مبروك يا دكتور ياسر وعمر التوم. الفوز بالدوري الممتاز مهم للغاية لأنه سبيل المشاركة في دوري أبطال إفريقيا.
* مثل الهلال اليوم: أبوبكر الشريف-عمار مرق-خالد جوليت-علاء جبريل "طارق مختار"-يوسف محمد-علاء يوسف "مهند الطاهر"-حمودة بشير-هيثم مصطفى "عبد المنعم يوسف"-قودوين-كلتشي.
* أحرز الأهداف كلتشي(37-60-88)-مساوي(29) ومهند الطاهر(82).
* الهلال في الصدارة ب46 نقطة بفارق 3 نقاط عن نده التقليدي. * الهلال أفضل هجوم "48 هدفا"-أفضل دفاع "عليه 3 أهداف فقط".
* كلتشي في صدارة الهدافين برصيد 14 هدفا بفارق 4 أهداف عن أقرب ملاحقيه. وقد رفع رصيده ل32 هدفا مع الهلال في الدوري الممتاز في موسمين.
*غاب عن الهلال للمرض والإصابة المعز وريتشارد وعمر بخيت بينما غاب داريو المشارك مع منتخب موزمبيق وكرنقو للإيقاف.
* نال كل من قودوين وعلاء يوسف إنذارا (!!) * انقطع التيار الكهربائي في الشوط الثاني وعاد "ولا أعلم السبب".
_____________________________ * مباريات الهلال القادمة: - مع المجد السوري يوم 17 سبتمبر بإستاد الهلال في دوري أبطال العرب. - مع النجم الساحلي التونسي يوم 21 سبتمبر بإستاد الهلال في دوري أبطال إفريقيا.
* تبقت للهلال 6 مباريات في الدوري الممتاز: مع الخرطوم والأهلي مدني بإستاد الهلال-مع مريخ الثغر ببورتسودان-مع الاتحاد بمدني- مع الأمل بعطبرة ومع المريخ بإستاد المريخ.
دي ياحمد ذكرتني بي حسني مبارك: عامل خلفية المكتب خريطة مصر كبيرة وفيها حلايب ضمن حدود مصر,,....يعني كأنه عايز يقنع الاخرين بأنو حلايب مصرية وهو نسو ما مقتنع
اها ناس المريخ كاتبين يافطات كبيرة عايزين يقنعو الديك بأنهم زعيم وهم خمسة سنة وصايف ياحسرة
09-13-2007, 01:55 AM
altahir_2
altahir_2
تاريخ التسجيل: 11-17-2002
مجموع المشاركات: 3949
. ( خمسة ) في عين العدو ( الصهيوني ) يا دكتور رمضان كريم .. وكل سنة وانت طيب.. تابعت الماتش عبر المذياع ..كانوا بينقلوا شوية من هنا وشوية من مباراة الوصيف الدائم مع اتحاد مدني لذلك تجدني تووواق جدا لمشاهدة الأهداف الهلالية جميعها ... وداير أشوف كمان هدف المريخ الثالث ..المذيع أسهب في وصفو .. وانا بستمتع جدا بالأهداف من خارج خط 18 حتى لو دخلت في مرمي الهلال هاهاها .. .
Quote: وداير أشوف كمان هدف المريخ الثالث ..المذيع أسهب في وصفو
انت ماعارف انو ناس الاذاعة ديل كلهم تلاميذ علي الحسن مالك رحمه الله: تسمع الكورة تقول بس اللاعب من البرازيل..تجي تشوف الكورة تلقي المذيع كان في وادي والكورة في وادي تاني خالص
كل سنة وانت طيب
09-13-2007, 12:47 PM
Abuobeida Ali Abdullah
Abuobeida Ali Abdullah
تاريخ التسجيل: 08-13-2007
مجموع المشاركات: 278
والله امبارح فضحتونا مع اى ار تي ART الاضاءه في الزريبة "استاد الهلال "... كورة صغير العرضة جزيرة الفيل الاضاءة ضعيفه جدا يا حبة عيني .. والشاشه مضلمه يعني ما بتفرز علاء الدين جبريل من عمار مرق ..
انا عندي واحد صاحبي هلالابي خش الكورة .. ولمن جا من لقيتو ليك شايل ليهو بطارية النوع الجديد دة الظهر فى السوق .. الفيهو سبع زرر صغار زي الكدايس بتاعة كدارة ولدنا مهند الصفراء ..
اي والله بطارية.. قلت ليهو شنو الحكاية..قال لي البطارية دي عشان نقدر نفرز لعيبتنا من لعيبة جزيرة الفيل ..
على العليها كمان الكهرباء قطعت .. جنس فضايح.. متعودة دايما ..الغريبة فى واحد اخونا كدة فوق قال انو مستغرب الكهربة قطعت .. يعني اول مرة دي .. .. ماتشوفش وحش ..
يا جماعه أحسن رتاينكم دي تصـلحوها قبل كوره النجم الساحلي والفريق السوري .. عشان ما تتكرر حادثة كورة الزمالك وعبد الحليم على ..وحادثة البرج الشهيرة ..
الغريبه في نفس الوكت الكان فيهو الكهربا قاطعه في الزريبة.. اقصد استاد الهلال .. كان جمال الوالي في استاد ودمدني قد أعلن عن تبرعه بتوفير أضاءه حديثه لأستاد ودمدني ... غلطانيا والى وستين غلطان كمان ..
الوالى لم يحالفه التوفيق لأن أقرب جيراننا محتاج لهذا الدعم..ونحنا لسة عندنا اضاءة مرمية فى الشارع ساكت " ليس منا من بات وجاره جائع " نحنا اخوان ياخي وجيران والنبي (ص) وصي على سابع جار ..
نكرر ونناشد الوالي بأن يعدل عن قراره ويخصص الاضاءه التي كان من المفترض أرسالها الى مدنى واهداءها الى الهلال لأنه أحوج لها
الصورة ماخوذة على الهواء مباشرة من صحيفة الهلال الاولي "قوون بتاعة الطعمية"
بعدين الود ريكو دة ..طوالي بشكي من حكاية الارضية دى ..الزول دة ما ناوي يجيبها البر .. ودي يمكن المرة الالف يقول الارضية زي الزفت و مانافعة .. مافضل ليهو الا يقول زى مصطفى يونس "اسطبل"
الزول دة كان تفهموها ليهو بالاسباني .. وتجيبوها ليهو على بلاطة ..قولو ليهو بالواضح الما فاضح..الارضية دي مافى زول حا يهبشة اطلاقا ولا حا نغيرها .. عشان الحمار المدفون تحت وكدة يعني ..
وكلموهو يقفل خشمو دة وما ينط لينا كل شوية.. ارضية ارضية .. كعبة وBad ما عارف انو دي اسمها الزريبة .. يعني دداير الارضية دي تكون كيف ؟؟
وبعدين الناس والله عازرين مسئولين الملعب ما عندم حيلة .. يسقوها بى شنو يا حبة عيني ..
كل سنة الخريف يجي وناس الهلال تلقاهم مبسوطين .. واذا عرف السبب بطل العجب ..
قالو ليك مطرتين تلاتة قبل كورة الاهلي والسودان كلو ما فضل فيهو حتة ما خضرت وحتي الزريبة كمان .. والناس فرحت
اها قومي يا المطرة اقيفى شهر .. الله دى يحلوها كيف ؟؟ اقول ليكم حاجة صلو صلاة استثغاء .. وادعو ربنا ينزل المطر .. اللهم انزل الغيث .. يا الله يا رحمن .. الطف بعبادك .. يا بركة شهر رمضان ... مافيها حاجة .. امطار خير وبركة .
الود ريكو دة عليكم اله قولو ليهو بطل التصريحات الكتيرة دي .. وخلي بالك من الشرميطى بتاع النجم احسن ليك
فى النهاية نديكم الهدية الصغيرة دة عشان نفسكم تتفتح .. ديل صورتين من مدينة المريخ الرياضية .. ما قت استاد المريخ
لانو كلمة استاد دي بتساويه مع بقية اسطبلات السودان المسماة مجازا استادات .. فكلمة استاد دى بتساويه مع استاد التحرير واستاد الهلال واستاد ودنوباوي ودار الرياضة
الاضاءة دي حالتها بى كشافة واحدة
الغريبة الزول البتقول بدلاء والله ضحكني شديد... البدلاء ديل ياحبيبي شفناهم يوم كورة امبدة ..الله لا يعيدها تاني
كانت ليلة منيلة بستين نيلة ..
البدلاء ديل حبيبي .. شفناهم كويس.. وخلو الحكم يزيد الكورة لحدي الساعة 12 بالليل لحدى ما الهلال درن 3/3
وبعديها قالو كورة الخرطوم ثلاثة دي ياجلوها ساكت كدة
هذه الصورة ماخوذة من ملعب نوكامب ببرشلونة
قل هو الله احد الله الصمد .. دي عشان العين
(عدل بواسطة sheba on 09-13-2007, 06:24 PM) (عدل بواسطة sheba on 09-13-2007, 06:46 PM) (عدل بواسطة sheba on 09-13-2007, 07:27 PM)
أجمل ما في مباراة الأمس أهداف كلتشي الذي أتمنى أن يكون تألقه بالأمس إيذانا بعودته لهدوءه المميز أمام المرمى وقدرته الفائقة على إحراز الأهداف. الهدف الثالث أعجبني جدا جدا... استلام بالصدر من كلتشي وسرعة في الانطلاق ومهارة رفيعة في التسديد نحو الزاوية البعيدة.
أهداف المباراة أنزلها مشكورا موقع المشاهير وقمت برفعها على youtube تسهيلا لمشاهدتها. لاحظ يا دكتور أن الهلال صار مميزا باللعب الممرحل السريع ولذلك جاءت الأهداف تحكي روعة الصناعة ودقة التنفيذ بقيادة المايسترو هيثم مصطفى.
كأس الدوري الممتاز غالي جدا وعلى الهلال ألا يفرط فيه رغم صعوبة مبارياته المتبقية بالولايات.
مشكور علي الاهداف...واهو متعة يقدمها الهلال بالمجان
Quote: كأس الدوري الممتاز غالي جدا وعلى الهلال ألا يفرط فيه رغم صعوبة مبارياته المتبقية بالولايات
انت يااحمد ماشايف الوالي دا حايم الولايات يقدم في الهدايا يمين وشمال عسي ولعل ان توقف احدي فرق الولايات نادي الهلال...لانو الامانة تقتضي انو الهلال لو جاب الكاس للمرة الخامسة علي التوالي بينهي للابد نظرية طرفي القمة ويبقي نادي واحد فقط في القمة وبعد الصرف دا كلو ويبقي نادي المريخ زيو زي باقي الاندية تمامة عدد...كتيرة دي والله والافضل انو يقفلوهو حفظا لماء الوجه
09-13-2007, 07:10 PM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
Quote: وبعد دا كلو عايزين ينازعونا في لقب الزعيم وسيد البلد...في شنو ما عارف؟
اولا رمضان كريم يادكتور وتصوم وتفطر على خير وكل عام وزوار بوستك بكل خير
بعدين يا اخوى المذيع عصام الشوالى وهو بيذيع فى مباراه طرفها الهلال قال لا فض فوه انو الانديه السودانيه لديها انجاز قارى وحيد مسجل باسم المريخ
والمذيع المصرى فى مباراة الهلال والترجى التونسى بتونس قال انو الهلال لديه 44 بطوله ولكن للاسف كلها محليه .. والله قال العظيم قال للاسف
وفى احدى القنوات قال المذيع ان النجم الساحلى والاهلى المصرى فريقين كبيرين وان الاتحاد الليبى والهلال السودانى فريقين صغيرين وذلك من واقع انو الاهلى والنجم فائزين بكاسات قاريه وليس وصفاء زى حالاتكم
مراسل الفضائيه السودانيه فى مصر قال فى مطار القاهره يوم استقبال الهلال فى رحلته لمصر لمنازلة الاهلى قال انو الفرق السودانيه لا تملك غير لقب قارى وحيد والذى فاز به المريخ عام 89
فى برنامج صدى الملاعب قال المذيع وضيوفه بالرغم من انو السودانيين علموا الناس الكوره واسسوا الاتحاد الافريقى الا انهم للاسف الشديد لا يملكون غير انجازين وهما فوز السودان بكاس الامم الافريقيه عام سبعين والمريخ بكاس الكؤوس عام 89
اذن يا دكتور بعد كل ذلك من هو الذى ينازع الاخر فى الالقاب فالالقاب نحنا بنصنعا بعرقنا ومجهودنا وليس على صفحات الجرايد او المنتديات الالكترونيه وقد صدق الاخ احمد الريح وهو يقول
Quote: قلت ليهو: الزعامة من متين بقت باليافطات؟!
وفعلا الزعامه لا تاتى الا بالعرق والمجهود على المستطيل الاخضر لتنال بعدها كأسا قاريا ويكتب اسمك فى لوحة الشرف فى الاتحاد الافريقى وتصبح بعدها زعيما بحق وحقيقه وليس وصيفا مرتين وتنازع اصحاب الانجازات فى انجازاتهم والقابهم القاريه وانت تتابط صفرا كبيرا ولمدة سبعين سنه لم يفتح الله عليك باى لقب كما انديه كثيره فى افريقيا والمريخ من ضمنها .. لذلكح عليكم ان تفرحوا بالفوز على جزيرة الفيل ومنو كدا ما عارف
Quote: اها ناس المريخ كاتبين يافطات كبيرة عايزين يقنعو الديك بأنهم زعيم وهم خمسة سنة وصايف ياحسرة
اها عليك الله شوف جنس الكلام دا موش المذيع المصرى عندو حق لمن قال الهلال يملك 44 بطوله ولكنها للاسف كلها محليه اها شوف المحلى داخل عطبره دا بيقول فى شنو ؟ فتش فى كل تاريخ الهلال لم يجد ما يفاخر به المريخ سوى البطولات المحليه رغما عن انو لو جينا نسوى كشف حساب محلى سنجد اننا نفوقكم كثيرا اما قاريا فيكفى انو ناديكم اسمه ( تابط صفرا )
فوز الهلال ونده التقليدي في مبارياتهما القادمة يمنح الهلال فرصة لعب مباراة القمة بفرصتي الفوز والتعادل. أما في حالة تساويهما في النقاط فإن اللوائح تنص على إقامة مباراة فاصلة بينهما.
هذا بحسب المادة 120 من القواعد العامة لاتحاد كرة القدم السوداني للعام 2003 تعديل 2004. ولا أعلم إن كان تعديلا آخر "يؤثر على المادة 120" قد تم.
"هذه المادة تختلف عن طريقة تحديد الفريق الأول في دوري أبطال إفريقيا"
الاخ احمدالريح: اتوقع انو اذا فاز الهلال في جميع مبارياته وخسر مباراة القمة سيتساوي مع المريخ في النقاط ويتفوق عليه بفارق الاهداف وهذا كفيل بمنحه الكأس...
وهذا في كل الدوريهات المحلية للدول....حتي في انجلترا
الناس ديل يقوموا يقروا كلامك دا واصلوا اتحاد كرة القدم في جيبهم يفصلوا حاجة علي مقاسهم اصلوا بدوروا علي اي حيلة اوسبب قانوني او غير قاوني المهم يلحقوا الموسم دا باي صورة
09-13-2007, 07:18 PM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
فاتنى ان اهنئكم بالخبير الاجنبى الجديد فلو فعلتوا ذلك من قبل لما ظللتوا سبعين سنه تتابطون صفرا كبيرا فراكوبه ينتمى الى نادى كبير ومرصع بالكؤوس وسيكشف لكم هذا الخبير كيف تصعدون الى منصات التتويج وتنالون كاسا قاريا بعد كل هذا الوقت الطويل الذى قضيتوه فى مناكفة الاخرين فى حقوقهم وقد ان الاوان لان يصبح لكم كاس خاص بكم تكفون به عين العدو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة