|
|
 مــــين زيك يا هــــلال ..
|
في مباراة تسيدها طولاً وعرضاً قدم أبناء الهلال مباراة غاية في الروعة وهزم فريق الأهلي المصري بثلاثة أهداف دون مقابل ..
مين زيك يا هـــــلال ..
مين غيرنا يعطي لهذا الشعب معنى أن يعيش وينتصر ..
مبروك لشعب الهلال ..
مبروك لشعب السودان ..
نعود لاحقاً بفيديو الأهداف ..
|
|
 
|
|
|
|
|
|
|
|
Re: مــــين زيك يا هــــلال .. (Re: محمدين محمد اسحق)
|
الأخ الحبيب محمدين ..
مبروك للسودان ..
مبروك للهــلال ..
فرحة كبيرة يا محمدين فرحة لا توصف ..
بالأمس سطع الهلال بدراً وعزف سيمفونية النصر الكبير ..
ودك حصون الأهلي المصري بثلاثية تاريخية ..
مين زيك يا هلال ..
| |
|
|
|
|
|
|
|
|
|
Re: مــــين زيك يا هــــلال .. (Re: bob)
|
ولك مثلها من التحايا يا بوب ..
ألف مبروك هذا النصر الكبير ..
لقد عزف لاعبوا الهلال سيمفونية رائعة أعادت لنا موسيقى بوب مارلي وموزارت ..
هنيئاً لنا بنجوم الهلال ..
هنيئاً لنا بجهازه الفني وجمهوره العريض ..
شكراً جميلاً لاعبي الهلال ..
| |
|
|
|
|
|
|
|
|
|
Re: مــــين زيك يا هــــلال .. (Re: معتصم دفع الله)
|
عن مين نتحدث اليوم ..
عن المعز حارس عرين الهلال ..
أم ريتشارد قلب الأسد ..
أم الجعلي داريوكان ..
وفي الأطراف صماما الأمان يوسف محمد وعلاء الدين جبريل ومن بعدهم كرنقو صاحب الهدف الجميل ..
دعونا نتحدث عن قائد الهلال البرنس هيثم مصطفى فقد راهنا عليه كثيراً في قيادة الهلال اليوم وقد كان نعم القائد ..
عمر بخيت المعلم صاحب العقل الكبير ومهندس وسط الهلال ..
أما المقاتل علاء الدين يوسف إن شاء الله يوم شكرك ما يجي ربنا يديك العافية بقدر ما أمتعتنا اليوم فقد كنت مقاتل لا تمر منك أي هجمة وخروجك من التشكيلة حرام حرام ..
قودوين وكلاتشي قاطرات بشرية صعب الإمساك بها تفعل العجب وتدخل الرعب في قلوب المدافعين وبالتالي حراس المرمي ..
وكان دخول حمودة بشير ليقول لجمهور الهلال مبروك لكم فنحن لها .. 13 لاعب كانوا نجوماً تتلألا في سماء أم درمان حولت ليله إلى نور ساطع ..
ريكاردو أنت لها وقدر المهمة ومن خلفك بكري عبدالجليل والأسد فوزي وبقية الطاقم الفني..
وإدارة الهلال شكراً أن هياتم لنا هذا الفرح وهذا الفريق الكبير ..
أما الموج الأزرق جمهور الهلال فالحديث عنه صعب فقد كان اللاعب رقم 12 اليوم ..
مبروك للهلال ولمجهوره ..
مبروك للسودان ..
| |
|
|
|
|
|
|
|
|
 Re: مــــين زيك يا هــــلال .. (Re: الصادق اسماعيل)
|
شيكان اخري في قلب امدرمان
انتصر الهلال اليوم علي الاهلي بثلاثة نظيفة ردا علي كف الحضري
كانت كنانية اليوم تراجي مصطفي ويروي شاهد عيان استغاثة لعيبة الاهلي
بالسيدة زينب خفيرة مصر وهم يقولون الوقت وقتك
| |
|
|
|
|
|
|
|
|
|
Re: مــــين زيك يا هــــلال .. (Re: الصادق اسماعيل)
|
مبرووووووووووووووك يا معتصم
مين زيو المافى زيو
الليله الف الف مبرووووووووك للجميع
متاوقه
يا بوب انا زاتى ما فرحت زى الليله وزغرت لما الجيران اتصلوا
قالوا لى فى ايه يا جارة لووول
قلت ليهم فى قون تالت جاى وما تميت كلامى صرخت للمرا فى اضانها
مسكينه تكون رمت السماعه وجرت
الليله غايتو بقولوا السودانية جنت
وهاكم دى من طرف الجنون البهابش فى اى وقت
وياحلاتو فى الوقت ده
معتصم وين ناس تمبس
مبروووووووووك هاكم بداية الفرحة دى
عصام يا حضرى
للكعب تجرى
بى لعبك الشترى
لا تحرى لا تدرى
خلعوك بالبكرى
والتانى جاك بدرى
نحن ما بنجرى
هلالنا خيل كررى
وفى اللعب فقرى
نحن ما ناس شين
ولا للكعب دايرين
ولللحقارة ندين
علا بنسدو الدين
ما بهدف ولا اتنين
التالت يكيل العين
ومبرووووووووك يا غاليين
اسماء الجنيد مسقط
| |
|
|
|
|
|
|
|
|
|
Re: مــــين زيك يا هــــلال .. (Re: معتصم دفع الله)
|
أنا هلالابي
إذأً أنا رديف الفرح
إيه الجمال دا؟؟
إيه الروعة دي؟؟
‘يه العرض دا؟؟
وين الحضري؟؟
وين أبوتريكة؟؟
وين عماد متعب؟؟
وين فريق القرن؟؟
وين التأريخ؟؟
وين ... وووين؟؟
الهلال صانع التأريخ
الهلال صانع الفرح..
الهلال صانع المجد..
الهلال .. كان الليلة شي جديد
كان بدراً ساطعاً
تمدد الفرح في ربوع الوطن
لا شي في شوارع الخرطوم الليلة سوي الافراح
أحبس نفسي حبساً لمشاركة الجماهير الغفيرة التي إحتلت شوارع العاصمة
وأغلقت منافذ العبور ..
المنظر سيعكسه اليكم الذين يحملون كاميرات التصوير
الفرح فوق حد الحروف
الفرح يتمدد بعيداً بعيدً بعيداً
الليلة لاقانون يعلو علي قانون الفرح
الليلة الفرح يقدل بأكثر من رجل ويعبر بأكثر من لغة
الجماهير تسد الآفاق وهي تهتف هتافها المحبب( سيد البلد.. سيد البلد)
وحق الهلال اللقب بأن يكون سيداً للبلد
فقد زرع الفرح في كل مكان وعلي كل الوجوه
كيف لشخص مثلي يرقص فرحاً يمكنه الصبر علي الكتابة، ومكانه الآن وسط الجماهير
ليرقص ويطير فوق السحاب
فاليخسأ الخاسئون
وليسكت الشامتون
وليسقط الوهم الذي صنعه الاعلام لفريق القرن
وليبقي الهلال رمزاً للأفراح
جالباً للسعادة
وليفسح له المتخاذلون الطريق ليرسم الافراح علي ربوع المليون ميل مربع
والتهنئة أسوقها للمريخي الجميل الاستاذ مجتبي عبد الرحمن رئيس القسم الرياضي
بالسوداني الذي رقص معنا داخل مباني السوداني بصدق، وتهنئة أوزعها علي الجميع
لا أري أحداً يستطيع تحمل الفرحة..
عاش الهلال جلاداً للجميع بقلعة الموت الزرقاء
ولتبقي ام درمان مقبرة لكل من تسول له نفسه التجاسر علي رفاق البرنس..
ولييذهب الاهلي بتأريخه والقابه الي مزبلة التأريخ
وليبكي اخيراً الحضري
الذي رد عليه الهلال عملياً بالملعب
للدرجة التي جعلت المعلق واللاعب الكبير طاهر أبو زيد يتغزل في الهلال عبر الايه أرتي
وليسجل الت
أريخ هذا النصر
ومعليش خاج الشارع لا يكفيني القص هنا علي الكي بورد
الليله سننام في الشوارع
الليله سنمنح الفرح معني جديد
....
أها ( سيد البلد ..سيد البلد .. سيد البلد .. سيدالب..
| |
|
|
|
|
|
|
|
|
|
Re: مــــين زيك يا هــــلال .. (Re: محمد غلامابي)
|
الجميل معتصم تحية هلالية خالصة الزرقّه
مافي زيّو والله
جمال شعار
جمال أخلاق لاعبيه
حلاوة كورة برازيلة خالصة
التحية لابطال الهلال والتحية لكل جماهير الهلال وعلى رأسهم (( القردابي ))
ولك التحية يا معتصم
خالد
| |
|
|
|
|
|
|
|
|
|
Re: مــــين زيك يا هــــلال .. (Re: tmbis)
|
شايفاه يا معتصم زولنا جانا بالمختصر المفيد
فيدوهات صاح
Quote: تمبس هسي ما قادر يعمل أي حاجة والعبرة خانقاهو وخانقانا ..
مبروووووك للهلال العظيم .. |
باين هو فعلا مجنون هلال
مبروك يا تمبس.
| |
|
|
|
|
|
|
|
|
 Re: مــــين زيك يا هــــلال .. (Re: Tragie Mustafa)
|
Quote: باين هو فعلا مجنون هلال
مبروك يا تمبس. |
يا تراجي .. يباركو ليك السمح يارب ..
نحن الهلال ده .. والله نخش فيهو النار عديل كدا .. وحق الليلة ده براهــو ..
اولاد اللذين ديل الدرس الاخدوهو ده عمرهم ما راح ينسوهو ..
ولسه منتظرين الاسماعيلي .. يجي ياخد الفيها النصيب .. برضو
| |
|
|
|
|
|
|
|
|
|
Re: Re:.. (Re: Aymen Tabir)
|
معتصم ياراقي
أهلا بيهو الهلال هلا واتكمل
وهنا نهنيء الهلال الأفريقي بالنصر الذي تحقق بعرق الرجال الذين سطروا أروع
نزال ضد خصم يصنف بطل أفريقيا وفريق القرن كما يتباهون به الأخوة في شمال الوادي
وقال السودان كلمته بأن الكورة أقوان ثم فنون وعرضوا في العرض شمال بأروع الفنون
وقدم للسودان تصنيف نحتاجه كثيرا لمكانة الكرة السودانية ونحن في القبيلة الحمراء
لانشمت أبدا ونهنيء من يلعب الكرة الجميلة وهي وطنيتنا المحضه نهديها للهلال لاعبين
وجمهور وجهاز فني ومانديتنا معا إلا من أجل الأرتقاء باللعب السمحة وهي الرياضة ياأخوة
الدرب في المستطيل الأخضر ومجددا لكم ياهلالاب السودان التحية وانتم تنتقلوا الي مرحلة
مهمه جدا ونحتاج لها كثيرا وسمعة الكرة السودانية العريقة عراقة الأفارقة السمر
ونتمني أن يلحق مريخنا به وتكون كأسات المنافسات الأفريقية سودانية مئة المئة وسلام
الي كل رياضي غيور يستمتع بالكرة قبل اللون الكروي .
،،،،أبوقصي،،،،
| |
|
|
|
|
|
|
|
|
|
Re: Re:.. (Re: مجدي عبدالرحيم فضل)
|
الف الف مليوووووون مبروك يا معتصم وتمبس
ومبروك لكل الهلالاب واهل السودان
فقد امتعنا الهلال امس بالعرض قبل النتيجه
وقد اكتمل فى الشوط الثانى بدرا
| |
|
|
|
|
|
|
|
|
|
Re: مــــين زيك يا هــــلال .. (Re: معتصم دفع الله)
|
مبروك زمليون مبروك على هذا الفوز وخاصة على المصريين فله طعم اخر
نشكر الهلال اذي اذاقنا هذا الطعم وحطم عقدة المصريين
كذلك نشكر الهلال على هذا النصر الذي كشف لي هلالاب البورد بنين وبنات (قمت بتسجيل الاسماء)
اما هلالية تمبس فهي كوم تاني حيث كنت اعتقده موردابي لانه ولد ونشاء وترعرع ولعب الكورة بجوار نادي الموردة القديم ويعتبر حي تمبس قلب الموردة ومعقلها
على الهامش
اعجبتني عبارة مذيعة النشرة الرياضية في القناة الاولى السودانيةامس عند تقديمها لخبر النصر قولها (مواصلة لصحوة الكرة السودانية) نسال الله ان يديم هذه الصحوة
ودمتم في رعاية الله
| |
|
|
|
|
|
|
|
|
|
Re: مــــين زيك يا هــــلال .. (Re: معتصم دفع الله)
|
معتصم
الحبيب
الحمد لله الفرح كبير يشبع كل أهل السودان الحاسد والبغران..
ده هلال السودان هلال أم درمان البهدى الفرح للعدو والحبان.
وإنت زول مفتون بكل ألوان الطيف من الجمال .الف مبروك لنا جميعآ لقد عبقونا بالفرح هولاء ألأشاوس..نسأل الله أن يديم الفرح...
إسماعيل محمد أحمد عباس...............
| |
|
|
|
|
|
|
|
|
|
Re: مــــين زيك يا هــــلال .. (Re: ismeil abbas)
|
الف مبروك يا معتصم
والله انت عارف انا امس كنت اشاهد ومعي ابناء الصحراء ديل عملو
ازعاج في الشوط الاول وما قادر اطردهم بالله العظيم مجرد ما جاء
القون الاول ارتحت شويه وبعدين نامين جاء القون الثاني بقيت اتنفس
واشم الهواء وبعد الثالث صحبانك جبت ليهم الشاي قالوا نحنا ماشين قلت
ليهم انتظروا الرابع جاي في السكة ، خيتو انا اي زول لسانه طويل تاني نجيب له الهلال بس
| |
|
|
|
|
|
|
| |
معتصم دفع الله
mohmed khalail
Tragie Mustafa
bob
محمدين محمد اسحق
إيمان صالح
الصادق اسماعيل
saif massad ali
Osman Musa
إسماعيل وراق
خالد علي محجوب المنسي
شهاب الفاتح عثمان
tmbis
مزاحم الضوي
الملك
Aymen Tabir
مجدي عبدالرحيم فضل
على محمد على بشير
ismeil abbas
haroon asram
فيس بوك
تويتر
انستقرام
يوتيوب
بنتيريست