|
|
 لم أشاهد مبارة الهلال والاهلي يا فيصل نوبي .. تمبس ..ودالريح!
|
ولأنني لا أستطيع تحمل هزيمة السودان فى شخص الهلال هربت خارج مدينتي حتي لا قدر الله ...
والان اشعر بحرقة وغصة فى حلقي لانني لم أشاهد الملحمة الرياضية
ولاني أحبكم في الوطن والهلال
[B]عنواني البريدي في البروفايل
فاسعفوني سريعابأسطوانة المبارة
حتي لا أموت كمدا
وحتي تفكوا هذا الاشتباك الحادث بيني وصديقي المصري
والذي حلف بجده رمسيس ان الاهلي لعب ناقصا
وان الحكم تغاضي عن ضربة جزاء صحيحة لصالح الاهلي
|
|
 
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: Shams eldin Alsanosi)
|
شمس الدين
الف تحية وسلام
لقد شاهدت تسجيلا للمباراة قامت به زوجتي
حيث كنت اعمل والمباراة ملتهبه
ومن ما شفت الشريط المسجل مساء الامس والي الان ..
ما عارف الشريط بتاع الفيديو مع منو؟؟ لافي في البلد وحديث المدينة لم لم يساهد المباراة...
ياخي الهلال ده مسح بالاهلي الواطه عديل كده
غني معاي..
يا لا هويييييييييييييي
عل الاهليييييييييييييي
اوعدك بنسخة متي ما رسيت علي هذه الوثيقة التاريخية للهلال
رسل لي عنوانك البريدي علي الداخلي
ودمت ..ودامت افراح الرياضة بالسودان
مكي محمد الحسن
| |
|
|
|
|
|
|
|
|
 Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: Mekki M Alhassan)
|
يا شمس الدين..
مبروك للفوز مع إنو نص عمرك ضاع .. الجرسة بتاعتك دي طلعتك من المولد بدون حمص .. طبعا الكورة بعدما تكون بايته .. بتفقد طعمه .. لكن برضو ( التوثيق ) كويس..
أنا غايتو من صفارة الحكم .. فتحت التسجيل في الكمبيوتر وسجلت الشوط الأول كلووو .. الشوط التاني كلوووو .. التحليل كلووو ..
وكان سألتني جبت ليك اعصاب من وين تحضر بيها الكورة دي .. بقول ليك علمي علمك..
تعرف كان عندنا عمنا زمان بربطوهو في ( كراع السرير ) يوم مباراة الهلال
يازول اقول ليك حاجة .. ده في التمارين قاعدين ( يربطوهو ) حسع مش أخير ليك زغبير من الربط ده ..
..
غايتو انا بساهم ليك بالتلاتة اقوان .. وراجع فيصل نوبي علشان تستلم نسختك من المباراة ..
| |
|
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: tmbis)
|
| Quote: لم أشاهد مبارة الهلال والاهلي |
ياشمس
وايم الله قد فاتك خير عميم!!
هؤلاء الفتية كان فيهم شئ لله!!
كانوا يلعبون الكرة بنظام ( فتح الكتاب )!!!!
يفتحون صفحة ( الارهاصات فى لعب الباصات ) فيلعبونها بالضبط كما جاء فى الكتاب
ثم يفتحون صفحة( البطرى فى تجريس الحضرى) وكانوا يجرسونه حتى يقول الرووووووب
ثم ينتزعون صفحة ( اذا الدفاع خاف املأ الشبكة بالاهداف ) ويقذفون بها داخل مرمى ابطال القرن!!! ولسان حالهم يقول ( ياداخل هذا الدار صلى على النبى المختار)
صلاتى على النبى.. كأنهم كانوا جند سليمان وليس جند الهلال
استمتع و قسِّـم المتع على جيرانك
منعم الجزولى
| |
|
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: tmbis)
|
بالجد يا تمبس كلما اعمل نفسي ما شغال بالكورة القاها جارية فى دمي
والمصيبة لو كنت بتشجع فريق فيهو عمالقة زي
الدحيش
علي قاقارين
طارق احمد ادم
مصطفي النقر
تنقا
حمد والديبة(ديل طبعا ما بفصلوهم)
اسامة الثغر
كندورة
الي اخر جيل العمالقة..
طبعا الجيل الحالي ما شفتهم فى الميدان لكن بمتابعتي لتغطيتكم الراقية انت واحمد الريح ومعاكم فيصل نوبي أعطاني فكرة كويسة عن نوع المجموعة الحالية بقيادة المايستروا هيثم مصطفي
بالمناسبة يا تمبس انت سيب زولك المربوط فى كراع العنقريب ده وفسر حالتي دي..
كلما أشعر بأن الهلال قادر علي هزيمة الفريق الاخر أهرب من مشاهدة المبارة..
وكلما وجدت الهلال فى موقف ضعف أقف مشجعا عشما فى اللامتوقع
فدي أحلها كيف عشان أقدر احضر كورة زي زي بقية الناس؟
شكرا علي الهدية وطبعا فيصل نوبي ما حأخليهو خاصة وأني سمعت تحت تحت انو بوزع فى شريط المبارة لكن غلبني ألقي البوست بتاعوا عشان اكتب ليهو (يا فيصل ..حلفتك بـ كرنقو تعبرني)
| |
|
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: Shams eldin Alsanosi)
|
Quote: بالمناسبة يا تمبس انت سيب زولك المربوط فى كراع العنقريب ده وفسر حالتي دي..
كلما أشعر بأن الهلال قادر علي هزيمة الفريق الاخر أهرب من مشاهدة المبارة..
وكلما وجدت الهلال فى موقف ضعف أقف مشجعا عشما فى اللامتوقع
فدي أحلها كيف عشان أقدر احضر كورة زي زي بقية الناس؟
|
والله يا شمس الدين نفس الشعور .. وبالكربون..
ويكون في علمك أنا ما بديت احر للهلال ده إلا في الفترة الفاتت ..
تحديدا من مباراة نيجيريا الرشيناهم فيها تلاتة صفر ..
ولي آخر لحظة كنت متوجس وفي بالي رقصة اموكاشي في كاس العالم .. غايتو لما قررت احضر الكورة دي .. كنت خاتي في بالي نحن غالبين .. وفي بالي التاني قلت يا ولد اصلو موت موت ، حياه حياه ..
ياخ اقول ليك حاجة ..
والله انا بوستات أحمد الريح البتتكلم عنها دي .. من ما اشوف العنوان يمسكني الوسواس القهري 
وما بدخله إلا بعد نهاية المباراة .. علشان ( أحلي بيها ) وأمتع نفسي 
| |
|
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: Mekki M Alhassan)
|
Quote: شمس الدين
الف تحية وسلام
لقد شاهدت تسجيلا للمباراة قامت به زوجتي
حيث كنت اعمل والمباراة ملتهبه
ومن ما شفت الشريط المسجل مساء الامس والي الان ..
ما عارف الشريط بتاع الفيديو مع منو؟؟ لافي في البلد وحديث المدينة لم لم يساهد المباراة...
ياخي الهلال ده مسح بالاهلي الواطه عديل كده
غني معاي..
يا لا هويييييييييييييي
عل الاهليييييييييييييي
اوعدك بنسخة متي ما رسيت علي هذه الوثيقة التاريخية للهلال
رسل لي عنوانك البريدي علي الداخلي
ودمت ..ودامت افراح الرياضة بالسودان
مكي محمد الحسن |
طبعا يا مكي الزي وزيك العايشوا المصريين عن قرب بنعرف كويس نكهة فوز اي فريق سوداني علي فريق مصري ..
ما أجمل ان نجتمع انا وانت في حب هذا اللون الازرق
عارفك ما بتقصر
وسلامي للاسرة
| |
|
|
|
|
|
|
|
|
|
Re: لم أشاهد مبارة الهلال والاهلي يا فيصل نوبي .. تمبس ..ودالريح! (Re: Shams eldin Alsanosi)
|
سلام شمس
Quote: كلما أشعر بأن الهلال قادر علي هزيمة الفريق الاخر أهرب من مشاهدة المبارة..
وكلما وجدت الهلال فى موقف ضعف أقف مشجعا عشما فى اللامتوقع
فدي أحلها كيف عشان أقدر احضر كورة زي زي بقية الناس؟ |
الخاق الناطق!
اخوك مريخابي..و مع انو فريق منتصر دائما ..
الا انه تلقاني عندما أحضر
مباريات الفرق الاخرى اشجع الفريق الاضعف او المهزوم
عشما في متعة "قلب" نتيجة المباراة و هذه اثارة من نوع آخر.
| |
|
|
|
|
|
|
| |
Shams eldin Alsanosi
Mekki M Alhassan
tmbis
Gazaloat
محمد البشرى الخضر
saadeldin abdelrahman
Abdelmuhsin Said
فيصل نوبي
فيس بوك
تويتر
انستقرام
يوتيوب
بنتيريست