|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
أسماء الجنيد العزيزة الغالية خدثتنا عن النشأة :
Quote: لكنى ترعرعت وتربيت فى كنف اسرة صوفية متعلمة . فأهلى من ناحية الاب هم بطاحين من منطقة البطانة الغنيه بمورثاتنا الفكرية ، وهم يهوون كتابة المسادير والدوبيت . وآل الجنيد من ناحية الام جدنا ، هو شيخ الجنيد عليه رحمة الله شيخ خلاوى وذكر فى منطقة اللحويين ومعروف بكتابة الشعر. ايضا هو مربى ومعلم لكثير من خلاوى اهلنا فى تلك المنطقة .. ذكر بعض من أدبه المشهود له فى طبقات ود ضيف الله . انهم وبكل فخر يقرضون الشعر والمناجاة ، ولهم موهبة ربانية فى هذا المجال … والدى ايضا الاستاذ الجليل صديق الطيب الصديق عليه رحمة الله كان يعمل معلما للغة العربيه ، وهو الذى غرس فى دواخلى حب الادب ، ورعى فينى موهبة الشعر منذ طفولتى |
صاغت وجدانها بيئة صوفية خالصة وورثت الإبداع من لدن أسرة ذات شأن وشأو ورضعت من أخوالها آل الجنيد صلاحآ وتقوى وأدبها أب معلم جليل ، ورعاها
فلا عجب ان تكون بكل هذه السمات الطيبة أن تكون مثابة للشعر والكلمة الجلوة البتصدر عن قلب رهيف
حياها الله وأبقاها
وشكرآ جزيلآ ياعاطف عبدون وتهنئة لأنك عرفت تجالس وتحاور من
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: malamih)
|
وتريات المهجر ايقاعات تهدهد الروح وتسكن في مكان عميق من الجسد تعزف على اعماقك وتسمو بك الى عالم غريب عالم مليء بالدهشة فتصاب بدوار من الحب وتريات هذه المراة كأنها قد قامت بتفصيلها على كل القلوب تدق في شرايينك لتعزف اليك أجمل المعاني وتنقلك هذه الكلمات من عالمك الى عالم أكثر سحراً وأكثر غموضاً لكنه غموض من ذلك النوع البنّاء فعندما تكتشف سحر هذا الغموض ماعليك الا أن تتنفس بعمق !!! وعبر هذه الوتريات المثخنة بالجراح تارة والمطعمة بالأريج تارة أخرى يجد القاريء نفسه أنه مجبر على المرور على كل الوتريات من الغلاف الى العلاف ومن الماء الى الماء ومن الأهداب الى الأهداب كنت أخال أن البطانة خيل ونياق وتراث وشعر شعبي شعر رغم جماله وقدسيته الا أنني تعبت في فهمه واصبح لي اشبه باسبيرات السيارات لكنني لم أكن أتوقعها أنها تنزف عطراً وعندما تقرا وتريات تشجعك كلماته الوضاءة على هضم كل شعر البطانة فتتوق لهذه الأرض المليئة بالخصوبة والمليئة بالجمال البريء جداً مايحيرني أن هذه السيدة تعجن كلماتها بطين القرى وتسخدم أنفاس البسطاء لتكون مدادا لكلماتها والأجمل من كل ذلك أنها تستخدم { دواة } بداخلها كل طيبة الوطن وسماحة الوطن كلما أمر بالجنيد وتلكم القرى التي تتمدد عارية على النهر أشاهد هذه الأوتار تتسلق الى الفضاء تختلط بدخان المصانع فتجعل العابرين في قمة النشوة
تخريمة قدمت أسماء الطيب للدخول في سودانيز أون لاين فكان مكسباً كبيراً لنا أها وين الجائزة بتاعتنا عاوزين خمسة نسخ من الديوان بعد ما تتم طباعته
خارج النص أحدهم ارسل لي 200 نسخة من ديوان شعر سبق أن أخبرتكم به قلنا كويس نبيعو ونستفيد النسخة 10 ريال ستكون نسبتي من التوزيع 500 ريال طبعاً قلنا كويس ال 500 نتصل بيها على ست النفر أها مع علاقاتي الجميلة اليوم الأول بعنا 10 نسخ بالله اليوم الثاني كان الجماعة كلهم قالوا عاوزين قروشهم !!!! وقمنا بارجاع الكرتونة بكل مافيها كمان الشاعر قال شنو { اسم الكتاب } بوح الحروف !!!! لكن فعلاً انا بعد ما قراته قلت ليهو { ياخوي ضع نقطه فوق الحاء الأولى ونقطة فوق الحاء الثانية حتى يتماشى اسم الديوان مع محتوياته ّ قال بووووووووخ الخرووووووف قال !!!! هسي الشاعر شايفني عشرة عشرة !!!
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ابوحراز)
|
سلااااااااااااام بى قلدة محنة حنان اهلنا
الزول الجميل ود اهلى القبيل البطحانى الاصيل حبابك ابو حريرة وحبابك طلتك الخدرت البكانات بدار وعبت بلادنا خدار شكرا قدر فرحى بيكم يا اهلى السمحين شكرا غيمة ومطرتين..
*** استاذى الجميل الموصلى اهلا بيك وبى بشاشتك يا مبدع التحية ليك انت والتقدير يا ابو هديل طلتك ليها احساس متكامل شكرا اوتار..
*** قريبى الحنين النذير حبابك بى كل مطايبة الحنان كيفنك يابا واريت حالك زين والنعلك طيب يا ود امى تسلم يا النذير على الكلام الجميل الجاى منك دائما بترجعنى لى السمحين ولمتهم الحنينة ربنا يرد غربتنا ويجمعنا بى اهلنا.آمين يا رب العالمين تسلم يا النذير وان شاء الله ربنا يقدرنى ارضيكم دعواتكم معاى .. وكل طلباتك مجابة يا ملك شكرا متوجة ومحكرة فى القليب
*** عاطف يا عابدون بصمتك واضحة فى حوارك الشيق .. الاجابة ليك كانت بروعة حوارك يا شفيف رغم انك دوختنى السبع دوخات لكن كنت حاسة بمتعه شيقة من خلال اسلوبك الشيق بس سؤال مهم يا ود العم دحن انا عندى توأم ومانى جايبه خبر ولا شنو ؟؟ انخلعت لما شفت سوما2 من اين لك هذا يا هذا ولا ده سر بينك وبين الجريدة شكراااا عاطف شكرا نخيل يا ابن النيل
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
اخى الكريم عاطف عابدون
لك التحية والشكر الجزيل على امتاعنا بنقل هذا اللقاء الجميل مع رائعتنا وحبيبتنا سومه تلكم الشاعرة التى تقرأها فتنتقل بكلياتك الى الوطن الجميل وتعود فيه الى الزمن الجميل حيث تجد كل الحنين الدافق وكل الوداد الصادق وكل الاصالة فهى حملت الوطن هما فى كلماتها ولذا تضوع كلماتها وقصائدها وطنية وعشقا لذلك الوطن وحينما تقرأها تنتقل بكلياتك الى هنالك لتجد كل شىء مصورا تصويرا دقيقا فمن هموم الناس ومعاناتهم الى حنيتهم وحسن معشرهم واصالتهم التى كانت ..... سومه شاعرة اضاءت سماوات هذا المنتدى منذ مجيئها بكل جميل فلم تبخل علينا يوما بالجديد من قصائدها ولم تتركنا ننتظر طباعة دواوينها وشراءها لقراءة الجديد بل بكل اريحية منحتنا جديدها ودفق مشاعرها نحو الوطن فعشقنا كلماتها واحببنا شخصها الجميل فلها التحية والتجلة والامنيات الطيبات بالتقدم دوما الى الامام .....
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: معتصم دفع الله)
|
ابو ساندرا .. حبابك الضى زينة شباب الحى خليتنى اتاوق وارجع تانى صاده .. واجى اتاوق فى نضميك البفتح النفس ويشرف بمعرفة زول زيك يا ضينا احساسك بالدنيا كلها .. لونت حياتى فرح يعلم الله شكرا من الاعماق على كل النبيل الجاى منك الله يسعدك ديمه.. زى ما اسعدتنى اخوى عبد الرحمن شكرا كيمان كيمان يا عشا الضيفان شكرا لمتنا فى الديوان ....
*** ملامح الحنين ود عز الطيبين الشوق قمر دورين بركة السمعنا عنك النضمى الزين ونحن فى رجاك يا صاحب المفرده المتفردة دوما انت عارف طلتك بتسعدنى كيف تسعدك العافيه وان شاء الله ديمه بارياك شكرا ملامح مارقة من الجوف
*** ابو حراز اقول شنو واحكى شنو ؟ عبيت كل الفراغات فرح وزرعت كل المسامات مرح ولبستنا السعاده تياب وطرح بى زيارتك ديمه نسعد وبوجودك خيرنا برقد راوينى من زمنا بعيد بى عذب كلامك ومتوجنى بى درر حروفك النابعه من صافى يمك يا اصيل سعيده كل السعاده بسبب وجودى معاكم انى دخلت مرافقاك يا خوة من الزمن الجميل وصداقة لا تعرف القال والقيل وسندا لا بنتكى لا بميل تسلم ابو حراز يا اب طبعا نبيل ... البورد كان منور بى الزيكم يا ابو حراز يا فاكهة البورد الظاهر الكبر دخل عليك .. خليت الكتابة والنضمى الكان بلمنا تحت نيمة بكرى كل ضحوية بتخيل دائما اننا محكرين فى بنابر وانت وسطنا تحكى وتحاكى وتضحكنا من الاعماق باريحية الطيبين وعفوية اهلنا البسطاء معروف من زمان صافى النيه ابيض السريرة ما تحرمنا ايو ابو حراز رجاء شكرا يا الحنين قدر سماحتك شكرا نيلين وضفتين شكرا ترع الجنيد ..
**** الاحبة الغالين تسلموا كتير ولى عودة مع بقية الاحبة المتداخلين شكرا قمر دورين
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ALGARADABI)
|
حباب العمدة الحنين الشوق قمر دورين والله رجعتك البورد من تانى براها يوم عيد وجيتك الليلة عندنا فرحة لا تقدر بى ثمن من يومك رزين وكلامك رصين .. اديتنى الكتير من عندك وغرقتنى بتعابيرك الندية احساسك المرهف والشفيف اخى قرشو هو عنوانك الواضح للجميع طبعك الهادىء واحساسك بى اهلنا الغبش هو دليل طيبتك ووطنيتك ربى يسعدك ويهنيك يا ابيض النية ما تغيب مننا يا تيراب جدودنا شكرا اخوى قرشو شكرا من ريحة البلد
*** الاخ العزيز هشام امين يا حليلك والله يا اخونا وين الحى بيك .. فعلا الاخبار انقطعت بركة الليلة شفتك واطمانيت عليك شكرا اخوى هشام شكرا لمة حبان فى السودان
*** الحنين معتصم دفع الله ود الفريق والحلة شكرا ليك انت يابا على طلتك البتفرح القليب وبترجع الختر بعيد شكرا اخى معتصم شكرا حنينه زيك
*** العزيز وليد حبابك يا السمح الزرعوه فتريته وقام قمح وفى حضرة وجودك يطيب الجلوس مهذب امامك ..ويجب احترامك شكرا اخى وليد شكرا قدر كل الفرح
*** القردابى حبابك يا الهلالابى طلتك بتجيب خبر الفوز والنصر دائما مشهورة شنو يا خوى اختك غبشة منكم وفيكم الله لا جاب البفرزنى منكم الله يلمنا كلنا فى بلدنا تحت نيمه ويضللنا بالمحنة الفى طبع اهلنا السمحين
** تخريمه قلت لى داير تملص نعلاتك يا القردابى طريت الدافورى الزمان ولا شنو تسلم يا الارزق وشكرا ليك كأس نصر
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
Quote: عاطف عبدون، تحياتي لك ولشاعرتنا المرهفة صاحبة الكلمة الحنونة أسماء الجنيد، وأرجو منك ياعاطف أن تتحفنا بإنزال قصائدها كتابةً وتسجيل صوتي (إلقاء + غناء بصوت الشفيف مصطفى السني)، ولنجعل هذا البوست إحتفاءً بإبنة السودان البارة سومة، ولك الثلثان من قلبي وثُلثا ثلثه الباقي. |
النزير
ما نسيناك
بس سومه تجي من عمرتها بالسلامه
وحتسمعو تسجيل صوتي لي اشعارها
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
Quote: تسلم ياعابدون يا ذوق، وعمرة مبرورة إن شاء الله لحبيبتنا سومة، بس يا أبوعاطف حقو من هسا تبدأ تنزل فى الأغاني والتسجيل، لأنو خايفين سومة دي تجيء راجعة من العمرة وتطلع لينا الأغاني والقصائد دي حرام وتحرمنا منها |
شفت يا النزير دي فاتت علي يعني كان لازم تنبهني من قبل ما تسافر وقدر ما قلت ليها سجلي وامشي اصرت علي فكرت التاجيل لما بعد العمره قايتو الله يستر
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
وعن نفسى يعاودنى الحنين دائما لحياة الحلة ولمة الاهل وقت القيلوله ومطايبة ناس الفريق وغيرها من اشياء جميلة نحتت فى الذاكره ، فأنا عمرى ما بعدت بخيالى لحظه عن الاهل والوطن رغم البعد المكانى .. فدائما مايقودنى احساسى للغوص فى بحر الذكريات الجميلة ...
شكرا للشاعرة الرقيقة سوما فهى تجيد الكتابة نثرا وشعرا وتنقلنا الى عوالم رحبة من الجمال
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ismeil abbas)
|
Quote: عاطف ألأناء ينضح بما فيه. لقد أتيت بالجميل يا جميل الشاعرة أسماء الجنيد ما إسم واحد دى أسماء وستظل أسماء وأسماء فى حياتنا كمان. ذوق.شعر.حس مرهف..... سملمت وسلمتى وسلمتم جميعآ. إسماعيل محمد أحمد عباس........... |
اسماعيل يا رمز الوفاء حملتنى عبء احساس لا استطيع ان اتحمله كلامك وسام شرف افتخر به اينما ذهبت تسلم انت تاج لينا وفخر يا ابن بلدى الاصيل اتمنى اكون عند حسن ظنك دوما ايها الشفيف شكرا اخى اسماعيل قدر سعادتك لى شكرا مارقة من الجوف
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: بنفسج)
|
الاخت سوما الاخ منصور المفتاح
تحياتي
Quote: سبحان الله مسقط جذبت خير البطاحين والشكريه لا بل وهج البطاحين والشكريه جذب مسقط إليهم ويا بخت مسقط بك وسميه وعشه بنت فاطنه والإخوه البرره ودالمرتضى وود شيقوق ومن معهم |
يطول عمرك يا عشاء البايتات ومقنع الكاشفات
نحن واثقون الاخت سوما تملا العين نامن تدفق . وناس مسقط كلهم كده بس امسكوا الخشب.
لكم وللاخت سوما عاطر التحايا
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: فضيلي جماع)
|
العزيزة شدييييد سوما
كل ثانية وانتي طيبة بعد كلام استاذنا فضيلي جماع كمل الكلام واتبكمت حروفي أسأل الكريم أن يسهل حروفك ويجمل موسيقاك ، ويسبك معانيك ، ويشبك صورك ، ويوسع رؤاك قولي آمين . تعرفي أنا لو في محلك كلام استاذنا فضيلي دا اعمل منو تلاتة نسخ النسخة الأولى ابروزها ، والنسخة التانية اتبخر بيها ، والنسخة التالتة أعملها حجاب وأدرعا في رقبتي . تحياتي وأطيب أمنياتي حامل المسك عاطف عبدون مشكوووور على امتاعنا بحوارك المرتب مع سوما لك الود
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
كتب فضيلي جماع
Quote: شعر اسماء الجنيد (المكتوب بالعامية بالذات ) شعر -أظنه شرب من خريف البطانة ومن سحر التصوف ، فكان حلواً وسهل العبارة لكنه عميق المعاني. تكتب سوما -كما يطلق عليها اصدقاؤها وصديقاتها - بشفافية وصدق يحسدهماعليها الآخرون.. |
وقالت سومه
Quote: بالتأكيد تلك الذكريات الجميلة وسط الحبوبه وعيشة البساطة والحياة المختلفة عن حياة المدن .. تشدك بحنينها ، ويجبرك الاحساس ان تعبر ولو قليلا بالكتابة ، وهذا يخفف كثيرا من معاناة الغربة .. وليس الشاعر وحده الذى ينتمى لتلك الحياة الهادئه وذكريات الصبا . بل تجد كثير منا موكر حد الاعماق فى هذا الجمال اللا متناهى ، |
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
Quote: العزيزة شدييييد سوما
كل ثانية وانتي طيبة بعد كلام استاذنا فضيلي جماع كمل الكلام واتبكمت حروفي أسأل الكريم أن يسهل حروفك ويجمل موسيقاك ، ويسبك معانيك ، ويشبك صورك ، ويوسع رؤاك قولي آمين . تعرفي أنا لو في محلك كلام استاذنا فضيلي دا اعمل منو تلاتة نسخ النسخة الأولى ابروزها ، والنسخة التانية اتبخر بيها ، والنسخة التالتة أعملها حجاب وأدرعا في رقبتي . تحياتي وأطيب أمنياتي حامل المسك عاطف عبدون مشكوووور على امتاعنا بحوارك المرتب مع سوما لك الود |
سنجاوي سلمات شكرا علي هذا الحديث الانيق في حق الرقيقه سومه والانيق جماع
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: بنفسج)
|
Quote: عزيزي عاطف لك تحايا (كُتار) وعبرك اخلصها تحايا للرائعة فينا البطحانية الجنيدابية ولسردها اعلاه والذي حكى وحكى حرفه عن جمال استحقت هي ان يتلبسها بكل الفخر.
عاطف،سومه دوموا بخير |
بنفسج يا اجمل الوانى سلااااام بكل لغة اهلنا ومحنتهم شكرا للطلة يا ابن اهلى العزيز الشوق محنه والله يا بنفسج وين الحى بيك بركة الشفناك الليلة جيت شايل معاك نسايم الاهل الحنينه شكرا قدر دعواتهم الطيبه ايها البنفسج الشفيف شكرا خدار وقيف
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: ateif abdoon)
|
الاستاذ عاطف شكرآ على هذا الحوار الجميل مع الشاعرة المبدعة اسماء الجنيد. استمتعت بقراءته وتعرفت اكثر على تجربة الشاعرة اسماء ومواطن ابداعها ومحركاته. واعجبنى كلامها عن زوجها الشاعر هو ايضآ. فهو يدعم تجربتها الشعرية والابداعية ويحرضها على الكتابة. فله الشكر والعرفان. ولقد وقفت عند اجابة اسماء على احد الاسئلة. حيث قالت انها لا تحب السياسة على الاطلاق. فى حين ان كل كلمة من اجابتها كانت سياسة. هل لاسماء ان توضح لنا هذه النقطة اكثر.؟ هنا نص الاجابة
Quote: اننى فرد من المجتمع السودانى الشفيف ، يشعر بآلام غيره ويفرح لكل الناس .. اعانى من الغربة والهجرة القسرية . احساسى ترجمته كتابة لاهلى الغبش فى كل ربوع السودان .. تؤرقنى هموم وطنى وبلدى الحبيب .. احس بمعاناة الغلابة وافرح لرموز بلدى فى كل مكان .. لا اميل لأى لونية .. و لا احب السياسة على الاطلاق .. لكننى كتبت عن وجع البلد .. لا استطيع ان احدد الى اى مدى نجحت تجربتى ، ولكن القارىء والمتلقى هو الذى يقول ولى الفخر بسماع رايه ايا كان ، للاستفادة والاستمرارية الى الامام ... |
واعجبنى كذلك تفاؤلها فى نص هذه القصيدة. والاشواق العظيمة للحياة والنماء والخصوبة والعطاء. شدر الهشاب .. اتشابا لي ضل السحاب داير المطر .. خايف اليباب .. شاف ليه غيمه .. قال سراب . ماظن تمطر كوم تراب .. فجأة انهمر ..من غير حساب .. بل الندى وعطر هضاب .. بكت السماء.. رحل الرهاب دنت الطيور من الضباب .. ركت تحت رسمت رحاب رحل اليباس رحل الخراب .. شدر الهشاب فرهد طرب من تانى بى عودة الشباب جدع صميغاتو ورقص.. رقصة غريب عاد للوطن بعد الغياب
| |
|
|
|
|
|
|
Re: (السوداني) تحاور الشاعرة اسماء الجنيد ..... في حوار فوق العاده (Re: Adil Osman)
|
Quote: النزير
ما نسيناك
بس سومه تجي من عمرتها بالسلامه
وحتسمعو تسجيل صوتي لي اشعارها
عاطف
|
Quote: تسلم ياعابدون يا ذوق، وعمرة مبرورة إن شاء الله لحبيبتنا سومة، بس يا أبوعاطف حقو من هسا تبدأ تنزل فى الأغاني والتسجيل، لأنو خايفين سومة دي تجيء راجعة من العمرة وتطلع لينا الأغاني والقصائد دي حرام وتحرمنا منها
النزير |
سومه
الوعد كان بناتنا انك
........
| |
|
|
|
|
|
|
|