|
|
 مزاجك اليوم ...
|
كل يوم حاجي اكتب مزاجي هنا كل ساعة او كل لحظة علي كيفي ... خصوصا لما يكون معكر زي الليلة.
بالمزاج ده اي واحد يلاقيني من بورداب ولا بوردابيات الرياض حاشاكلو ...
والماعاجبو يفتح ليهو بوست تاني
والليلة ما حارد علي اي زول ...
عايز تكتب مزاجك اكتبو؟
|
|
 
|
|
|
|
|
|
|
|
Re: مزاجك اليوم ... (Re: خضر حسين خليل)
|
كويس انك جيتني هنا يا خضر
لانو ماقدرت اخش ليك هناك وانت قلت ما عايز زول ...
لكن الكلام الكتبتو ده اخير منو حالتي دي ...
عارف بعد قريتو قلت الليلة كان في شكلة الا الزول يدخل فيها اصلها بقت ما فارق ... الليلة ... لكن انت موقفنا وحاجزنا .... وده خرب المزاج زيادة
الساعة 12:49 دقيقة
الزول يمشي البيت احسن لانو شاكلت ناس المكتب كلهم ... حتي ضيوفهم.وبورداب الرياض محظوظين ما لاقيت فيهم زول لحد هسي كان ما يعرفوني ليك جعفر ولا ابورزقة.
خليهو يجي يقول معترض كمان
بعدين لو في شكلة رسل لي رسالة بجي راجع تاني.
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
بكة
اديها كوز موية ...
شكلو الليلة يوم الزهج العالمي
بعدين التيرمومتر واقف في السالب كل ما يطلع شوية تقول يبقي صفر ... تاني ينزل ستين درجة ...
ولو كنت في السعودية اضرب في تلاتة وعشرين
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
جعفر ياصديقي
أنا قلت أبعد الجميع عشان ياصاحبي في ظاهرة أسمها ( الكوراليين والوراكيين) يجو ينططوا ليك لامين ينسوك كنت داير تقول شنو وبرضوا لانو في شرفاء كتيرين مادايرهم يلوكوا في ذبالة البوست ده ياخينا الحاصل شنو أي زول داير يفكها في روحوا مش كدة وبس هايزننا نصدق الفكة دي زاتها .
الساعة أتناشر وستة وخمسين دقيقة
حـموت من الغيظ
أسعفنا بي تلفون لو في باقي رصيد
خضر
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
جعفر ياقريبى ساعود اليك ببوست منفرد
فاردا اجنحة لفرح ولى ....وفرح قادم اكثر اشراقا وخضرة
:
:
الغالى خضر تحية بلون قزح
:
:
(بكة) يداعب كبسولة الزمن فى ساعات الصباح الاولى
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
| Quote: (بكة) يداعب كبسولة الزمن فى ساعات الصباح الاولى |
بالله ياجعفر شوف قريبك ده وهو بداعب ساعات الصباح الاولى ! ..
وهو الصباح ده محلو وين ؟ انا من جيت البلد دى ماصادفنى صباح .. بالله
كلها ليل ..الله يفكنا بس ..
سلام ياجعفر وربنا يسهل عليك ..
| |
|
|
|
|
|
|
|
|
|
Re: مزاجك اليوم ... (Re: محمد عبدالرحمن)
|
الساعة: 10:30
المزاج ما معروف لسه اليوم ما بدا لكن باقي الزهج من امس وقومة الصباح الصعبة ومافي طريقة شاي وبعد كدة متفائل باليوم الجديد.
بكة يا حبيب
عارف ساعات الصباح الأولي دي من جا رمضان بقيت ما بفرزها زي محمد عبدالرحمن ... لكن برضو منتظرك في البوست الجديد.
انت يا محمد عبدالرحمن عندكم كلها رمضان ولا شنو ... في ناس ما بتشوف صباح ولا نص النهار في رمضان ... بس من الليل الي الليل ... والباقين زيي بقوموا الساعة 10 صباحا يعني لا صباح ولا نص النهار.
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
عبدالله عقيد
سلامات .. ورمضان كريم
قلنا نرد عليك قبل ما الواحد يعرف مزاجو شنو ... من صباح الرحمن ... ممكن يكتشف انو معكر ... وتاني الا بكرة.
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
| Quote: احلق فى فضاءات اكثر خضرة وبهاء |
والله ياجعفر كان عاجبنى تحليق وصباحات قريبك ده ..الود ده مايفكها فيكم والله
الحالة واقفه (دوت ) ..يوم رطوبة ويوم سخانة ويوم شويه برد ..ولو قلت
تطلع بعد الفطور قيامتك قامت زحمة مرورية فى حياتى ماشفت زيها ..
بس التحليق ده بكه ده بجيبو من وين ماعارف والبهاء فى البلد دى
الا (بهاء بكرى ) بس ... مافى حاجة اسمها بهاء خالص ...
اما عن المزاج فسجل عندك ياجعفر من اسى ولثلاثة شهور لقدام بكون
(مدبررررس ) ..ومافى احتمال لاى رياح فرح مفاجئة ...
جاو ..
| |
|
|
|
|
|
|
|
|
|
Re: مزاجك اليوم ... (Re: محمد عبدالرحمن)
|
الأحد 16
الساعة 10:21
المزاج زي الورد
مافي اي تلفونات مزعجة من الصباح ... قفلت الموبايل ....
في تلفونات جميييييييييلة ....
محمد أبو جودة ----- خضر حسين (انشالله حالتو تكون اتحسنت من أمس) ودي عايزة ليها مشية للشكلة بتاعتو هنالك.
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
المزاج رايق
جداً هسي الساعة 10.39 دقيقة مساءاً
جاو الله والرسول يامحمد عبد الرحمن
أبوبكر الامين
وينك والزول ده زح منو بعيد شيال حال
جعفر
مزاجك فل ياصاحبي
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
محمد عبدالرحمن
والله حاسي بيك لكن كدي تعال نحاول نشوف من وجهة نظر بكة
مثلا يعني قصة الزحمة دي ممكن يكون أجمل لو لقيت ليك
Walking distance
ولا بسموها شنو المهم تستمتع بيها مشي وتحلق في السماء الاحمر
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
خضر
مزاجي فل والله
لكن عارف عشان معتكف في البوست ده
لكن كان مرقت لابرررررة ... وقريت عنوانين ساي الضغط برتفع ...
مرات بمشي اتاوق لي (معركتك الهادية وارجع تاني)
ياخي فك الحظر ....
ولا عايزني الحقك كلام زي ماقال محمد عبدالرحمن.
| |
|
|
|
|
|
|
|
|
|
Re: مزاجك اليوم ... (Re: Asim Sharief)
|
صديقى جعفر انا ومحمد عبدالرحمن نسكن فى نفس المنطقة وفى نفس الاجواء
لكن اخوك قادر يصنع الفرح فى كل زمان ومكان
وودعبدالرحمن لو قدر يصنع الفرح فى اجواء زى دى ببقى الفرق بينى وبينو شنو
واسألوا ودرميلة الله يطراه بالخير بس مشكلتو صاحب الرجل المتشائم ده
الغالى خضر لك الود ياصديقى ومحمد عبد الرحمن ده بحاول يتقرب لشئ فى نفس يعقوب
لكن بعدك ياودعبدالرحمن تلقاها عند الغافل واسألوا بهاء بكرى
اتمنى ليكم امسية جميلة فى اجواء يغمرها الضباب والرطوبة وزحمة حركة وشوق كتير
(بكة) وسط الزهور والحر
| |
|
|
|
|
|
|
|
|
|
Re: مزاجك اليوم ... (Re: محمد عبد المنعم عمر)
|
محمد عبد المنعم
والله قلبي معاك يا حبيب في الحالة الصعبة دي
يعني مزاجك لو كان زي مزاج الاخرة العندنا ده كان بكون اسهل عشان بتكون عارفو شنو ....
مشاكل 
مشاكل دي معناها شنو ... ولا سمعنا بيها
| |
|
|
|
|
|
|
|
|
|
Re: مزاجك اليوم ... (Re: محمد عبد المنعم عمر)
|
جعفر بشير ازيك
ورمضان كريم
طبعا رمضان للمخنيين صعب لكن يا ريت تنتهز الفرصه وتقلعوا عنه.
زهجان مالك يا ود الناس امال لو بقيت زينا كان قلته شنو؟؟؟؟؟؟
نحن حسه في موسم الفول بضم الفاء, تتساقط اوراق الشجر بعد ميلها للاصفرار,
امطار بسبب وبلا سبب شاره ساي, وشمس غايبه كل اليوم وموسم مرض بالجمله
لتغيرات الطقس, وبعد ده كله احساسك بانه الشتاء اياه مقبل!!!!!!!!
وعارف شتاءنا الما خمج, الموضوع يا ريته لو برد ساي ولا ثلج ساي
اسخف واصعب مافي الموضوع غرف الثلج ,دى فيلم اجارك منه الله.
تصحى من الصباح لما يكون في عاصفه ثلجيه وملزم بالقانون تنظف امام منزلك من الثلج
ولو اي زول اتزحلق في الثلج القدام بيتك وانكسر الله قال بى قولك
كأنه حادث عربيه , علاجه عليك وانقطاعه من عمله عليك ويا ويلك لو حصل ليه
اعاقه دائمه............حقك راح.
فانا من ما يجئ شهر تسعه بجيني اكتئاب شديد خاصه من غرف الثلج
وان كان بعض الناس لانهم يغطنون عمارات لايعرفون هم الثلج اما ساكني البيوت
الارضيه فهم الشقيانيين زينا, اه باقي لك ما اخير انت مني.
تراجي.
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
أبو أمنة
ياخوي
احوش مفتوح تعال لينا أنشاء اللح حكم مباراة ياالاخو
بعدين لي هسي مزاجي رايق سبحانك مغير المزاجات
بس يابكة شنو وسط الزهور متصور ولا شنو ( زهور وحر ) دي واسعة ماتبالغ كمان
خضر 11.56 دقيقة مساء
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
تراجي
رمضان كريم وحمدالله علي السلامة
ولو اي زول اتزحلق في الثلج القدام بيتك وانكسر الله قال بى قولك كأنه حادث عربيه , علاجه عليك وانقطاعه من عمله عليك ويا ويلك لو حصل ليه اعاقه دائمه............
حقك راح....
دي والله عايزة دكين ولا جني .... لانو ما قادر اقيف من الضحك ... لكن اظنها برضو بتفطر . يعني تمشي تتزحلق في كندا وتجي تفطر في السودان عشان القيامة القايمة عندهم دي.
يعني هسي بكون عندكم مزاجات حسب المواسم
مزاج صيفي ومزاج ما قبل الشتوي ومزاج شتوي ... واظن ده الموسم بتاعو ..
رمضان في الرياض رغم انو بخرب البرنامج البيولوجي خالص لكن فجأة بتلقي قدامك بكرة العيد ... اصلا الايام بدون رمضان ما بتقدري تمسكيها وكلو محسوب علي عمرك .
الشتاء ما عندنا معاهو مشكلة لكن مشكلتنا مع نار الله الموقدة دي ... تلقي درجة الحرارة المعلنةرسميا 38 وهديك عينك ليها فاتت 50.
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
بكـــــــــــة
لكن اخوك قادر يصنع الفرح فى كل زمان ومكان ...
هييييييييع عافي منك وعارفك لا الشتاء لا الصيف ما بقدر عليك ...
لكن المشكلة انا ما عارف منو فيكم الحلمان ...
الا الاقي بهاء بكري .... وين هو الايام دي ..
اتمنى ليكم امسية جميلة فى اجواء يغمرها الضباب والرطوبة وزحمة حركة وشوق كتير
غايتو كان علي الضباب مافي عوجة تب .... انا الشارع الساكن فيهو اسمو شارع الضباب اها وعربات الرياض دي كلها بتجي بي هناك .... قال ضباب قال ... قول دخان .. عادم اي حاجة تانية
لكن الشوق دي بالغت فيها دخلتها هنا كيف عليك الله 
| |
|
|
|
|
|
|
|
|
 Re: مزاجك اليوم ... (Re: Gafar Bashir)
|
Quote: الساعة 12:53
المزاج زي الورد
تصبحوا علي خير لحد بكرة صباحاتو بيض ... |
قرض علي دي..
الساعة 1:18
والكلمة الطيبة..
صدقة...
وبعد المزاج العدل ده...
بنخش...
بس ما يجيك خضر ناطي..
ويقول ليك..
البوستات دي محجوزة...
كيفنك يا مان...
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
العزيز ابو آمنه
بالجد كدا ما بتذكر اخر مره كان مزاجي كويس
و لو الواح استسلم للحالة دي كان يا مات
او جمد كل شئ، يعني مات بالحياة
الله يدي العافية
| |
|
|
|
|
|
|
|
|
|
Re: مزاجك اليوم ... (Re: نصار)
|
ابورزقة
كيفك يا حبيب
من امس مقرطين علي كدة لكن المشكلة في صباح جديد وفي يوم جديد ودوام جديد ... لكن علي العموم لحد الان المزاج محايد ... لكن مزاج الصباح ده لما تلحق تعرفو ... بكون العصر جاء.
يا زول خضر دا بعد كدة ماشين ليهو هناك لكن المشكلة الخايف منها لما تصل البوست بتاعو تكون قريت ليك كم واحد فوروا دمك تمشي تخرمج ليهو.
| |
|
|
|
|
|
|
|
|
|
Re: مزاجك اليوم ... (Re: نصار)
|
نصار كيفك يا حبيب
ورمضان كريم
عارف انا لي زمن طويل جدا مزاجي معقول ... بس اليومين الفاتو ديل قلب والدنيا كلها بقت في راسي ....
اها البوست ده زاتو واحد من (اعمال المقاومة الفدائية) .... يعني لو زهجان تجي تفرغوا للناس ديل هنا ... ويستحملو غصبا عنهم مش عاملين فيها اصحابك.يعني الواحد يستفيد منهم كيف.
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
بكة انت ماجادي ولا شنو ياخي ...
معقولة الساعة واحدة ونص توزع في الابتسامات ... واحدة ونص انت عارف انا بقيت شاكي في غياب محمد عبدالرحمن ده ... تكون عملت ليهو ازمة نفسية ولا احتمال ذبحة صدرية.
واحدة ونص
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
Quote: الساعة الواحدة والنصف ظهرا
وبكة تغمره السعادة ويوزع البسمات يمينا ويسارا كالمضيف |
واحدة ونصف بالنهار كمان (وش واحد عاضى اصبعو ) ..
الله يسالنى ياجعفر دى اسمها (ميتة قلب ) بس ...اللهم اشفى وعافى ..
قال مضيف قال ..
سلام ياجعفر ...لاجديد اليوم ..الاحوال كما هى ..
ودى
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
حبيبنا جعفر بشير من ماعرفتك مهموم وحساس وده سبب تعاستك
امشى معاى خطوة بخطوة وسنة سنة
(بكة) الساعة 1:30 صباحا بعد الدوام مرورا بالقهوة وشلت عشرتين حريق
وقراءة بوست طويل حاول جاهدا تعكير المزاج ولكن هيهات
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
أبو الجعافر
كيفك يا رجل يا زين
من تجربتي في مسألة المزاج .. فإنه يتقلب ليس بفعل الحدث أو التكهن أو الحالة التي يعيشها الإنسان .. بل له عدة أسباب :
1. هناك هرمونات تنطلق بمجرد أن ترى إنسان .. فإن كنت توده و ترتاح إليه .. إنطلقت هذه الهرمونات بكثرة عدلت مزاجك .. و إن كنت (تكجنه ) و تو أن تضربه بلا غبينة فإن هذه الهرمونات تتقلص و تنكمش و تجعل من مزاجك كالفنلة المنكمشة على حبل الغسيل.
2. طبيعة و قوة العقل الباطن .. ففي العقل الباطن تكمن قوة هائلة يمكنها تحويل السلبيات إلى إيجابيات و ذلك عن طريق إستدعاء الفرح القديم ليحل محل الحزن الجديد .. و المشكلة تكمن في كيفية إستدعاء هذه المفرحات دون الركون و الإستسلام إلى مسببات العكننة.
أما مزاجي اليوم يا أبو بشير هو ( زنجبيلي النكهة ) .. صندلي الرائحة .. قرنفلي الهيئة ..
أتدري لماذا ؟
هذا سر سأبوح لك به عند اللقاء القادم .. كن هناك أيها الجميل ..
أرقد عافية
| |
|
|
|
|
|
|
|
|
|
Re: مزاجك اليوم ... (Re: ابو جهينة)
|
الساعة 9 مساء الثلاثاء
المزاج زي الورد ومافي احسن من كدة
العندو حاجة اظن دي احسن فرصة ليهو ... ما معروف بعد ساعة حايبقي كيف.
الحبيب ابو جهينة
خليني اجيك بالمزاج الجمييييييييل ده .. لكن عجبتي قصة الهرمونات (النكدية) .. جايك راجع بعد شوية وحاحاول احافظ علي المزاج الجميل ده مهما حصل
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
اسرح فى مدرات اكثر اتساعا وجمالا
والله يا بكة انا الليلة سارح معاك سارح معاك ... انشالله غنم الدكة النشوف اخرتها.
لكن عارف بكون لي زي 3 سنين ولا خمسة اظنهم ما شفت لي ورق كشتينة حايم ... يعني الحرفنة ديك كلها بتكون ضاعت ... عليك الله انحنا الوقت القضيناهو في الكشتينة ده كان الواحد قرا فيهو ما كان بقي معيد في الجامعة ...
وبرضو سارح معاك ... يا حبيب لكن كان جاء محمد عبالرحمن ... احتمال تسرح براك يا حبيب
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
الحبيب أبو جهينة
طبعا قصة الهرمونات دي جديدة علي جداً واول مرة اتعامل مع المسالة بانو فيها فيزياء وكيمياء لكن فكرة جميلة ادتني الهام بانو الواحد يحاول يفتش في الانترنت هل حايلقي هرمونات عكسية للبيع ... قدروا ياربي يصنعوها ولا ماقدروا عشان طالما المسالة فيزيائية ممكن تعمل ليك حبوب فرح كل ما تلاقي زول نكد تبلع ليك حبة ... لانو قصة اتحكم فيها دي ماواردة بعد العمر ده كلو كان في طريقة كان زمان. يعني كانو الواحد مولود بدون طاقة داخلية ما يقدر يغير اي حاجة ... مهما اتشطر ... مش كدة نحنا زي بقينا زي البنتكلم علم نفس؟؟ علي العموم اول مرة اتعامل مع المسالة علميا .. لكن المعرفة والفكرة نفسها جميلة ...
اما قصة مزاجك السحري ده اصلو ما حاخليك بيهو .. طبعا قلنا بكة بينا وبينو حدود ومياه اقليمية ... لكن انت البحلك منو ...
شكرا ابوجهينة علي جيتك يوم المزاج الرايق
والمتعة بتاعت المعرفة ولحد ما نتلاقي قريب يا حبيب خلي مزاجك بي نفس النكهة
كمان المزاج فيه نكهات
فكرة لذيذة دي
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
الغالى جعفر تسلم ياحبيبنا وعقبال الجميع وربنا يتمم على خير
امالو سمعت الجملة دى (ماورتنى العواليق ده منو ) شيل شيلتك رغم الحصانة وانا بره
تحياتى وودى ياجميل
| |
|
|
|
|
|
|
|
|
|
Re: مزاجك اليوم ... (Re: ابوبكر الامين يوسف)
|
ســلام
الساعة الخامسة إلا ثـُلث
تبقت نصف ساعة على الإفطار
حسب توقيت الخبر بالمنطقة الشرقية
المزاج
حار جــاف تعترضـه رياح غربية من ( جدة ) تقول
ناس العمرة منتظرنك
وزوابع من الحزن عشان العيد هنا
وحاجات تانية كتيرة
ياربنا تجيب المطر
والله كريم
| |
|
|
|
|
|
|
|
|
|
Re: مزاجك اليوم ... (Re: ثابت محمد)
|
سلام ثلبت
انتو بتفطروا 5:10 معني كدة عندكم فروقات كتيرة يا شيوعيين ولا اسمهم شنو الطائفة بتاعتكم دي.
عارف مرة يلاقيك زول يقول ليك:
اذا غضب الله علي قوم امطرهم صيفا
ومرة اذا غضب امطرهم شتاء
ينجروها ليك علي كيفهم وحسب المزاج
اها نحنا طالعين من الصيف وماشين الشتاء ومطرتك دي كان زاغت من اليف ما بتزوغ من الشتاء ... امام الامطار التانية دي اصلا ما قاعد تجي لاصيف ولا شتاء.
والله كريم
| |
|
|
|
|
|
|
|
|
|
Re: مزاجك اليوم ... (Re: عاصم محمد شريف)
|
تحياتي يا عاصم
ورمضان كريم
طبعا كل ناس عندهم في الحلة او المدينة اسامي ناجرنها برياهم بعرفوا بيها الأماكن المشهورة لرعي الغنم او لسرقة البطيخ أوالسكر او لعب الكورة وطبعا السودانيين في الاسامي المعولقة دي يعجبوك.اها الدكة دي حقتنا نحنا.
لكن
الدكة ... السوق ... المستشفي
ذكرتني بصات قري الجزيرة
| |
|
|
|
|
|
|
|
|
|
Re: مزاجك اليوم ... (Re: salamat)
|
سلامات salamat
ياخي حيرتني عديل بالصورة دي ... عارف جايي زهجان لما لقيت الاسم وصورة wada ker .. راسي ضرب لخمة وعلي وشية كان فتحت فيك بلاغ انو في زول بكتب بي اسمين ولااسم بكتب بي زولين ماعارف المهم الراس ضرب ...
تحياتي
| |
|
|
|
|
|
|
|
|
|
Re: مزاجك اليوم ... (Re: salamat)
|
الاحد 23/10
الساعة 11:40
كعععععععععب زي الزفت وشكلو سوء اسطوانة الحظ بدت ... يعني الواحد لو سوء الحظ البلاقيهو في اسبوع اتحول لي حسن حظ .. حاتكون (منعطف تاريخي في حياتو).
ولا بس سوء الحظ ده يغيب مني الشهور الخمسة الجاية دي ... ماعايز حسن حظ بس هو اتخمد.
الله يهون
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
جيت أكتب مزاجي بي مزااااااااااااااااااااااااج بعد ماجاتني مكالمة من صديق عزيز.
لكن لقيتك من غير مزاج الليلة
طفشتني ... ولاوزتة (يعني اترددت ما يعني جاتني لوز)
*الجواز مازال في جيبي
*الشتاء علي الابواب أحبه كماتحبه أمي (متعها الله بالصحة والعافية).
*رغم توقفي عن سماع الموسيقي منذ ثمانية سنوات أستمع الأن وانا في الكافيه
لأغنية من ذلك الزمان هيجت علي الذكريات.
*أشعر بحنين لأصدقائي شله الضياع (distruction).
*المزاج سيكتمل إذا تحققت أمنيتي في شراب جبنه.
أخي جعفر متعك الله بالمزاج الحسن
بوستك دا يبث في النفس روح الإطمئنان وله من المعاني ماله وهو ليس فقط شوية مزاج ينكتب وخلاس أو -وخلاص بي تفخيم السين- وأنا خايف البوست دا يعمل منك فكي الناس تجي تزورك كل يوم-عشان تطلع وساوسا-بس كل مره اديهم الضوء اللخدر, الأخضر -بي تفخيم الدال
سلملم
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
عارف يا باش مهندس انا الان في الوقت الحالي الحالي ده .... في اسعد لحظات حياتي ... اقصد في افضل لحظات حياتي من كل الجوانب ... العمل والعاطفة والاهل والاخوان وكلو تمام ... لكن الوضع ده زاتو مخيف لمن يكون كدة.
انا عندي دائرة شريرة من سوء الحظ ما بتعرفها بتبدي متين لكن كان بدت بتجي براحة سوء حظيظ صغيروني .... تتجاهلو يجيك واحد تاني اكبر شوية .. واكبر تاني بعد شوية تعاين تلقي القصة ما نافعة خالص. ده مشكلتو انو مابقيف كلو سوء حظ هو Indicator لي واحد اكبر منو شوية اها وبعد ده بمشو ليك في الاتجاه السالب .. وتاني الا الكريم يحلك منو ..
هسي انا شايف في حاجات بدت تتجمع قدر ما الواحد عامل فيها متفائل ... بضغطوك زيادة
لكن المرة دي ما حاستكين ليهو خالص ... بلاسوء حظ بلا لمة.
اها قصرت معاك يا باش
بالمناسبة
ولاوزتة دي كان ما رسلت معاها كتلوج كان لحد بكرة ما اعرفها ليك.بعدين ياخي الجواز ده كدي استهدي بالله وختو في ا########## .. طبعا من ضمن سوء الحظ انو فجأة تكتشف انو اقامتك منتهية تجي تجددها تكتشف انو الجواز زاتو منتهي ... ده جزء بس من الحاصل معاي الايام دي وعارف المتفائلين يجوا يقولوا ده سوء تخطيط.
اسمع ياخينا انت شغال في موبايلي ولا ده شنو بروفايل الجن ده.
| |
|
|
|
|
|
|
|
|
|
Re: مزاجك اليوم ... (Re: Gafar Bashir)
|
ياخي أنا أقرأ وأعيد في كتاباتك دي
والله فرجت همنا الله يفرج همك
| Quote: العمل والعاطفة والاهل والاخوان وكلو تمام ... |
الحمد لله وربنا يخليهم ليك ويخليك ليهم (بصراحه دا خبر تمام ومؤشر كويس لي مزاج الايام الجايه)
إني أحبك في الله
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
ياجعفر
سلام ياخينا ..
انت عارف انا بكرة معزوم فطور مع ابوساندرا ومعاى صاحبك صاحب
(البهاء) المزعوم ..يعنى حااكون مع المدعو بكه من الساعة الخامسة
ويمكن حتى الساعة السابعة (للاسف) ..ودى لحظات ا لبهاء المزعوم ..
حااعمل كل التفاصيل البعملها الزول ده ..يبقى واحد من اتنين
يايصيبنى (البهاء) ده ..واما الم فى صاحبك ده (اخنقو) ليك ..
غايتو لى بكرة نشوف ..
ودى ..
| |
|
|
|
|
|
|
|
|
|
Re: مزاجك اليوم ... (Re: ALMURADABI)
|
حبيبنا ابو الجعافر مشاركة الموردابى دى نزلت عفوا
وطبعا محمد عبدالرحمن بكون شمتان فينى انا عارف ولكن ....
حبيبنا محمد عبدالرحمن شكلك حاتخنقنى من هسه عارف ليه
لانو الفرح ده احساس ....
يايوم بكرة ماتسرع
| |
|
|
|
|
|
|
|
|
|
Re: مزاجك اليوم ... (Re: خضر حسين خليل)
|
بكة بعد الافطار المجيه مع الصديق ابوساندرا
الجو جميل
النفسيات مرتفعة
مساحة الضوء تكبر شيئا فشيئا
لايعكر صفو الجمال الا الولد المشوطن ده
الغالى جعفر وخضر
محمد عبدالرحمن تهرب منه الكلمات التى تعبر عن روعة المنظر
وجمال الصورة (معنوياتو مرتفعة )
| |
|
|
|
|
|
|
| |
Badri
abdelfattah mohammed
ابوبكر الامين يوسف
خضر حسين خليل
عبد الله عقيد
محمد عبدالرحمن
Asim Sharief
محمد عبد المنعم عمر
Tragie Mustafa
A.Razek Althalib
نصار
ابو جهينة
ثابت محمد
ALMURADABI
فيس بوك
تويتر
انستقرام
يوتيوب
بنتيريست