الوجبة نص كباية رز و قطعة عيشه توست وااااحده. الفكرة انك ما تاكل اكتر من 12 جرام كاهربوهيدريات فى الوجبة الواحده.
لما تجوع املا بطنك بفواكه... تفاح ....برتقال ..قريب فروت و عنب. مع انها فيها سكر برضو لكن ما سكر بسيط ..سكر معقد و امتصاصه بيحتاج زمن و هضم الالياف اللى فيها بياخد زمن و يخليك تحس انك ملان.
اشرب مويه كفاية..شراب الموية بيخليك تحس انك ملان برضو.
وقف شراب الصودا و العصاير...
اما سكر الشاى فحاول قلله حبة حبة. ما توفقفوا كلو كلو..الشاى ح يمسخ عليك. كل 3 يوم نقص ربع ملعقة سكر..بعد شهر ح تلاقى روحك بتشرب من غير سكر و مستمتع بالشاى.
بجيك راجعه ..الان انا بستعد..ماشه Apple sauce making party ....مع ناس المكتب ماشين نشترى تفاح و نعمل صوص و نقسمه. صحى جدا و طعمه خرافى. بخت ليكم الصور بعدين
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
ازيكم يا جماعه
انا حأعتمد المشي فقط لحدي ما استعيد صحتي كامله ان شاء الله... حأطلع بكره الساعه 5 اتمشى لمدة ساعة مع الاولاد.. وبجي بديكم تقرير.....
كنت عند الدكتور، وطمّئني، بس محتاجه وقت عشان ارجع لقوتي... المشي احسن حاجه ممكن اعملها في الوقت الحالي...
النصري، ما شفته وزنك لسه؟
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
| Quote: النصري، ما شفته وزنك لسه؟ |
الوزن زايد يا مريم..لكنها ليست مفاجاة لى ....
انا كنت مركز شديد فى حكاية الرياضة وكنت خايف ما اقدر التزم....
يعنى كنت زى الزول البحارب فى جبهتين ..قام شال قواته كلها
ووضعها فى جبهة واحدة وسيطر على الوضع تماما ..لكن فى الجبهة التانية
خسائر فادحة فى الارواح والممتكات...
على كل وبمناسبة مرور شهر على بداية(ونجاح) برنامج الرياضىة ساقوم بتحديد
برنامج ريجيم قاسى و صارم ....
البداية حتكون يوم 13 اكتوبر 2011 (يوم الخميس الجاى)
لكن حتى ذلك الموعد خلينى استمتع بكاية الشاى الضخمة دى بالسكويت
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
اخدته الاولاد ومشينا اتمشينا... قطعته مسافة كيلو و300 متر (يا ناس الايفون، نزلته 3 أب فري.. وقاعده اجرب فيهم، عايزه اشوف شنو الاحسن فيهم)... المشية أخدت مني تقريبا ساعة...
جينا تعبانييييييييييين... ولولو مجدوعه نايمه من قبيل... شكلي حأعملها يومي (وش عاجبه الهدوء)...
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
النصري بالغت ياخ
Quote: لو اتسابقنا 400 متر ..صدقنى حاسبقك لانو الساقين ما شاء الله
بقى سيقان صبى عمره 17 سنة
هل تقبل التحدى؟ |
اليوم المساء بإذن الواحد الأحد رايح النادي الأهلي
اعمل اشتراك سنة وهاك يا جري
يعني أديني شهر واحد ونتلاقى في أقرب ماراثون
أختنا اسمارت قلت لي 12 جرام هيدروكربونات !
دي تطلع قدر شنو ياخي نحن الواحد لو ما كمل العيشة (الرغيف)
ناس البيت طوالي يقولوا ليه الليلة مالك عيان ولّه شنو ؟
| |
|
|
|
|
|
|
|
|
|
Re: Sudaneseonline Biggest Loser (Re: جعفر محي الدين)
|
عندك شهر يا جعفر تجهز روحك
مافى اى اعذار ..
يوم 11 نوفمبر 2011 موعدنا
والراجل بمسكوه من كيبورده
ولغاية الوقت ده انا حابقى زى الغزال (ان شاء الله)
بعدين
| Quote: ناس البيت طوالي يقولوا ليه الليلة مالك عيان ولّه شنو ؟ |
بالمناسبة دى نقطة مهمة جدا ما عارف كيف الحكم و مساعديه لم ينتبهو لها..
الدعم من بقية الاسرة وتفهم لمجهوداتنا ضرورى جدا جدا ...
يعنى نستحق زى معاملة الصائم بمراعاة الحالة التى يمر بها وعدم جعل
مهمته اكثر صعوبة
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
اعلان هام ومصيرى وحيوى
ان شاء الله ابتداءا من الخميس 13 اكتوبر (الزكرى الشهرية الاولى على
نجاح بداية الرياضة)
حابدا ريجيم diet ..
ساتوقف عن اكل الرغيف (ووووووووب)
وحاقلل من السكر (احىىىىى)
واتجنب كل الهايدروكربونات....
الاستثناء الوحيد قهوه الصباح والفطور ,,,
حابدا الاسبوع الاول قهوة كبيرة ب 2 لبن 2 سكر (بدلا من 3 فى 3)
الاسبوع التانى 1 لبن و 1 سكر
حتى نهاية الشهر ....
حاكتفى ب Muffin مع القهوة .....
ده بضمن يكون عندى مروة ومزاج اتريض فى الصباح ....
ما مسهل القواسى سهل
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
Quote: ساتوقف عن اكل الرغيف (ووووووووب)
وحاقلل من السكر (احىىىىى)
واتجنب كل الهايدروكربونات.... |
جرسه شديده يا النصري
الفطور القديم:
Quote: بصحى من النوم الساعة 4 صباحا
بشرب شاى ببسكويت او بمشى محل القهوة بشترى قهوة (3 لبن و 3 سكر) ومعاها
سندوتش صغير بتاع بيض مع الجبنة egg and cheese on a toasted bagel
تقريبا تكلفة الفطور ده 3 دولار .. |
فطور التوجه الحضارى
Quote: الاستثناء الوحيد قهوه الصباح والفطور ,,,
حابدا الاسبوع الاول قهوة كبيرة ب 2 لبن 2 سكر (بدلا من 3 فى 3)
الاسبوع التانى 1 لبن و 1 سكر
حتى نهاية الشهر ....
حاكتفى ب Muffin مع القهوة .....
ده بضمن يكون عندى مروة ومزاج اتريض فى الصباح .... |
انا عنى ليك مقترح بيوفر قروش و يملى البطن و صحى كمان...رايك شنو???
كل يومين اسلق ليك كم بيضة و ختهم فى التلاجه. الصباح اشرب كباية لبن و اكل بيضة و امرق شوف حكاية القهوة دى. بس ال Muffin دى ح يكون فيها كمية من الكلوريز انت ما محتاج ليها. البروتين فى البيض ما ح يخليك تحس بالجوع و اللبن ح يديك طاقة للجرى و الاتنين مفيدات لصحتك.
جعفر محي الدين
Quote: أختنا اسمارت قلت لي 12 جرام هيدروكربونات !
دي تطلع قدر شنو ياخي نحن الواحد لو ما كمل العيشة (الرغيف)
ناس البيت طوالي يقولوا ليه الليلة مالك عيان ولّه شنو ؟ |
ضحكتنى يا اخونا جعفر.....
زمان ابوى -عليه رحمة الله- لو زول ساله مننا (اولاده)... بيقول : "ما فيهم زول ابى العشاء". هسي انت ما تابى الرغيف. بس اعلن فى البيت عن نيتك فى المحافظة على صحتك.
12 جرام دى قدر عيشة توست متوسطة الحجم
مريوم ما شاء الله تبارك الله. بغرتينى.....
استمرى فى المشي....و ان شاء الله بعد كم اسبوع نسمع بيك غلبتى النصرى ده
حمد فتح الرحمن ما شاء الله...Great job
لكن اكتر زول فيكم اجتهد و بيستحق لقب الخاسر الاكبر للشهر الاول هو:
EBTIHAL OSMAN تمام يا ابتهال...استمرى...وكلنا معاك...انجاز كبير ...ما شاء الله
| |
|
|
|
|
|
|
|
|
 Re: Sudaneseonline Biggest Loser (Re: EBTIHAL OSMAN)
|
ابتهال
والله فعلا، محمود بورمني ورم... يا ود لأ..تعال بي جاي، السيارات... لكن لحدي ما نصل الحديقة.. بعداك بخليه ينطلق، وانا بكون لافه حول الحديقة وهو بلعب... حديقتنا لزيزه، صغيرونه كده وعاملين حولها ممشى.. يعني ممكن يكون بلعب وانا شايفاه وانا بتمشّى... لولو ما عندها قضية... بتكون مبهوره بكل شي حولها وبتضحك... واول ما نصل البيت بتنوم خمسة ساعات...
الليله شايفه عندنا مشكلة في الدمام... في تسرّب غازات قفّلوا بسببها المدارس الحولنا كلها، ما حأقدر امرق اتمشّى... حأقوم مضطره اعمل رياضة في العجلة، لانه ما عايزه أفوّت المرّه التالته بتاعت الاسبوع ده... انا ما صدّقته اني التزمته ...:)
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
الحمدلله اليوم اكملت الشهر الاول 13 سبتمبر-12 اكتوبر
1.33 ميل ,,,, معظمه مشى سريع تتخله جرى بسرعة 7.2 ميل فى الساعة
غدا باذن الله حابدا برنامج الريجيم ..عشان كده
اليوم حيكون خم الرماد ....ساسرف فى الاكل متعمدا...
ماشى لمطعم الباكستانيين لضرب السمك المحمر بالنان .....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
يوم حافل جدا ,,,ساحاول ان الخصه
صحيت من النوم قلق بعض الشئ ...
مشيت محل القهوة وقبل ان اطلب قالت لى العاملة هل تريدها بتلاته
سكر وتلاته حليب ...ضحكت ورددت عليها باننى cutting down on sugar
خليها 2 سكر و 2 حليب ..وبنهاية الاسبوع ساتوقف عن السكر مرة واحدة..
طلبت منها muffin باقل سعرات حرارية ..اشرت لنوع معين قالت انها مرغوب جدا...
شربت القهوة وان بدت لى مختلفة قليلا الا اننى استمتعت بها .....
انتهيت من الدوام وذهيت الى صالة الجمباز..
بديت اجرى شوية وامشى شوية حتى اوشكت ان اخلص الميل ..
صاحبى يونس شلبى قال لى ماهى دقات القلب؟
قلت ليه ما عارف ..بقيسوها كيف ...قال لى ضع يديك
على المقبضين المخصصين لذلك وسيقرا الجهاز دقات قلبك...
فعلت ذلك ..دقات القلب كانت تترواح بين 100 و 110
طلب منى ان اجرى بسرعة لعدة دقائق واعيد قياس دقات القلب..
جريت بسرعة 7 ميل فى الساعة ..وعند قياس سرعة القلب وجدتها 170 الى 170
ضحك يونس شلبى وقال لى يمكنك ان تتوقف عن الجرى الان وعند نزول دقات القلب
الى 120 يمكنك ان تعاود الجرى .....
الله قادر ..لى شهر شغال فى المكنة ولم استخدم هذه الخاصية العجيبة ...
انتهيت من الرياضة واحد ميل ونصف الميل ..
حكيت ليونس شلبى بدايتى للريجيم ..ادانى نصائح قيمة وقائمة بمشترياتى
من البقالة ..
قال لى فى الفطور يمكنك ان تاكل بيضتين مسلوقتين وان انتظر نصف الساعة
عندها حيشتغل المخ ويرسل رسائل بان المعدة مليانة للاخر ...
سالت من وين جبت المعلومة دى ؟
قال لى الدكتورة قالتها ليهو ..
حسى انا بكتب فى المداخلة دى وعندى بيضتين فى النار...
ما عارف ليه بقول سلق البيض ساهل
ياخ ده اصعب شئ فى الدنيا لانى ياطلع نى او اتفرغع فى الحلة
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
نسيت اقول ..لمن مشيت البقالة اشتريت الحاجات
حسب نصائح يونس شلبى
البيض اسمه Omega3 (اغلى شوية من البيض العادى)
اشتريت سيريـال عالى الفايبر..
خضروات وفكواهه
ولبن 1% (حاحول الى خالى الدسم بعد اسبوع
ايضا يونس قال لى اكل كل ساعتين واشرب موية كتيرة
كدى نقوم نلبع البيضتين وننتظر 30 دقيقة ونشوف الجوعة
طشت ولا لسه قاعدة
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
Quote: قال لى فى الفطور يمكنك ان تاكل بيضتين مسلوقتين وان انتظر نصف الساعة
عندها حيشتغل المخ ويرسل رسائل بان المعدة مليانة للاخر ...
سالت من وين جبت المعلومة دى ؟ |
هسي عليك الله يا النصري الكلام ده كلو مش قلتو ليك من بداية البوست???
موضوع البيض المسلوق و الخظار و الفواكه???
انتو يا الرجال ما لكم كده???? انت عامل ذى اخوانى و زوجى...بقول الكلام بيطنشونى...لما نفس الكلام يقولوا زول تانى بيبقى "نصائح قيمة"
انا بالجد زعلتا هسي....و ما جايه بوست ده ذاتوا تانى...
و ادى استقالتى من التحكيم
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
يا اسمارت انا لغاية امبارح كنت مركز على الرياضه..
وما شغال بحكاية الاكل دى ...
و كتبت مليون مرة واعترفت اننى بخرمج خرمجة شديدة فى الاكل
امبارح القريبة دى اكلت صينية كاملة بتاعت رغيف هندى ....
اليوم الامر مختلف ..
اى حاجة قلتيها عن الرياضة مشينا بيها...
ناس ابتهال ومريم كانو شغالين فى جبهتين (رياضة واكل) لكن
انا كنت بس عاوز اثبت برنامج الرياضة دة وباى ثمن ..الحمدلله
نجحت فيهو بتوفيق من رب العالمين و تشجيعكم ...
كدى قولى بسم الله ...
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
والله يا اسمارت رجعت قريت البوست كله من الاول بفتش عن حكاية
الفطور بالبيض المسلق... لقيت المداخلة بتاعتك اتكتبت قبل كم يوم ..انا
قريتها ونسيتها والله العظيم
Quote: انا عنى ليك مقترح بيوفر قروش و يملى البطن و صحى كمان...رايك شنو???
كل يومين اسلق ليك كم بيضة و ختهم فى التلاجه. الصباح اشرب كباية لبن و اكل بيضة و
امرق شوف حكاية القهوة دى. بس ال Muffin دى ح يكون فيها كمية من الكلوريز انت
ما محتاج ليها. البروتين فى البيض ما ح يخليك تحس بالجوع و اللبن ح يديك طاقة
للجرى و الاتنين مفيدات لصحتك. |
انا طبعا جديد فى الشغلانة وراسى خفيف ..اى زول يدينى معلومة بمشى بيها وانسى
القبلو ....
كدى عليك الله قول لى بسم الله ....
المنافسة تدخل مراحل حساسة و لاتستحمل جهجهة التحكيم
(غايتو حكم حقو يجيبو ليهو مامون البرير ..لول)
اليوم 14 نوفمبر
1.4 ميل (جرى ومشى سريع)
اليوم الاول فى الريجيم مشى كويس ..لاول مرة من الاف السنين تمر
على 24 ساعة ما اكل رغيف ...
شغال عدس وفواكه وبيض مسلوك وسيريـال (قمح)
الامور ماشى كويس الحمدلله ,,,,,
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
رمضان دخل العضم يا النصري الظاهر.
أنا غايته بعد طول تكاسل اتوكلت و بديت أمبارح. مشيت حوالي 3 كيلو لمدة نص ساعه و حرقت قرابة التلتمية كالري. لو نشطت و عملت كدا تلاتة مرات في الأسبوع على الأقل يكون تمام و لو واصلت بمعدلي القديم حتكون المرة الجاية شهر ستة ولا سبعة. ربنا يسهل.
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
يا ياسر المشكلة كلها فى الالتزام..
عشان كده اتخايل لى احسن تتمشى يوميا على الماكنة لمدة خمسه دقائق فقط
وتلتزم مع نفسك انك تخلص الاسبوع كله بدون اعذار .....
كدى جرب وورينا النتيجة ز..
انا غايتو الريجيم داير يجننى عديل..اليوم كله بفكر فى الاكل....
يامريم الحكم ما عنده كرت اصفر ؟
طوالى رشانا بالكرت الاحمر
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
هسى عليك الله يا مريم النصرى ده انا خاتيه عليه...؟؟؟؟
| Quote: (غايتو حكم حقو يجيبو ليهو مامون البرير ..لول) |
خلاص يا النصرى....عفونا عنك نظرا لظروفك النفسية و فقدانك الشديد للعيش.
كيفك يا مريوم الان؟؟؟؟
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
الاثنين 17 اكتوبر 2011
اليوم تحسن كبير فى الرياضة
1.12 ميل كلها جرى شديد بين 5.5 لغاية 7 ميل فى السودان
انزل السرعة حتى استجمع انفاسى لاعاود الجرى الشديد..
ما شاء الله ....
بالجد كده الليلة امنت عديل ...
بالنسبة للريجيم ....صعوبة كبيرة ومعاناة .....
بديت اليوم بكباية قهوة كبيرة 2 لبن 2 سكر ومعاها مافن بتاعت قمح ....
حافطر بعد ساعة بشوية خضارات وقطع دجاج مسلوقة مع 2 قطعة رغيف توست قمح احمر..
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
عندي تعليق على كلام ابتهال والنصري..
أول حاجة لازم أقول انو أنا طبعاً ما دكتور، لكن ده ما يمنع نقول الحاجة العرفناها، ولكم انكم تمشوا تسألوا وتتأكدوا بطريقتكم
كدي أول حاجة راجعوا الكلام الموجود في الصفحة التحت دي كويس يا النصري وابتهال ..
http://my.clevelandclinic.org/transplant/serv...lse_target_rate.aspx
خصوصاً الجزء المتعلق منه بـ Maximum Heart Rate وكيفية حسابه: MHR = 220 - Your Age
والحاجة المفروض تتقال هنا إنو الـ formula أو المعادلة الفوق دي رغم أنها الأكثر شيوع واستخدام، لكن يقال أنها ما accurate مائة بالمائة لكل شخص لاعتبارات كتيرة..
فلو الواحد عاوز يعرف الـ MHR الخاص به على وجه الدقة فلازم يمشي يعمل test لدى الدكتور أو المختص على اعتبار انو الظروف الصحية تتباين من شخص لآخر..
المهم إنو معرفة هذا الرقم ده مربوط بحاجة تانية وهي ما يعرف بـ : Target Heart Rate Zone
والـ Target heart rate zone : هو الـ zone أو الـ range البتمرن فيهو الشخص وهو من 60% إلى 85% من الـ MHR الخاص به..
ومعرفة الرقم ده بتم ببساطة إنو تضرب الناتج من الـ formula الموجودة في أعلاه في 0.60 للحصول على نسبة 60% ، أو في 0.85 للحصول على 85% (من MHR)
بعد معرفة الزون أو Range بتاعك، يبقى من المهم الانتباه إلى ما يقوله الدكاترة هنا :
| Quote: Do not exercise above 85 percent of your maximum heart rate. This increases both cardiovascular and orthopedic risk, and does not add any extra benefit. |
* معلومة كذلك اعتقد أنها مهمة:
وهي أنه لحرق الدهون من الأفضل أن تبقى أثناء التمرين على المعدل ما بين 60% إلى 70% من MHR لا أكثر!! (أضرب الـ MHR في 0.6 لتحصل على "60%"، و 0.7 لتحصل على "70%")..
وهو تقريباً ما يقول به الاقتباس أدناه:
Quote: Endurance (60%–70%): Considered ideal for endurance and weight-loss programs. Develops cardiovascular and muscular efficiency. The body learns to use stored fat as fuel.
Aerobic (70%–80%): Ideal for overall cardiovascular fitness, muscle strength and weight management. The body burns mostly fat and carbohydrates in this zone.
Anaerobic (80%–90%): Used for interval workouts or consistent speed. At this zone, your breathing will be heavy and your muscles tired. Enhances lung capacity and increases lactate tolerance.
VO2 Max (90%–100%): Helps enhance speed in athletes (who exercise at this level only for short periods as muscles quickly go into oxygen debt). Exercising in this zone can strengthen your fast-twitch muscles and increase your speed.
|
الناس البتمرنوا البيمارسوا الجري في التراك أو outdoors ممكن يستخدموا heart rate monitors
بالنسبة للناس البتمرنوا في treadmill وخلافها من الماكينات:
فزي ما قال يونس شلبي "صاحب النصري" فقط ضع يدك على الـ sensors الموجودات عند مقابض الماكينة عشان تأخد القراية الصحيحة أثناء التمرين ، وأعتقد كذلك أنو معظم هذه المكائن مزودة بجداول توضح الـ MHR والـ Target Heart Rate لمختلف الأعمار..
يتطلب الأمر في معظم الماكينات ضبط إعدادات الماكينة باختيار نوع التمرين - وإدخال العمر "السن"- ثم مدة التمرين والسرعة.. الخ
أتمنى إنو تلقوا أو تلقطوا من الكلام الكتير ده حاجة مفيدة ليكم :)
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
البتاع ده عمل فينى عملية....
اكلت منه امس المساء (كمية كبيرة)
اليوم الصباح لقيت البول دم دم ..
قلبى قرب يقيف من الخلعة لغاية ما اتزكرت النصيبة دى الحمراء دى...
الثلاثاء 18 اكتوبر
يوم رهيب ....
جرى شديد وصل لغاية 7.7 ميل فى الساعة(يا جعفر بل راسك)
حوالى 20 دقيقة .....منها دقائق لحساب دقات القلب ....
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
قبل شوية حكيت لسهير ..قالت لى امبارح نسيت احذرك انو البنجر بقلب لون الدم ...
المهم انها كانت حاجة مفيدة وتزكرة لى بحمدلله على كل نعمه علينا .....
اليوم قابلت المسئولة بتاعت اللياقة فى الشغلة..عمرها زى 60 سنه
لكن البشوفها يديها 32 سنة ...
طوالى هاظرتها ورفعت الكلفة ...قلت ليها "انت تارا المشهورة؟
ابتسمت وردت واو انا مشهورة ؟؟ ...
اضفت الجميع يتحدثون عنك ليل نهار
خاصة ذلك الشخص السمين (واشرت ليونس شلبى )
المهم وكسرت ليها قلبها على اساس تحن على لمن اقابلها
الاسبوع الجاى ... الجماعة قالو لى انها صعبة جدا فى الارشادات
وتضغط الناس ضغط شديد .....
قلت اضحكها من حسى لمن تجى تشرطنى من الضحك بعدين ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
لووول يا مريم، هي والله الحكاية ما صعبة قدر ده يا مريم، بالإضافة إلى إنو ماكينات التدريب أصلاً بتكون مبرمجة و مزودة بكل المعلومات دي، ده غير انو انت قد تحتاج لمعرفة هذه المعلومات لمرة واحدة فقط، وكل القصد إنو الواحد لمن يكون عارف هو بعمل في شنو فممكن تتحقق ليهو أقصى فائدة ممكنة من التدريب..
| |
|
|
|
|
|
|
|
|
 Re: Sudaneseonline Biggest Loser (Re: Elhadi)
|
سلام للجميع في البوست
من المتابعين للبوست ومنتظر أشوف نصري دي برجع لي أيام الشباب لمن كان 50 سنة :) بس المشكلة يا نصري ما نزلت لينا صورة قبل إنشاء الله ننتظر صورة بعد وتكون مشرفة ما محبطة!
أنا ركبت معاكم الموجة دي من يوم السبت 15 أكتوبر بي بساطة لأني لقيت وزني زايد زي 20 كيلو كدة ونسبة الدهون ضعف الحد الأقصى للدهون.. بديت بتهيئة الجو وعملت نفير في البيت وحذرت المدام من إنها تدخل المطبخ لأنها ما شاء الله في الطبيخ أحرف من حبوبتي ولو دخلت طبخت حاجة ما توريني طبخت شنو لأني طفس وهباااااش بتاع حلل... ومشيت اشتريت خضار وفواكه عبيت التلاجة وقررت تسمية الأسبوع الأول (أسبوع الغنماية!Vege) أركز فيه على الخضار والفاكهة (غنماية بتاكل فواكه!)مع التوقف التاااام عن تناول الخبز والزيوت والسكر المكرر والاكتفاء بالسكر الذي أحصل عليه من الفاكهة، التوقف تماااااااما عن تناول زفت الصودا وأهم من ذلك ممارسة الرياضة.. الصباح بشيل معاي خيار وجبنة بيضة وفواكه (عنب موز تمر مانجو نهييييي)... عندي يوم راحة يوم الجمعة ممكن ألهط!! أي حاجة وأرجع تاني السبت ..
المهم.. حتى اليوم الأمور ماشة معاي زي الباسطة (I miss it) ومرتاح جدا جدا .. وحاسي بي نفسي خفيف وبصحى من النوم مرتاح.
إنشاء الله بواصل وأمدكم بالتقارير أول بأول..
(مشيت مع الولد حديقة مائية قبل فترة وال ك ل ب بعد مع دخلت واتجدعت معاه في الموية لمن جيت قلت ليه نطلع زعل شكلو وأنا بلبسو لقيتو ليك مركب وش وقال لي dad you have a jelly tummy ah haha!! شفتو كيف عشان كدة برضو لازم نخليها فلات)
تحياتي وأمنياتي بموفور الصحة والعافية للجميع وآسف على الإطالة
أمير
| |
|
|
|
|
|
|
| |
معتصم الطاهر
مريم بنت الحسين
smart_ana2001
Elawad
حمد فتح الرحمن
Elhadi
jini
جعفر محي الدين
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست