|
Re: الأخت تراجي مصطفى على الأقل احترمي عقل وشخص الأخ دوت مجاك (Re: alsngaq)
|
الاخت تراجي سلام
موجود ومتابع الحمدلله
حقيقة كنت متوقع ردا اكثر حقانية وأوضح رؤية
كتبت
Quote: اولا لماذا اعتبرت نفسك جلابه؟؟؟؟ هل لازال المصطلح يمثل التباس لك؟؟؟ هنا شمالين كثر لا يعتبرون انفسهم جلابه فملاذا اعتبرت نفسك من ضمن المستهبلين الذين حذرت انا منهم دوت مجاك؟؟؟ ما عايزه افترض سؤ الظن واقول لك الحرامي في راسه ريشه لكن دي الحقيقيه احيانا. |
صدقيني افترضي زي ما عايزة دا من حقك بس ما تحاكمي عموما الحمدلله السنجك عمرو ما بهتم بالاعتبارات الخاصة منذ ان وضع قلمه فى السايبر دا.
ودا بعيد من موضوع البوست
نرجع لموضوعنا وهو انو الجلابة منو وحال السودان شنو أي شخص عادي جدا بتضح ليهو انو القضية والصعاب البتواجه السودان الجديد ما غايبه عن الاخ دوت مجاك ودي ما تقدري تنكريها.
كتبت
Quote: فالبوستات لم تصير مدحا لدوت مجاك بقدر ماهي مشنقه لدينق. وكان لابد من تبصير دوت مجاك بالسم المدسوس في الدسم. لاتقل لي وكيف عرفتي انت السم ولا يعرفه دوت مجاك؟؟؟ اقول لك هذا طبيعي لمن يقيم بين الجلابه اكثر. ودينق اقام بين الجلابه اكثر لذا يفهم تماما اسلوبهم. |
يا تراجي انا عارف اني وضعتك فى تساؤل صعب شوية بس واثق انك بحجمه وانك حتنجحي فى اجتياز المطب الخطير دا. لانو أي خطأ قد ينسف بمفهوم السودان الجديد البمثل اكبر هم ليك ولاي واعي وانسان نزيه عايز الخير للبلد المحزون السودان. دوت مجاك قال بنفسه انو بعرف الشماليين كويس وانه لديه اصدقاء كثر منهم وبزورهم ومعاشرهم اذن انت بتكذبي او عشان اكون اخف وبعيدا من خلق المشاكل نقول بتشكك فى حديث ومقدرة الاخ دوت مجاك حتى فى تقيمه لمستوى علاقته الاجتماعية بشكل عام. شفتي دخلت فى منعطف اخطر من الاول كيف؟؟؟ لمجرد محاولاتك لتبرير شكل وصايتك فى البوست المعني؟؟؟
كتبت
Quote: تكرار لما اوردته فوق نحن لم نسأل دوت مجاك هو الذي فتح بوست بنفسه واوضحت انه قال لانه جاءته ايميلات كثيره من قبل اصدقائه واهله. لكن مهرجانات الجلابه بدأت ما ان فتح البوست ومنها لغمك ده يبقى انتو النبهتونا لانه هنالك شيئ غير طبيعي وكنت فعلا زي المحشور في الكورنر من زنقة ناس الهامش لكم من كل الاتجاهات طيب ما تجدوا مخارجات ازكي من الشعبطه فوق ضهر دوت مجاك |
دمك عسل يا تراجي بالمناسبة بعترف انو عندك سينس هيومر عالي
البوست بتاعي ما لغم وانت متأكده من كدا كويس وبطلي حرفنا
دوت مجاك مالو ما نشعبط فى ضهره والله نعم القائد ونعم الرؤية لسودان جديد بالفعل. وفعلا بالنسبة لي انا السنجك بالانجليزي دوت مجاك مخارجه حقيقة لي ورؤية واضحة وبضم صوتي لصوته وبصفق ليهو عايزه تحاكمي نوايا السنجك وغيره وغيره على انها استهبال وسم دي حاجة بخليها ليك ولضميرك ومدى ايمانك بسودان انساني جديد يا تراجي.
كتبت
Quote: يا السنجك عيون السودان الجديد لاجلها تكرم مليون عين وقديما قال العرب( لاجل عين نكرم مرج عيون)كنايه عن المبالغه لكن يا بابا الغام ما معانا استنكاح ما معانا السودان الجديد ستكون عنده كل ادوات الاقناع بالتعايش وعدم الاقصاء من موسيقي وفنون وادآب وعلوم سنكتبها معا بكل تنوعنا وتبايننا لانه يحمل ثرائنا وقوتنا. |
هنا القضية الحقيقة و هنا الميزان الحقيقي وقياس العمل وتصنيفه صحيح ام خطأ
عيون السودان الجديد
وعشان كده بعيد ليك مرة تانية نفس السؤال واتمنى انك تنجحي المرة دي فى الاجابة ما عشان خاطر السنجك ولا عشان البتسموهم فرق الجلابة
عشان خاطر عيون السودان الجديد
وعلى حد تعبيرك لازم يكون فيه ادوات اقناع وتعايش وعدم إقصاء والاخيرة دي المهمة وارجوك ما تهدميها المرة دي.
ليه بتقصي فى طرائق وأفكار دوت مجاك المن أجل سودان جديد بحلم به الكثيرين وانت منهم ليه يا تراجي ؟؟؟
نقطة أخيرة كتبت
Quote: لك علي اعتذر اعتذار ليه شنه ورنه بس يطلبه دوت مجاك شخصيا ما انت |
البلاغة فى خطابي الموجه ليك دا كلها فى نقطة الاعتذار دي وكنت متوقع انك تفهميها. الاعتذار للسودان الجديد بمفاهيمه السمحة متمثل فى كتابات الاخ دوت مجاك السنجك بالانجليزي ما بعرف شخص دوت مجاك بعرف كتاباته ومساهمته ورؤيته للسودان الجديد الاعتذار هنا مطلوب للسودان الجديد متمثل فى طرح الاخ دوت مجاك مثالا. واعتقد كده من حق أي انسان يطالبك بالاعتذار ولا رأيك شنو؟؟؟؟
|
|
|
|
|
|
|
العنوان |
الكاتب |
Date |
الأخت تراجي مصطفى على الأقل احترمي عقل وشخص الأخ دوت مجاك | alsngaq | 07-30-07, 07:19 AM |
Re: الأخت تراجي مصطفى على الأقل احترمي عقل وشخص الأخ دوت مجاك | alsngaq | 07-30-07, 08:25 AM |
Re: الأخت تراجي مصطفى على الأقل احترمي عقل وشخص الأخ دوت مجاك | Rawia | 07-30-07, 08:38 AM |
Re: الأخت تراجي مصطفى على الأقل احترمي عقل وشخص الأخ دوت مجاك | alsngaq | 07-30-07, 11:54 AM |
Re: الأخت تراجي مصطفى على الأقل احترمي عقل وشخص الأخ دوت مجاك | رقم صفر | 07-30-07, 12:26 PM |
Re: الأخت تراجي مصطفى على الأقل احترمي عقل وشخص الأخ دوت مجاك | Tragie Mustafa | 07-30-07, 08:46 PM |
Re: الأخت تراجي مصطفى على الأقل احترمي عقل وشخص الأخ دوت مجاك | Khalid Kodi | 07-31-07, 02:19 AM |
Re: الأخت تراجي مصطفى على الأقل احترمي عقل وشخص الأخ دوت مجاك | alsngaq | 08-01-07, 07:09 AM |
Re: الأخت تراجي مصطفى على الأقل احترمي عقل وشخص الأخ دوت مجاك | alsngaq | 07-31-07, 10:15 AM |
Re: الأخت تراجي مصطفى على الأقل احترمي عقل وشخص الأخ دوت مجاك | Khalid Kodi | 07-31-07, 03:23 AM |
Re: الأخت تراجي مصطفى على الأقل احترمي عقل وشخص الأخ دوت مجاك | alsngaq | 07-31-07, 09:25 AM |
Re: الأخت تراجي مصطفى على الأقل احترمي عقل وشخص الأخ دوت مجاك | رقم صفر | 08-01-07, 09:19 AM |
|
|
|