بكري أبوبكر وأعضاء المنبر : ألا فلتشهدوا معي على حلمي وصبري على المدعوة بيان !!!!!

Quote: السيدة بيان ,, لقد فشلت فشلا ذريعا في جري لأسلوبك الذي يفترض أن لا يصدر عنك كحاملة لقب علمي ... وفشلت في الإتيان بأي بينة تثبت أنك المقصودة .. بل على العكس فقد أقررت بلسان عربي مبين إنك صغيرة السن و لم يصل عمرك الى مرحلة ال MENOPAUSE !! لقد فشلتي في الجري لاسلوبك انت بصحك يا راجل؟ انت الجريتني للمشكلة دي باسلوبك الملولو الذي لاي يليق برجل جعلي.. بعدين اسع حبت بينات الله يبارك فيك يا دكتور خانجي اها بعد 22 سنة استفدت من مادتك وطلعت الزول دا زول كضاب... بعدين بطل استهبال انا صغري وكبير دا موضوع ما مهم كثير لانه عمري العشتو عمر مستثمر بصورة ممتازة جدا يعني ما افريدي ومان.. تخاف من الكبر بل تسعد به لانه كل سنة فيها انجاز..ما تعمم فهمك المستنبط من النساء حولك على كل النساء في نسوان بفرحوا بالكبر خاصة الذي ديل.. Quote: كما قلت في أكثر من مناسبة هنا في هذا البورد إنك لست كوزة وإنك لا تعملين في جهاز الأمن .. فلماذا تصرين إذن على لبس طاقية ليست لك ولا من قياسك ؟؟؟ اها بالله بطل الاستهبال.. الطاقية ياتها ممكن بنفس منطقك دا اقوليك ليه لبستا طاقية البوست دا زمان في شندى كان قاعد معاي في الكنبة ولد اسمه فاروق حامد وكمان حمات اختي متزوجها راجل اسمه فاروق حامد وكمان جعلي من المحمية..ليه لبستا الطقاية انه البوست دا ليك.. Quote: من هم أكبر منك سناً.. هكذا علمنا أهلنا وديننا وتقاليدنا و أعرافنا اسع ذي في الحتة دي ممكن اسب ليك دينك وتقاليدك واعرافك القاطعها من راسك دي ولا يكون في اي تثريب عليقولي ليه؟ لانه البوست دا سببو اصلا ديننا دي.. تعال هنا دينك دا ما وصاكم على النسوان؟ اعرافك دي ما بتقول مقنع الكاشفات والمامول على بنوت فريقو؟ وتقاليدك دي ما بتوق ل الراجل ما يستخدم كلام خادش للحياء؟ ديننا دا قاليك لا تسب النساء وارفق بهن..انت جيت نابل ببوست مينوبس هنا وسط المنبر تصيح بلا خجلة هوي احذروا النسوان القاطعات لانهن عكليتات.. قال ديننا قال. Quote: بهذا تكونين جديرة بلقبك و جديرة باحترام الآخرين لقبي دا يا حبة ما لقب فخري نوع ست البنات وملكة جمال الكوشة.. لقبي دا استحقيتو لما قعدت 18 ساعة في اليوم 3 سنة افتش في الجرايد واقابل في الناس واقرا في الكتب..بعداك صلبوني 3 بروفات كضفوني الدم وقالوا لي مبروك يا دكتورة قررت اللجنة منحك شهادة الدكتوراه.. يعن جديرة بيه لو ملحت ليك مع الكلاب ولا خليتك.. Quote: ثم إن المينوبوس ليس شتيمة وانما هي مرحلة عمرية تمر بها كل نساء الأرض بمافيهم أمهاتنا وزوجاتنا و أخواتنا .. هي حقيقة علمية مثلها مثل البلوغ والحمل والولادة .. ونحمد الله إنك لم تصلي لهذه السن .. طيب وكتين عارف كدا مالك مقوم نفسنا وفاتح ليك بوست فضيحة.. ذكرتني ولدي الصغير لما عمرو 4 سنة طوالي لما يعمل عملة بحاول يمنطقها ويحنكني نوع مامي الولد الفالح بقعد هادئ ولا بكسر كباية طوالي تعرف انه في كباية اتكسرت.. اسع جايني بمنطق الراجل الفالح ما بقول لمرة مينوبسال.. يا عمو قوم لف... Quote: ثم تدحرج البوست ليصبح سياسيا ... بالله سياسة آآآآآآآآآديل كدي,, يا راجل دي اتقلبت لحاجة تانية بدون مؤاخذة ما بقدر اكتبها هنا..عشان الناس المحترمة الفي البورد.. يتبع