|
|
|
 Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
زمراوى
اسعد معك واستريح على ظلال رهاب ظل محطة النادى التى اشقها عابرا الى قلب خلة العرب ومحطة واحد ونادى السهم وناس عمك سانتو مرورا ب2 واهلنا العرب الجموعيه الشداد الى تنظيم النهضه العملاق واستضافنه لكابلى فى مدرسة البنات الابتدائيه الى نادى الجهاد الذى ولد عنادا وكبرياء لمحطة تلاته العاصمة رافعين عصى الطغيان لنادى السهم وترهاقا بعزيزها والسهم ببستمهو وحسن محجوب ووين الشباب ناي بديرى لياتى الجهاد ويهز اركانك يا صنقعت ومنه ولد منتخب صنقعت الذى شارك فى ليق الخرطوم واول مباراه غلبنا القبه بنجومها ويا حليلك يا خليل والفاتح كلمون وماهر عبده ساتى وعمك عغبده ساتى وعصام بمبى ويا خليلك يا صنقعت وتلاته خلاته العاصمة وناس امير العربى مطعمهم شغال تش وامير عيشه فى السعوديه وايهاب اكبر مقاول حصير وزمانك جميل يا صنقعت الفن والرياده وناس سمؤال حسن عبد الماجد واكرم بوكاب ومظاهران الكهربا المقطوعه الى الانفصال الشهير بين العرب والرطانه شرق وغرب صنقعت المواليه للحكومة غرب والضد شرق وكل ما هناك من بوح سابثه هنا...........
| |
 
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
زمراوى
اليك سوق (3) العاصمه
هذا السوق البديع الذى تحده من الشرق مدرسة البنات الابتدائيه ومن الغرب شارع المحطة شمالا منه منزل عمك على يحى وحنوبا الزريبه وفى النص هذا الشارع الوسخ وعبره الى المحطة جنوبك ناس الجرايد وشمالا ناس هشام اموق والحالقين (وعز الزين) ست الجبنه ونالس ابو دقن ناس امروابه تجار الخضار وجنوبا حلقة السمك وناس حاجه (دسى) رحمها الله وشيخ صالح العجلاتى والتيمان ومساطب اليصاوله والهدةوم والحاجات الجايه من مصر وحلفا وشمالا البنائين والطلب وناس الورنيش والمغالق وناس عمك عبد الحميد وبقالته والهزاز الجزار ويا خليلك يا سوق تلاته....
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عبد الغفار عبد الله المهدى)
|
Quote: زمراوى
اسعد معك واستريح على ظلال رهاب ظل محطة النادى التى اشقها عابرا الى قلب خلة العرب ومحطة واحد ونادى السهم وناس عمك سانتو مرورا ب2 واهلنا العرب الجموعيه الشداد الى تنظيم النهضه العملاق واستضافنه لكابلى فى مدرسة البنات الابتدائيه الى نادى الجهاد الذى ولد عنادا وكبرياء لمحطة تلاته العاصمة رافعين عصى الطغيان لنادى السهم وترهاقا بعزيزها والسهم ببستمهو وحسن محجوب ووين الشباب ناي بديرى لياتى الجهاد ويهز اركانك يا صنقعت ومنه ولد منتخب صنقعت الذى شارك فى ليق الخرطوم واول مباراه غلبنا القبه بنجومها ويا حليلك يا خليل والفاتح كلمون وماهر عبده ساتى وعمك عغبده ساتى وعصام بمبى ويا خليلك يا صنقعت وتلاته خلاته العاصمة وناس امير العربى مطعمهم شغال تش وامير عيشه فى السعوديه وايهاب اكبر مقاول حصير وزمانك جميل يا صنقعت الفن والرياده وناس سمؤال حسن عبد الماجد واكرم بوكاب ومظاهران الكهربا المقطوعه الى الانفصال الشهير بين العرب والرطانه شرق وغرب صنقعت المواليه للحكومة غرب والضد شرق وكل ما هناك من بوح سابثه هنا........... |
يا عبدالغفار ياخ ديل ناس حلوين حلا
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: هاشم أحمد خلف الله)
|
الاحبة عبدالغفار
الشفيع
هاشم شوشتا
متعكم الله بوافر المحبة
يا ناس الامتدادات والصحافات
قلتو انتو اتمددوا لما ضاق بيكم المكان في السجانة والحلة الجديدة
طيب ايه رايكم في زول كان قاعد في الكلاكلة صنقعت وسكن الامتداد
زي ناس عمكم عثمان عويس والد الفنان عماد عويس
وكتير كتير الرحلو
بس كلاكلتنا متفردة كالصحافة وكالشجرة والعزوزاب والقلعة لانهم عند موسم التمر والحصاد بتجمعوا في البلد واي بلد وكل الوطن بلد...
ايام الجمع تجمع الكلاكلات بالحاج يوسف مناسبات كلها عائلية... يا حلاوة
حلة العرب في الكلاكلة صنعقت رحيق الماضي الجميل وذكريات لا تنسى
لما كان بص الاهالي الازرق الطويل داكا ما كان بخش صنقعت ويلف من اللفة وبس
وكنا عندما ننزل من البص في اللفة المظلمة نخاف ونجري لغاية ما نلحق صنقعت .. سبحان مغير الاحوال... شوفوا اللفة كيف اسع ... تعتبر اكبر تجمع بشري متحرك في السودان في الوقت الحاضر.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
شوستا
زمراوى
هشام
كل المتداخلين فى البوست الروعه
حكاية ناس السجانه والامتدادات والصحافات
والوسع
اذكر عندما كونا منتخب الكلاكلة صنقعت للمشاركة فى الليق اول فريق استضفناه للعب معه وديا هو (الديم وسط) وكنا عاملين ليهم غدا فى بيت عمك عبده ساتى هذا الرجل الذى اعطى للرياضيين فى صنقعت الكثير وكان بيته فسيحا (فاذكر ان احد لاعبى الديم اخد ليهو جوله فى الحوش والتفت وقال لى والله انحنا فى الديم الواحد لما يصحا ويجى يتمغى الا يطلع الشارع بختكم ساكنيين فى ميادين)
ساتحدث قليلا عن محطة ثلاثه هذه البقعه الجميله المترابطة والتى كانت هى الرابط (الحبل السرى) بين صنقعت شرق وغرب
فريق الجهاد هذا العملاق الذى ولد باسنانه
محمد عبد القادر الجعلى
ياسر عبده ساتى ذو الفقار رضوان(بوتو)
وليد رضوان
ايهاب محمد خليل اسحاق
طلال داؤد
حسن داؤد
الاب الروحى وكبير المشجعين(عصام داؤد)
محمد عبد الرازق
الفاتح كلمون
ومن النجوم الذين استعنا بهم لمجابهة عتاولة سلاح الصيانه والاحتياطى المركزى ابان الدوره الكبرى التى كانت تقام سنويا فى ميدان السهم
ياسر بلاتينى
خالد حلبى
ولا ننسى الحكم الرائع رمضان كيك
وجيمس
ومن حلة العرب خالد البرنس
وكنت انا بين هؤلاء وهؤلاء يعنى العرب يعتبروننى رطانا والعكس
وكم كانت تلك الايام جميله عندما نجتمع فى ذاك البيت الفسيح منزل داؤد سيد على لمشاهدة المباريات او الجلوس فى المسطبه وكم كنا نخاف من اختنا (صفوره) والتى لم نكل او نمل من نهراتها وقراريصها.
وقد يطول الحديث لكن فلنتركه جرعه جرعه
ولا ننسى الحارس العملاق(صابر عبد الغفار)
صابر محبات
ونواصل ما بين الفواصل
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
Quote: فريق الجهاد هذا العملاق الذى ولد باسنانه
محمد عبد القادر الجعلى
ياسر عبده ساتى ذو الفقار رضوان(بوتو)
وليد رضوان
ايهاب محمد خليل اسحاق
طلال داؤد
حسن داؤد
الاب الروحى وكبير المشجعين(عصام داؤد)
محمد عبد الرازق
الفاتح كلمون |
يا عبد الغفار شكلو فريقك دا كان بتغلب في كل مباراة 10/صفر
بوتو ووليد وايهاب سفن عليك الله ديل بتاعين كفر
وليد دا البعرفو انو كان بياع بنزين في سوق اللفة
ود خالتي (كلمون) دا ما اظن كان عندو قدرة علي اللعب .. الزول دا الشوف بالحيل ..
بس جد ناس الكلاكلات بتاعين كفر ... وانا بعتبر انو عزيز واحد من احرف اللعيبه
علي مستوى السودان ...والحريف عبد السلام وما ننسي الفلته قدورة وحاتم كوري
والنينو الحريف ...
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
شوستا
كلمون كان جراى وشوات وهو بياكل كيله قنديل وبوتو كان مدير الكره ووليد وايهاب سفن اب شغالين بنزين سوق اسود فى لفة صنقعت وكان وليد عامل فيها مهاجم وايهاب مدافع فاشل تحول الى مهاجم ناجح عندما لعبنا مباراه وديه بالجيلى وبعدها فى مباراه وديه اخرى مع منتخب المهنى على ملعب جامعة الخرطوم الشرقى احرز اربعه اهداف مما جعله يمشى على امشاطه زهوا واطلقنا عليه باجيو
ويا حليل عزيز ونينه وعبد السلام وبستم وبديرى والموهوب بابو
ديل فنانين الكره
هسع ايهاب هو وعمرو اكبر مقاولى اعمال الحصير والديكور بمحافظة جبل الاولياء وربنا يوفقهم جميعا
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عبد الغفار عبد الله المهدى)
|
اهل الكلاكلة
الحبيب زمراوي لك الشكر علي فتح باب اخر متخصص في الكلاكلة
لكم كل الحب اهلي
احمد علي القاسم
مولود في صنقعت(حلة وسط..او العرب)في 1964
وبنزل في محطة 2 وممكن 4
اعرف الكثيرين ممن اتي ذكرهم اواسرهم
صنقعت لها مكانة في القلب فبيتي واهلي واخوتي بها
درست الروضة في روضة ست امينة ابا يزيد فلها التحية والصحة
والابتدائي والمتوسط بالكلاكلة قطعية(اللفة حاليا)وكانت المتوسطة في السبيعينات هي الوحيدة في تلك الايام وبعض من اقراننا درسوا بالخرطوم (الاميرية..الاهلية...عبد المنعم...القوز..)وتلك محطات اخر...
ا ذكر ان كاتب في بوست اخر عن الكلاكلة قال(ان من لم يسكن بين ديم البساطاب والنيلين في السودان ...لم يعرف شيئا عن العيش في السودان) واظنه اصاب لانها منطقة تجمع كل اهل السودان..وهدا باب اخر اخي زمراوي..
لكم الحب
ولفوق
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
أبدا بيك يا صاحب الزهرتين الجميلتين ربنا يحفظهما ( يا احمدالقاسم
جمال ادريس والله لو ما كنت كاتب اسمك كنت عايز اقول الفنان الانسان سيداحمد (طيب الله ثراه) لسع حي شبهو الناطق الخالق
الشفيع وصالح عبده (يا زول يا صاحب علده انت مش زولنا بتاع جمعية التراث السوداني ولا انا غلتان.
عبدالغفار وشوتا - سردكم جميل جدا ولكن التاريخ مهم اي يعني الفترة من كدات لكدا
لاني لو بديت احكي عن انسان الزمن الجميل داكا يمكن يطلعوا ابهاتكم ولا خيلانكم.
يعني انا عهدي (بالخرتوم) لمن كانوا بنطقوها كدا ناس الموردة وبيت المال.
عهدي بالخرطوم في بداية السبعينات لما كنا نجي كاسحين من البلد باللواري ونحن طلبه مدارس في اجازات يعني لو ما عندك زول في الخرطوم ما كان في طريقة للبندر ( يا حليل الوالدة كيف كانت لمان شردت من البلد قاصد الخرطوم بلد البهرجة وانا ازوغ من حتة لي حتة داخل الخرطوم في امبدة والشعبية وبالاجاويد تم اعتقالي في الشعبية وارغامي للنزول في البلد.
ولسع حنواصل
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
زمراوى
وكل الذين يمرون من هنا
اليكم تحايا عطره وموده صادقه ووفره
سا سرد لك يا زمرواى بالتاريخ كما طلبت
هكذا بدات علاقتى بالكلاكله صنقعت فى عام 19984
وحينها كنت طالبا بمدرسة محطة (11) الابتدائيه زمن (الاجلاء الافاضل الاساتذه
عبد الله بكرى شيخ المعلمين بالمرحله الابتدائيه ولا زالت جهوده على ما اعتقد تتواصل حتى الان مع مكتب تعليم المنطقه والاستاذ الفنان الحلفاوى الرصين وعازف العود البارع (فكرى)
ولا ننسى استاذنا وصديق الطلبه ابن حلة العرب الاستاذ المربى الفاضل (معاويه)
تلك الفتره كانت المواصلات لصنقعت بصين ابو رجيله وبصين ملاكى سفنجه زمن الناس ببتعلق فى الابواب وخطابات نميرى الطويله فى نشرة اخبار التاسعه وبعدها محاكم العداله الناجزه والتى كنا نتحوقل حول التلفزيون من اجلها قوانين سبتمبر بمكاشفيها ومهليها تلك الايام الجميله النضره وحينها لم يكن هناك وجود لمنطقة دار السلام اقصى شرق صنقعت والتى كانت حدودها زلط شرق الجديد وكان يسكن تلك الحواف ابناء البصاوله الذين اتوا من مصر وطاب لهم المقام وعملوا فى مجال البناء والتجاره والقليل من اهلنا الحلفاويين والمحس وكانت ود عماره عباره عن بيوتات متفرقات، تلك الايام والتى كان يكثر فيها انقطاع التيار الكهربائى وتجد الناس امام منازلها شيبا وشبابا ونساء ورجالا وهاك يا ونسه على الرمال وكانت تلك الفتره قبل اذدحامها بالسكان تكثر فيها الرمال ونحن نتجول ما بين حلة العرب ومحطة سته ونحمل سيوفنا المصطنعه وانها الحرب ايام المسلسلات الدينيه لما كان الناس لما تجى الساعه سبعه مواعيد المسلسل لاتجد احد الا وهو امام شاشة التلفاز، واقول ليك شنو يا زمرواى غير انى حتما ساعود اليكم بالتفصيل مع ايام الصبا ومدرسة 11
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عبد الغفار عبد الله المهدى)
|
الحبيب احمد القاسم
لك التحية
يااخوى نحن حجزنا تب
عندى ولدين الصغير الداقس فى الصورة دى
والكبير عيونوا مفنجلة مابملاءها الا جمال الكلاكلاويات
وبالمناسية بريدك الالكترونى ياهو المعاى ولا غيرتوا؟
تخريمة:
اخونا عبد الغفار سلام
شفت عمتك الكبيرة دى قلت نحن موعودين
بحصة تاريخ معتبرة ,,,, تاريكه ود امبارح
تعرف صنقعت دى كان حدها بيت ناس عادل العركى
اللهو قبل محطة 3 على مااذكر وجهة القطعية حدها
بيت محجوب مكاوى( وزير خارجية سابق)
وصدق او لاتصدق ... حمار الوداى ( الحمار الوحشى )
كنا نشاهده من مدرسة الكلاكلة قطعية الابتدائية فى
الفضاء ( عندما كان فضاء ) الممتد بين قطعية وود عمارة
ولكم الود
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عمر حلاق)
|
الاخ والصديق وريق الدراسةالحبيب محجوب محمد علي
يا زول انا وبناتي نلقاك وين غايتو الا وليداتك يزوغو...لك الحب والتحية وساكون في زيارة لشيكاغو خلال الشهر انشاء الله سارسل لك عنوان اقامتي وبريدي كما هو وامني لو قريب من هناك ان القاك..
زمراوي
| Quote: انت وين من نادي السهم اللي كان فيهو خالي عبدالشافع عبدالمطلب احد أقطاب النادي الغيورين. |
يا سلااااااااااااااااام عبد اشافع ود عم عبد المطلب ازكرهم تماما وبكدة انت قريب وحيد ونبيل لانو برضو خالو و اخبرني ابن اختي معتز عباس ابراهيم انكم جيران..
ناس صنقعت لكم الحب
وبجي راجع انشاء الله
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عبدالأله زمراوي)
|
عمر حلاق يا رائع -
البصاولة في حدقات العيون
وهم نعم الجيرة بالذات معانا
نحن النوبة في الشمال
كان خالي شرف الدين الله يرحمو
ساكن في محطة 17 وعندما توفي
اولاده ورحلوا للاسكان
أحمد القاسم
ما شاء الله زهراتك الجميلات مافي حد بيزوغ منهن
الا اذا اقتصر على العرب واحنا محس وعندي ولد
في الروضة ممكن محجز ليهو الامورة الزغيرونة دي
وطبعا عبدالشافع قريبي ود خال امي وعبدالقادر وعلي رحمة الله عليه
واختهم نورة ام وحيد ونبيل اولاد خالي الشقق.
مولانا عبدالاله زمراوي
يا حفيد جدنا الشيخ زمراوي الولي المدفون في اشكان
ليك وحشة والله ومن يوم سجلت في المنتدى النوبي
والدنيا قالبة بي هناك بسألوا عليك وقالوا لي
فتشوا لينا زولكم دا.
فتعال ايها الكوشي الاصيل.
.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
اخونا عبد الغفار سلام
شفت عمتك الكبيرة دى قلت نحن موعودين
بحصة تاريخ معتبرة ,,,, تاريكه ود امبارح
تعرف صنقعت دى كان حدها بيت ناس عادل العركى
اللهو قبل محطة 3 على مااذكر وجهة القطعية حدها
بيت محجوب مكاوى( وزير خارجية سابق)
وصدق او لاتصدق ... حمار الوداى ( الحمار الوحشى )
كنا نشاهده من مدرسة الكلاكلة قطعية الابتدائية فى
الفضاء ( عندما كان فضاء ) الممتد بين قطعية وود عمارة
ولكم الود
اخونا الكبير/ محجوب
علاقتى بصنقعت منذ السبعينات بواسطة اخوالى
عبد الفتاح على شمعون
جمال على شمعون
وحبوبتى
بيوت ناس العركى اصبحت معلم تاريخى من معالم صنقعت
وطبعا اهلنا العرب هم الذين اتوا الى الكلاكلات اولا كما يقول التاريخ
وقد اطلعت على ما كتبه (اسماعيل) حلة العرب والذى كانت له محاولات جاده فى صياغة تاريخ صنقعت ويقال ان جنود المهدى عندما كانوا يحاصرون الخرطوم عسكروا بالقرب من منطقة ودعماره او حلة البصاوله حاليا
ومن الطرائف ان تسمية الكلاكله هذه تعود الى حبوبة العرب والتى تسمى (كلكله)
والتى شاع عنها المثل الشهير(كلكله الرباطه حايمه بعصاته))
ويقال ان كلكلة تلك اتت من مناطق الجعليين وانه كانت تبحث عن قتلة اخوهع الذى قتله الهمباته ويقال انها انتقمت لاخوها واستقرت بهذه المنطقه الكلاكلات ومن هنا شاع الاسم ولا تنسى ان اهلنا العرب احفاد كلكله يعتبرون ان جميع اراضى الكلاكله هى لهم
| |
|
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
الاخ امير اوية
ياخي سلام عليك
سردك جميل
واضحكني
| Quote: حليل الكلاكلة صنقعت... محطة ستة ... مدرسة حداشر استاذ مصطفى وأستاذ عبدو (والله أستاذ مصطفى ده أداني شلوت بي جزمتو البوذها حديد لمن كنت في سنة أولى ... شررررر في ملابسي... |
اولا الله يرحم اخوك وهو دفعة قدامنا...
اعرف تقريبا كل ال اوية والدك ابراهيم اوية واخوانك سمير عصام!وا عمامك وتوفيق وصالحين وعندك بت عمكم جارتنا في حلة العرب سكنت من كم سنة باسرتها..
ياخي
إبيوووووووو إبيووو
بيتكم
ناس الامام( عبد الخالق الامام) ترهاقا ناس غانم (عزالدين و د عبد المنعم واخوانهم) ناس محمد سيد شيتوي ولقدام ال هاشم ماشاء الله(محمد جلال نبيل مجدي طاهر )احمد محمد احمد هاشم ومعتصم و....
ناس عنف وناس عبد الرحمن حسن ويسكن قريب منكم ابن عمي المرحوم مازون الحلة شيخ عبد الله عثمان القاسم...
وناس خليل عبدة حاج واولاده وعمك حسن بتاع الاراضي وناس نجم الدين عبد الله بين محطة 4 و5(لكن الان ما عارف الحدود)
تعرف مرة في 1991 اجتمعنا في بيتنا في صنقعت (حلة العرب)ودعا للاجتماع اخونا الاستاز ابراهيم خيري واحمد الهاشمي ابن عمي ومجدي جلال واحمد محمد احمد هاشم وعمر كسلا ابن خالتي واخي عثمان علي القاسم
اتفقنا علي تفعيل العلاقات ونقلها من الباصات والكورة والشوارع والنوادي الي المنازل واستمرت لفترة حتي تفرقت بنا السبل.....ولكن في القلب مكان لكم جميعا اهلنا نحبكم حتي الثمالة ...
وبجي راجع..
يا اوية شافك قلت دبي!!
تلفوني 00971504429455
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
صنقعت محطة 17
حي السلام
داؤود ..... الصعود من زمن بقرش ولا هسي وانشاء الله دايما
عمك عبد الصمد امام الزاويه (رحل من صنقعت قبل 20 سنه) ولسه باقي
عمك محمد عثمان (اول زول عندو تلفون في عموم الكلاكلات)والد الضابط مراد مخمد عثمان
مصطفي اخمد حسين الاستاذ الجليل
عمك زياده الشيخ زياده (توفي رحمة الله عليه)صاحب المغلق في الهلال الاحمر
صديق الكوتش ومن ثم نجم الدين اولاد عشه البقر
سوق 17 ومريم ست الروب
ومحمد بتاع الخدار
ايوب سيد الكارو
ونعمات تسعيره
عمك مصطفي نمر (عليه رحمة الله)
وكمان عمر الفن اكتر زول بخب المريخ في العالم
وقصص لا حولااااااااااااااااااااااا بس شيلو الصبر
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عمر حلاق)
|
Quote:
مصطفي اخمد حسين الاستاذ الجليل
عمك زياده الشيخ زياده (توفي رحمة الله عليه)صاحب المغلق في الهلال الاحمر
صديق الكوتش ومن ثم نجم الدين اولاد عشه البقر
سوق 17 ومريم ست الروب
ومحمد بتاع الخدار
ايوب سيد الكارو
عمك مصطفي نمر (عليه رحمة الله)
وكمان عمر الفن اكتر زول بخب المريخ في العالم
QUOTE]
ياخي الله يرحم العم مصطفي احمد نمر!!لم اكن اعرف بوفاته الا منك الان والتعازي للاخوة مجدي والفاتح
الاستاز مصطفي احمد حسين هو مربي اجيال فقد درسني في الابتدائي و كان يفرح لنجاحنا قبل اهلنا في 74!(تاني قول عجوز يا عمر)!!وهو من شجعني و علمني الوقوف علي المسرح والتمثيل والقاء الخطب..لكن تفوق الاخ محجوب محمد علينا في مسرحية( هبل ..يا هبل)...واخير نسمع من محجوب(او عمكم محجوب)..
عمر الفن مريخابي قح..وفي صنقعت علي يحي لا يقول الهلال بل( الهليل)
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
ميدان السلام (الله يجازيهم بقي مدرسة) ورغم قيمة المدرسة والحوجه ليها لكن كان ممكن يلقو مكان تاني ليها
بالمناسبه اعترضنا علي قيام المدرسه في ميدانا وكنا في المتوسطه الوقت داك ولفقو لينا تهمه ودخلونا الحراسه (ناصر الكنزي - وليد امام - خالد افتله- وشخصي الضعيف(السمين شديد))
فعلا الميدان ساهم شديد في ترابط ابناء الحي وخرج اجيال من الشباب الواعي ولعيبة الكورة الممتازين حتي علي مستوي الفرق الكبيره (عوض حسن - عبده حمد - عزيز عمر الفن - عمر طحنيه - ياسر بستم -خالد سيكا)وكتاااااااااااااار تانين
اي زول مستقر في حي السلام من قبل الميدان يبقي مدرسه بحس بالفرق بين زمان وهسي
براعم السلام - فريق الجهاد (الجهاد ده قديم) فريق خي السلام ده التسلسل بتاع الفريق في الكلاكله
لا حولااااااااااا
التعاون وعمك عبده فرح (عليه رحمة الله) أجمل وانقي واطهر انسان رأيته في حياتي وعمك حسن عبد السلام
بس اصبروا لي شويه
بجيكم بالتفصيل
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عمر حلاق)
|
عبدالغفار
شفت في محطة خمسة اي جمب النادي كان خالنا عمر خليل رحمه الله كان الدينمو بتاع النادي لغاية ما اتوفي قبل خمسة اشهر .
اذكر اننا حضرنا ندوة في النادي قبل 3 سنوات قدم فيها خالنا كتاب عن الكلاكلة شرق وعظمة الرجال.
احمد القاسم يا ابو الزهرات الرائعات:
وحدي ونبيل الاود خيلاني محمد يوسف وكليهما يعملان في الخرطوم اعمال حرة حتى والدهم محمد يوسف استقر في السودان وعندو بوكس بنقل العتاد والعباد.
عامر محمد
رااااااائع راااااااائع قسمااااااااا قسماااااااااا
طيب انت وين من نادي ترهاقا اللي كان شعلة النشاط الذي كنا نمارس فيه الانتخابات لصالح د. شريف عثمان المدعوم من الفنان وردي.
عمر حلاق يا رائع
اتذكر كنا بنجي انا وخالة لي تعمل في مستشفى السعب زمانك محطة 17 جمب ظلط الجبل لواحدة اسمها خديجة الشيخ وكانت مسلخة شلوخ هوريزينتال.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عمر حلاق)
|
[B]الاخ حلاق
غادرت صنقعت قبل 22 سنة دراسة وغربة لكن انتم يا ناس السلام في زاكرتي
صديقي الجميل عوض حسن عبد السلام
ابراهيم محمود (الحداد)الله يرحمه
ناس جهاد حمد واخوه حافظ
دكان ابراهيم بداية 15
(اكو) محمد الحسن الامين
ناس عيدروس
عمر الفن واولاده
دكان عبد الماجد واولاده
ناس عمر عبد القادر وزهير وياسر
عثمان عبد الرحمن فرح!
وناس د الطيب واخوانه
اولاد درية(رمضان و سراج وبشارة)قمة التهزيب ماشاء الله
ال الدرديري ناس امين وحسسين ويسين والخ
وال مراد ادريس ناس هاني وعامر
وناس د بدر الدين هارون ادريس واخوه د محمد (رحلوا سوبا)افتقد اخبارهم؟
ال فضل الجبار (عادل خالد)
ناس عبد الله عبد الواحد وعادل والمرحوم اخوهم عصام
عمر محمد عبد الله واخوانه عثمان وعلي
اسامة محمد عبد الجيد(دبلنجي)
محجوب محمد علي واخوه ازهري
اشرف شريف الطاهر
اما عبده حمد واخوانه فديل اولاد بنت عمتي (يعني انا خالهم)
خالد الليثي واخوانه
عندك ناس حنفي جلال واخوانه
وبقية ال نوبي (وبقوا نسايبنا) والكلاكلة وخاصة صنقعت وطن وبوتقة انصهر فيها الجميع
ويمكن اكون لخبطت ليك الحدود لكن...
صنقعت في البال
لكم الود..
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
الاخ/ الاكبر
محجوب
ربنا يرحم الفيلم وكل عظماء صنقعت
ويا سلام
على صنقعت وناس صنقعت عرب ورطانه
لانه والله عمر صنقعت ما كانت فيها تلك الفروقات بالرغم من تقسيمها شرق وغرب الى ان صنقعت ظلت هى صنقعت
ومسطبة ناس عبد الرؤف دائما عامره وناس الشروق دائما حلوين
ويا حلاق
المدرسه مهمه نعم لكن كان الاهم ميدان السلام وكان بالامكان ايجاد مكان للمدرسه وهذا ما حدث لميدان وردى ايضا لهذا يجب ان نبحث عن ميادين جديده
امير عيسه طبعا عامل فيها احرف لاعب وسط وهو الان فى السعوديه على ما اعتقد
وما احلى ذكريات صنقعت وايامها الجميله
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
]الاخ حلاق
غادرت صنقعت قبل 22 سنة دراسة وغربة لكن انتم يا ناس السلام في زاكرتي
صديقي الجميل عوض حسن عبد السلام
ابراهيم محمود (الحداد)الله يرحمه
ناس جهاد حمد واخوه حافظ
دكان ابراهيم بداية 15
(اكو) محمد الحسن الامين
ناس عيدروس
عمر الفن واولاده
دكان عبد الماجد واولاده
ناس عمر عبد القادر وزهير وياسر
عثمان عبد الرحمن فرح!
وناس د الطيب واخوانه
اولاد درية(رمضان و سراج وبشارة)قمة التهزيب ماشاء الله
ال الدرديري ناس امين وحسسين ويسين والخ
وال مراد ادريس ناس هاني وعامر
وناس د بدر الدين هارون ادريس واخوه د محمد (رحلوا سوبا)افتقد اخبارهم؟
ال فضل الجبار (عادل خالد)
ناس عبد الله عبد الواحد وعادل والمرحوم اخوهم عصام
عمر محمد عبد الله واخوانه عثمان وعلي
اسامة محمد عبد الجيد(دبلنجي)
محجوب محمد علي واخوه ازهري
اشرف شريف الطاهر
اما عبده حمد واخوانه فديل اولاد بنت عمتي (يعني انا خالهم)
خالد الليثي واخوانه
عندك ناس حنفي جلال واخوانه
وبقية ال نوبي (وبقوا نسايبنا) والكلاكلة وخاصة صنقعت وطن وبوتقة انصهر فيها الجميع
ويمكن اكون لخبطت ليك الحدود لكن...
صنقعت في البال
لكم الود..
احمد القاسم ازيك
ياخي انت عجوز خااااالص
خليت صنقعت ليك 22 سنه (لكن والله طمنتني)وحأحاول اطمنك
انت لخبطت شديد بين السلام والعوده لكن حقيقي مجموع الشباب في السلام والعوده بحبوا بعض ومترابطين
مافي مشكله يا خينا
قبل اوريك اخبار الناس بالتفصيل انا درست المتوسطه مع الرشيد محجوب حسب الرسول ومجموع شباب حي العرب اصدقاء اعزاء علي القلب وبالخصوص خالد محمد سليمان وشهاب حسن يحي واشرف حمد وكمال ادريس ويوسف احمد حسب الرسول يعني ببساطه كمية من الشباب الجميلين جدا
ذكرت شباب لطيفين جدا وهم اولاد دريه
رمضان وبشارة وصلاح وصابر وجمال وهم ركيزة اساسية بالنسبة لاولاد الحي خاصة في موضوع الكورة
وعموما كل الحله بتحبهم وفي نكات كتيره عن صلاح ككه ممكن احكيها في فتره جايه
عوض حسن الجميل اللعاب ووالده حسن عبد السلام (التعاون) اسره جميله ومحبوبه جدا وهم بخير وعلي الدوام بلاقي عمك حسن عبد السلام
اولاد عمر الفن عزيز واسامه وسامي وعاصم ايضا بخير
اولاد عمك حفني البقو نسابتكم وعلي ما اظن قاصد سليمان مصطفي الاتزوج ابنة محمد حفني وهم أبناء عمومه وتربطنا صلات جميلة (محمد ومحمود وجلال ومجاهد) بالمناسبة محمود حفني مريض ويحتاج الي عملية نقل كلي ستتم قريبا انشاء الله دعواتكم له بالشفاء
عزرا مضطر للخروج الان
اكييييييييييييييييييد برجع ليكم عن صنقعت وحي السلام بالتحديد وكمان حي العوده
محمد زمراوي بجيك راجع
لكن طالما صفوت عبد الرازق قريبك (الترابه في خشمك)
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: abdulgafar mohd saeed)
|
انا بحب اجيب الحاجات القديمة جدا
كان اخوي الكبير عبدالحليم زمراوي كمساري في بص ود الخليفة هاشم
ومرة واثناء ما بلم القروش من الناس في البص كان في واحد سكران
قام قال ليهو انا دفعت عبدالحليم قال ليه يا زول انت ما دفت المهم
السكلة قامت وطبعا البص طويل البورمنات المكنة في الخلف
ولما قرب البص لمنطقة الدباغة (المجرى) قام السكران دفر عبدالحليم
في الخور والبص فات اخونا لما بي عفانتو وصل الكلاكلة مشيا على الاقدام
من اللاماب طبعا مافي زول حيركبو وهو ماشي زي الصندوق طبعاالقرض نشف
ليك ابو العراقي اللابسو بقى زي اللابس ليهو صندوق شاي.
ولنا عودة
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: طلال اسماعيل حسب الرسول)
|
| Quote: طبعا نحن اهل الدار ما حنستأذنك الدخول ,, و للكلاكلة و خاصة صنقعت وقع خاص لدي كل الرطانة امثالنا ,, و ياريت تقدر تستقطب للبوست اولاد الدرديري ( حيدر الشيخ في جدة/و اخوه مجدي الشيخ موجود في زنزبار حالياو ماجد اللعاب فهم مؤسسي الكلاكلة و لهم قصص و حكايات مثيرة عن الكلاكلة ,,, و ارمي لقدام |
الاخ عبد الغفار سعيد
شكرا لك
صنقعت سودان صغير
هؤلاء اهلي ومادام بتعرف الجيل دة فهم جيلي
ماجد ابن عمي علي يحي
حيدر ومجدي الشيخ اباء خالي لزم!!
وتابع..
طلال اسماعيل
تحياتي لاهلك واخص عم حسب الرسول و والاخوان اسماعيل ومنير ونادر واستاز ميرغني
وتحياتي لاكرم وتمنياتي له بالصحة والعافية
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
Quote: لم أكن اصدق بأن الجهة تتحول الي جهوية صادقة ومحبة وغير سالبة الا عندما تابعت هذا البوست فقد كنت من المقتنعين ان القبلية قد أفسدت بعض من المجتمع السوداني المتسامح.
ولكم سعدت بالمداخلات في هذا البوست الرائع الذي جلعني من الجهويين بلا حرج.
شكرا محمد لان الكلاكلة تاريخ وعلم ورياضة وثقافة وفنون وتواصل اجتماعي مع المكونات الاثنية المختلفة للسودان دون استحقار وازدراء.
شكرا لك وانت تعيد ذكريات لم تجد حظها من التوثيق
|
اخي طلال اسماعييل لك التحية:
هذا البوست فتح لتذكير الناس كل بجيله بعد ان تفرق بنا السبل من جراء التهجير القسري المادي ولم نعد كالزمن الجميل الذي مضى والذي لن يعود. على الاقل نسجل ذكرياتنا عبر هذا البوست فربما عند البحث عن اسم الكلاكلة سيجد ابناؤنا اسماءنا مسطرة تحكي عن جيل عريق مضى.
المنتدى النوبي العالمي
http://www.nubian-forum.com/vb/index.php
وشكرا على مداخلتك
والشكر والتجلة للاخوة الاحباء عبدالغفار واحمد القاسم
التحية لكل ابناء عمنا حفني
في محطة واحد
وعمنا الدرديري
والشيخ القرني
والد احمد قرني وكمال والبقية
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
زمراوي
انت ياخي راجل غريب بل اصيل
بتزكر ناس
Quote: وعمنا الدرديري
والشيخ القرني
والد احمد قرني وكمال والبقية |
يا اخوي انت قلت جيت الكلاكلة سنة كم؟
لانو زول بتزكر ناس قرني معناها من الستينات والسبيعينات؟اين ال قرني الان؟كنت اعرف ان احمد عمل بالمجال الطبي في السعودية!له التحايا ولاهله...
وبرضو في اسرة سكنت في بداية السبيعينات في محطة واحد وهم ناس عفيفي وعادل حسين!!وانقطعت اخبارهم..لهم السلام
وناس نبيل مصطفي ابراهيم سكنوا محطة واحد مقابل جزارة عم عوض ورحلوا بري!!سمعت بان نبيل في لندن!!لهم الود فهم جزء من طفولتنا لا ينسون!!
ومحتار لاني ما عرفتك؟رغم انك عجوز زي حالاتي!
عبد الرحمن ادريس! رجل مهذب سكن امريكا من كم سنة!اظن جاركم او قريبكم!
....
وصنقعت في البال
لكم الحب
وبجي راجع انشاء الله
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
طبعا في شخصية ما أعتقد إنك عاصرتها وهي عادل ضغط (السيرة بتاعته لو انفتحت ما بتتقفل ... هذه الشخصية التي نذرت نفسها لتتبع والكشف وفضح اسرار الشباب والشابات في الكلاكلة ... مريض نفسيا وسلوكيا ولكن مع هذا فهو شخصية مهمة في الونسة...
على النقيض أذكر بالخير أستاذي الفاضل المرحوم الأستاذ حسب الرسول ..من أبناء حلة العرب .. تغمده الله بواسع رحمته وأسكنه فسيح جناته مع الصديقين والشهداء من عباده...
نادر أحمد عطا صديقي الذي لم أسمع صوته الجهور ولم ألتقي به منذ زمن يكون قد تجاوز التسعةسنين.
ولي عودة
أمير أوية
اويه
وبيووووووووووووووووووووووووووووووووووووووووووووووووووووووو
عادل ضغط
الله يجازى محنك
يا حليل عادل ضغط
ودون عادل لاتحلو الونسه او القعده فى مسطبة ناس داؤد سيد على او فى نادى الصفا
او فى شارع بيتهم ناصية ناس عم سيد ويحى الشايقى
بالله وين الزول ده واخبارو شنو
عادل رويتر
وطرفه من طرايفه
ايام عرس رؤف وعلى ما اذكر كان بالراحل بادى احمد الطيب طبعا اخونا ايهاب محمد خليل عامل فيها روميو وكان عندو اتنين فى المناسبه وبدسدس من واحده
فما كان من ضغط الا واتى امام الاخرى وقال
والله ايهاب بهناك عايش جو مع....................
وما احلاك يا صنقعت
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: عبد الغفار عبد الله المهدى)
|
Quote: يا اخوي انت قلت جيت الكلاكلة سنة كم؟
لانو زول بتزكر ناس قرني معناها من الستينات والسبيعينات؟اين ال قرني الان؟كنت اعرف ان احمد عمل بالمجال الطبي في السعودية!له التحايا ولاهله...
وبرضو في اسرة سكنت في بداية السبيعينات في محطة واحد وهم ناس عفيفي وعادل حسين!!وانقطعت اخبارهم..لهم السلام
وناس نبيل مصطفي ابراهيم سكنوا محطة واحد مقابل جزارة عم عوض ورحلوا بري!!سمعت بان نبيل في لندن!!لهم الود فهم جزء من طفولتنا لا ينسون!!
ومحتار لاني ما عرفتك؟رغم انك عجوز زي حالاتي!
عبد الرحمن ادريس! رجل مهذب سكن امريكا من كم سنة!اظن جاركم او قريبكم! |
احمد القاسم صباح الخير
انا اول مرة جيت الخرطوم وانا قروي في المدينة عام 1970م
وحضرت اول احتفالات ثورة مايو الله لا عادها
وطبعا جيت شارد من البلد في الشمالية بمجرد المدارس ما قفلت وكنت في اولي وسطى (المتوسطة)
وقعدت مع ناس جدي عبدالمطلب عثمان (خال امي لزم) ووالد كل من عبدالشافع وعبدالقادر وعلي رحمة الله عليه
كان اخوي عبدالحليم زمراوي بسوق البرينسة بتاع عمنا قرني ايام البرينسات
وطبعا احمد القرني في السعودية بالرياض واخوه عبدالرحمن اسع رجع السودان من ثلاثة سنوات واستقر بالكلاكلة بعد حادث الحركة التي تعرض لها في السعودية وطبعا سكن في بيتهم القديم ملاصق لبيت اخوي عبدالحليم.
وناس عفيفي وعادل حسين ديل في السعودية الرياض وطبعا هم من حلتي في الشمالية.
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
[B]الاخوة
لا اعرف لها حدودا فقد ترعرعت فيها والانسان يربي في مكان ويحب اهله وقاطنيه فتكبر الحدود دون لا شعور
من هنا اعلن جهلي لخارطة الحدود...بل اعرف ان اقول اني كلكلاوي..عزرا زمراوي لكسرحاجزك..ولكن..
صنقعت تعني الكثير ففيها اهلي واخوتي واصدقائي
من حلة وسط (العرب) اهلي
كوستا(باشمهندس صديق محمد نور الدين)
المهزب كتير ابن خالي مجدي الشيخ نور الدين
احمد بلة نورالدين
اسامة نورالدين
عثمان علي القاسم
حيدر الشيخ
محمد الدرديري نورالدين
عمر كسلا
عادل سليمان
د عبد المنعم علي
د فتحي عبد الله (من عندنا ونفخر به)
د ابوبكر الدرديري
م عمر الدرديري
م عاطف علي القاسم
المرحوم محمد احمد يحي صديقي وابن عمي الزي فقدته مبكرا
الرحوم عادل حسب الرسول العوض(رحلة -روضة ماما امينة-الخلوة-الابتدائي قطعيية والمتوسط قطعية-الثانوي المقرن -الجامعة الهند!!مشيناها خطي..وسبقنا الي الاخرة راضيا مرضيا!!)لهم الرحمة
النيل ادريس محمد احمد(حاج شكسبير)
الطيب اسماعيل عبد المطلب
الريح حمد النيل( ابو الريح)
احمد حمد النيل
عصام حمد النيل
عصام يحي
عادل الامين (كرك)
الحبيب ازهري احمد ناجي(ولدنا)بامريكا
التاج الامين له الرحمة
مجدي وعاصم مضوي
اولاد خالنا حميدة ابراهيم حامد
مولانا احمد قصاري (اظرف الشباب)ولا ابالغ ان قلت من اميز القضاء!!
اةلاد الطيب عمر
اولاد حشمت
النزير ومعتز احمد محمد يحي
احمد يحي ومحطة 3 وكور الهلال!!
امام احمد امام واخوانه
اهلي الجافلاب ولمن لا يعرفهم هم ال الاطرش وال الصديق وال المهل ولهم ينتمي كثيرون
واشهرهم عمنا ايوب وعمنا الصديق المهل
اهل واصدقاء
شاهين محمد سليمان شاهين(شاهين شاهين)ودةاكثر واحد بحب صنقعت واهلها بل كل السودان
العميد احمد سيد مكاوي
العميد فيصل محجوب
د حسن سيد مكاوي(نسيب ال جلال هاشم)
مبارك محمد مختار واخوه عدنان
صديقي ودفعتي حافظ وردي
عادل حافظون
جنابو محمد ابراهيم سعيد
يسن عبد الحليم
عماد محمد سليمان
حسن خيري!
باشمهندس حمدنا الله(حمتش)
صديقي الرائع د رفعت محمد صالح واسرته
المهندس واخي الزي لم تلده امي مدثر حسن محمد سليمان شكري واسرته افتقدهم!
م صلاح عوض احمد الفكي واهله
والاخ نادر احمد عطا وبقي نسيبنا (تزوج بنت اخي )...
..
وجاييكم اكمل اللستة
احمد علي القاسم
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: كمال علي الزين)
|
Quote: كمال علي الزين
أمدرمان العرضة _ جنوب
جوار نادي المريخ .
زيارة خاطفة ياناس الكلاكلة
رغم أن الكلاكلة هي موطني الأصلي من جهة الوالدة
(القبة) وكل عروب الكلاكلات أهلي
إلا أنو صنقعت علاقتنا بها تأخذ شكلاً آخر
فقدعاش ومات بها جدنا (عبدالمطلب الفضل )
(دكان عبدالمطلب ) آخر محطة , عليه الرحمة
|
الاخ كمال الزين
الله يرحم جدك وعمنا عبد المطلب الفضل وازكره جيدا اخي وكان صديق لوالدي
واظن فريد قريبك!وفريد دة دفعتي في الابتدائي
لهم ولك اخي الاصيل كل الود
عندي سؤال
العرضة دي انا مناسب رباطابها!!يا ربي...وبكدة انت ممكن تكون نسيبي!
وانت قريبنا برضو
اهل ابوي من (القبة)عكسك...وامي من صنقعت ..لكن سكن ابي مع من احب(امي واهلها)
مرحب بك اخي الصغير كمال
احمد علي القاسم
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
زمراوى و صحبه الابرار
ابن العمة ود القاسم
كل آل الكلاكلة الاوفياء ،الانقياء، والاصلاء
تحية كلكلاوية عبقة بجذور التاريخ و الماضى العريق ( صنقعت وسط) ، وبتلاقى الحاضر القادم من تاريخ النوبة و حضارتهم الاصيلة، ..... و نسج مغزول من هذا و ذاك.
و ود صافى يحمل اجمل ما يحمل من المعانى الحسان : الانسانية ... و يكفى .
للكلاكلة سحر أخاذ لكل هؤلاء :
- من ولد و تربى بها
- من عاش بها.
- من درس بها.
- من له معارف و اقرباء و اصدقاء بها.
- من غشيها و لو للحظة .
- من ..... و من .... و من ( اضف ما شئت)
الشاهد : ان هذه البقعة الخصبة لا تزال تنبت بالدهن .... و بالدسم( كالشجرة التى تخرج من سيناء)!
كثيرة هى الذكريات و الحكاوى الشيقة عن هذه الأم الرؤوم. و الاجمل ان ذلك متعادل لكل الاجيال و بكل التعاقب الزمنى ( انظر للسرد الجميل للمشاركين اعلاه و قارن بين روعته بالرغم من فروقات السن و الاعمار ).
حتمآ سأعود اكثر حماسة و تشبثآ.
امتنانى
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
كووووووووووستا
يا احلى من باسطة بابا كوستا
ازيك يا نص الكلاكلة ونحن اطرافا
ازيك يا ولدنا ونحن ابواتك
يازينة شباب حلتنا
والتحية ليك يا ودقاسم يا جميل
الكلاكلة في بداية السبعينات وبالتحديد في العيد الاول لثورة مايو في ذلك الزمن ونحن ننشد الاناشيد الجميلة
انت يا مايو الخلاص يا جدارا بالرصاص .. يا حبالا للقصاص (ولا ندري ماذا كان يعني حبالا للقصاص) الا بعد ان انقلبت الثورة واصبحت تحرق وتعلق وتنصب المشانق لبنيه.
وكنا وقتها في اقيلمنا النوبي ويسموننا بالاقليميين (يعني ) بلديين ولا اعلم لماذا حاليا عندما نطالب باقليمنا النوبي يقال علينا اننا جهويين وعنصريين.. عموما دا ما شغلن. بس نحب نذكركم ان الكلاكلة في منتصف السبعينات كانت اكبر منتطقة ريفية على اطراف العاصمة واجملها واحلاها حيث كان سكان السجانة والقوز والرميلة يتنفسون الهواء العليل في الكلاكلة ويا بخت من لديه اهل في الكلاكلة... رائحة الشواء في الخميسيات... وكم كنا سعداء عربا ونوبة وكان الحب والتآلف...
محطة واحد الصهريج.... قديم قدم الكلاكلة..
لا تننسى رائحة الرقيطا بعد هطول الامطار وتشقق الحيطان والاسقف وما اجمل رائحة الطين بعد المطر... اذكر ان لدى خال كان يسافر بعيدا بحكم عمله كممرض بالسلاح الطبي رجع الخرطوم بعد رحلة عمل في الفاشر ووجد ان الذرة نامية فوق سطح منزله وكان منظرا عجيبا احلى من حدائق بابل المعلقة.
سنووووواصل ... كل واحد لمن يجي يجيب معاهو ناس يا شباب هذه ذكريات ستظل مرحعا وسندا للتآلف والمحبة بين اولادنا وبناتنا..
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: Ahmed El Gasim)
|
مدرسةالكلاكلة شرق الابتدائية
مدرسة عريقة بكل مقومات العراقة .انشئت فى بداية الخمسينات و قبل الاستقلال .
مبانيها قبل السلم التعليمى كانت مبانى نموذجية فى كل شى ،
الصف الاول يبرز هو و الصف الرابع فى البناء عن بقية اجزاء المدرسة ، حيث ان ذلك كان بسبب ان هنالك غرفتين فى الاتجاه المعاكس للصف الاول و الصف الرابع عبارة عن مكاتب للاساتذة ( تجاه الصف الرابع ) بينما الغرفة التى تفتح على الصف الاول هى مكتب الناظر .
الصفوف : الثانى و الثالث كانا يتوسطان مكتبى الناظر و الاساتذة بينما برندة طويلة باعمدة خشبية و ارضية من البلاط تصل مابين الممر بين مكتب الناظر و الصف الاول من جهة الشرق و مكتب الاساتذة و الصف الرابع من جهة الغرب ... و كانت مكاتب الاساتذة و الناظر و الفصلين الثانى و الثالث تفتح ابوابها جميعآ جهة الجنوب و كذلك الباب الخارجى للمدرسة بعكس الفصلين الاول و الرابع اللذيين كانا يفتحان فى اتجاه الشمال .
كانت تحف بالمدرسة اشجار النيم الباسقة من جهات الجنوب و الشرق و الغرب ... و كانت الجهة الشمالية خالية من الاشجار عن قصد حيث كانت تترك كساحة او فناء خلفى للنشاطات المدرسية ( خاصة حصة الاعمال ) و هو على فكرة نهج انجليزى فى المدارس الابتدائية بالذات بان يترك فناء خلفى ( back yard ) للنشاطات الطلابية .
السور الخارجى للمدرسة كان قصيرآ بحيث انك اذا كنت مارآ بالقرب من المدرسة ترى من بداخلها بسهولة ، و لكن فى عهد الناظر المرعب الزين على عمار قرر ان يتم تعلية السور الخارجى للمدرسة بواسطة طلاب الصفين الخامس و السادس و كنا للاسف فى الصف الخامس حينها و كنا نقوم باعمال البناء عقب انتهاء الحصة الخامسة ( مثل مساجين سجن ابو غريب ) .
بالاضافة للبناء الرئيسى للمدرسة المذكور اعلاه كانت توجد فى اقصى الركن الجنوبى الشرقى للمدرسة مزيرة كبيرة توجد الازيار فيها محمولة على صفين متقابلين من قواعد اسمنتية سميكة و المسافة بين الصف و الآخر حوالى مترين و كان بالصف الواحد حوالى ستة ازيار كبيرة اذا لم تخنى الذاكرة . باب المزيرة يفتح على الجهة الشمالية و توجد فتحات للتهوية ( حوالى اربعة فتحات فى الجزء العلوى الجنوبى من المزيرة ( لاحظ مراعاة اتجاه الرياح الشمالية الجنوبية عن قصد فى اختيار اتجاه الفتحات و بوابة المزيرة ) .
كذلك كانت هنالك ( ادبخانات ) فى اقصى الركن الجنوبى الغربى للمدرسةو عددها حوالى ستة تقريبآ خمسة للطلاب و واحدة للاساتذة .
كانت توجد بئر فى منتصف الحائط الشرقى للمدرسة و بالقرب منه و كانت تستخدم لملء الازيار و سقى الاشجار و ذلك فى العهد الاول للمدرسة و قبل توصيل المواسير لها ( عند دخولنا للمدرسة كانت البئر مغلقة لعدم الحوجة لها و لكنها ظلت كأثر من آثار الماضى الجميل ) .
كان هنالك منزلين للاساتذة شرق المدرسة مباشرة ، احدهما للناظر و اسرته و الآخر للأساتذة ( العزاب ) من خارج الكلاكلات .. ، و كان هذين المنزلين فى طرازهما المعمارى مثل سائر بيوت الحكومة المنتشرة فى كل انحاء السودان .
كانت محكمة الكلاكلة الجزئية هى الجار الغربى للمدرسة ، و كان منزل العم الهاشمى يحد المدرسة من الجنوب و بينه و بين المدرسة شارع حوالى ثلاثين مترآ .. بينما من الجهة الشمالية للمدرسة كان ملعبآ كبيرآ للكرة كانت تجرى فيه جميع النشاطات الرياضية للمدرسة و طلابها و اصبح فيما بعد ميدان رابطة الكلاكلة قطعية الشهير .. و شمال هذا الميدان تقع المقابر الخاصة بالكلاكلة قطعية و بها بنيّة الشيخ دفع الله الفكى احمد و التى بنيت فى عام 1936 م و مازالت موجودة حتى الآن .
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: KOSTA)
|
كوووووووووووستا يا راقي
صدقني انا قريت مقالك سطر سطر ووجدت ان وصفك لمدرسة الكلاكلة شرق الابتدائية قد ينقل القاري لرسم خريطة امامه. نعم عاش الشودان في مرحلته المتقدمه حياة تعليمية نموذجية جميلة.. فانظر مليا الى المدارس العليا القديمة حتى المدارس العليا في المناطق الاقليمية مثل الشمالية تجد ان شكل التصميم يوحي بأن من وضعوا اللبنات الاولى لهذه المدارس كانوا نموذجيين فعلا..
بوصفك اخي لهذه المؤسسة التعليمة جعلتنا نقارن بين انسان ذلك الزمن وحياته الجميلة وانسان حالنا اليوم ومآل الجال والمشهد الحالي يكفي.
من من ناس الكلاكلة شرق يحكي قصة نادي الصفاء وله التحية
شكرا كوستااااااااااا
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: محمد زمراوي عبدالعزيز)
|
الاخ الاكرم
محمد عبدالعزيز زمراوي
التحيه لك وانت تتيح الفرصه وتحث الجميع وتحفزهم ليعزفوا معا علي اوتار الأفئده ، وينثروا درر الماضي الجميل عبر بوستك الرائع البديع هذا والذي اراه يمثل قمة الوفاء لمنطقة الكلاكلات بصوره عامه وصنقعت علي وجه التحديد 0
انا من الوحده مربع (1) وتربطني علاقات متينه وصداقات حميمه بالعديد من ابناء صنقعت خاصه الرطانه او (البرابره) كما يحلو لأصدقائنا في حلة العرب نعتهم بها وذلك حسب ايدلوجية التقسيم القبلي الذي كان سائدا في فترة ما في تلك المنطقه ، ولكن كما يعلم الجميع بأ، العرب والرطانه كانوا ولا زالوا اخوه واحبه واصدقاء0
من هؤلء الاصدقاء علي سبيل المثال وليس الحصر اولاد عبدالظاهر –علي وفيصل وعماد والمرحوم بدري الذي انتقل الى الرفيق الاعلى قبل شهرين- عليه رحمة الله -، واولاد ابراهيم وهبي مولانا عصمت وعفت وعمار ، ومن الاصدقاء المحببين جدا الي النفس جمال ادريس ومكي شريف ( بالامارات ) وشهاب شريف وايهاب عثمان (بالسعوديه) والاستاذ عوض زيكو واخوه حمدي نيلز (بأمريكا ) وحمدي وعزت وسهيل – جبر- (بكندا ) 0
ومن شباب الحريه نادر احمد العطا ونادر اوشي وعصام حسين وامجد خليل ، ومن شباب ترهاقا عزيز وحاتم كوري واكرم بوكاب ، ومن شباب الشروق عبده نينا وخالد حوصي ونزار عباس ومن محطة سوق (3) اولاد عمنا عبدالله عبدالحميد شمت محمد ودكتور خالد وعمر 0
ولا يفوتني ان احي ابناء الدفعه والاصدقاء الرفاق معتصم تزومه واشرف فريده ومجدي ديسكو ومرتضى حمدنالله وعوض كبوجيل0
وهناك العديد من الاصدقاء والاحباب من ابناء صنقعت لا يسع المجال لذكرهم ولا املك في هذه السانحه الا ان احييهم واحي جميع اسرهم ونحن لا زلنا نحلب ضرع الاماني ونمني النفس باللقيا ، ونحمل في طيات الجوارح ذكراهم العطره مرسومه علي الوجدان كنقش فرعوني علي شاهد قبر منسي 0
وختاما يعجز ثنائي التعبير ( السان والقلم ) عن شكر الاخ طارق عبد اللطيف للسماح لنا بالأطلاله وسامحونا علي الاطاله 0
بسام امين ساتي
السعوديه - المنطقه الشرقيه - الخبر
| |
|
|
|
|
|
|
|
|
|
Re: الكلاكلة صنعقت المدينة ذات الدفء الريفي ومحط عهد الصبا.. شاركوا... شاركو فلنجعل الموقع قويا (Re: طارق عبد اللطيف نقد)
|
كووووووووستا يا ابداع
نقلت موضوعك عن مدرسة الكلاكلة شرق الابتدائية
للمنتدى النوبي العالمي فوجد صدى واسعا من النوبيين
وقالوا لي سلم عليك
اخي العزيز طااااااااارق
الكلاكلة صنعقت والوحدة وحدة واحدة متجانسة ولم تكن تسمية الوحدة الا للتعريف عن ذاتهم لانه كانت توجد مساحة كبيرة بين الكلاكلة طنقعت والوحدة وبالذات ناحية محطة تمانية وتسعة وعشر وكان فيه عشر كتيرررر لما تعاين ورا بيوت ناس عثمان عويس والد الفنان عماد عويس.
ولكن هسع الكلاكلة كلها وحدة لا حتى الظلط البفصل ما كبير.. ولولا القبور لكانت متطقة طيبةمتواصلة مع صنقعت...
ولك التحية
| |
|
|
|
|
|
|
|
|
| |
محمد زمراوي عبدالعزيز
ghariba
هشام كمال
هاشم أحمد خلف الله
صالح عبده
جمال ادريس
Ahmed El Gasim
عبدالكريم الامين احمد
MAHJOOP ALI
Sayed Bekab
طارق عبد اللطيف نقد
abdulgafar mohd saeed
طلال اسماعيل حسب الرسول
Moawia Mohammed
كمال علي الزين
فيس بوك
تويتر
انستقرام
يوتيوب
بنتيريست