|
Re: غايتو كضابين جنس كضب! قالو دى اسمح واحدة فى العالم! (Re: غادة عبدالعزيز خالد)
|
جني سلامات يا زول ات بي صُحك الداهي دي توقف القطر المنحدر من عقبة بورتسودان
كدي قول الصُح وما تلاوز ... اكتبها بالعبري لو خايف
(( أنها جميلة وهي التي قال فيها الشاعر فضيلي جماع يغار الجمال منها ))
والله لو اسلمت بخت فوقا الحبل ... يعني كان بتقدر ترسل ليها قول ليها لو اسلمتي سلمتي وزجناك خالد وليد محجوب
لك التحية والتقدير جني
خالد
| |
|
|
|
|
|
|
Re: غايتو كضابين جنس كضب! قالو دى اسمح واحدة فى العالم! (Re: jini)
|
والله يا دني بالعت اديييييييييييل تده.
ذكرتني ... قالو في واحد بكاي زيك كده و كبكابه
لقى اولاد الحي بتكلموا عن السكان الجدد بالحي و انو عندهم بت شديده شده الحرامي السرق التلفزيون و المسلسل شغال ...وان كل من راها قد تكبكب ...فاقسم صاحبنا على انه لم و لن يتكبكب .. و راهن على ذلك...و علم ان اخاها يدعى محمد.... فذهب الى بيت النجاضه و كو كررو دق على الباب.... جاتو البقاقه مارقه ... فقال = السلام عليكم قالت = و عليكم السلام....اي خدمه؟ فقال =ااااااااااا محمد اخوك موجود؟ قالت=لا والله فقال== طيب لمن يجي اقول ليه منو؟
| |
|
|
|
|
|
|
Re: غايتو كضابين جنس كضب! قالو دى اسمح واحدة فى العالم! (Re: jini)
|
الاخ/ جني
اكتب هنا عفو الخاطر ومزاجا انا... تحركني دوافع وتبعدني عنها دوافع صرخ
عصب الروح وصحكت خلجاتى عندما وقعت عيونى على ملكة جمال الهند93 وملكة
جمال العالم 94 والممثلة القديرة حاليا اشواريا راي ...شكل فوزها نقطة
تحول فى تاريخ الهند الحديث بمعني انها لفتت الانتباه الى صعود الهند على المسرح
الدولى وبعد ذلك فتحت المجال لمصممي الازياء الهنود ليلعبوا دور اكبر
وظاهر فى ادخال البصمه الهندية فى عالم الجمال.....
قدم زميل دراسة سمنار مقرر علينا ورقة بعنوان (عولمة الجمال-اشواريا نموزج)
قدم فيها اشياء كثيرة لها علاقة بالعولمة والارباح واقتصاد السوق.....
الاخ /جني
لا شك ان اشواريا انسانه جميلة جدا مظهر وجوهر عندها اهتمام بالطفل وثقافة
الطفل والتعليم ساهمت كثيرا في ذلك وتزوجت من ابشيك باتشان ابن الممثل
العالمي اميتاب باتشان......
| |
|
|
|
|
|
|
Re: غايتو كضابين جنس كضب! قالو دى اسمح واحدة فى العالم! (Re: jini)
|
جنيييييييييييييييي
آمنت بالله ومن أسمائه المبدع المصور
وحات سيد الوداعة ترمي في الشوك
وحات الخقلها تبلع السفة
ها جنى ها فيها حلاة شبااااال
وبي يدينا ديل كان لوحت ليك نظام باي باي ترد الروح
عليك النبي تابع معاي الصورة الأولى دي
تبدأ الرحلة من الحاجبين نعمنو الجبهة ناقصة والشعر متدسي وراها ، ِِأها من الحاجبين النظر يتزحلق برااااحة ويرميك في العيوووووون ، شكيتن على الخلقن مع انهن شايتات يمين وما مركزات معاك يتوهنك ويجضمنك ويبهدلنك وييطرحنك ويجمعنك وتمرق منهن اسمك منو ما بتعرفو وفي حالتك دي يرمنك في الأنف بين قوسين النخرة . أريتها نخرة البنات لي حدهن ، سبحان الله الخلاق ، تملا العين لامن تدفق وتزحلقك بسراااااااع ترمي النظر على القدوم . لا حكت ولا بقت ، آآآآمنت بالله ، أيها الناس .. من عاش مات ، ومن مات فات ، وكل ما هو آت آت . سماء ذات أبراج وأرض ذات فجاج ، وقداديم مرسومة بمزاااج ، ها ناس ودوني الضل ، أدوني موية النبل ريقي ، أها بعد بلة الريق تاني تدي القدوم نظرة وتتشهد ، العينة دي هي البتجيب الكبكبة والعرق ياخي حاجة محرجة خلاص نأنو قدامك انسان بكامل كينونتو وقد يكون بتكلم معاك في السياسة ولا الاقتصاد وانت ما شايف قدامك غير قدوم . الحنك خليهو ما تمشي عليهو نأنو برميك في الهاوية ، اتخطاهو وامشي على الأنامل . طوالي حتتذكر أفكر فيهو واتأممممل ، قبضة موحية بصورة جامعة مانعة ، اقصد على المفراكة . أمانة يا كسلا ما فيكي ويكيي . أها التفاصيل دي كلها لما ترجع لي وراء وتعاين ليها .. تبكي بس وتقعد تسأل وتقول هسة دى السمح فيها شنو!
| |
|
|
|
|
|
|
Re: غايتو كضابين جنس كضب! قالو دى اسمح واحدة فى العالم! (Re: Amira Elsheikh)
|
يا امير ما تصدقي الكاميرات دي زولها وراها شركات كامله وخبراء في تخصصات مختلفه عشان الصور تطلع كده.
Quote: جنى؟؟
اكييييد ما قاصد..
فى داعى تحرجنا يا اااااخ.. |
انت قايلاها لو بكاميرات ملاسي حتطلع كده؟؟؟ ولا لو حامت ليها اسبوع في شمس الخرطوم ممكن تكون كده برضوا؟؟ يازوله ناس جني ديل بيحبوا يعملوا للناس نفسيات ساي.
| |
|
|
|
|
|
|
|