|
Re: فتوى تجيز الصلاة باللغة التركية (Re: Abo Amna)
|
Quote: «ان الله سبحانه وتعالى امر المسلمين بأن يقرأوا القرآن الكريم مرتلا، حيث قال تعالى «ورتل القرآن ترتيلا" |
انا قايتو ما عندي اي احترام لي ترزية الفتاوي وارزقية الازهر الغير شريف بالمرة!
يعني الفضل شنو عشان دعاة القومية العربية ديل يطلعوا الله ذاتو عربي ذي ما في الغرب راسمنو خواجة عديل!
ان كان لي فتوة الترك هو ده اصلا واقع موجود من مئات السنين في السودان اقلاهو في الشمالية حيث لليوم في قري بي حالها لاتنطق ولا بي كلمة عربية واحدة!
بذكر لحدي السبعينات كيف في منطقة مجاورة لينا في دنقلا العجوز كان في شخص واحد في الحلة كلها بتكلم عربي!
من النكات البتحضرني انو كيف الكدايس الاستلفناها من الجيران رجعت اهلها اليوم التاني ولمان سألنا قالوا لينا انتو بتتكلموا عربي كتير في البيت وعشان كده الكدايس من فرط الاحساس بالغربة طفشت من البيت!!!!!!!!!!
تمسوا علي خير يا شباب.
|
|
|
|
|
|