|
|
|
 Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
Quote: خالنا المرحوم الاستاذ عمر خليل عبدالله
صاحب باب عابر سبيل
كان رئيسا النادي الصفا بالكلاكلة شرق
وشعلة من النشاط
وانا في انتظار السيرة الذاتية المكملة لحياته في الفترة الاخيرة
وقد طلبته من ابنائه بالكلاكلة اكرم واسعد |
يا سلام يا زمراوي ... الله يرحم الأستاذ عمر خليل ويدخله فسيح جناته مع الصديقين والشهداء من عباده ....
طبعا أنا أكرم دفعتي وصديقي رجل يمتلك قلبا طيبا وحنون لأبعد درجة وزمان يا زمرواي المرحوم كان عندو بوكسي ونحن كنا بنقرا المتوسطة في مدرسة الكلاكلة القطعية كنا بنملح معاه أنا وعبده عباس (نينا) وأحمد ديسكو (أبو لهب).
نسأل الله أن يسكن المرحوم عمر خليل فسيح جناته.
بالمناسبة: وين أشرف عبد الله خليل هل هو مستقر في السودان ولا وين أشرف برضو دفعة وفردة بس كان مجرم ما زي أكرم.
ولي عودة
أمير أوية
| |
 
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ammir Mohamed)
|
| Quote: الله يرحم الأستاذ عمر خليل ويدخله فسيح جناته مع الصديقين والشهداء من عباده .... |
اللهم آمين يا رب
فالفقيد كان ابا وأخا وصديقا للكل.
| Quote: طبعا أنا أكرم دفعتي وصديقي رجل يمتلك قلبا طيبا وحنون لأبعد درجة وزمان يا زمرواي المرحوم كان عندو بوكسي ونحن كنا بنقرا المتوسطة في مدرسة الكلاكلة القطعية كنا بنملح معاه أنا وعبده عباس (نينا) وأحمد ديسكو (أبو لهب). |
طبعا من لم يملح في بوكس الخال عمر خليل ما ملح... وحتى الناس المالية جيوبا قروش كانوا يستملحون وينتظرونه في الطريق لا لشيء وانما لحبه للناس وحب الناس فيه وكان رحمه الله يعطي كل نازل من البوكس قفشة من نكاته الخفيفة وخاصة عندما يكون في سنه او من احد اقربائه.
اولاده الله يحفظهم موجودين في الكلاكلة وطبعا المرحوم كان عمل دكان اسبيرات في لفة القبة هو وشقيقه الاصغر يوسف خليل ولازال الحمد لله يعملون في دكان اللفة ومعهم اكرم.
اما اشرف عبدالله خليل فهو يعمل مع والده في شارع الخور في الدكان الكبير واخوه محمد يعمل في دكان اسبيرات الكوري وبرضو في شارع الخور.
========================================
اوووووووووه يا بن عمي يا محمد ادريس
مرحبتين حبابك والله مشتاقين شديد
يعني ما قاعد نشوفك في الرياض نهائي مالك يا زول
يعني جدة اخدتك مننا ولا شنو؟؟
الكلاكلة يا ابوحميد مازي بقية الامكنة
لازم اي زول ما من الخرطوم بكون عندو زول في الكلاكلة.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
في بوست التركين هناااك ريحة التركين لم الناس وفي هذا البوست وبالرغم من اننى اتابع كل المداخلات بتقدير واعجاب آثرت المتابعة فقط من بعد ولكن مع ذكر اسم المرحوم له بإذن الله عمر خليل لم استطيع الوقوف على الرصيف اكثر من كدة:-
* كان رحمه الله الرئيس والدينمو المحرك للجمعية التعاونية الاستهلاكية بالكلاكلة شرق محطة 5 وذلك في سبعينات القرن الماضي..
* كان رئيساً للجمعية الخيرية بحي الصفاء
* كان رئيساً لنادي الصفاء
* اما اهم انجازات الراحل المقيم المجهود الكبير الذي بذله من خلال علاقاته الخاصة ومن خلال رئاسته للعمل في بناء مسجد الرحمة بميدان وردي هذا المسجد الذي يعتبر من اكبر واجمل المساجد في المنطقة..
* ما من انجاز وعمل خيري وخدمي لمنطقة الصفاء الا وكان الراحل احد قادة هذا العمل..
* وباختصار شديد(( لأن انجازاته لا تحصى ولا تعد)) كان الراحل رجلاً في قامة امة في مجال العمل العام بمنطقة الصفاء...
ونسال الله العلى القدير ان يتغمده بواسع رحمته وان يسكنه فسيح جنانه ....
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: صلاح شاطر)
|
الاستاذ الناظر الفذ : مكاوى عثمان
مدير مدرسة الكلاكلة شرق الابتدائية لسنين عددا
كان استاذآ مهابآ، حازمآ ( فى غير ما قسوة ) ، مربيآ فاضلآ
كان يستخدم " المطرق " عند اللزوم ، و عندما ينادى على فرّاش المدرسة " عم عبدالله الذى تقوست ظهره بتقادم سنين خدمته بالمدرسة " يعرف الجميع ان هنالك " شقى " ستتم معاقبته بلا هوادة ....... و كنا نرأف لهذا " الشقى " من ويل ما ينتظره .
بالرغم من انه كان من الاقرباء لمعظم طلابه الا انه لا يجامل احدهم داخل فصول الدراسة او حتى فى فناء المدرسة . فاذا قابلهم خارج المرسة او فى احد المناسبات الاجتماعية رايته يتبسم فى وجوه طلابه و يفتخر بهم .
تخرج على يديه الكثير من الطلاب ( منهم الآن بروفسيرات و اساتذة جامعات و اطباء و مهندسين و زراعيين و محاميين و محاسبين و اساتذة بمراحل التعليم المختلفة ) و الاساتذة ايضآتعلموا منه فن الادارة و الحزم اللزمين لتسيير دفة التربية و التعليم بالمدارس فى ذلك الزمان الطيب .
لهذا المربى العظيم( لا ادرى ان كان لا يزال حيى ام توفاه الله ) كل تحية و عرفان
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
بارك الله فيك يا صلاح شاطر
فقد جعلت اعيني تغرورق دموعا وانا اتذكر الخال عمر خليل
كيف كان يهتم بالاجتماعيات وخدمة الغير.
كان الخال الوالد عمر خليل كثير الزبارات للاصدقاء والاهل
في آخر عهدي به عام 2004 قال لي يا ود اختي خلي بالك ما تأخر
طباعة الكتاب الثاني له (عابر سبيل) فقد كنت اقوم بطباعته من قصاصات الجريدة وخط يده وارسله له في دسكات .. وقد اهداني كتاب عن الكلاكلة شرق قام بتجمعه وتأليفه وبه كل
تاريخ الكلاكلة شرق.. والسمود والتصدي.
سألته ذات مرة عن الوقت الذي يكتب فيه مقالاته اليومية
وهو ليس بالرجل الذي يسهر كثيرا ووقته موزع على النحو التالي:
بعد صلاة الصبح يرجع البيت ويشرب الشاي ويقرأ ما تيسر من القرآن الكريم
عند بزوغ الشمس يتحرك بالبوكس .. يسلم على المارة رجالا ونساء ويعرفونه
كل سكان محطة 3 حتى يصل لشقيقه يوسف ومن ثم يقف لاي شخص يمشي راجلا (يعني مملحا)
حتى عندما يصل اللفة احيانا كنت اصادفه واتملح معه ويقول يا وداختي تعال سوق
انتو يا ناس السعودية ما بتقدروا تقعدوا في الزوي..
حتى يصل القلعة وهناك محمد محمود وهو قريب لنا يعمل معه في الدكان..
كان رحمة الله عليه يسوق ببط وامان شديدين.. حتى يصل كشك الجرايد في المنطقة الصناعية
قرب بنك الخرطوم وهناك ياخذ حصته الثقافية وكل الصحف الثقافية والرياضية وحتى المجلات المصرية..
عند وصوله الدكان تأتي ست الشاي المليحة وشايه المخصص المنعنع.
يقول لي انه يكتب مقالاته عند منتصف النهار وهو مشغول بالعمل في دكان الاسبيرات
يكتب سطرين يوعامل الزبون ويملكه للثالث ويستعد للسلام على زائر من الاهل والاصدقاء
ومن ثم يواصل وعند اكتمال المال يرسل اكرم او اي من ابنائه لتوصيل المقال للصحف.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
حضرت وفاة الراحل المقيم خلال اجازتى السنوية الأخيرة فقد ذهب في مراجعة روتينية لمستشفى احمد قاسم للقلب لعمل فحوصات روتينية وهناك وبغير سابق انذار وفي هدوء وسكينة تصعد روحه الطاهرة الى السماء في حوالى الساعة العاشرة صباحاً تقريباً..
الهدوء.. الوقار.. التواضع..خدمة الغير.. كان من خصال وسمات الراحل المقيم..
اعتبر نفسي من اقدم ( غير الناطقين بها) في الكلاكلة وقد عاصرنا الراحل المقيم منذ طفولتنا والى ان تخرجنا من الجامعة وعملنا بالسودان لفترة وجيزة واصبنا بداء الاغتراب منذ عقدين من الزمان..وطوال تلك الفترة اشهد باننى لم اري الراحل المقيم في مشكلة مع احد من سكان الحي بل كان كبيراً مع الكبار وصغيراً مع الصغار ومحبوباً ومحترماً من الجميع والله على ما اقول شهيد..
لم اري في حياتي موكباًمن حيث العدد ومن حيث الحزن والذي الجم الجميع مثل ذاك الذي كان في وداع الفقيد ولاول مرة في حياتي اري ازمة في مواقف السيارات (( ليس في حي الوزرات بالرياض)) ولكن في شارع منزل المرحوم لدرجة ان السيارات كان تقف في الشارع الثاني من المنزل شارع نادي الصفاء جوار منزل عمنا نوري محمد علي..
كانت الكلاكلة شرق.. وكانت الصفاء...وكان ابناء فريق..وكان كل من عرف المرحوم..ممن تواجدوا في يوم الرحيل المهيب.. اوفياء للفقيد ولسان حال الجميع يقول:-
القلب يحزن والعين تدمع وانا لفراقك يا عمر لمحزونون..
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: صلاح شاطر)
|
أحد الذين لم يكونوا يعرفون المرحوم عمر كان معي في المسنجر بدأ يحكي لي عن الموكب الحزين الذي لف منطقة الكلاكلة حتى انه ولضخامة حجم المشيعين قال انه اكيد شخصية قومية واكبر من شخصيات الحكومة.. لذا لم يتمكن من الحضور في المسنجر لانه حزن شديدا عندما علم عن حسنات المتوفي وذلك عند حضوره لمقر المأتم.
ولما كان صديقي هذا اعرفه في المسنجر فقط ولم اره الا انه استغرب ان يكون هذا المتوفي هو خالي فسمعته يجهش بالبكاء في السماعة فابكاني فتعجب من كان معي في المكتب سرالبكاء بحرقة على الهاتف.
كان رحمه الله انسانا فاضلا.. تغمده الله بواسع رحمته
والف شكر ليك اخي صلاح شاطر على هذا السرد.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
العم/ على القاسم احمد
الرجل العصامى الاول فى الكلاكلة صنقعت
محب العلم و التعلم و ناشره بالرفق و اللين و الموعظة الحسنة.
منذ وقت مبكر جدآ اهتم بالتعليم و الزم به جميع افراد اسرته الصغيرة و الكبيرة.
حفظ القرآن الكريم و كل العلوم الاسلامية و تفقه فيها و اصبح مرجعآ فى ذلك
رجل بر و احسان و له العديد من الاعمال الخيرية نسأل الله سبحانه و تعالى ان يجعلها فى ميزان حسناته و يكفى انه قد تبرع بقطعة الارض التى شيد مسجد صنقعت وسط العتيق عليها.
لا يتم عمل خير فى المنطقة الا و له فيه نصيب .
خلوة صنقعت التى شيدها الجد حسن بابكر عووضة فى بدايات القرن الماضى لم ينسى العم على القاسم صيانتها و مواصة رسالتها فى التعليم الدينى و كذلك العلوم الدينية ... و واصل ابنائه الكرام نفس الرسالة و مازالوا.
للعم على القاسم هدوء و سمت مهابين يجبراك على احترام تواضعه الجم.
لا اذكر و منذ ان نشأنا ان رأيت العم على القاسم متكدرآ او متعاركآ مع احد او حتى ارتفع صوته فى يوم من الايام .
قليل الكلام و لكن ان تكلم لا يتكلم الا بالحكم الغالية او بالنصائح التى لا تجدها الا فى نفائس الكتب .
له روح دعابة لا تخطأها...فى مرة و بوجود ابنه ( زميلنا بالبورد احمد القاسم ) قال لى متبسمآ :
ياولدى اريد ان اتزوج على عمتك رايك شنو ؟؟؟
قلت له مداعبآ : الرأى لك يا عم على.
تبسم ضاحكآ و قال : و رب الكعبة ان تزوجت لن اتزوج الا طالبة ثانوى !!!
ضحكنا جميعآ بما فينا عمتى التى انضمت لهذه الونسة الحميمة و اظنها انتبهت اكثر عند سماعها لسيرة العرس.
العم على و برغم شظف العيش فى منتصف القرن الماضى الا انه قد آل على نفسه ان يقوم بتعليم ابنائه و بناته حتى النهاية و مهما كلفه الامر .
و اليوم العم على يفتخر بانه قد قدم للكلاكلة و للسودان من ابنائه :
- المهندس ( كهربائى ) / سليمان على القاسم
- البروفسور / قاسم على القاسم ( احد العلماء القلائل على مستوى العالم فى مجال تكتلوجيا الاغذية وتعليب اللحوم و الاستاذ بقسم علوم الاغذية بكلية الزراعة جامعة الملك فيصل بالسعودية لاكثر من عشرين عامآ و رئيس قسم علوم الاغذية بكلية الزراعة جامعة الخرطوم حاليآ ) ... و سأعود للبروف قاسم لاحقآ .
- الاستاذة / سميرة على القاسم ( استاذة اللغة الانجليزية بالمدارس الثانوية )
- الاستاذ/ عثمان على القاسم ( ماجستير محاسبة )
- العزبز / احمد على القاسم ( بكالوريوس علوم - كيمياء) و تخصص فى المعدات الطبية و الادوية .
- الدكتور/ عبدالمنعم على القاسم ( اخصائى المسالك البولية )
- المهندس ( معمارى) / عاطف على القاسم.
- الاستاذ/ منير على القاسم ( بكالوريوس علوم ادارية )
و من احفاده :
- الدكتور/ مازن قاسم على القاسم.
- الدكتور/ محمد قاسم على القاسم( حاليآ بأمريكا)
- الدكتور/ عمر عباس ابراهيم.
- المهندس /زاهر احمد سليمان
- الدكتورة / لنا احمد سليمان
- الدكتورة/ جيهان احمد سليمان
- المهندس / مجاهد عباس ابراهيم ( حاليآ بامريكا)
- الاستاذ /فواز عباس ابراهيم ( يحضر للدكتوراة حاليآ بامريكا) .
بقى ان نقول ان ابناء العم على القاسم حفظه و حفظهم الله قد انشأوا مدارس القاسم الخاصة الثانوية للبنين و البنات و التى تؤدى رسالتها التعليمية بالمنطقة ( بالرغم من انها مدارس خاصة الا ان هنالك العديد من الحالات التى يتم قبولها مجانآ ).
تحية اجلال و مهابة للعم الفذ على القاسم و ابنائه الكرام و متعه الله بالصحة و العافية .
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
Quote: بس جد ناس الكلاكلات بتاعين كفر ... وانا بعتبر انو عزيز واحد من احرف اللعيبه
علي مستوى السودان ...والحريف عبد السلام وما ننسي الفلته قدورة وحاتم كوري
والنينو الحريف ...
|
سلامات يا ناس الكلاكلات...
مع اتفاقي مع الاخ في ان عزيز كان لاعب متميز للغاية...
الا اني اعتبر عادل سمك (الاخ الاصغر لرمضان كيك) من اروع اللعبة في تاريخ الكلاكلات..
لك اخي محمد و المتداخلون كل الشكر علي البوست الرائع
فلقد اعادت جملة من الذكريات الجميلة.
اندرو
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
يا كسوتا يا رائع
انا لو قلت يا حليل ايام توتو كورة
حتقول لي دا شنو العجوز المعانا دا
لكن بالرغم من ان توتو كورة كان الشغل الشاغل لينا
وبيها اتطورت كور الليق
ونشاط غير عادي في كل مدينة وقرية حتى في المناطق المهمشة
عندنا في الشمالية كنا نعتبر ان توتو كورة حالة اجتماعية تواصلية مع ناس الخرطوم
ولك ان تعرف ان توتو كورة اوقفتها المملكة العربية السعودية
بحجة انها قمار حكومي فسمع النميري المطيع في ذلك الوقت واوقف توتو كورة
كما اوقف جميع البارات الله يوقف حاله اكتر مما هو واقف.
وكم قزازا تم تكسيره.
وكم قبطي رحل من السودان
وكم دولار واسترليني انسحب من السوق السودانية
ولا انسى فريق نادي السهم... ولا انسى خالنا عبدالشافع عبدالمطلب
كيف انسى عمنا حفني واولاده محمد ووووو
وعبدالرسول
| Quote: فلقد اعادت جملة من الذكريات الجميلة. |
ذكريات لا تنسى ستظل في اذهاننا نسترجعها كلما ضاقت بنا
لنرتشف من حنينها وجمال انسان ذلك الزمن الذي لا يتكرر
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
من اعلام الكلاكلة صنقعت
الاستاذ داؤد احمد هابش
وهو نوبى عريق من اقاصى الشمال ...هادى الطبع ، وقور و مربى من الطراز الاول .
كان يدرسنا مادة التربية الاسلامية ،
لا يستخدم العصا للضرب ... كانت له طريقة متفردة فى العقاب : يضع بين اصبعيك الاوسطين قلم رصاص ثم يضغط يديك بشدة و عندما تتألم قليلآ يسحب القلم ، و كأنه يعتذر لك عما سببه لك . و فى اغلب الاحايين كان عقابه لك خاصة ان لم تكن تحفظ الآيات و الاحاديث هو " وخزة " باليد على مؤخر الرأس ثم يتبعها بعبارة : " يخرب بيتك يا شيخة ".
ادخل فى المدرسة في عهد توليه الادارة نشاط تربية الدواجن الحديث ( اكالات و شرّابات حديثة ) و تسمى الآن ب"البطاريات " .... و كان جهد تربية هذه الدواجن ( هولندية حمراء ) من نصيب طلاب الصفين الخامس و السادس حيث يتم تقسيم الطلاب الى مجموعات لكل مجموعة يوم عمل كامل و فيه يتم عمل النظافة الكاملة للحظائر ( حظيرتين ) و تزويد الأكالات بالعلف الكافى و كذلك تزويد الشرّابات بالماء ... و فى نهاية اليوم كان نشاط جمع البيض من الحظائر و تقديمه للناظر داؤد احمد هابش مع تقرير شفهى عن الملاحظات " ان وجدت " خاصة الامراض ...يقدم التقرير رئيس فريق العمل لذلك اليوم و الذى يتم تعيينه بواسطة الناظر .
فى نهاية الاسبوع ( الخميس ) يتم تقسيم البيض المجموع فى طيلة الاسبوع بين جميع طلاب المدرسة و بالتساوى .
زرت الاستاذ داؤد احمد هابش فى بيته فى محطة 6 بالكلاكلة صنقعت و كانت المناسبة وفاة كريمته .... لم ينسى ان يسألنى عن مجموعة كبيرة من الزملاء و بالأسم و سألنى ايضآ عن احوالهم .
لهذا الاستاذ العظيم اهدى باقة عطر و نسمة وفاء .
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
تغير الزمن واصبحت لفة القبة اكبر تجمع في لحظة الذروة عند المغيرب
كانت الباصات البورمان الكبيرة الزرقاء اللون تنهي مشوارها عند نهاية العزوزاب
وكانت كراسيها فاخرة اما بصاتنا كانت خشنة المقاعد مع قليل من السفجة التي تصيبك
بالبواسير عند نهاية المشوار .. ولكنها كانت احسن حالا من بصات الجبل الضيقة المقاعد
فركاب بصات الجبل الجبل كانوا لا يرغبون الركاب الكلاكلاويين لانهم بقطعوا النوم عند توقف الباص لانزال ركاب الكلاكلة.
كانت منطقة العودة مكان تجمع مياه الامطار فكانت المنازل تذوب مع مياه الامطار فتقف البوابات شواهد لانها مبنية بالطوب الاحمر ليستدل على ان هنا كان منزل.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: زهير حيدر صديق)
|
Quote: علاقتي بصنقعت علاقة رحم امتدت منذ بداية السبعينات حيث يقيم خالي المرحوم الحاج عثمان صالح بمحطة عشرة (زريبة الفحم سابقا) ولي بها العديد من الصداقات.
مودتي. |
دا كلامك عمنا عثمان صالح الله يرحمه طبعا بعرفه احق المعرفة واولاده كامل ونبيل وبناته ماشاء الله كلهم بعرفهم حتى اللي اتزوجها الفلسطيني لي علاقة شديدة جدا مع العائلة الكريمة دي.. طبعا كانوا جيران عمك عثمان عويس والد عويس وعماد عثمان عويس وعبدالاله وحسين وايهاب .. واتذكر في السبعينات كان بيت عمنا عثمان عويس زي النادي لانه كان تلفزيون ابيض واسود وكلما طلعناهو في الحوشية شفع الجيران يتملوا الحوشية لزوم الفرجة..
ولا انسى عمنا عبدالرزاق في محطة تسعة واتذكر ولدو الكبير لمن اتزوج كانوا جابوا صعايدة بشنبات طويلة يرقصوا بالعكاكيز..
ولنا عودة
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
Quote: اول امس الجمعة توفي في محطة خمسة جدنا الشيخ حمزة الامين حمزة والد كل من مالك وامين ومحمد(وخال كل من عبدالله خليل والمرحوم عمر خليل ويوسف خليل وسيد وهاشم وعبدالجبار وجمال ورضوان وطاهر وعبدالسلام وعبدالعال محمد طاهر وخال حامد سيداحمد صاحب الحنجرة الذهبية في قراءة قصائد المولد النبوي الشريف عن عمر يناهز الـمائة الا قليلا.
رحمه الله واسكنه فسيح الجنات.. |
أسال الله تعالى ان ينزله فسيح جناته مع الصديقين والشهداء وحسن اؤلئك رفيقا .. انا لله وانا اليه راجعون ..
طبعا ناس الكلاكلة والحاج يوسف اولاد اعمام عشان كده جيت أسلم عليكم..
والتحية لكم جميعا .+
زمراوي ار هكر في انشاء الله ويفي ..
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: ود المايقوما)
|
ود المايقوما
ازيك يا ولدنا
طبعا المقايقوما ناس محطة خمسطاشر كلهم ناسنا
يعني عمران سليمان سعيد
ومحسن فقير سعيد واخوه ممدوح
وناس عبيدي عبدالمنعم واخوانه
والسنهوري عمر ادريس واخوانه
وديل كنت بمش ليهم عشان العب الويست (ديل احرف ناس) شوف من الكلاكلة للمايقوما
زي من النهود لي بارا
وتمشي شوية كدا ناس محمد عبدالرحمن أحمد وقرشي اخوه
وكمان تمش شوية كدا في ناس علاء الدين يوسف واولاد حسن ومحمد الصفصاف
وما بعرف الفاصل بين المحطات لكن
قاعد امشي لمحطة 19 لفؤاد محمد عثمان من ناس كجبار
وهو طبعا عديلي عديل كدا واحلى حاجة تمش لعديلك لمن يكون كويس ويكونوا راضين عنك.
ودا حدي كدا لمعرفة ناس المايقوما
وطبعا لمان الوضع كان عايز يستقر بي في السودان قبل 4 سنوات
كنت قايل نفسي حأقدر استقر .. لكن ناس الضرائب والزكاة وناس القمامة
وناس الموية وناس الجمرة الخبيثة الله لا ريح الجابها فينا
وطبعا ناس الحيكومة جننوني في معيشتي وجيت راجع
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
Quote: ود المايقوما
ازيك يا ولدنا
طبعا المقايقوما ناس محطة خمسطاشر كلهم ناسنا
يعني عمران سليمان سعيد
ومحسن فقير سعيد واخوه ممدوح
وناس عبيدي عبدالمنعم واخوانه
والسنهوري عمر ادريس واخوانه
وديل كنت بمش ليهم عشان العب الويست (ديل احرف ناس) شوف من الكلاكلة للمايقوما
زي من النهود لي بارا
وتمشي شوية كدا ناس محمد عبدالرحمن أحمد وقرشي اخوه
وكمان تمش شوية كدا في ناس علاء الدين يوسف واولاد حسن ومحمد الصفصاف
وما بعرف الفاصل بين المحطات لكن
قاعد امشي لمحطة 19 لفؤاد محمد عثمان من ناس كجبار |
قبل الاغتراب انا كنت مع الناس ديل كلهم واضيف عليهم : الصادق وعبد الباسط ووعبد الناصر وعمار حسنين وعمرو وهشام وحسن وحسين .. ياخي ديل احلى نااااس بس مااحرف مننا( اولاد حلتنا) في الوست . نحن ناس دفوي احرف ناس في الوست والدليل كل يوم خميس كنا بنسيك ناس عبد الرؤوف وعبد الغفار ورافت سيد احمد وسامي في جمعيتكم الكانت في حي الوزارات وياريت تسالهم .
اما فؤاد ده صحبي عديل كدهـ وجيران في المنطقة الصناعية بحري منذ فترة طويلة
محمد عبد الرحمن وقرشي ديل طبعا اولاد عمتي ومن هنا تحياتي الكتيرررة ليهم ..
ماقلت ليك ناس الكلاكلة والحاج يوسف اولاد اعمام ..
تيحياتي يازول يارائع .
| |
|
|
|
|
|
|
| |
Ahmed El Gasim
KOSTA
محمد زمراوي عبدالعزيز
AbuAla
اندرو كوات
فيس بوك
تويتر
انستقرام
يوتيوب
بنتيريست