الرائد المسرحي الراحل " عوض صديق " اونلاين ..

Quote: * الشجعك منو من الممثلين؟ - الراحل عوض صديق وكانت بيناتنا علاقة حميمة جداً وأنا اقول ليك كلام أنا حتى الآن وكل ما ادخل الاذاعة اتذكر هذا الرجل الخلوق الشهم الكريم الانسان.. وامكن يكون هو السبب في ان تواجدي داخل الاذاعة اصبح قليلا.. أنا بترحم على الاستاذ عوض صديق وبدعو كل قراء الصحافة يترحموا عليه.. وعندي مع الاستاذ عوض صديق موقف طريف وأنا لا أنساهو أبداً وكنا بنسجل في برنامج أسبوعي اسمه أسألوا أهل الذكر في الاذاعة وطوالي بيكون الاستاذ عوض صديق «أبوي» وأنا بكون الابن والاستاذة فائزة عمسيب بتكون الام ، يوم جاء الاستاذ عوض صديق زعلان ورمى الورق وقال ما دائر امثل.. سألناهو ليه يا استاذ؟؟ قال طوالي انا الأبو والكندي الابن قمنا قلبنا الادوار بقى هو الابن وأنا الوالد وفائزة عمسيب مثلت البنت وقلنا ليها عطشى الجيم شويه يا استاذة..

(عدل بواسطة عصام ابو القاسم on 07-21-2007, 05:05 PM)