اسف جدا ياهلالاب .. لا مبروك ولا حاجه .. وكفايه خلاص ما تقدونا !!

Quote: بعض المريخاب هنا بتعدو بالاصابع .. امسك من بداية القرعة .. لحدي كورة امس شوف الكتابات الكانت بتتكتب عن الهلال شكلها عامل كيف .. ؟

(عدل بواسطة على محمد على بشير on 08-21-2007, 09:16 AM)

Quote: بعدين وكت انتا خفيف ولفيف كدا فى البوستات ما ترد على جوالك دا ياخ

Quote: لا ياسامى فقد ابدع الهلال امس واكتمل بدرا وتحول الاهلى الى حمل وديع بعزيمة واصرار اولاد الهلال فدعنا نبارك لهم هذا النصر الجميل ونتمنى ان نفعلها نحن مع الاسماعيلى ونخرج من عقدة الكره المصريه وللابد

Quote: يا اساسى بصراحه كدا امس الهلالاب متعونا فى المصريين جنس متعه اخوك امبارح قضى الليل كله تلفونات للمصريين وفيهم من رد وفيهم من عمل حميل كما الاهلى

Quote: وفى بوستات تانيه يا تمبس وا لاقيها

Quote: اخى العزيز على هون عليك يااخى وارجوا الا تعلق افراحك الحقيقية وتزعل وانا رغم اننى لا اتداخل فى مثل هذه المواضيع الا اننى اثرت النقاش معك لانك من المريخاب المتعقلين فى هذا المكان كما انك تبادر لتحية الهلال فى نصره المهم ياعلى ارجوا ان تتذكر جيدا ان هناك من كتب عن الهلال فريق مستر كلارك ومن يسميه فرعنا الصغير ومن يسميه هلولة .. والبغل المزامل الخيل وزريبة العيش .. وعيييك ياعلوة نحنا كاتمنو فى قلبنا ساكت لكين الهلال بفرحنا صاح ونرجوا ن تفرح معنا ياعلوة

Quote: وكفايه خلاص ما تقدونا !!

Quote: لكن الجماعة كترّوها ومسخّوها.. الف بوست في وقت واحد.. وهيجة وعوارة..

Quote: لا تبارك لينا ولا دايرنها منك........

Quote: الكلام ده قلناهو ليهم قبل عدة ايام انه الفريق صاحب الحظوظ الأكبر هو دولفين رغم هزيمته ب 6 !! قام رد صحفى مريخابى قال لى :- ده فريق ممكن نشترى ب 250 الف دولار !!!!

Quote: احسن تكلم’ زولكم دهـ .غير كدهـ ماتلومونا.. سمح ياتامبا وبطلوا الجقلبة ..

Quote: افرح عشان السودان وترابه بس ما تفرح عشان فلان ولا علان ومن حقك برضو ما تفرح بدون اعلان وما تجامل فى مشاعرك واحاسيسك اسال ضميرك ووطنيتك وكفى

Quote: وحقيقة كده يا علي في بوستات إذا كان من الهلالاب أو المريخاب تستعيذ منها بالشيطان الرجيم ولا تدخلها أبداً

Quote: يا أخي الكلمات الفضفاضة من وطنية ومراعاة شعورنا دي مجرّد فرمالات

Quote: علي اخوي انت عارف انو الجماعة ديل مريخاب زعلانين فما تزعل منهم ما سمعت بي فرح الغلابة كسرة بنبارك ليهم بنية بيضاء وروح رياضية بس انشاء الله يجيبوا كاس افريقيا عشان يحصولوا الفريق الذي خرجوا من رحمة تسلم ونطالب الجميع اخذ الكلام في اطار المناكفات الازلية

Quote: والله بعدما قريت تهانيك و وقفتك الوطنية في كل البوستات اللي إتفتحت بمناسبة إنتصار الهلال على الفراعنة الآهلي إفتكرتك آخر زول تقول الكلام دا قبيل الصباح دا بس كنت بوري لكوم المريخاب اللي معاي هنا كلماتك المؤازرة للنصر الهلالي الغالي دا و بالمناسبة الواحد مخليها مستورة بس من جنس الوضع الواحد فيهو

Quote: أنا عايش يا علي في بيت كل ناسو مريخاب من النوع اللي تقول ماعندو غير يقول رشاشات و المحمولة جوا و كلام كتير لأ فيهو روح ولا أخلاق رياضية حتى الملايات مخيطينن من قماش أحمر و خيط أصفر و فارشينن أمبارح بالزات

الله يكون فى عونك غايتو

Quote: أنا فرحان عشان النصر دا على الأهلي الفرعوني

انتا عارف انك قلت المفيد
ماياهو دا زاااتو المكيفنا فى نصر الهلال
ماياهو دا الهلال انتصر قبل كدا على الترجى وكان لى عادى
وانتصر على اسيك وكان عادى .. بس النمره دى ماكان عادى ولا حاجه

Quote: اسف جدا ياهلالاب .. لا مبروك ولا حاجه .. وكفايه خلاص ما تقدونا

Quote: الحبيب على تعال اتكلم معاك المرة دا كلام عصبية شديد كمان المرة دا انا شفتى متحيز للهلال انت بعد مباراة نسارو والهلال الكانت فى نيجيريا جيا عامل ليك بوست جايب فيها تصريحات مدرب نسارو بقول انو الهلال فريق ضعيف واتفاجاء من التضخم الاعلامى نحنا حصل يوم سالناكم قلنا ليكم مالكم ياخى مريخك دا لعب مع منو كدة نسالك سوال الهلال لعب مع البوليس الزنزبارى فائز عليهو ماشى وجاى لعب مع الزمالك غالبو ومتعادل معاو لعب مع نسارو غالبو ومغلوب منو لعب مع اسيك غالبو ومغلوب منو لعب مع الاهلى غالبو ومغلوب منو لعب مع الترجى غالبو وحيغلبو فى تونس اسماءؤ فرق كبيرة وعظيمة الترجى حامل اللقب كذا مرة والاهلى فريق القرن واسيك والزمالك لكن تعال لى مريخك دا لعب مع منو امسكهم ليك واحد واحد قطن تشاد قطن تشاد يالله ويامين حتى فاز عليهو فى الخرطوم الشلف الجزائرى الاسماعيلى المصرى دولفين النيجيرى كوارا النيجيرى ياخى دا فرق الهلال لانو عظيم ودائما كبير وبلعب مع الكبار وبغلبهم والحاجة التانية هو نحنا عاوزين منكم تهنئية لما نغلب الترجى ونصل المباراة النهائية ونجيب الكاس ماتهنونا لكن اتوقع ليكم مباراة سعيدة فى نيجيريا مع دولفين

Quote: هلالابية موت في بركة مريخاب

Quote: أما لو كان علشان خاطر زي ناس حسن يوسف ، وثابت ، وفرانكلي ، وكيجا وراكوبة.. إلخ .. والله لو لقيت المريخ ده في النار ازيدو حطب ..

Quote: قأنا مريخي سودانياً وأهلي مصرياً وترجي تونسياً وأشجع الكثير من الفرق الأوروبية واقف معهم في منافساتهم وهذا عند الغالبية أمر عادي ومقبول فلو لعب الأهلي ضد الهلال فأنا مع الأهلي ليس لأنّ هذا من مصر وهذا من السودان بل لأنّه فريقي الذي يجب أن أقف معه غالباً أو مغلوباً

Quote: اكرر طلب تمبس بعمل احصائية ، عن البوستات التي فتحت من قبل الهلالاب عن فوز المريخ علي دلفين ، وفوز الهلال علي الاهلي .... لو تعاملت بحيادية ، ستعتزر عن هذا البوست ..............

Quote: محمد المختار الزيادى

Quote: بعدين وكت انتا خفيف ولفيف كدا فى البوستات ما ترد على جوالك دا ياخ

Quote: لا شك بان الهلال وقع مع فرق تاريخيا هى ذات انجاذات وانتصارات تعرف كيف تدير المنافسات وفق حسابا معقده

Quote: تمبس الكلام ، من بوست صاحبكم الشمتان علي الهلال ، والان بيقولوا حمار محشي ، ولا شنو كده ما عارف والله الكوره دي ... تخلي الزول يكتب سااااااااااااااي . بس يفشوا في حقدهم علي ابو الهل .... شفتها فراكلي ، قال انو مريخابي في السوداني واهلاوي في مصر وترجي في تونس ، اسع لو نحنا لا قينا الاتحاد الليبي ، وفي ليبيا دي الما في زول عارف كورتها من وين ... يجيك فرانكلي ويقول ليك ، انا بشجع ليبيا الاتحاد ... يارب نلعب في اليابان ضد فريق اسرائيل عشان يقول لينا اسرائليا انا بشجع فريق اكس واي زد .... والله ، لم اشعر يوما من الايام انني متعصب ، لكن يبدو انكم ستعيدوننا لايام المراهقة ..,,, ويييييين صاحب البوست ؟ ما رد علينا مالو؟ وانا اقول كما قال لك بوب ، ساعتزر ليك شخصيا ؟ مع انو نعتذر من شنو ما عارفين ؟ ياربي نحن كتبنا شنو ؟ وقلنا شنو ؟ يعيش المريخ ،،،،،،،،،،،،،،،،،،،،،،،،،،،،،،المريخ اكرر المريخ

Quote: المريخ خط أحمر.. فالتزموا جانب الأدب وأنتم تكتبون عن الزعيم! * غضضنا الطرف عن الكتابات التي تتهمه بشراء الذمم ورشوة الحكام ومحاولات تهجير لاعبي الفرق الأخرى وشاركنا الأهلة أفراحهم وتغزلنا في لاعبيهم الذين سحقوا الأهلي بلا رأفة.. لكننا لن نسكت بعد اليوم على أي متطاول على الزعيم.. فليحذروا لأن ردنا عليهم سيكون قاسياً!

Quote: مشكلة الهلال - المريخ - الموردة - السودان المغالاة في الانتصار والهزيمة ننتصر اليوم فننسى اننا من الممكن أن ننهزم غدا

Quote: واصلا انا كنت انتظر من هلالاب البورد ان يدينوا ما يكتبه ( مسيلمه الكظاب ) ولكنهم كانوا يضحكون على استحياء ولا يعلقون وكأن كتاباته كانت تعجبهم وتشبع غرورهم وهاهم اليوم يقدونا بكلام عن الوطنيه وشنو كدا ما عارف وعن مبادئ وعن شرف واخلاق الرياضه واين كان هذا الحديث الذى تلوكونه اليوم ومسيلمه الكظاب يصف المريخ ورئيسه واقطابه بكل ماهو قبيح ويتحدث بلسان القبح والعهر والفجور لماذا لم تقولوا له ( عييييب ) والا فالحين تتكلموا بس عقب انتصاراتكم وتلومون الاخرين بعدم تشجيعهم لكم او كتابة بوستات تبخس انتصاركم

Quote: نعم ياثابت هذه كانت الهنه الوحيده فى المباراه وفاول رتشارد بعد الكرت الاصفر كان عادى جدا ولا يستحق بطاقه اخرى غير ذلك فقد امتعنا الهلال امس بحق وحقيقه وقدم السهل الممتنع وضاعت الكره على لاعبى الاهلى واخضعهم لاعبى الهلال تحت سيطرتهم وتاهوا فى سماء امدرمان بعدين ياثابت الهلال يهاجم فى الشوط الاول كيف والاهلى كلو واقف قدام القوون بى حسنى مبارك حقهم وقد اغراهم عدم احراز الهلال لهدف وتقدموا قليلا فى الشوط التانى وليبيا فتحت الف مليووون مبروك للهلال فقد امتعنى شخصيا امس

Quote: علي بشير يا عمك سمعت الليلة نكتة في الراديو إتذكرت بوستك دا , أحكيها ليك واحد إتسبب في حادث حركة أصاب حوالي تلاتين شخص كانو في عرس الضابط سألو الحصل شنو؟ قاليه يا جنابو الفرامل راحت مني , على يميني في نفر واحد و على شمالي في ناس العرس , لو كنت مكاني كنت حا تتصرف كيف؟ الضابط قاليه كنت حا أشيل العربية يمين و أصدم النفر الواحد رد ليه صاحبنا " ما انا عملت كدا, لكن هو الحيوان جرى خش و سط الجماعة" أها إنت يا علي زولك العلى يمينك دا وما عاجبك كلامه جرى خش وسط الجماعة تقوم تدقشهم كلهم ما جاية أبدا كان ما داير تشجع الهلال و تبارك لينا الفوز , لك مطلق الحرية و دا تصرف إلى حد ما طبيعي ما في داعي تفتش ليه مبررات أعتقد إنها ما حتقسم فيك إنت نفسك

Quote: شئ غريب ومريب يدور داخل نادى الأسماعيلى هذه الأيام لم تشهده الأندية المصريه فى السابق، قبل عدة أيام تمرد لاعب الأسماعيلى الممتاز "حسنى عبده ربه" الذى كان محترفا فى النمسا على ناديه ووقع للنادى للأهلى المصرى وفى هذا الوقت الذى يخوض فيه الأسماعيلى مباراة هامة للغاية أمام فريق المريخ، وكان بامكانه أن يمهل ناديه فرصة ويقوم بالتوقيع للأهلى بعد لقاء الأسماعيلى بالمريخ. وجاء على صحيفة المساء الصادرة صباح اليوم أن اللاعبين "محمد فضل" و"سيد معوض" أرسلا خطابا للأتحاد المصرى يطلبان فيه فسخ عقديهما مع نادى الأسماعيلى. فهل الأمر صدفة ؟؟ والمعروف أن اللاعب "محمد فضل" قد سجل هدفين فى مباراة الدور الأول للدورى الممتاز المصرى فى مباراة فاز فيها الأسماعيلى بثلاثة أهداف نظيفه على الأهلى ثم عاد نفس اللاعب وسجل الهدف الوحيد الذى انتصر به الأسماعيلى على الأهلى فى الدورة الثانيه. معلوم أن رئيس نادى المريخ قد أجرى اتصالات واجتماعات وترتيبات مع نادى الاسماعيلى تحضيرا لمباراته مع المريخ وقبل فترة طويله من تاريخ ذلك اللقاء المحدد له يوم 22/7/ 2007، فهل يا ترى تمت اتصالات وترتيبات أخرى من خلف النادى الأسماعيلى مع عدد محدد ومختار بعنايه من لاعبيه ؟؟

Quote: للأسف المليون دولار السائبه ليست ثمنا لحسنى عبده ربه وانما ثمنا لمباراة المريخ امام الأسماعيلى ولقد فاحت الريحه وأصبحت القضية واضحه. السماعيلى لو لعب بكامل قواه وبالجديه المطلوبه لأنهزم المريخ بستة اهداف على الأقل. انا معجب صراحة بناس المؤتمر "الثانويه" الصناعيه بدلا من ان يدفعوا رشاوى عديل تغلف تلك الرشاوى فى شكل خدمات وحاجات تانيه حاميانى !!

Quote: يا هشام المجمر سلامات الكلام ده قلناهو ليهم قبل عدة ايام انه الفريق صاحب الحظوظ الأكبر هو دولفين رغم هزيمته ب 6 !! قام رد صحفى مريخابى قال لى :- ده فريق ممكن نشترى ب 250 الف دولار !!!!

Quote: "لا تهتم فمثل هؤلاء بمبلغ 250 الف دولار فقط يمكن ان يبيعوا ناديهم ذهابا وايابا"!!