|
Re: عندما نصحني إمام المسجد بعدم لبس هذه الماركة الرياضية!! (Re: Mohd Ibrahim)
|
كتب sumah
Quote: امامك خطر.. دة ولا عبد الشواف .. ولعبد الشواف حكاية..
|
و الله يا سمعة أنا ذاتي إتحيرت في الإمام دا .. أنا قلت دا كان ترزي و لا شنو .. بالرغم من إنه أنا بلبس في الماركة دي لي زي سنتين و مافي زول لفت إنتباهي بالشكل دة ... و مشكور يا حبيب...
كتب مجاهد عبدالله
Quote: الأخ المحترم هيثم سلام غشاك ولقاك ..
تحياتي يا احسن زول بتفاءل بخيوطو ذات السمع النضيف وطوالي اقول الله إكتر منك ومنك خيوطك.. بس الليلة ياخوي من ما غيرت الحاسة المعودنا عليها (السمع) وبقيت في الشوف شوفناك عشرة عشرة لييييييه؟؟؟؟؟ اول حاجة مشكور الإمام بتاعكم على فراستو وخيالو اللماح ورغبتو الجامحة في تنقية عباد الله لعبادة الله لكن ده شوف الفيل وطعن الضل ..الإمام المفترض انو يكون أكثر اهمية بأحوال العباد وليس بحالهم .بقت على اللبس وتغطي راس في الصورة نفسها بخيالك عشان تشوف مرسوم خيال آخر ..يأخي هو الزووول شايل شحنة الخيال دي كلها أصلو جاي بيت الله ولا متحف الفن ..وبعدين بيت الله لله فكل جوراحك مفروض تكون في الله وليس سواه ... والله انت عارف ياهو جنس الحاجات دي ذاته البتأخر الإسلام ونقعد نقول الشكل ده ولو غطينا ده نشوف كده وين الحق في الكلام ده وكانما الدين المرسل لكافة العالمين مختزل في قشور ولبس ..وهسة لو جاء خواجة ودخل الإسلام نقول ليهو تاني ماتلبس الفانلة دي والله تاني يوم يفترق من الدين ده ..وبعدين والله لو الإمام كان قاصد مقاطعتة الشركة لسبب معين كان نقول كويس لكن نقول والله الشعار ده ما عاجبنا لييييه؟؟ وفوق كم ؟؟؟ بنشجعوا ولا هي كورة ... غايتو .... جنس شبك!! خالص الود اخي هيثم .. |
اخي العزيز مجاهد مشكووور على الثناء و أرجو أن أكون عند حسن ظنك دائماً .. فحقيقي يا مجاهد انا الموضوع دا حيرني عديييل كدة عشان كدا قلت أشوف رأيكم شنو ... فعلاً كلامك في محلو زي ما قلت لو جا الخواجة و عاوز يخش الإسلام .. خازوق الخواجة دا ذاااتو يطلع سيد الشركة تعرف يا حبيب انا كرهت الفنلة الكنت لابسة و لو كان عندنا هنا و لمؤاخذة (أدبخانة) كان رميتها... بس تقول شنو زي ما قال سمعة إمامكم عبد الشواف...
و لك صادق الود....
كتب خالد العبيد
Quote: انها خدعة الحواس يا صديقي!! وهنالك نماذج كثيرة من هذه الخدع! بعضها درسناه في المدارس! بان ترى في الصورة او الرسم اكثر تعبير فتوى هذا الامام دعوة ضد مصالح هذه الشركة ويمكنها ان ترفع قضية ضد مروجي هذه الاكاذيب وحتى بكري صاحب البورد لن يسلم من راس السوط
|
العزيز خالد العبيد...
نعم و هي كذلك يا صديقي... لكن ماذا نعمل على من يضيقوا أمور الدين و ينفروا و يعسروا و ليس ييسروا... فهذه لم تكن كذبة أروجها بل حدثت لنا فحبيت أن أشارككم الرأي ... و مشكووور على الرأي و المرور....
Adrob wad Elkhatib
شكــراً على الصورة و المرور....
كتب Moawia Mohammed
يا معاوية دي على الأقل ما فيها رسمة زي بتاعت كابا ... لكن كدي أكتبها بالعربي عشان أوريك أكثر لو حبيت هي كيف؟
كتب Mohd Ibrahim
Quote: لا انت لا امام المسجد عندكم موضوع... |
مشكور على رأيك و تكبدك المشاق على المرور لرفع البوست.....
|
|
|
|
|
|
|
العنوان |
الكاتب |
Date |
عندما نصحني إمام المسجد بعدم لبس هذه الماركة الرياضية!! | Haytham Abdulaziz | 08-28-07, 02:19 PM |
Re: عندما نصحني إمام المسجد بعدم لبس هذه الماركة الرياضية!! | محمد البشرى الخضر | 08-28-07, 11:17 PM |
Re: عندما نصحني إمام المسجد بعدم لبس هذه الماركة الرياضية!! | Haytham Abdulaziz | 08-29-07, 00:04 AM |
Re: عندما نصحني إمام المسجد بعدم لبس هذه الماركة الرياضية!! | sumah | 08-29-07, 01:59 AM |
Re: عندما نصحني إمام المسجد بعدم لبس هذه الماركة الرياضية!! | مجاهد عبدالله | 08-29-07, 05:41 AM |
Re: عندما نصحني إمام المسجد بعدم لبس هذه الماركة الرياضية!! | خالد العبيد | 08-29-07, 06:02 AM |
Re: عندما نصحني إمام المسجد بعدم لبس هذه الماركة الرياضية!! | Adrob wad Elkhatib | 08-29-07, 08:02 AM |
Re: عندما نصحني إمام المسجد بعدم لبس هذه الماركة الرياضية!! | Moawia Mohammed | 08-29-07, 08:19 AM |
Re: عندما نصحني إمام المسجد بعدم لبس هذه الماركة الرياضية!! | Mohd Ibrahim | 08-29-07, 10:45 AM |
Re: عندما نصحني إمام المسجد بعدم لبس هذه الماركة الرياضية!! | Haytham Abdulaziz | 08-30-07, 11:36 PM |
|
|
|