|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
انا ام درمان كلمة انا ما بتنقدر ما بتنستر وقاسية على اللسان وبدرب السيل ما بتنحدر
لكن ؟؟؟؟؟؟
انا ام درمان انا بقدره وانا بستره وبعرف حقوقه واقدره واوريك كمان سر البيان انا الحقيقة وانا الوثيقة وانا التراثوانا الاساس وانا الركيزة الساسه ناس على كل حال انا بفتخر وانا بختصر وانا بزدجر واهتف اقول انا بت سيول منحدرة من اشرف مكان انا الحقيقة وانا الشريعة وانا الطريقة وانا البيان انا ام درمان انا ام در مان انا السودان انا الدر البزين بلدى انا البرعاك سلام وامان وانا البفداك يا ولدى
اكمل ولا كفاية
تحياتى لكل محبى وطنى تحية خاصة لمحمد هارون ام وضاح
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: يا سلام يا فدوى ... كم الوطن عزيز على قلوب الشرفاء كما قال (فولتير).
قد أغيب لبعض الوقت وأترك هذا البوست أمانة عندك يافدوى.
تحياتي |
الوطن لانستطيع ان نصمد تحت عظمته فهو الام والاب والصدر الحنون يضمنا بكل حب وحنان
وامانتك فوق عيوني لحدي مااطلع انشاء الله تسلم كتير
ياوطن ياكلو طيبه ياارض زاهيه وخصيبه يازهور لمن تفتح تملا كل الدنيا طيبه ياوطن ياكلو طيبه
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: يا بلادا حوت ماثرنا كالفراديس فيضها منن فجر النيل في اباطحها يكفل العيش وهي تحتضن رقصت تلكم الرياض له وتثنت غصونها اللدن وتغنى هزارها فرحا كعشوق حدا به الشجن حفل الشيب والشباب معا وبتقديسه القمين عنوا نحن بالروح للسودان فدا فلتدم انت ايها الوطن انا سوداني انا .. انا .. انا سوداني انا.. |
الأخ العزيز قرشو شكراً لك وأنت تخط تلك الأبيات الرائعات مخضبة بلون الدماء. القومة ليك يا وطني.
تابع معنا وأتحفنا بالمزيد والمزيد.
تحياتي
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: الأخ العزيز قرشو شكراً لك وأنت تخط تلك الأبيات الرائعات مخضبة بلون الدماء. القومة ليك يا وطني.
تابع معنا وأتحفنا بالمزيد والمزيد.
تحياتي |
الشكر لك انت اخى محمد هارون الذى فتحت لنا نافذة لحب الوطن فى الوقت الذى اصبح حب الوطن تهمة لدى البعض حقا ان حب الوطن يجب ان يفهم بمعناه الصحيح ولا يصنف بأنه انتماء لحكومة او لفكر معين فالوطن ليس حكرا لاحد وليس ملكا لاحد فالوطن للجميع وبالجميع ...
لك تحياتى على روحك الوطنية الطاغية
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: الشكر لك انت اخى محمد هارون الذى فتحت لنا نافذة لحب الوطن فى الوقت الذى اصبح حب الوطن تهمة لدى البعض حقا ان حب الوطن يجب ان يفهم بمعناه الصحيح ولا يصنف بأنه انتماء لحكومة او لفكر معين فالوطن ليس حكرا لاحد وليس ملكا لاحد فالوطن للجميع وبالجميع ...
لك تحياتى على روحك الوطنية الطاغية |
أخي قرشو هذه المره (مسكتني من إيدي البتوجعني) - دعنا نعقد صداقة في حب الأوطان.
وبهذه المناسبة أهديك هذا البيت الطاغي: إني لأبذل أنفاسي بلا ثمن حتى أراك كما أهواك يا وطني.
للأسف يا صديقي قرشو إنني لا أدري من قائل هذا البيت العجيب.
تحياتي
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: [شكراً كثيراً أخي دوت مجاك على مرورك الذي أضفى عبقاً إستوائياً فاح في كل المكان.
على فكرة أنا عامل Temporary Exclusion للسلطان دينق لأني خايف من جماهيره العريضة
لكن عشان خاطرك حا أسحبه.
|
الاخ محمد هارون ليه حاظر السلطان دينق اتمنى تسحبه (لو سمحت ) طبعا بس عنوان الموضوع ليه محدد ناس (يمتنعون) مؤكد نحن هنا من اجل (الوطن) وكل شئ (يهون) ليس بالضرورة ان نتفق
ولا (كيف)
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: طبعا زول زي دينق لا يحق له بأن يكون جزء من هذا الوطن الظالم, ومنذ متى كان لنا وطنا نتباهى به للناس أجمع؟ وطن يقتل أبنائه وشردهم ويعزبهم وطن لم يحسن الاستفادة من خيرة أبنائه. وطن لا يوجد به غير الزل والمهانة. وطن يحكمه البلطجية والقتلة وفي أحسن عهوده طائفية دينية. لتلك الاسباب حمل أبناء الهامش السلاح في السودان لكي يصححون معنى كلمة الوطن وللتعريف الصحيح لكلمة الوطن. هذا الوطن إذا لم يتساوى به الجميع, فهوا لن يكون وطنا. ولذلك أني أبشرك وأبشر معك كل الاقصائين بأن أهل الهامش لم تعد ترهبهم مثل هذا الدولة الظالمة ابدا. يعني حقنا بنقلعوا قلع. وعنده سوف نتغنى للوطن العادل الذي يحفظ لجميع السودانين كرامتهم وحقوقهم.
دينق. |
أوووووووووووه سلطان دينق ذات نفسه ايه المفاجآت دي يا زعيم!!!
أولاً: أغنية العطبراوي أطربتني جداً فأشكرك على هذه المساهمة الوطنية القيمة.
ثانياً: أكثر ما يحيرني يا دينق هو نزعتكم الراديكالية الموغلة في العنف والدموية رغم أنكم تعيشون بين شعوب تقدس الحياة وتنبذ الحرب كأداة للتغيير السياسي والإجتماعي. موقفكم وقناعاتكم في تقديري تفتقر أو بالأحرى ينعدم فيها الحس الوطني الذي يعصم الوطني الغيور على بلده من الإنزلاق في هاوية التعصب والعنصرية والإنفصالية.
هل يعجبك يا دينق أن يستمر الصراع المسلح والإنفلات الأمني في ربوع بلدنا الحبيب والذي سيفضي حتماً إلى التفكك والتشرذم والإنفصال؟؟ الم نتعظ من مآسي الماضي الذي لا يزال ماثلاً بآلامه وأوجاعه ودمويته أمام اعيننا؟؟
أعرف أنك تمقت حكومة الإنقاذ لدرجة الجنون لكن هل هذا مبرر لشتائمك التي لا حصر لها لبعض أعضاء المنبر فقط لأنهم خالفوك الرأي !!! العطبراوي فنان سوداني وحدوي أصيل لم يدع يوماً إلى تمزق السودان كما تفعل أنت وصديقك شاهد الملك المزعوم بشاشا.
تابع معنا وسنوافك بالمزيد.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
الجلابي محمد هارون.
Quote: أوووووووووووه سلطان دينق ذات نفسه ايه المفاجآت دي يا زعيم!!!
أولاً: أغنية العطبراوي أطربتني جداً فأشكرك على هذه المساهمة الوطنية القيمة.
ثانياً: أكثر ما يحيرني يا دينق هو نزعتكم الراديكالية الموغلة في العنف والدموية رغم أنكم تعيشون بين شعوب تقدس الحياة وتنبذ الحرب كأداة للتغيير السياسي والإجتماعي. موقفكم وقناعاتكم في تقديري تفتقر أو بالأحرى ينعدم فيها الحس الوطني الذي يعصم الوطني الغيور على بلده من الإنزلاق في هاوية التعصب والعنصرية والإنفصالية. |
يعني علشان دينق وأمثاله من ناس الهامش لمن شالو السلاح للدفاع عن نفسهم بقوا ذو "ننذعة راديكالية"؟ علي أهل الهامش قبول ظلمكم تحت دعاوي"الحس الوطني"؟
Quote: هل يعجبك يا دينق أن يستمر الصراع المسلح والإنفلات الأمني في ربوع بلدنا الحبيب والذي سيفضي حتماً إلى التفكك والتشرذم والإنفصال؟؟ الم نتعظ من مآسي الماضي الذي لا يزال ماثلاً بآلامه وأوجاعه ودمويته أمام اعيننا؟؟ |
من هم السبب في كل ذلك اليس هي دولتكما الظالمةالمعروفة بدولة الجلابة؟
Quote: أعرف أنك تمقت حكومة الإنقاذ لدرجة الجنون لكن هل هذا مبرر لشتائمك التي لا حصر لها لبعض أعضاء المنبر فقط لأنهم خالفوك الرأي !!! العطبراوي فنان سوداني وحدوي أصيل لم يدع يوماً إلى تمزق السودان كما تفعل أنت وصديقك شاهد الملك المزعوم بشاشا.
تابع معنا وسنوافك بالمزيد. |
شوف يا زول أنا إنسان حر في أختيار من أكره ومن أحب, لقد أنتهى زمن خداع الناس منذ زمن بعيد. فضح نظام الابارتيد الذي نعيشه في السودان منذ الاستقلال. العبوا غيرها يا كيزان ويا عنصري السودان وليس البيضان. العطبراوي بتاعك ده مش كان أحسن له أن ينسب الكرم الى أهله السودانين لأن العرب لو سمعوا ذي كلاموا ده رد الفعل حيكون والله السوداني طيب.
دينق.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: يامحمد هارون
كيفك
ياخى وطنك مشتاق ليك وجرب تعال وارتاح من ال homesickness
هسع عليك الله اصحابى ديل مدخلهم ليه فى homesickness بتاعك ده يا تعبان |
قريبي السمح أحمد أمين - وينك ياراجل - بالله دي عمله تعملها تخلينا في الهم ده. جماعتك ديل قلت ليهم يمتنعون لكن تقول شنو شايف دينق على طول منحني لقب (جلابـــي). يا أخي شفت ليك بقاري بقى جلابي بالسرعة دي
تحياتي يا ود أمين والله زمان.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: فدوى تعانق الوطن ... بس في ناس ما عندها عيون بتعاين للخير الكتير يا فدوى.
غاب عني في زحمة الأحداث أن أشكرك على تحمل الأمانة بالأمس ,,, إنتي أدها وأدوووووووووووووود.
تابعي معنا على الدوام وجودي لنا بالمزيد. |
ابدا مامستنيه شكر دا احساسي حقيقي تجاه الوطن المثالي بلادي جنة آمالي وبحمل هسه في الاغنيه بس تخلص ورافعها علي طول يارب تسلم كتير
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: شوف يا زول أنا إنسان حر في أختيار من أكره ومن أحب, لقد أنتهى زمن خداع الناس منذ زمن بعيد. فضح نظام الابارتيد الذي نعيشه في السودان منذ الاستقلال. العبوا غيرها يا كيزان ويا عنصري السودان وليس البيضان. العطبراوي بتاعك ده مش كان أحسن له أن ينسب الكرم الى أهله السودانين لأن العرب لو سمعوا ذي كلاموا ده رد الفعل حيكون والله السوداني طيب.
دينق. |
دينق رغم قلمك المدرار وبديهتك الحاضرة إلا أنك في بعض الأحيان تضرب على نفسك حصاراً فكرياً تسميه قوى الهامش إمعاناً منك في العناد والهمجية. حريتك ملك لك حب من تحب وأكره من تكره لكن أن تتحول هذه الحرية إلى شبح يطاردنا في اليقظة وفي المنام ويغتال فينا الإحساس بالأمن والطمأنينة هذا ما لا نغفره لك أبداً.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: وطن الجدود نعم الوطن خيراتو كم يتدفقن آن الاوان ان نمتحن فى سبيلوا لا نطلب ثمن وطنى وطنى وطنى وطن الجدود نفديك بالارواح نجود
الاخ محمد هارون البوست الجميل ده خليهو جميل
راجعة تانى وتالت ورابع ام وضاح |
الشكر كل الشكر لك يا أم وضاح وأنت تشاركين في تذكير الشيب والشباب بحب الأوطان. الشيب طبعاً أعمتهم الحزبية الضيقة والشباب يحبون دائماً الإبحار في الأمواج العالية ولا يتنبهون للمخاطر إلا بعد فوات الأوان يا حسرة.
لك كل الود والإجلال.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: محمد هارون.
كمان طلعت من دارفور وعايش في لندن.
ياترى السبب الطلعك من السودان شنوا؟
بعدين بما أنك من دارفور وين صوتك في الذي يحضل بدارفور ده؟
دينق. |
سلطان دينق ياأخي إنت طلعت (فشنك ساكت)
يعني عامل ماقريت المداخلات بيني وبين تراجي ومحمد سليمان؟؟ طيب قاعد في المنبر دا تسوي شنو!!!
بعدين الكلام اللي كتبتو دا ما جبتو من البروفايل قايل نفسك أكتشفت سر عظيم!!!
يعني ما تعملش من الحبه قبه (Don't make a mountain out of a molehill)
فتك بعافية
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: سلطان دينق ياأخي إنت طلعت (فشنك ساكت)
يعني عامل ماقريت المداخلات بيني وبين تراجي ومحمد سليمان؟؟ طيب قاعد في المنبر دا تسوي شنو!!!
بعدين الكلام اللي كتبتو دا ما جبتو من البروفايل قايل نفسك أكتشفت سر عظيم!!!
يعني ما تعملش من الحبه قبه (Don't make a mountain out of a molehill)
فتك بعافية |
محمد هارون.
تفوت بعافية كيف والبوست بوستك؟
أنا ما قريت مداخلاتك مع تراجي. أشرح لي أنت. والبروفايل بقول أنت من دارفور في شنو تاني ومقيم في بريطانية. هل أنت دبلوماسي تعمل بالسفارة السودانية هناك أم لاجئ ؟
دينق.
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: الشكر لك انت اخى محمد هارون الذى فتحت لنا نافذة لحب الوطن فى الوقت الذى اصبح حب الوطن تهمة لدى البعض حقا ان حب الوطن يجب ان يفهم بمعناه الصحيح ولا يصنف بأنه انتماء لحكومة او لفكر معين فالوطن ليس حكرا لاحد وليس ملكا لاحد فالوطن للجميع وبالجميع ...[/QUOTE] Thanks Girshu
Quote: قيل لأعرابي: ما تصنع بالبادية إذا اشتد القيظ وحمي، ومتع الحر؟ قال: يمشي أحدنا ميلاً حتى يرفض عرقاً، ثم ينصب عصاه، ويلقي عليها كساءه، فكأنه والله، في إيوان كسرى |
| |
|
|
|
|
|
|
Re: وللأوطان في دم كل حر ............. بشاشا ودينق وتراجي يمتنعون. (Re: Mohammed Haroun)
|
Quote: محمد هارون.
شايف أنت جبان كيف؟ حتى ما قادر تقول أنت في لندن بتعمل شنوا؟ خليك أمين ومتصالح مع نفسك في المقام الاول. والزيك ده لازم يكون جنجويد و لابد في البورد ده. علشان كده نحن نكشفك ونكشف أرنبياتكم للناس أجمع.
You are typical Lndu
دينق. |
دينق يا فضولي خليك في الأوهام بتاعتك دي. مرة جلابي ومرة جنجويد يا أخي أرسى ليك على بر - بعدين الكلمتين المافي غيرهم ديل سمسرتو بيهن لا من بقن ما عندهن طعم زاتو.
يا أخي إنت كاتب في البروفايل بتاعك أربعة ولا خمسة كلمات بس والناس ما حققت معاك ولا قالت ليك أنت إسمك بالكامل منو. بالله في كم سوداني اسمهم دينق يامزواغ؟؟
| |
|
|
|
|
|
|
| |