|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: mekki)
|
الغالي هشام والله ليك حق تفرح! خليك انت نحن فرحانين بتخريج عصفورتنا الرقيقة الدكتورة نبراس ياخي عقبال يتخرجوا كلهم ثم يتخارجوا وتقعد أنت ودرية تحاحو الأحفاد مبروووك والعقبال لحبيبنا صهيب و اللذيذة رفيدة والتهاني موصولة من ناصر وابو ناصرو نونو وزوكةوزغرودة من رزاز ومني وسوني
اختك شمسون
| |
|
|
|
|
|
|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: omar altom)
|
يانبراس
جيتى الليلة شايلة جمال خصالك ، عزة روحك الشامخة، وطفولتك وفرحتك بالناس جيتى الليلة شايلة الذوق ، أدب ولباقة غير ما فيك من اوصاف ولا بتنقاس ده غير الابتسامة الحلوة يا مغمورة بالافراح وغير الرقة فى الاحساس وجايبة ليك دليل مختوم كمان لى عقلك الكامل ونباهتك ، وطيبة من الساس؟ أبشرى بالجمال والبكرة والحلم الختاه نعاس
ابشرى بالأمانى السمحة يا مبروكة من تبيتى ..ابشرى بالعبير والماس يالبريتى بوالديكى والحواليكى ..رفعتى الراس ابقى الدايرة داك تبقيه ..ابقى الفاس اكسرى الراس
(بس ما يكون نفس الراس الرفعتية فى البيت القبلو ده ههههه)
| |
|
|
|
|
|
|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: Elawad)
|
الأخ العزيز هشام ،
ألف ألف مبروك بتخرج الإبنة نبراس ، وربنا يوفقها كمان وكمان لمزيد من الشهادات العليا ،وتفرحوا بيها دائماً وأبداً ونحن معكم كذلك . ومزيداً من التقدم دكتورة نبراس ، وعين الله ترعاكي والوالدين .
تهانينا بهذا النجاح الباهر ، وعلى كده يمكنكم من الآن شطب فاتورة علاج الأسنان من ميزانية الأسرة ،وكذا من ميزانيات الصحاب و(الربع) في جده وضواحيها .
ويا نبراس ، الله يعينك في مقبل أيامك ، و أمانة ما تعبتي مع أسنان عواجيز جدة وماجاورها !.
أخي يازول ..
الحمد لله نحن بعيدين ومانا عواجيز وأسنانا حديد !؟!؟
و.. مليون مبروك مجددا ، أخي العزيز مع قواسيب مودتي .
( ج. ليمو )
| |
|
|
|
|
|
|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: يازولyazoalيازول)
|
أبو الدكتورة...
مبروك عليكم وعلينا نجاح الإبنة نبراس,,
ويا ربي تكون إسم على مسمى وتضيء دروب
المرضى بالأمل... ويارب ما يمضي وقت
طويل وإلا تكتشف لينا جين(Gene) يكون مسئول
عن التسوس .. وبعدها ب 6 شهور تتوصل للمعالجة الهندسية الوراثية ليهو
قول يا رب.. أنت قايل دي بعيدة على ربك؟!! تب ماها بعيدة
كدي أرجع لوراء وتذكر ولادتها وسمايتها.. ودخولها الروضة.. كأن ذلك
كان بالأمس القريب.. وهكذا تمضى السنون.. ومن نجاح لنجاح يارب
يا زول قول يارب...
| |
|
|
|
|
|
|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: غباشي)
|
الغالي هشام والله ليك حق تفرح 000 خليك أنت نحن فرحانين لعصفورتنا الرقيقة الدكتورة نبراس انشاء الله يا رب يتخرجوا كلهم وكمان يتخارجوا وتقعد أنت ودرية تحاحو الأحفاد عقبال لحبيبنا صهيب واللذيذة رفيدة وبقية العقد الفريدالتهاني موصولة من ناصر وأبو ناصر ونونو وزوكة و زغرودة لدرية من رزاز ومني وحسن رافع يدو قال ليك ابشري! معليش دخلت باسم اباذرعشات مسكينة ما عندي اشتراك شمسون
| |
|
|
|
|
|
|
Re: الفرحة لا تسعنى بحصول بنتى (نبراس) على بكالوريوس طب الأسنان (Re: غباشي)
|
الغالي هشام والله ليك حق تفرح 000 خليك أنت نحن فرحانين لعصفورتنا الرقيقة الدكتورة نبراس انشاء الله يا رب يتخرجوا كلهم وكمان يتخارجوا وتقعد أنت ودرية تحاحو الأحفاد عقبال لحبيبنا صهيب واللذيذة رفيدة وبقية العقد الفريدالتهاني موصولة من ناصر وأبو ناصر ونونو وزوكة و زغرودة لدرية من رزاز ومني وحسن رافع يدو قال ليك ابشري! معليش دخلت باسم اباذرعشات مسكينة ما عندي اشتراك شمسون
| |
|
|
|
|
|
|
|