Quote: الغنا دا يا هو الجناح البنحلق بيهو فوق واقع الازمة و بنعبر بيهو بحر الهزيمة! هزيمة الخمسين سنة الفاتت ، لانو ماهو غنا وبس ، بل جزء اصيل بشكل منظمومة وعينا ! وهو يهُز الارض من اعماقِها ! لانو بالفعل حركة و فعل، بل و روح الامة .. وقال ابوصلاح كيف الامة تعشق بلاكا .. يا مراهم جروحا .. و يا مِلكا و ملاكا
Quote: بزداد حبنا للبلد و غنا البلد و تتفجر فينا ينابيع الاصرار باننا نحفظ و نحمى تراثنا من التشويه و التغييب ، و محارق التتر و المغول
لم أجد أجمل من كلمات د. أحمد طراوة هذه لأستهل بها هذا البوست... هذا البوست دعوة للجمال والاستماع والاستمتاع بأغنيات من درر الحقيبة وهذه دعوة لكل عشاق الجمال والحقيبة لنتشارك ونتبادل كل ما هو جميل، ودعونا نساهم في رفع راية الجمال والذوق الرفيع في هذا المكان
اشوف نعيم دنيتي وسعوده امتي ارجع لامدر واعوده امتي تلمع لي بروق رعوده حظوظي تنجز لي وعوده روحي ضاعت في النار قعوده ليا هون ياربي عوده
اشوف حبيبتي وانظر خدوده عساها ترحم تكون ودوده مسامعي تسكر من ردوده وتطفي ناري الفاتت حدوده
اشواق كتيره الدموع شهوده وللمنام العيون زهوده في الهجر روحي ضاع مجهوده ولم تزل حافظه لي وعوده
يالمن فراقك ايامي سوده خلاف وصالك دايما كسوده غير محاسنك مين يسودها الملوك وياسر اسوده
ابواب لقاها ام خدود موصوده نار العذاب في الفؤاد محفوظه هناي منية روحي مقصوده اشوف رشيم يضوي بين فصوده
من ابيات قصيده محمد بشيرعتيق قوم نرتشف خمر الهوي
قوم نرتشف خمر الهوي..ونذكر أحاديث الغرام...... علي شاطئ النيل السعيد * * * الطقس معتدل الهوي ..قوم يا حبيبي نمر سوا في خميله والعالم نيام والروض حلا وبسم الزهر مضي اسمه في سطح النهر والقمري يهتف بي اهتمام..من كل فن يبدي ويعيد * * * ميل يا حبيب طوع الهوي بقوامك الضمار هوا اسقني من طرفك مدام اسمعني من فاهك درر..ومن شعري هاك آيات غرر فيك هوي رقة وابتسام ومياس قوام وعيون وجيد...... * * * بعد الجفا وطول النوي والفرقه والشوق والسقام جفاني لطفك يا حبيب..اياك سمير وانت الطبيب يا الفي ظلال نعماك ريب انا عشقي لي غيرك حرام..فيك شعري...يا روح القصيد
07-09-2007, 09:22 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
الرجل باذخ الإنسانية م/ أبوبكر شرفني حضورك كثيرا وعليه سأهديك أغنية لقريبك خليل فرح تسلم وتحياتي للمدام
في الضواحي كلمات والحان : خليل فرح
في الضواحي وطرف المدائن يلا ننظر شفق الصباح
قوموا خلوا الضيق في الجناين شوفوا عز الصيد في العساين يلا نقنص نمرح نعاين النهار ان حر الكماين كلبي يا جمجوم أصلو خائن شوفو كيفن يبرا الملاين هب شالا وكشح المراح
للقنيص الخيل خف راسن نحن ما بنخاف من مراسن المكارم غرقنا ساسن والمجاهل من غيرنا ساسن ان عطشنا نمز مر وآسن وان عشقنا بنعشق محاسن في المحاسن كفي يومنا راح
ويا الطبيعة الواديكي ساكن مافي مثلك قط في الأماكن يا جمال النال في ثراكن يا حلاة البرعن أراكن في قفاهن تور قرنو ماكن لا غشن لا شافن مساكن في الخزام والشيح والبراح
ومال نسيم الليل ببرودك نامت الأزهار فوق خدودك غرد العصفور فوق عودك النفوس ما اتعدت حدودك ما عرفنا عدوك من ودودك بس أنا المقسوم لي صدودك يا حياتي وأملي اللي راح
شوف صباح الوادي وجمالو شوف خدارو وعاين رمالو شوف يمينو وعاين شمالو شوف نسيم الليل صاحي مالو شوف فريع النال من أمالو والبدر خجلان من كمالو والصباح لاح بهل الوشاح
ويا أم لسانا لسع معجن كلمه كلمه وحروفا ضجن ديل خدودك غير داعي وجن ديل عيونك من نظره شجن دا دلال أيه دا دلال معجن محن الأمات يا رداح
اختي بت حيمورة نقبل دعوتك....وما قدرت الا علي دي...وانشاء الله ايامك ديمة فرح وجمال
ولى المساء
ولى المساء الواله المحزون في جـوف الضباب و أنا اهيئ زيـنتـي و اعد مفتخـر الثياب آمـلا لقياك الحبـيـب و يصـدنـي زهو الشباب
“““““““““““““““““ أمسـي مـضـى بين التحسر والأنـين و وسـادتي بـلـلتـها بالدمـع و الدمـع السخـيـن مـع تباشير الصبـاح و بسمة الفجر الأميـن غنـيـت مـثـل الطـيـر فـرحا فـي ريـاض العـاشـقيـن
~~~~~~~~~~~~~~~~~~ تـسرى النسائم عذبة و أنا اهيم بلا ملال و تقودني الآمال في دنيا المباهج و الخيال وهناك أرقد في الرمال ولا أرى غير الرمال
““““““““““““““““““ غدا أذوب مهجتـي في حر أنفاس الغرام ارنو اليك وا لوعتي ظمأا تأجج في ضرام و أبيت أعشق في الدجى طيفا ينادى في منام أنا لن أعيش (..) بحبه أنا غـيـر أحبابي حطام
~~~~~~~~~~~~~~~~ غدا نـكون كـما نـود و نـلتـقي عـند الغروب غـدا تجـف مـدامـعـي و تزول عن نفسي الكـروب غدا تعود مـبـاهجـي غـدا حـبـيـبـي حـتـما يعـود!
07-09-2007, 01:15 PM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
عليك الله يا أبوذر شوف شغل الرق دا هنا كيف!!!!! جارو اهلك لشاعر / محمد علي عبدالله (الأمي) -------------------- جارو اهلك وجورم أمـر بالبعـاد والأمـر الأمـر في ديارم حجبـو القمـر البديع الساحـر الفكـر بالجمال والحياء إنشكـر حسنو يرمي الزول في وكر شوفتو تسكر من غير سكر للقلوب ياصاحي إحتكـر كي يخلف خالـد الذكـر مفخر الأجيـال والدهـر حسنو أعجب على ماظهر في خدودو الحياء إزدهـر والطبيعه تناجـي الزهـر تدي منظر جـذاب بهـر زي نجوم السماء في النهر نـورو للبدريـن إحتقـر البهيـج النضـر الاغـر يـزدري البـراق بالثغـر المحشـم مـن الصـغـر منّو كل الناس فـي بغـر فيه شارد الحسن إستقـر من عيونو كيـف المفـر كم بأفئده وأعيـان ظفـر محيو فيـه البـدر السفـر وجيدو جيد الظبي النفـر كل عهد الحسـن الوفـر زول ويوزن مليون نفـر حبي هاك القـول الأبـر والعيان يغنيك عن خبـر كم نظرت في دهري العبر نظرة الـي الحيـاة إعتبـر الجزع في الناس والصبـر شفنا طوع القضاء إنجبـر لو بحجبو الأمـر الصـدر مابحجبوا دمعي اللنحـدر كل شي إن صفا أو كـدر في أيادي القضـا والقـدر أما دهري إن صد أو غدر البعرفـوا الوفـاء مانـدر
07-09-2007, 12:07 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
يا سليم الذوق يا الجمالك صار زينة الأيام متعة الأبصار ** سامي حسنك جل عن حصر وحصار وكل جميل لجمالك نوره والإبصار حسنك إنت يدوم والليالي قصار هو في القصور آثار لمفاتن الأبصار ** نور جمال متسلسل من خيار لخيار نظم الكواكب سلسل كوكبه السيار في الفرقدين والزهرة حبيبي ليه ديار ما في سماء الدنيا بعيد على الطيار ** يا كنوز الدنيا الضامر الأسرار أنا غير هذا الوجه ما بي من أضرار قرة عيوني جمالك وقلبي ليك كرار إنت حاكم ظالم وحر من الأحرار ** في كل شيء برهان رغماً عن الإنكار مهما أداري هواك يهزني التذكار أنشد قوافي ثناك وأتعمد الإنكار من كل معنى طريف في غاية الأفكار ** فوران عواطفي يمثل كل شيء صوار أستنجد المستنجد وأنشد الغوار وإذا عذولي بدالي وقصده يبدي حوار أتناسى إسمك عمداً وأقول له دا النوار
مسوا نوركم شوفوا من جبينا صباح الصباح إن لاح .. لافائدة في المصباح *** هل أتاك حديث الكوكب النضاح قمره تمطر خمره وحارسه الفضاح أو تحيجنا محاسن الشمس للإيضاح مابتحيجنا محاسن محيها الوضاح *** القوام اللادن الأريج الفاح من جسيمها الناعم الأثمر التفاح خلا عقلي وخلا في هواي كفاح جيش هواها أحتل قلعة الأصفاح *** فيك نظرنا محاااسن يعلم الفتاح لوقفلنا قلوبنا كان لهن مفتاح أجرى أو لم أدري صرت كاللمتاح لورضاك هلاكي أنا للهلاك أرتاح *** يا لياالى احباابى ماشفيتي جراح بل شقيتي فؤادي بمدية الجراح كل هذا تراه مابيزيل أتراح من يحبه تهالك أستراح وراح *** نور جمالها دهشنا معر الفصاح بين ناطق صامت وبين صامت صاح غانية غانية محاسن فيها شوف ياصاح الجمال الفيها كل معنى صاح *** ماجنيت في هواك وماعلي جناح أشتكيت للقمري لم يعيرني جناح يكفي لساني الغنى ليك وليك كم ناح لورثيت به حياتي ماإحتجت لي مناح
07-09-2007, 12:19 PM
فدوى الشريف فدوى الشريف
تاريخ التسجيل: 09-14-2006
مجموع المشاركات: 5390
ودي عربون محبة ذبت وجدا في هواك محمد بشـــير عتيق +++++++++++ ذبت وجدا في هواك يا حبيبــي لــــــم أزل عايش على سفح الأمل يا من صليتني بنار هواك رفعــــت فنـــي لمسـتواك أنا في الغرام حامـل لواك في قربى أو في حال نواك قـط لم أفــكر في ســــواك رغم العـزل لي فيك غــزل برتاح لأنشــــودة غـنـــاك وأنظم عقود زي نور سناك أنا في الغرام حافظ ولاك شعوري ما أستيقظ بلاك والحكمة يا زينة حـــلاك تزداد جمال وأزداد هلاك حسنك ضمر حامى السمر تيهك أمــر ليـه يا قمـــــر تتواري عنى في ثوب حياك ويبهر عيوني شعاع ضياك يا المن خيالك اختشاك بخمور دلالك انتشـــاك بحبي ليك لو انتشــــاك بالله سل نسمات عشاك وبيك جواي ومبلغ هواي وأنا طبي في خمرة لماك لكن محال ألحـــق سمـاك
07-10-2007, 10:02 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
بى هوى الخلخال.......لي حبيب الروح جيبلى طيب الحالي........يانسيم ....الليل ******* قولو نام الخالي...............وهو يتخيل رنة الخلخال بالنظر اسخي لي.........هنئ بى رؤياك الحياة الماسخالى ********** النسيم هبى لي..........يا حسينت الذات الجمر هبى لي ياحبيب رحماك.............لا تزيد بلبالى ولا تكون شكواي.....موية في غربالي ******* قال لي فيق يا غالى..........إن تنل شكواك لي لست أبالى كلما أطراك...........العقل يابالى يا حبيبي البى............حنن اليابالى ********* كم وكم قبالى...........قلبو مشغول بيك وانت ماك مبالي آه كلما أطراك........لا اعى اقبالى صرت من البى ........شخصي كاد يغبالى ******** لامني فيك الوالي......واللّ ما بيسوى وكل من يأوى لي لست اعبأ بى .........زخرف الأقوال برضي في التبريح.....والبكى المتوالي ********** ياعزول اجمالى......اهنأ بى رؤياك خلنى واعمالى لا حياة لي ......لولا ما الآمال خلنى وبلواي.......انت مالك ومالي ********* يا نسيم لي والى.........هب من المحبوب في كلا الأحوال ها أنا الراجيك ......... واقفا لنوالى وقفة المرؤوس .........في رجاء الوالي *********** هاك صافى مقالي.......يابديع الذات انت نور امقالى الجفا يانور.......العيون لي قالي هذا لو يرضيك..........حبذا يا غالى
دي هدية ليك وللأخ علاء الدين حيمورة خلي العيش حرام
كلمات: صالح عبد السيد ابوصلاح
خلي العيش حرام مادام اري الموت يحل ** ما بين الرميش والطريف الكحيل
هزاز صدره ميل فدع الخصر النحيل ** بالرجاج يقلع شبه المهر الوحيل النوم مني فر وقلبي ناوي الرحيل ** من غير المنام طيف الخيال مستحيل
بنخوض الرماح لو كان تزيد او تقل ** ونهاب من ضمير الاهيف المنفقل بنقابل المدافع بالثبات والعقل ** ونخاف سيف عيونه اللمعة يبرق صقيل
والاني اشتياق وقلبي اصبح وجيل ** واتمنت محاسنك روحي جيل بعد جيل والاكي الجمال يرفع لقدرك يجل ** واتمني الهلال ينصاع لي قديمك حجل
يا المنك معار تكحيل شويدن الخميل ** علمتي الغصون مع النسيم كيف تميل مختارك يحاكي الشولة دمعه الهميل ** والتختاره لي لا شك جميل يا جميل أضيع في هواك
أضيع في هواك يا مهفهف حرام......ما ذنبي عندك خلاف الغرام ********* حبيب قلبي زاد الفؤاد انضرام........يذوب قلبي لذكركم احترام خلاف قربكم خلى مالي مرام........وقرب المحب من شئون الكرام *********** وحيد في الجمال حبه لروحي سام.....يبق در عقيد فاطره في الابتسام مسلح عيون لحظه لجروحي سام.....وسيف العيون أقوى من الحسام ************** رقيق خصره سادل عليه الغمام..........يجاذبه النسيم في المرور كالذمام يميل بالشمال والجنوب والأمام.........يكاد أن يرك فوقه غصنه الحمام *********** بعادك صعيب يامدلل نعم...........وقربك الىّ من ألذ النعم وذكراك شرابي وشوقي الطعام......وليلة لقاك خير من ألف عام ************ عن وصفك لسان العزول في بكم.........محكم جمالك دقيق الحكم وكم أبدو ليك شكوىياخلى كم............وأنت خصيمى وأنت الحكم *********** جمالك شهير في الخلوق زى علم..........تقيد من شعاعك كواكب الظلام محال استنط لي عزولك كلام............أضيع في هواك يا بديع والسلام
أها ديل أغنيتين في أغنية .. رأيكم شنو؟؟
07-14-2007, 11:13 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
Quote: في الضواحي وطرف المدائن يلا ننظر شفق الصباح
قوموا خلوا الضيق في الجناين شوفوا عز الصيد في العساين يلا نقنص نمرح نعاين النهار ان حر الكماين كلبي يا جمجوم أصلو خائن شوفو كيفن يبرا الملاين هب شالا وكشح المراح
للقنيص الخيل خف راسن نحن ما بنخاف من مراسن المكارم غرقنا ساسن والمجاهل من غيرنا ساسن ان عطشنا نمز مر وآسن وان عشقنا بنعشق محاسن في المحاسن كفي يومنا راح
ويا الطبيعة الواديكي ساكن مافي مثلك قط في الأماكن يا جمال النال في ثراكن يا حلاة البرعن أراكن في قفاهن تور قرنو ماكن لا غشن لا شافن مساكن في الخزام والشيح والبراح
ومال نسيم الليل ببرودك نامت الأزهار فوق خدودك غرد العصفور فوق عودك النفوس ما اتعدت حدودك ما عرفنا عدوك من ودودك بس أنا المقسوم لي صدودك يا حياتي وأملي اللي راح
شوف صباح الوادي وجمالو شوف خدارو وعاين رمالو شوف يمينو وعاين شمالو شوف نسيم الليل صاحي مالو شوف فريع النال من أمالو والبدر خجلان من كمالو والصباح لاح بهل الوشاح
ويا أم لسانا لسع معجن كلمه كلمه وحروفا ضجن ديل خدودك غير داعي وجن ديل عيونك من نظره شجن دا دلال أيه دا دلال معجن محن الأمات يا رداح
والله يا اشراقة شرقتيني بحلاوة الكلمات وحلاوة اللحن الله يخليك يا الكل الجمال
07-12-2007, 08:45 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
الطيب شيقوق . إزيك يا عربي إنت زول مسادير ساكت .. كلام ناس المدن دا مالك وماله
لكن عشانك إنت وسيليكون الهدية دي
كيف الحياة غير ليمك كيف الحياه غير ليمك في بعدك أصبح حظي زي لون هضليمك يا نعيم الدنيا يا حليف الخدري التايه في نعيمك ما دام هاجرني أرسل لي نسيمك و أنعش لي روحي بندى جسيمك أو طيب المسك الفايح من تبسيمك يا أماني حياتي البيك نور إقليمك يتمنى التبري يلمع كأديمك مشتاقه الشمس تظفر بي ليمك تاخد من نورك تلثم لي قديمك يا فرع البانه المايل في خميلك من قامتوا حبيبي متعلم ميلك يا البدر التم ما بتم تكميلك لو ما تجعل لي محبوبي زميلك سيوف الهندي من لحظة عينك ليه بيها تصيبني إيه بيني وبينك غير كوني بريدك و حياة خدينك كف عني صدودك يا روحي و بينك ليك حق في صدودك و تيهك و تذليلك ليك حق تهجرني ... و يكتر تعليلك ما دام فردي ... على جيلك تمتاز بالعفه المانعني أجيلك مع صدك و هجرك لا زلت أريدك و منام عيني بين حظوظ جيدك تيه بي نعيمك مولاي يزيدك ضيعت حياتي تسلم لي إيدك
لحاظه كالقذائف و انا من عيونه خائف **** جانى طيفه طائف فى ثوب من الطرائف خدوده القطائف وليه العنب شفايف **** تلا فى هواى صحائف لقى حبى غير زائف قال لى اراك خائف و دون تشرح انا شايف ***** يا ملهم العواطف و مهدل المعاطف متى يا جميل تلاطف و تكون علينا عاطف ***** حبيبى دمعى ذارف غرقنى سيله جارف لماذا عنى صارف ..هالكنى و أنت عارف
07-14-2007, 01:01 PM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
أستاذ عبد اللطيف عبد الحفيظ سعدت بمرورك الكريم ومعك أحيي كل شعراء بلادي الذين وهبونا هذا الجمال
يا خنساء.. ما بنعرف ننزل لنكات الحفظ... "يعني لازم تحرجونا"؟؟؟؟
الأستاذ الطيب شيقوق تشكر يا سيدي على المشاركة
ولكم جميعاً: غنى القمرى على الغصــــون ذكرنى الدر الصون فريد عصره الما متلو شى قمرنا الليــــك متربصون يا الغصن البندى الغصون ملاك محروس داخل حصون شمس الكون تشبه وشى **** قاسى سماع لهجو الحنــون عظيم كالمال حلو كالبنون بى ريقو يداوى الجنــون شعاع محيو العين تختشى *** جميل متلك ما اظن يكـــون حياء ورقة وعفه و سكون يا البدر الليه قلبى كــــــون فى حسن الكون ما خلى شى **** جميل خلقة ومتجلـــى لــــــون تخافو يذوب من تيهو لون معاطفـــــو دلال يتمايلــــــــون عوم الوز تقليد مشى *** هواى فى هواك ذات العيـــون الفاتره اللافته العيون من سحرك تشفى العيـــــــــون ياالروض الباسم وشى *** ليك عالى العالم يهـــــــون يا الرشا اللدن المهون مناظر فيــــــــك يتنزهون يا البطران من ما تشى
الأخ هاشم أحمد خلف الله مافي داعي تأجر شقة ولا حاجة .. نحن نديك فيلا مفروشة وتاخد راحتك فيها زي ما عايز وتشرف وتآنس شفنا حبيب بنريدو غير علة اهلا بيهو الهلال هل
الحزن ولى كوكب الأفراح في السماء اتجلى نور حبيب الروح النور الحلة اب قمر دورين في الارض اتدلا
اهلا بيهو الهلال هل شوف سعادتنا بي قدوم محبوبنا الرحمة ظلتنا سحب الحنان والعاطفة ظلتنا بعد هم للبين من تاني لمتنا أهلا بيهو الهلال هل الحبيب جانا بي نغيم الريدة المطرب اشجانا من سهام العين بي شوفتو نجانا والمحبة الطاهرة لبسنا تيجانا اهلا بيهو الهلال هل
نسال المولى يحفظنا من العين برعايته يتولى نلقى في الدنيا الهيبة والصولة يتم هنانا نفوز بي رضا المولى اهلا بيه الهلال هل
ودي لذوقك الرفيع
07-16-2007, 12:31 PM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
**** تعجبني والشئ العجيب هادي وأليف معاك النفور بحصنك صنت السفور والحسن والأصل النجيب أنا وأنت في الروض يا حبيب راق النسيم وحلى للمرور بقى أحلى من ساعة السرور وأدق من فهم اللبيب
**** والروضة في موضع خصيب حضنوها واتلفوا النهور ترى فيها انواع الزهور من كل لون اخذت نصيب يانع ثمارها وغض وطيب اشبه بربات الخدور الاتبرجن في يوم حبور زادن جمال ونضار وطيب
**** في الروض غنى العندليب ورددوا غناه الطيور ترتيل اناشيد الحبور وفتياتها يوم عيد الصليب دنت الثريا بقت قريب بين السلوك في تاني دور في ثانية كم سطعت بدور واهلة كان نوعن غريب
**** شئ ينعش الروح في الاديب ويحي روح ميت الشعور للقاه ترتاح الصدور ويفرح القلب الكئيب
08-12-2007, 11:13 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الأستاذ محمد مكي أسعدني تشريفك البوست... مرحباً بك وإليك هذه الإهداء اذكريني يا حمامه كلما ساجع ترنم في هواي وحب جمالك اذكريني يا حمامه كلما هطلت غمامه في مساك او في صباحك في غدوك او في رواحك كلما بارق تبسم او نسيم الصبح نسم عني دايما يكون سؤالك
في ما هجراني وعلى ما يالهواك صار لي علامه شاهرا لي دايما سلاحك موتي واقف في اصطلاحك طرفي عن رأياكي مغرم زنبي ايه غير اني مغرم في هواك من بدري مالك
كل من في الكون نام عيني ليك فقدت مناما انتي يا الكاحلك نعاسي يذدري الاغصان مجاسك حظي ذي ليل فرعك اقسم الجحيم من هجرك ارحم عني هل شغلك دلالك.
صرتا اعشق فيكي قامه خصرها يعيرني السقامه فيك اشرق نور صباحي في ثنا البدر استضاحك فكري زي خصرك مقسم حظي زي ردئك مجسم هل يصير يرضيكي ذلك
روحي ليك وافت حماما اذكريني يا حمامه في ذهابك او في ايابك ثم في فتره غيابك الدرر شعري المنظم دمتي يا الغدرك معظم في نعيم جنه ظلالك شمبات ظلالك اذكريني يا حمامه كلما ساجع ترنم في هواي وحب جمالك
08-13-2007, 09:16 AM
Haytham Abdulaziz Haytham Abdulaziz
تاريخ التسجيل: 05-28-2006
مجموع المشاركات: 2899
حتى تكون دعوة للإستماع و الإستمتاع الحقيقي .. أتيت لكي ألبي دعوتك و أجعل خلفية البوست لهذه الأغنية حية لكي يستمع و يستمتع الجميع ... و لك كل الشكر على هذه الدعوة.....
08-13-2007, 11:12 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
طمعااااان وعشمااان لكـــن يميـن ما اطلب! كيدا في اضاني الجاتا تخمة من الجمال المموسق دا ياخي الله يديك العافية و راحة البال قدر ما سريتينا و طربتينا ما خيبتي ظني في ذوقك ابدا
عشتي
08-14-2007, 08:06 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
هيثم عبد العزيز تسلم يا راقي شاكرة كتير على الأغنية الجميلة
سعد الدين عبد الرحمن وينك يا راجل؟؟؟؟ يعني إلا يصطادوكم بالطرب الأصيل دا؟؟؟ إنت زول ذواقة وأضانك مابتصيبها أي تخمة بس إنت أطلب ونحن علينا نلبي كل طلباتك تسلم
08-14-2007, 02:08 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
إهداء إلى الأخ سيليكون اطرد الاحلام ياجميل واصحى قوم نقضى الليل فى ضفاف النيل ننشد الفسحة شوف جمال الليل يا جميل اصحى و اسمع البلبل و لهجته الفصحى الغصون ماخدات مع النسيم كسحة والطبيعة تخيل ثوبها كاسى النيل من جمال مسحة عير كلامى معاك ياجميل لمحة قوم معاى و ميل قامتك السمحة كل شىء ميسور والظروف سامحة منظر النوار يغنى عن انوار ولى الظلام يمحى ديك شواطى النيل بالسرور طافحة لابسة بدر التم وللنجوم لافحة شتلة الياسمين مايلة بصفحة ميلها بيشجيك و من شذاها يجيك كل حين نفحة شوف وجوه الروض باسمة منطرحة وتضحك الازهار ميتة بى الفرحة ليه شجرة الفل ياخى منشرحة والورود بالمر لونة ليه احمر كأنه منجرحة شوف طيور منظوم روقة زى سبحة طايرة كالامال فى الفضاء سابحة فى جوارنا قريب ظلالها جات شايحة ياخى ما فايتات اظنهن بايتات وفى الرياض صابحة النسايم لو غادية او رايحة بى ندى الازهار و العبير فايحة و الفروع بتميل بالطرب مايحة و السواقى تئن بى نغم تلحين صوتها كالنائحة منظر البدرى و بهجته الفاضحة تبدو ليك فى النيل كالدرر واضحة و الطيور تختال فى الغصون صادحة و السرور ميل روق و اتخيل كفتة الراجحة
Quote: قوموا خلوا الضيق في الجناين شوفوا عز الصيد في العساين يلا نقنص نمرح نعاين النهار ان حر الكماين كلبي يا جمجوم أصلو خائن شوفو كيفن يبرا الملاين هب شالا وكشح المراح
يا جميلة وكلك ذوق تسلم آذنك المرهفة للسماع الفاضلة اشراقة تحية وسلام ضربتي على الاوتار الحساسة جدا وجبتي الحمار للطين ( حشاني ماني حمار لكن واقع المثل العميق ) روعة وجمال الضواحي دعت الملهم الأحساس خليل فرح أن يجار شعراء عصره بهذه الرائعة التي ابدع فيها عثمان الشفيع وسكب فيها كل الجمال صوت واداء كانت الدعوة لاهل الحضر والمدن اللذين متنفسهم فقط في الجنائن والحدائق أن يخرجو للضواحي والبادية حتى يروا جمال الطبيعة البديع التي جاد بها الخالق على خلقه وهم غافلين ونزحو للمدن اجاد وابدع فرح في وصف الطبيعة في الضواحي
وأبدعتي اشراقة أن فتحتي لنا نافذة ومتنفس عله ينزل درجات تيرمومتر حراتنا المرتفع دوماً لك التحية والاحترام اشراقة
خالد
08-19-2007, 12:52 PM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ishraga Haimoura
انعام حيمورة
أبوذر بابكر
ibrahim fadlalla
abubakr
هاشم أحمد خلف الله
طارق جبريل
أبو ساندرا
محمد البشرى الخضر
Ahmed El Gasim
Alsa7afa_30
علاء الدين حيموره
فدوى الشريف
ALGARADABI
انعام عبد الحفيظ
نهال الطيب
عبد الله عقيد
الطيب شيقوق
عبد اللطيف عبد الحفيظ حمد
عاصم ابوبكر حامد
omar altom
معتصم الطاهر
محمد المرتضى حامد
محمد مكى محمد
Haytham Abdulaziz
saadeldin abdelrahman
خضر حسين خليل
خالد علي محجوب المنسي
فيس بوك
تويتر
انستقرام
يوتيوب
بنتيريست