|
|
|
 Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
Quote:
يجب علينا نعترف ولا نكن من الجاحدين .. لقد كرم النادى الأهلى، حبيبنا الهلال حينما جاء الى مصر ولم يفصر معه وسهل مهمته
ولبى له كل طلب دون ابطاء أو تاخير، وعلينا أن نرد لهم ذلك الكرم والأحتفاء مضاعفا، دون التأثر بتصرف فردى لمشجع طائش
عندنا مثله، او لاعب متهور لم يضع اى اعتبار لعلاقات قديمه عميقة متجذرة وراسخه منذ أن ظهر الناس على وجه هذه الأرض.
استقبلوا الزعيم الأهلى بالرياحين والورود وبحب وكرم أكثر من كرمهم وأهزموهم بشرف على النجيل الأخضر واتركوا فى نفوسهم
اثرا لا ينسى ولا يمحى ابد الدهر |
ده كلام صاح يا تاج السر!
عاوزين الهلال يلعب كورة نضيفة جوه وبره الملعب،
المضايقات في إجراءات الدخول في المطار وفي حجز الفندق ووسائل
الترحيل وملاعب التمرين بالإضافة لشتم لاعبي الفريق المنافس أمور
لا تصدر عن الفرق المحترمة الواثقة من قدرتها على المنافسة الشريفة.
الفوز والهزيمة والتعادل الأشبه بالهزيمة أمور واردة، والمهم إنو
اللاعبين يعملو العليهم، وإنو الجمهور يحسن استقبال الضيوف قبل
وأثناء وبعد المباراة مهما كانت النتيجة.
وإن شاء الله يا التاج مهند الطاهر يخذلنا كلنا ويواصل التخصص في
الفرق المصرية بعد هدفه الجميل في شباك الزمالك وهدفه الأجمل في
حرس الحدود.
| |
 
|
|
|
|
|
|
|
 Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: Ahmed Alrayah)
|
يا اخوانا انتو مش بكره فى (نويدى) لاعب ضد فر يق أسمه كواروا .. ولا عاورا .. ولا كواريك ؟؟؟ ليه ما فى سيرة الا للزعيم ، لا يهم مع أو ضد ؟؟
معهم حق لا يهتمون وانى لهم من الناصحين الا يهتموا فسوف يظهر اى شئ يكتب فى هذا المقام شتاره وعواره وتصريج !!
زعيم السودان الأوحد الباسط ذراعه الطويلة رغم كيد الكائدين وحنق الحانقين وحقد الحاقدين وحسد الحاسدين لمدة 5 سنوات جوا وبرا وبحرا، يقابل زعيم مصر وأفريقيا، فى نهائى مسبق لكاس اندية ابطال القارة الأفريقيه الذين يخرج منه البطل الأوحد الذى يمثل هذه القاره فى بطولة القارات ضمن اندية مماثله من اسيا واوربا وأمريكا الجنوبيه!!
يعنى الحمام الميت ما عندو حتى حق "الفرجه" .. يلا بلا لمه !!!!!!!!!!
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
أحبتى فى عشق الهلال .. علو صوتكم بالهتاف والنشيد والغناء ولا تتوقفوا لكن لا تنفعلوا ولا تخرجوا عن الروح الرياضى السليم ولا تغفل اعينكم عن مندس بينكم خائن أو عميل يسعى لتشويه صورة الزعيم الهلال الزاهية الباهية .. فالكبير كبير !!!
اعلموا انكم اصبحتم تنالون احترام جميع اندية القاره ويتابع لقاءاتكم عشاق كرة القدم الجميله فى جميع انحاء المعموره.
انتم منتصرين وانتم فائزين باذن الله ، هل نسيتم أحبتى يوم أن رددوا بأن الهلال لن يخرج بنقطة واحده من هذه المجموعه الشرسه القويه، والهلال يوم الغد لو انتصر وسوف ينتصر بأذن الله يكون اول المتأهلين ودون حسابات كثيره معقده وقبل الأهلى زعيم مصر وأفريقيا والمرشح القوى لتصدر هذه المجموعه، فهل هنالك عظمة أكبر من هذه العظمه؟؟
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: sheba)
|
Quote: اول مرة اشوف لى زول يكتب موضوع ويرد على روحو براهو ..؟؟
مسكين ويستحق الرثاء كمان
اها جيتي هنا دي براها بالدنيا .. عشان تشوف شيبا دة بحبك كيف .. وما بفوت بوست من بوستاتك الا وتلقي ناطي بى كلامو الباخ دة ؟
مع انو بوستاتك مهببة ومنيلة بستين نيلة ومافيها موضوع .. زيك كدة مع الاعتذار
لكن وجودي هنا بجيب ليك باقي الناس ..
ما تزعل .. معليش
|
والله انا ذاتي مستغرب دا ياشيبا دا فات ابوذر الغفاري يكتب لوحده ويرد لوحده
بعدين انت وصيت ليه بخصوص العلاج في مصر ولا شنو من امس والليله شايف الكلام اتغير والبوست دا الحسنة الوحيده في المنبر الظاهر العلاج كان بسوط العنج ما بالدواء لانو ديل فاتوا مرحلة الدواء الزهايمر دا مرض العصر
المهم التحية لك وانت توصي وتعالج لنا واحد هلالابي بس اهم شئ تعالجوا تخليه يحب مزمل ابوالقاسم زي مانحن بنحبوا والسوط قاعد
فعلا وجودك هو الجابنا عشان نرد على الناس الحلوييييييييين والظريفيييييييييين كمان
ههههههههههههههههههههههههههههه
شايف في تحسن في صحة المريض والى الايام يابركات السيدة زينب
ابومصطفى
ه
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
كتب أحمد الريح:-
Quote: ده كلام صاح يا تاج السر!
عاوزين الهلال يلعب كورة نضيفة جوه وبره الملعب،
المضايقات في إجراءات الدخول في المطار وفي حجز الفندق ووسائل
الترحيل وملاعب التمرين بالإضافة لشتم لاعبي الفريق المنافس أمور
لا تصدر عن الفرق المحترمة الواثقة من قدرتها على المنافسة الشريفة |
شكرا أحمد ولهذا فنحن هلالاب والحمد لله لم نتعرف علي الهلال مثل الذين اتوا "بلورى" مصدى فاختأروا "الصدأ"!
الكبير .. كبير .. والبعيو بعيو يا أحمد !!
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
ابو مصطفي ...
سلامات .. شوقنا بحر .. تحياتي واشواقي الكثيرة
لكن بصراحة فى حاجة يمكن الناس ما لاحظو ليها .. وانا بطبعي زول حنين ودمعتي قريبة
الود دة بقي حذر شديد وماسك نفسو .. زي الخايف من حاجة كدة ...
لكني والله بعذرو شديد ..
شبح الطرد من المنتديات بقي مسيطر عيهو .. وخايف من الكشةوالطرد للمرة العاشرة
الزول مشي منتدي الهلال .. وهلالابي لكن ناس البيت زاتم طردوهو شر طردة .. مسكين
مشا منتدي المشاهير .. طردوهو ثلاثة مرات بالشلوت .. مع الاعتذار عن الالفاظ البيخة دي
مشا منتدي سودانيز اوف لاين او منتدي المطاريد هناك يا حبة عيني ما اخذ شهر وهاك يا نبذ وشكل
وادوه والكرت الاحمر .. ويقي هاتريك فى الطرد ..
اها قام مشي منتدي اسمو سودانيز دوت اورغ برضو عمل عمايلو الشينة دي وقالو ليهو مع السلامة
اها جا هنا فى سودانيز اون لاين من كم سنة كدة .. وهاك يا شكل من اولها والناس صابرة عليهو
مراعاة لظروفو النفسية وكدة ..
يا زول قام افلس وبكرة اداهو الكرت الاحمر ...
زولك غايتو بعد واسطات جا راجع تاني وطلع بوست مشهور كان عنوانو :-
.. اعود كما يعود الـ ...........
واتذكر انك انت يا كيقا عملت بوست بالمناسبة دي ورحبت بال .....
اها يا زول زولك ما بيتوب .. هي ما مرضة والعياذ بالله ... قام تاني عمل شلكة مع خمسة اشخاص
والمسألة جابت ليها اعراض ناس .. واسر.. ونسوان .. وهاك با نبذ وشتيمة
المرة دي بكرى ولا كضب اداهو الكرت الاحمر للمرة الثانية ....
تتصور الزول مشي للمنتديات التانية وهاك يا شتايم .. الطبع غلاب زي ما بقولو
اها بعد كم شهر كدي يا زول لقينا زولك الما بغبانا بكتب تاني فى سودانيز اون لابن
تاريخ كبير وسيرة عطرة يفاخر بها الانسان
اللهم اشفي المرضى وفرج عن المكروبين . آمين يا رب العالمين
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: sheba)
|
اورد هنا رد المشرف على موقع الهلال الأخ "ابراهيم اشمكا" منقول من موقع الهلال:-
لاQuote: فض فوك اخي تاج السر
نعم قابلوا الاهلي واكرموا وفادته
وليثأر اللاعبون ان مس طرفهم لاعبي الاهلي المصري بهزيمتهم
نعم هزيمة الاهلي بام درمان هي الرد الطبيعي والعملي |
لو كانت تهمنا الكثره لكان مكانه بيننا على هذا الموقع، لكننا فى الهلال تعلم أن واحدا منا يعادل 100، فالهلال حضاره وتاريخ وأدب وفن وجمال .. لا فريق كرة نشجعه وننفض بعد ذلك ليبحث حتى اللاعبين فيه بل كبارهم * ليلتمسوا الصداقة فى ديار الزعيم.
_________
*انتقل اللاعب علاء الدين يوسف من الفرع الى الأصل فأولم واقام فرحا وكان حاضرا فى ذلك الفرح كابتن "المريخ" العجب !!!!!
لا غرابة ولا (عجب).
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
| Quote: اها بعد كم شهر كدي يا زول لقينا زولك الما بغبانا بكتب تاني فى سودانيز اون لابن |
وقعد يسئ لسودانيز اون لاين في المنتديات الاخرى بانه اسواء منتدى وتحت تحت برسلو رسائل خاصة للجماعة عشان يرجعوه وانا اتخدعت في الايام ديك وكتبت برجوعه لكن جاتني رسائل تحذير بان هذا الشخص بحنس في الناس واخر ذله عشان يزكوه للرجوع ورجع وشايفوا زي ماقلت متمسك بالمناسبة دي ايه رأيك في بوست لاخونا بكري ابوبكر باكثر الاعضاء طردا من هذا المنتدى ونشوف الاحصائية
ههههههههههههههههههههههههههه اكيد زولك حيبقى هيثم طمبل هداف درجة اولى
يلا ياشيبا يالذيذ اليوم جمعة والامة مجتمعة
باي باي بس شايف في تحسن الظاهر سوط العنج نفع والله شيخك كارب
ابومصطفى
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
| Quote: من غيركم احبتى الهلالاب يأتى الى سوداننا بزعيم أفريقى كبير فى حجم وقامة الأهلى |
تاج السر سلااام
يازووول غنت نسيت إنو الأهلي ده جابو المريخ زماااان زمن كان أهلي صحي صحي ؟؟
نااااااسي إننا غلبناهو ( 3 /1 ) وكانت اكبر هزيمة يتلقاها الأهلي من فريق عربي ؟؟
أذكرك ؟؟ ولا بجييييك السكري
قونين أحرزهم هيثم الرشيد
والسكري الثال أقصد الهدف الثالث أحرزة السلطان عجبنا .. عجبك ولا ما عجبك ؟؟
أنا عااااارف الواجعك شنو
هسي عليك الله لو غلبنا دولفين ده واحد صفر كنت ح تقول حمام ميت ؟؟
ولو دولفين إنتصر علينا كنت ح تقول علينا شنو ؟؟
يعني الفريق البتغلب بالخمسات والستات حمام ميت ؟؟
والله كان ده رايك معناها الهلال بتاعك ده أكبر حمامة ميتة في الدنيا
كم ستة وكم خمسة اخدتوها ؟؟
دولفين الحمام أخد كاس نيجريا قبل يومين
الإسماعيلي الحمام إنتصر على الزمالك البارح
الأهلي البتقول بطل وفريق قرن عمل شنو مع فريق المصري البارح
لاعب بكل مايملك وجميع لاعبية ويادوووووووبك تعادل مع المصري
لاحظ الأهلي هو اللي أدرك التعادل
معناها الأهلى حمام ميت ؟؟
إستغفر الله يا تاج السر أخوي
ومع العجب ومزمل مش ح تقدر تغمض عينك
مودتي
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: ثابت محمد)
|
يا ثابت
عشان اقنعك داير لى فهامه !!
هو لو اصلو انت بتقتنع كان بقيت مريخابى، مع انه كمال عبدالوهاب ما لقى مريخابى واحد يصاحبو ؟؟
- شنو يعنى تغلب الأهلى 3/1 بعدما انتصر الأهلى 2/ صفر فى مصر وتقدم عليك بهدف فى الخرطوم وأحرزت اهداف عن طريق الحماس والشعور بالخزى والذله ومن لاعب لم يقتنع به الى ان تم شطبه .. دى لو بتعرف كورة اسمها فرفرة مذبوح؟؟
- وشنو يعنى تنتصر على كانون يا وندى 4/ صفر بعد الهزيمه فى الكميرون 5/ صفر، وشنو يعنى تنتصر غلى فريق مغمور من موريشوص فى الخرطوم 3/ 1 بعد أن انهزمت 3/ صفر، وكررت نفس الشئ مع المقاولين العرب، وشنو يعنى تنتصر 2/ صفر على سطيف الجزائرى، وتنهزم فى الجزائر3/ صفر!!
- هذا هو تاريخ المريخ فى البطوله الحمام ميت .. يعتبر الأنتصار بعد حسم معركة التاهل انتصار حقيقى له قيمه!!
- انتظرنى ارفع ليك لنك الضغط الهزيمه 9/1 فى الحبشه من سانت جورج !!
| |
|
|
|
|
|
|
|
|
|
Re: أحبابى "الهلالاب" ، الزعيم "الأهلى" قادم اليكم .. فأستقبلوه بحب واكرمو (Re: تاج السر حسن)
|
تاج السر و الاعزاء الهلالاب
التحية لكم جميعا و النصر لنا إن شاء الله يوم الاحد ملحمة النصر علي الاهلي المصري و مباراة رد الاعتبار و اتمني ان يكون اول المشاهدين حكم المباراة الاولي التي اقيمت بمصر لانه بكل صراحه سبب تربع الهلال حتي الآن علي المركز الثاني بدلا عن القمة
ترحيب بكل لاعبي و اداري النادي الاهلي المصري نعم لكن عصام الحضري الذي خرج عن ادني مستويات الذوق ,الإخلاق الرياضية لا معروف عن لاعبينا السودانيين اخلاقهم العالية يااخي الواحد فيهم لمن يقع ما بحضن الكرة زي باقي لاعبي الكرة العربية و الإفريقية شفت الاخلاق دي كيفن نعتمد دائما علي الحكام للحصول علي حقوقنا ولا نعترض كثيرا علي الحكم ، ارضية الملاعب، تعب الاسفار، الإقامة و مستوي الفنادق حتي و لو كان الفندق فى ادغال افريقيا يعني بالبسيطة اللاعب السوداني هو اكثر واحد ممكن يتكيف فى القارة السمراء بكل آدب وذوق فمرحبا بكل إعضاء و جماهير النادي الاهلي المصري و لكن عصام الحضري لااااااااااااااااااااااااااااااااااااااااااااااااااااااااااااا.
بالتوفيق إنشاء الله ايضا للمريخ فى مباراة الغد
| |
|
|
|
|
|
|
| |
sheba
keiga2000
ثابت محمد
Sayed Bekab
فيس بوك
تويتر
انستقرام
يوتيوب
بنتيريست