خواجات ...صديقى ,,,مرحباً بكــ

Quote: شارع: يا وطن زيف المدن ام عماراتا رتوش نسانى من وين ابتديك............. وطن:هه شارع:وجع البعاد اشعل جواى باقى الحريق! وليك بسألك وين شمسنا السكت القمرة من زمنا سحيق...........؟ وطن: باقى الحريق!!!!!!!!!!!!!!!!!!!!!!!!!!!!!!!!!ومين شمسكم؟ شارع: شمسنا اخت النجيمة الهاربة ديك....... الكل صباح كانت توزع للخلق فى بسمتها............ شمسنا لما السحاب يغشاها تدينا المطر................... اديك سر.......ليه خنتنى وادينى تأشيرة خروج........؟ وطن: انا ما بخون الا بس مسكون وجع انفك كيف ............انحل كيف........... وحاقولك الحاصل صعب.............. الزمن هزم المكان النتيجة كانت متوقعة لسابقة الحكم القدر فى مباراة الحياة السابقة....... شارع:التحكيم فاشل......... وطن:دينار اخير اقتنع بشراء بعضا من صكوك التغيير من اكبر العرافين جنيه لقطع السراط الى الدولار سريعا قبل ان يبدأ السير سقط............ شارع: مسكين...... وطن: عمك شوال حائر مابين حبات الفول المفروشة امامه ولفافات التسالى باع نص الكمية والنص التانى شالوه الناس عن اذنك ياعمو................ شارع : الله لى شوال انا.......... وطن: تيتو قطف زهرة ثم تبعها بوردة والان امتلك اجمل ايقونة ....... شارع: ولما لا وطن : النهاية القفص الذهبى وما الفرق بين القفص الذهبى والحديدى؟ شارع: كله سجن ياوطن................ وطن : كسرة ورغيفة دخلا الجامعة كان الوضع خرافى ارادت كسرة ان تجارى جاتو وبسكويتة فكرت فى الامر كثيرا اسوأ الحلول كان افضلها خرجت الشارع توفقت فى نقطة اقرب اليها من الحبل السرى......توقفت بعدها سيارة وركبت الركبة الياهااااااااااااااااااااا........ شارع:وذبلت وردة اخرى............. وطن: رغيفة احب تورتة بعنف ....فاصبح يجادع مابين سراب والده رقراق وضل والد تورتة.......بعد فترة ليست بالطويلة ولا القصيرة حضر ايس من الخارج وتزووووج تورتة........ ضاع رغيفة وضاعت معه احلام خميرته المستوردة................ شارع: شفت برضو وعاجبنى......... وطن: التعليم اطلق عليه احد القناصة رصاصة فى القلب ولازال البحث عن قلب اخر جارى........ الصحة داهمها الفايروس اللعين تدهورت بشكل مريع واصبحت روحها مشحتفة لا لامة فى الارض ولا فى السماء........... السوق كتبت عليه لافتة كبيرة ممنوع دخول الاسماك الصغيرة المنطقة ملئية بالتماسيح...... الدنيا من تكرارها لنفسها فقدت جميع احساسيسها واصبحت حجر............... اغرب مافى الامر قضية ماسورة حكم عليه بالجلد 80 جلدة لانه شرب من النيل وهو عاذب....بعد يومين امر القاضى بتجفيف النيل..................... شارع: جايين وسالكنك طريق............. جايين على الوعد القديم.......... ايد وايد وجدعة واحدة نبنى ونعمر من جديد......... عايزيين نفتش صوت غنانا الراح زمان....... ناووووين نرجع ضحكتك........... واصلوا ما نسمع رصاص............ نسمع غناء ونحفظ الاطفال نشيد............ نديها جمة ونتكئ.................... والكل يحلق فى الفضاء ويفضل يحلم بوطن من غير قيود.....بالكل يفرح ....للكل يحب وللكل يريد

(عدل بواسطة عنيده on 08-20-2006, 11:55 AM)