|
Re: صور صلاة العيد (كالقرى, البرتا, كندا) (Re: عماد الدين عبدالله)
|
Quote: إقبال عيدكم سعيد وكل سنه وأنتم بألف خير
وقولى ما شاء الله
|
أقول ماشاء الله على ياتا.....؟؟؟ الأولى خطيره...قول لى وجدان أنا عينى بارده....
شايفه ولدنا أمير حسن جاء بى عندكم...تحياتى ليه..
_____________
أستاذ النصرى سلامات..وكل سنه وأنت طيب...وربنا يحقق جميع الأمانى
إقبال
| |
|
|
|
|
|
|
Re: صور صلاة العيد (كالقرى, البرتا, كندا) (Re: jini)
|
النصري سلام البوست دا مالو بقي مفتول كدا مرة عزومة ومرة جالية الجالية البعرفا انا سكرتيرها انت برضو اتخميت وده لزوم تطبيل
والقائم بالأعمال طرشق الحفلة كدا بس وين الصب سدي اسمع عليك الله شوف لي رأس الطفل السوداني بي كم في الهوكي
انا سمعت قالو الناس دي ضاربة الإعانة والسستم
كلمني لما تروق
---------
بي الجنبة كدي
حبوبتي الما قرت جامعة قالت البباري الجداد بوديهو الكوشة
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
الاخ عماد الدين اول حاجه .. مرحب بيك فى البورد ونتمنى لك اقامة طيبة بيننا .. البلد فعلا جميلة وناسا جميلين.. بس عيبها فيها شتاء اعوذ بالله .. لكن بينى وبينك ..انا شخصيا احسن لى الشتاء من الصيف .. وحسى بعد فى الايام عد عشان الصيف يتخارج.. سعدنا بمرورك الكريم وكل عام والجميع بخير
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hisham Magzoub)
|
العزيز هشام حضورك زَاهِي و منور البوست
Quote: حامد الصاوى انت محمد الامام ما عزمتوه مالكم |
حقيقة الجو كان مَاطِر و بارد يوم العيد و كثير من الحضور اختفي بعد الصلاة مباشرة
تابع بوستات المدينة و سوف تجد عندنا عدد اثنين محمد الامام في Calgary مش واحد اها قصرنا معاك لك و للجميع الود
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
Quote: حقيقة الجو كان مَاطِر و بارد يوم العيد و كثير من الحضور اختفي بعد الصلاة مباشرة |
طبعا" زولك اصابه الكبر وله ذريه ضعفاء فمع الجو دا بكونمن البيت مااتحرك
ارجو ان تهدبه منى السلام والتمنيات للعيد
Quote: تابع بوستات المدينة و سوف تجد عندنا عدد اثنين محمد الامام في Calgary مش واحد اها قصرنا معاك |
ادينا الرابط
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hisham Magzoub)
|
Quote: طبعا" زولك اصابه الكبر وله ذريه ضعفاء فمع الجو دا بكونمن البيت مااتحرك
ارجو ان تهدبه منى السلام والتمنيات للعيد
Quote: تابع بوستات المدينة و سوف تجد عندنا عدد اثنين محمد الامام في Calgary مش واحد اها قصرنا معاك
ادينا الرابط |
العزيز هشام حتي الان لا يوجد رابط لكن ان شاء الله يكون في بوستات تتحدث عن المدينة و انشطة السودانيين المختلفة في المستقبل
المشكلة الناس اغلبها مشغولة و مواعيد العمل مختلفة تصدق في ناس انا قابلتهم في العيد و عارف ما ح اقابلهم الا عيد الضحية و لهم أعزارهم المقبولة و لي المثل
اتوقع منك رسالة خاصة في الماسنجر
| |
|
|
|
|
|
|
Re: صور صلاة العيد (كالقرى, البرتا, كندا) (Re: عبدالمنعم خيرالله)
|
سلام يا محجوب
Quote: مع ناس تورنتو الغبش ديل ... انا اقول يا ربي الناس ديل صحيح في بلد البترول ... نايرين و قاشرين... و لا دي السعوديه هنا كندا... ناقصكم عقالات ساكت... |
بلدكم اونتاريو نحتنا فيها الصخر بضفورنا وبرضو ابت تدينا.. نــــــآآآآآآآآآآشـــــفة نشاف شديد .. عـــــضم بـــــس .. جينا هنا البرتا ..البلد فتحت لينا ايديهاالاتنين ونادتنا حلاتو حلاتو ..تعال
وجينا.. والجية الياها ..
بعد داك قفلت ابوابها
تعالو بجاى و حنلقى ليكم عقالات .. كل عام وانتم بخير
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
سلام يا عمر .. ليك فترة غائب من البورد..
انت عارف .. انو انا دائما بقول لاصحابى انو امير جوهر ده احسن زول فى الدنيا دى .... هو احسن واجمل صاحب .(بالرغم من صرة الوجه)
اجمل اللحظات عندى لمن اتونس معاهو واتعمد اغاظته حتى يخرج افضل ما عنده سابلغه سلامك عند لقائئ به يوم السبت ان شاء الله ,,
| |
|
|
|
|
|
|
Re: صور صلاة العيد (كالقرى, البرتا, كندا) (Re: Amir Mussaad)
|
Dear Mansour
I apreciate the history, the biography and your hard work
الأخ الباشمهندس أمير مساعد كل سنه وأنت والأسره بألف خير فيا عزيزى الدنيا قبايل عيد والكلام السمح مطلوب وكذا الصبر على البلاء والعفو والصفح من سمات الحين فلسنا لجان جاليه ولكننا مواطنين هذه المدينه وندق صخر خيرها بجلد مشهود ووقفنا نلحظ نموها وإزدارها لعقدين كاملين وما كان إنتماؤنا إلا للجاليه الإسلامية فيها والتى كنا ومازلنا ملح قوتها ووجودها إلى أن جاءت الأسر والأفراد من السودان بعد النصف الأول من العقد السابق وكانوا جميعا من الأكارم الأخيار وأنخرطوا فى إيقاع المدينه بإنسجام لا خلل فيه وبذلوا طاقاتهم فى مختلف الأعمال والمهن ومنهم من حقق نجاحا باهرا ومنهم من تسنم شعب المدارس والتعليم وذلك حق مكفول لمن يستحق
I don't reconcile, if you knew meوكالقرى هذه المدينه ذات التميز الإقتصادى الباهر لا تتيح لمن يتكاسل أى سبب من أسباب البقاء فيها وأقول ذلك لمعرفتى بتلك الحقيقه لعملى فى منظمات عمل مختلفه تقوم بكل أعباء القادمين الجدد فى الإستقرار والتوطين والتخديم وليس هنالك أدنى ثغره يمكن أن يستغلها إنسان فيا عزيزى تلك الإشارات التى صدرت فى مداختك لا تشبهك أبدا فلا ترمى الناس بما ليس فيهم وليس المنبر مكانا لتصفيات الحسابات وكل الذين تعنيهم ليس أعضاءا فى هذا المنبر وهم إخوة لك وليس بينك وبينهم حواجز فقابلهم وأطرح لهم رؤاك إلا أن كلامك هذا أساء إلى أنا قبل أن يسئ إليهم يل أساء لكل الأسر السودانيه بكالقرى دون ترك أحد وأنت تعلم بمستوى أمانتهم ونزاهتهم ومهنيتهم فجميعهم من أهل التخصصات والمعارف وجميعهم من العاملين الباطشين وغير المتسولين ولا المخترقين لاى سيستم You were not the target of my message simply because you don't fit the category I've descriped. Only if you want to force yourself into it, then that will be your own decission. 2- ,I'm the one to decide when/where and what to write or talk about.Who said I'm trying to get a revenge by wirting that message? 3- Iknow why I wrote this, YOU CAN NOT TELL ME WHAT TO DO-4 I have the right to ask question about what is happening, فيا عزيزى أنعل شيطان الظن وأستغفر الله ثم أسحب ذلك الكلام الذى لا يأتى من صائم قائم مثلك ولا من متعلم وارث للأصاله ولحفظ الجميل وفعله للناس فلك الأمانى بهذا العيد ولك السلام I suggest you should delete your comments. Again I don't reconcile
With respect
Amir Mussad
| |
|
|
|
|
|
|
Re: صور صلاة العيد (كالقرى, البرتا, كندا) (Re: Sabri Elshareef)
|
سلام يا صبرى .. شكرا جزيلا .. اتصلت بيهو ...شكلو كده اقتنع انو السودان ما احسن من امريكا .. اخيرا آآآآآمن ... خليهو يقعد فى واطة الله دى ويعافر من المعافرين.. على الاقل هنا(اقصد فى امريكا) يجد نظير جهده وعرقه... ولايحتاج ان يرشى الرايح والغادى ..
كل عام وانتم بخير تحياتى لجميع سكان الولاية خاصة قريبنا محمد نور رحمة (black chinese)
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
العزيز صبري
منور البوست كل عام و انت بخير
عزيزي أمير
Quote: النصري سلام البوست دا مالو بقي مفتول كدا مرة عزومة ومرة جالية الجالية البعرفا انا سكرتيرها انت برضو اتخميت وده لزوم تطبيل |
لا أعتقد ان الزمان و المكان مناسبين لمناقشة هذه المواضيع
كل الجاليات عندها مشاكلها و علينا ان نجد لها الحلول عبر قنوات محددة نبتدعها و نبني خلالها ارضية صالحة للحوار و النقاش الهادف البناء
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
Dear Hamid
salam
you wrote:
لا أعتقد ان الزمان و المكان مناسبين لمناقشة هذه المواضيع I respect what you think, but 1've decided to discuss this issue, now and here in this place. I'm certain that this may not be favored by many
كل الجاليات عندها مشاكلها و علينا ان نجد لها الحلول عبر قنوات محددة نبتدعها و نبني خلالها ارضية صالحة للحوار و النقاش الهادف البناء
You seem not to understand the message I'm trying to send . With respect
amir
| |
|
|
|
|
|
|
Re: صور صلاة العيد (كالقرى, البرتا, كندا) (Re: Amir Mussaad)
|
صديقي امير مساعد..حبابك كل سنة و انت طيب و أصدق الأمنيات لأسرتك الكريمة..
قرأت ما كتبت هنا..و قد تناقشت معك فيه ، و فهمت ما تقصد بالضبط..و من حقك أن تثير أي تحفظات أو تساؤلات فيما يخص المصلحة العامة ، فمثل ما انت يا صديقي حريص على الخير لكل الناس ، أيضا هناك البعض الأخر لا يقل حرصا على المصلحة العامة ..و هذه أرضية مشتركة..
فيما يخص هذا الخيط ، و ليس دفاعا عن الأخ النصري أو غيره ، فهو قد بدأ خيط لفرد و هو اخونا النصري و سجل فيه لحظات (حسب تقديره للأشياء و انفعاله معها) و كلنا اشدنا بهذه اللفتة البارعة من الأخ النصري و هو نشاط مفقود في تجمعاتنا نحن السودانيون و السودانيات في مدينة كالقري..دي نقطة النقطة الثانية..تقديرا لحساسية الأمور ، لم يتطرق أي شخص هنا لذكر جالية أو غيرها ، و انما كان الكلام معمم و فيه دعوة لخير السودانيين عامة ، و البورداب خاصة..و هؤلاء لم يكونوا جالية منفصلة ..و لم يتحدث أي واحد من الذين تداخلوا هنا عن جالية و ذلك لتقدير الجميع لوضعنا هنا في المدينة..
كتب الأخ النصري عن احتفال مزمع اقامته ، و قد تم تأجيله ، و لم يذكر في الخبر أي حديث عن جالية سودانية (صحيح النصري فتح بوست اخر و بحثت عنه و لم اجده ، و قد تكون هناك دعوة لسحبه من المنبر..و هو امر محمود) و لم يرد يا صديقي ذكر لجالية أو غيرها..
الأخ منصور المفتاح ، حتى في تعقيبه لك ..لم يتحدث عن جالية سودانية ، واختار أن يتناول نقاط محددة..و هي حديثك عن الناس الضاربة الإعانة و السستم..و هذه جزئية اظنها تهم كل الأسر السودانية في كالقري مثلما تهم من قصدت أن ترسل لهم رسالتك هنا..و من هذا المدخل كان كلام الأخ منصور المفتاح..ولم المح في حديثه أي اشارة لجالية سودانية أو جاليات متناحرة فيما بعضها البعض كما اخذت الأمور الآن في تصور قراء و قارئات هذا الخيط..
للمرة الثانية يا صديقي ، لم يذكر الأخ النصري في هذا الخيط أنه يتحدث أو مكلف للحديث باسم جالية أو أي جسم كان ، و بالتالي هناك تحميل مسئولية كبيرة للشخص الخطأ.. الرأي مقبول يا صديقي ، و نحن من الذين ندعو بضرورة شيوع حق التعبير بين الناس ، و لكن حينما يتحول الرأي ليحتمل مشاكل قانونية ، فهنا يا صديقي تبدو مشكلة حقيقية .ز فانت في مداخلتك تحدثت عن سرقة مال عام و تشكيك في ذمم ناس ..ولا اظن أن منبر سودانيز اونلاين هو المكان الأنسب لإثارة ذلك.. فيمكن يا صديقي أن تشتكي كل من تعتقد جزما أنه سرق مال عام يخص اهل السودان ، و بعدما تثبت ذلك و تنال عنه حكم بواسطة محكمة ، بعدها يمكن أن تكتب في موقع عام عن الحرامية ، و بيكون لك الإثبات الذي يدعم حديثك .. أما اثارة الموضوع بهذه الكيفية فيه ضرر عليك انت قبل الأخرين ..
و دمت كبر
| |
|
|
|
|
|
|
Re: صور صلاة العيد (كالقرى, البرتا, كندا) (Re: Kabar)
|
لعناية الصديق امير مساعد.. هذا ما كتبه الأخ النصري في يوم 23 سبتمبر 2009 و موجود في الخيط
Quote: الاخوة والاخوات نحب ان ننوه ان الاحتفال المزمع عقده يوم السبت 26 سبتمبر بصالة عم دفع الله , تم تاجيله بسبب ظروف قاهرة و خارجة عن ارادة القائمين عليه.. سنوافييكم بالمواعيد الجديدة حالما يتم الاتفاق على التفاصيل .. |
كبر
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
النصرى والمتداخلين : كل سنه وانت طيبين وربنا يحقق امانيكم كلها. دا انت عيدتو عيد بهجه تمام : جو صحو ورعة تلاحم وحميميه جميله. اعجبني الجو بالرغم من برودته لكن شكلها بروده محببه ولذيده ... دا طبعا عكس ((الفاسوخه)) اللي عايشين فيها هنا في سوداننا الحبيب. بالله الصيف قصير للدرجه دى ؟ ...تعالو نتقاسم معاكم النار المولعه عندنا هنا وتدونا حبة برد ولطافه . ناس اقبال المرضي عيدو كيف يا ترى ؟؟
| |
|
|
|
|
|
|
Re: صور صلاة العيد (كالقرى, البرتا, كندا) (Re: Mahassin Ibrahim)
|
الاخت الكريمة محاسن ابراهيم نصر كل عام وانت والجميع بخير.. الصيف عندنا قصير لكن صيف السودان افضل منه.. انا شخصيا اتجرست عديل فى رمضان وقلت الروب وغيرت كل الخطط الدفاعية والهجومية حتى اكمل الشهر الكريم ... الغريب فى الامر ..انو كل ايام رمضان كانت ساخنة ما عدا يوم العيد حيث كان الجو بارد وممطر بصورة ملفتة.. فى اليوم الثانى مباشرة عادت السخانه من جديد ولا زالت مستمرة لغاية يومنا ده .. من المتوقع ان تتراجع درجة الحرارة بصورة مستديمة وتستقر فى حدود 5-15 درجة الايام المقبلة .بعدها 1-10 الاسابيع البعدها .. وبعدها فى ديسمبر ..اجارك الله ..تصل الى صفر وتحت الصفر وفى يناير وفبراير تصل ل 30-40 تحت الصفر ... ولكن لحسن حظ مدينتنا كالقرى ولوقوعها تحت جبال الروكى نستمتع برياح دافئة تمر على المدينة بصورة متقطعة .. هذه الرياح ويسمونها شينووك (اسم هنود الاصلييين) عندما تجتاح المدينة ...ترتفع درجة الحرارة بصورة ملحوظة وتساعد فى اذابة الثلوج المتراكمة فى الشوارع والميادين ... عشان كده ناس الولاية بقولو ان كالقرى ليست مدينة شتوية حقيقية مثل العاصمة ادمنتون التى يوصفونها ب True winter city والميزانية المخصصه لازاحة التلوج من طرقات المدينة اضعاف الميزانية المخصصه لمدينتنا ..
بالنسبة "الفاسوخة" التى تعانون منها فى السودان فانا مسئول عنها لحد ما (وجه باسم) كذلك كل المواطنين الذين يعيشون فى كندا
كيف الكلام ده؟
لانو الدولة وبالتحديد ولايتنا البرتا تعتمد على استخراج بترول عن طريق معالجة رمال غريبة تحتوى على خام النفط .. هذه المعالجة الكيماوية المعقده تفرز غازات ضارة جدا بالبيئة تساعد (مع غيرها من العوامل) على ارتفاع درجة الحرارة فى العالم كلو... وربما كان ده السبب فى انعدام الود بين ادارة اوباما وحكومة الولايه
| |
|
|
|
|
|
|
Re: صور صلاة العيد (كالقرى, البرتا, كندا) (Re: Mahassin Ibrahim)
|
السلام عليكم ورحمة الله
بما اني اسكن هذه المدينه من حقي اتساءل عن ماذا يدور وصوتي صوت ناس كتيرة مستاءة من الحاصل
اصلا يوجد جسم سوداني منتخب بجمعية عمومية هذا الجسم هو ممثل السودانيين فشل اللجنة التنفيذية لا يعني بالضرورة اختفاء الجالية لأن مازال الكل يقطن المدينة نعم حصلت مقاطعة للجنة التنفيذية والنشاطات بدعوي انه لا بارك الله في قوم ولوا أمرهم لإمرأة هذا بالإضافة لظروف اعضاء المكتب المنتخب
كيف ومتي تكون الجسم الحالي من في المكتب التنفيذي ومن في الجمعية العمومية ومتي انعقدت ومتي تنتهي هذه الدوره اذا فرضنا أن لها شرعية في تمثيلنا
أما كان الأحري ان تقام جمعية عمومية لحل ونقاش هذه المشاكل بدلا من العشوائية الحاصلة دي
كيف تجمع اشتراكات الاعضاء وكيف تصرف هل لفئة معينة ومسأله دكاكينيات
في صلاة هذا العيد تلقيت دعوه لحفل مزمع معنون بإسم الجالية السودانية بكالقري ان ادفع مبلغ وليس هناك جرد بي انه منو الدفع وكم دخل بنك الجالية
تم التغول علي حقوق شباب اثناء مباراة في دورة رياضية نظموها مع أشقاءهم الأفارقة تم تصويرهم بإعتبارهم جزء من نشاط ينسب لهذه الجالية المزعومة هذا تم ن غير استشارة لهم
هل هناك اي علاقة لهذا الجسم بالسفارة هل تتلقي اي شكل دعم و ماهو شكله إن وجد كجسم يمثل الناس ما مفروض ده يحصل ليس كل الاعضاء مع ذلك للفرد الحق ان يتعامل مع السفارة حسب تفاصيله الشخصية بالإضافة لمسائل الجوازات والتجديد وخلافه لكن كجسم يمثل مجموعة يجب الرجوع للجمعية العمومية وهي الفيصل في هكذا قرارات
كتب السيد النصري عن الدعوة لحفل الجالية وادعي انه السكرتير الإعلامي جزء في البوست ده وآخر تم سحبه
نحتاج لإجابات لهذه التساؤلات ونتمني انه الناس تكون عندها الشجاعة وتعمل جمعية عمومية لأنه هذه الاسئلة واخري تتدور برؤس أغلبيه وبهذا يتفق الجميع علي مجموعة كفء تدير أمورهم وتنتهي هذه المهزلة
في يوم وثق فينا الناخبين ولم يحالفنا النجاح لناخبي فقط أعتزر
أمير مساعد Sudanese Canadian community in Calgary Education and settlement secretary
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
النصرى : سلامات تاني. انتو كاقرى دى في كند؟ اوكي ادارة اوباما مالها وماله؟؟ يمكن يكونوجيران (closed borders) .....ما علينا ....بس انشاء الله برد قدر دا نحن ما بنقدر عليهو ولو جاتنا هبة نسيم يارررده كدا .....العالم تبدا تتراجف. سودانا عظيم بكل شي ...بس الحال ينعدل وياريتو ينعدل.
| |
|
|
|
|
|
|
Re: صور صلاة العيد (كالقرى, البرتا, كندا) (Re: Mahassin Ibrahim)
|
سلام محاسن ادارة اوباما الجديده تضم العديد من الاصلاحييين والحداثييين الذى يؤمنون باهمية التغيير .. من ضمن هؤلاء المدافعين عن البيئة واصدقائها .. طريقة استخراج النفط الكندى فى ولاية البرتا طريقة مسممة للجو وملوثة له..لذلك تمت المطالبة بقوانين صارمة تحدد نسب الغازات الناتجة من عملية التصنيع(واظن يقصدون احدى مشتقات الكربون) ده موضوع طويل ومعقد ..انا يادوب فاهم الخطوط العريضه ليهو .. بعدين واهم شئ البترول ده معظمه ماشى امريكا التى تسميهو بالنفط المضمون من دولة صديقة وجارة وليس مثل بترول الخليج ..منبع الارهاب كما يظنون ..
بالنسبة للسودان .. الحل الوحيد اللى ممكن يساعد فى محاربة السخانة العجيبة دى هو المحافظة على ما تبقى من ""البيئة"" من تشجير وخلافه
ربنا يكون فى عونكم خاصة رمضان الجاى فهو سيكون جهنم عديل من ناحية الجو
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
خبر داخلى صغير من مدينة كالقرى ::- ادارة حديقة الحيوان رفضت طلب بازالة تمثال يمثل فيل هندى راقص تبرعت به سيدة كندية تخليدا لزكرى والدها بعد ان تقدمت جماعة مسيحية شكوى تطالب بابعاد التمثال بدعوى انه يمثل اله الهندوس قانيش .. اليوم رفضت ادارة الحديقة الشكوى موضحة ان التمثال يمثل ابعاد ثقافية وليس دينية
ومازالت المعركة مستمرة
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
سلام يا حامد نتفائل بنجاح المبادرة ..
اقترح توسيع قائمة الايميل لتشمل اكبر عدد ممكن من السودانيين فى المدينة حتى يشعر الجميع انهم جزء من العمل ويتابعون ولادته من الصفر .. ولهم الحق فى ابداء الراى والمشورة..
لدى قائمة بايميلات عدد من الاخوة سارسلها لك حالما وصول اول رسالة جماعية منك
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
لنصرى: سلامات وشكرا علي المداخله. أنا أتفق معاك تماما في مسالة التشجير دى وساعمل بكل جهدى في ان اكون واحده من الذين يسهمون في هذا البرنامج ان تم تبنيه ودعمه...لكن من يقوم بالمبادره واهم من ذلك من الذى سيواصل ان لم يتم التدخل لكسر مجادفينا....وانا بفتكر دى حاجه في مصلحة الكل ولصالح الكل وليست هناك منافسه ربحيه ولن نقطع لشخص ما عيشه ...تتفق معاى ...صاح؟ اها نبدا المبادره من هنا من يدلي برايه من اجل سودان مخضر وبيئه صحيه معافيه وجو لطيف بالكل؟
| |
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
الاخت محاسن
شكراً لحضورك و مشاركتك لنا في البوست و كل سنة و انت طيبة و ربنا يحقق الاماني خاصة لو بقت زي امنيتك دي
Quote: سودانا عظيم بكل شي ...بس الحال ينعدل وياريتو ينعدل. |
و نردد معك ياريت يا رب
مشروع التشجير ده جميل و رائع بس محتاج لاشياء اهمها
شباب واعي و مدرك لاهمية المشروع و عنده مقدرة علي التضحية بي زمنه و طاقته من اجل المصلحة العامة. حكومة تشجع الشباب علي هذا العمل الطوعي مثلاً يكون من شروط دخول الجامعة 500 ساعة عمل تطوعي في الحي تشجير مثلاً زراعة خضروات علي ان توفر الدولة للمتطوعين نقل الي اماكن الزراعة (الحواشات)
لكن التشجير عاوز موية و الدولة غير قادرة علي توفير موية للشراب ؟؟؟
اختلف مع عزيزي النصري في قضية انو الامل ضعيف و أكيد بكرة اجمل ليكم و لينا و للسودان
| |
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
النصرى : سلامات ... اتفق معاك في حكاية التكسير وتحطيم مجاديف كل من ينوى ان يبتكر في شي مفيد. لكن حامد له كل الشكر امدني بحبة امل ...بس يا حامد لو الناس بتعايم لمصلحة اليلد حقيقي مشروع واقتراح زى حقك دا يضر الناس في شنو دا بالعكس تمام يصب في مصلحة الكل ...بلد جميله ومخضره وسواعد شباب مستثمره في ما يفيد الكل ودرء لكوارث كثيره محيطه ينا وكذلك صوره مشرقه نعيد بها وجه السودان اللي يكاد صورته التي نزهو بها وسط العالم تكاد تندثر تماما. اتفق معاك تماما في ان هذه الحمله لها من المحاسن لا حصر لها : اولها وبادى ذى بدء تسخير امكانيات شبابنا في ما يفيدهم والاخرين بد هذا التبطل والجلوس طوال اليوم علي جانبي الطرق ...اضف لذلك نبعدهم عن هذه الانصرافيه والسطحيه التي ظهرت عيان بيان في لبسهم وطريقة تفكيرهم. سودانا يا حامد محتاج لصحوه وثوره كبيره تطول كل المناحي ...ياترى نبدا كيف ومن وين؟؟؟
| |
|
|
|
|
|
|
Re: صور صلاة العيد (كالقرى, البرتا, كندا) (Re: Mahassin Ibrahim)
|
الاخت محاسن تحياتي
Quote: سودانا يا حامد محتاج لصحوه وثوره كبيره تطول كل المناحي ...ياترى نبدا كيف ومن وين؟؟؟ |
سؤال وجيه
اعتقد ان الكتابة الجادة و تناول مواضيع تهم الوطن و المواطن ممكن تكون بداية جيدة.
افكر في كتابة بوست متخصص لمناقشة قضايا الشباب اتمني ان تتحول الفكرة الي حقيقة و أجد الوقت لكي ادير نقاش هادف حول قضايا الشباب المعقدة
| |
|
|
|
|
|
|
|