كل الصحف والمحطات الاذاعية والتلفزيونية يجب ان تحجز اسمها فى تويتر ....
كل الشخصيات السياسية والاعلامية لابد ان تجد لها موضع قدم هناك حتى تتمكن من توصيل رسائلها للجمهور .....
قمت بحجز عدد من الاسماء الكبيرة وساسلمها لاصحابها عند الطلب منها قناة النيل الازرق تلفزيون السودان اذاعة السودان وكالة السودان للانباء وعدد من الشخصيات المهمة ....
سلامات يا النصري... اهو بسببك اتشبكت فى توتر و بقيت افتح اشوف الحاصل كل دقيقتين. ما لقيت اى زول من اصحابى فى توتر....بس لقيت مؤسسات اعلامية كتيرة و بعضى الشخصيات العامة
ح اكتفى بالكومبيوتر و التلفون (لما افتح التطبيق بتاع توتر). لكن ما عاوزه (ناس الجزيرة مثلا) يرسلو لى رسالة على الموبايل كل١٠ دقائق Thanks again
10-28-2010, 11:28 PM
ombadda ombadda
تاريخ التسجيل: 10-10-2002
مجموع المشاركات: 6736
العزيز النصري سلامات وشكراً على هذا التنبيه المهم...لكن يا أخوي أسمعت إن ناديت حياً! أرجو مشاهدة هذه المحادثة والتي يتحدث فيها صاحب تويتر (وهو نفسه بالمناسبة مبتكر موقع المدونات بلوغر) عن كيفية تطوّر الموقع لأنهم يستمعون بعقول مفتوحة لإقتراحات الأعضاء:
سلام يا اسمارت انا برضو ما عندى اصحاب فى تويتر وكل ""التابعين"" اذا صح المصطلح ناس ما بعرفهم جاءوا عن طريق البوست الاول .... ومن هنا اشكرهم كثيرا على الحضور والتسجيل واقول لهم ان المكان (اى تويتر) يبدو غريبا فى البداية ولكن بقليل من الصبر والاجتهاد لن يخزلهم .....
بالرغم من فكرة تويتر بسيطة جدا لكن تنفيذها على هذا المستوى المهول يحتاج لبرمجة خيالية وامكانيات ضخمة لتحمل ملايين الرسائل كل يوم ....
يا سلام يا انور استمعت للفيديو وبمزاج شكرا على الترجمة الاحترافية
تعرف يا انور ..المشكلة وين ؟ mind set ناسنا مبرمجين على طريقة معينة ..طريقة اشبه بالزول السايق عربية فى منطقة غير مالوفة بالنسبة ليه ... وعايز يطلع منها للشارع الرئيسى... يضطر انه Tagilgate عربية اخرى..علها تساعده فى ذلك ..
ناسنا ياانور لازم يسوقوهم سواقة ... واذا لم يجدو من يسوقهم .. ينتظروا الاخرين ليحاكوهم فى النهاية ....
تسلم يا النصري يا حبيب...والله تيد دي كنز عدييييييل كدة، ولهذا أتعلم كل يوم شئ جديد وعكس ما يقوله البعض بأنو If you're good at something, don't do it for free أحاول أن أقدّم أفضل ما لديّ عبر التطوع في الترجمة مجاناً لأن الهدف أكبر من بضع دولارات. تجد أكثر من 620 محادثة قمنا بترجمتها إلى اللغة العربية هنا http://www.ted.com/translate/languages/ara وهنا تجد صفحة المترجمين المتطوعين إلى اللغة العربية http://www.ted.com/translate/translators/lang/ara لهم جميعاً كل الشكر والتقدير مودتي أنور
و أنا حأحجز للأستاذ على محمود حسنين .. السيد/ الصادق المهدي / السيد/ محمد أبراهيم نقد .. و السيد/ سلفا كير .. ود لام أكول. وعايز شخصية من المؤتمر الوطني وأفضل على عثمان محمد طه ـ أفضل ود الباوقة أو علاءالدين زملاء البورد أن يتم الحجز بواسطتهم .. إيضآ د خليل إبراهيم عن العدل و المساواة .. الأستاذ/ عبدالواحد محمد نور عن حركة تحرير دارفور .. هذه الشخصيات سيكون دورها هاما في المرحلة القادمة وأعتقد تويتر سيكون وسيلة فاعلة للوصول للجمهور ..
بالمناسبة يا النصري عليك الله نزل follow ل Oprah و Britni spears .. بس أبعد من د Phil والله تمسكك هلوسة وإعمل ليك نفسيات ..
لك التحية والتقدير عزيزي النصري... قصدي كان تشترك معانا في ترجمة فيديوهات تيد... والترجمة بتتم عبر تكنلوجيا دوت صب http://www.dotsub.com/ لمن تشترك في تيد في خيار بتاع تكون مترجم متطوع هناك...طوالي بتعمل ليك حساب في دوت صب للترجمة
أنا متطوع في إدارة المحادثات للغة العربية (أدمن في دوت صب لمحادثات تيد) فلمن تعمل الكلام ده أختار ليك أي فيديو من المتاحين للترجمة وأبدأ فيهو...
بالنسبة لترجمة الشريط دي...فعلاً متعة كبيرة...بيكون في أقواس للتنيبه في حالة الوصف مثلاً: (ضحك)...(صوت مرعب) والخ..
لو محتاج أي مساعدات أدينا خبر... مودتي أنور
11-03-2010, 07:55 AM
عزالدين محمد عثمان عزالدين محمد عثمان
تاريخ التسجيل: 07-13-2006
مجموع المشاركات: 1269
الاخ الاكرم النصري سلمات وسلام للعائلة اشتركنا في تويتر كان النحس ده يتفكى.. حدنا مع البلد دي انشاء الله الاستفتاء ولانه النتيجه 5 صفر لصالح الانفصال ولانه انا ذاتي بقيت قنعان فأحسن لي اجي اتلمامعاكم ومع اولادي لكن ما في سانتقاشرين..
الاخ الاكرم انور انا سجلت في TED باسم aburahaf وانشاء الله ابدا ولو لقيت مشكله ح اجيك طوالي نستفيد من خبرتكم..انا سجلت وبس ولسه ماعارف اذا في فورم للتواصل ام لا.. المهم غالبا نتلاقى..مع تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
smart_ana2001
ombadda
AnwarKing
عزالدين محمد عثمان
فيس بوك
تويتر
انستقرام
يوتيوب
بنتيريست