|
|
|
 Re: الاحلام مسموح بها....دعوه للجميع (Re: somia gassim)
|
Quote:
!!!هل في استطاعتنا ان نحق احلامنا??????????? |
لا ..
يحلم فقط من يملك و مقوماته أدوات الحلم ..
( مدخلاته ) .. خلينا نسميها .
إن كان ذلك كذلك , فليس من سوداني على وجه هذه البسيطة يستطيع إلى الحلم سبيلا ..
الكوابيس فقط هي ما يمكن لعقلنا الباطن ان يلوك و يجتر .
ثم .. حتى الكوابيس تحتاج إلى " التخمة " !!!
نحمد الله أننا متخمين بالهم و الجوع و المرض و الجهل ..
لذلك .. ما بطال " نكوبس " ..
و برضو ما بمزاجنا بنكوبس .
بنكوبس بمزاج السلطان .
و السلطان عايز عروس
و العرس عايزه المنديل
و المنديل عند الجهال
و الجهال عايزين لبن
و اللبن تحت البقر
و البقر عايز حشيش
و الحشيش تحت الجبل
و الجبل عايز مطر
ياااا ربي تصب المطر ..
يا ربي تصب .
قولي آمين .
| |
 
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
| Quote: ولكن :احذروا ان يرونكم وانتم تبتسون فلابتسام يعني السعاده والسعاده تعنى انك شارب وماكل وقادر تتعالج وقادر تتعلم اوه ده كلام بجيب الهوا وجع الراس تاني |
إن كانت قد انعدمت في اليقظـة..
أليـس من حقهم الإبتسام حتى في المنـام؟؟
| |
|
|
|
|
|
|
|
|
|
Re: الاحلام مسموح بها....دعوه للجميع (Re: Alsa7afa_30)
|
[ إن كانت قد انعدمت في اليقظـة..
أليـس من حقهم الإبتسام حتى في المنـام؟؟]
العزيز Alsa7afa لانو احلامنا في انوم كوابيس وخزاز
ربما تصحوا موجوعا مهموما وانت تتمنم في السري ياربي اجعلوا خير وزين
اما احلامنا في اليقظه نحلم بما ينقصنا وانا واحده من الناس حلمي الثاني
عبرت عنه هذه الاغنيه الرائعه مشكور عليها شديد ليل الغربه هدانا هد
لقد هزمتني هذه الاغنيه هزمت صيري
لك كل الود
| |
|
|
|
|
|
|
|
|
|
Re: الاحلام مسموح بها....دعوه للجميع (Re: EL fahal Abdelatif)
|
الاخ الفحل
مليون سلام وتحيه ..
اتفق معك ولابد لنا جميعا ان نحب الحياة فالعمر مرة واحده
ادري تماما ان السودن يتشظى ولاول مره ف تاريخ السودن نعيش ازمه كهذه
ا لتي نعيشها الان مرت بالبلاد دكتاتوريات كثيره لكن حصادهالم يكن بمثل هذه الفظاعه
فنحن نعيش في دوار رهيب اخل بتوازننا فمن حرب الى حرب من جوع الى دمار تفجيرات مرض
جوع تشرد بيوت اشبا ح سجون عذاب عذاب عذاب لا بد لنا ان نستعيد توازننا حت نحدد لاى
اتجاه نحن نريد المسير فلابد لنا من هذه الغفوه او ان نغمض اعيننا ولو لثوانى لنواجه
هذاالتيار العنيف حتى لا يجرفنا
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
بها أحلم..
ولا أدري بمن تحلم
احفها بإهتماماتي
فلا تأبه ولا تهتم
تضي ببسمة كوني..
فمن في كونها يبسم؟؟
ومن في خيالها يسرح؟
ومن في قلبها يرسم؟
فتاتي بسرها تحيا..
تداري قلبها المبهم
وتدري انها أملي
ولا أملا لهاأعلم.
ده حلم من زمااااان ايام الثانوي الخوالي ..ترى ماذا فعل بها الزمن الان ؟؟؟
محمد حسن /مونتري
| |
|
|
|
|
|
|
|
|
|
Re: الاحلام مسموح بها....دعوه للجميع (Re: mohmed khalail)
|
حب الحياة...ايضا ان لا تسمح لاى قوة مهما كانت ان تنتزع او تشوه حقك تحلم او ان تحب الحياة .
ينطبق ذلك تماما على المواقف السياسية وقضايا الوطن كما ينطبق على على الحياة الشخصية..
وما بين الاثنين صلة لا تقبل الانفصام..
وما الوطن الا سلسلة مترابطة من الانتماء الشخصى للام ولللاب وللاسرة والاصدقاء وتمددات هذه العلاقة
وهنا لا مجال حتى لتصنيف قضية الوطن بانها خارج الشخصى...
تحياتى
| |
|
|
|
|
|
|
|
|
|
Re: الاحلام مسموح بها....دعوه للجميع (Re: EL fahal Abdelatif)
|
احلم بضمان اجتماعي لكل اطفال السودان
لا يتوقف علاجهم وتعليمهم على قدرات اهاليهم..
حيث يتحول العلم الى تجارة والعلاج الى تجارة..
ما ذنب الطفل لو كان ولد في اسرة فقيرة..
فلا يجد التعليم والعلاج
خاصة ان الفقر هذا مصطنع..وان الاموال مكدسة في ايادي
معينة لا تخاف الله...حولت الدين الى تجارة...
احلم ان استطيع تجميع توقيعات كافية لادخال ديباجة في البرلمان
لمناقشة الضمان الاجتماعي للاطفال..
وشكرا ليك على الحلم المجاني..
| |
|
|
|
|
|
|
|
|
|
Re: الاحلام مسموح بها....دعوه للجميع (Re: bayan)
|
احلم بضمان اجتماعي لكل اطفال السودان
لا يتوقف علاجهم وتعليمهم على قدرات اهاليهم..
حيث يتحول العلم الى تجارة والعلاج الى تجارة..
ما ذنب الطفل لو كان ولد في اسرة فقيرة..
فلا يجد التعليم والعلاج
خاصة ان الفقر هذا مصطنع..وان الاموال مكدسة في ايادي
معينة لا تخاف الله...حولت الدين الى تجارة...
احلم ان استطيع تجميع توقيعات كافية لادخال ديباجة في البرلمان
لمناقشة الضمان الاجتماعي للاطفال..
وشكرا ليك على الحلم المجاني..
د; بيان سلامات وازيك تجمعنا مؤسسه واحد ه مع اختلاف الزمن فانا تخرجت من قسم الاخراج كلية الموسيقى واادراما
ودعونا نحلم جميعا بسودان معافى من الامراض
وبضمان اجتماعي يغطي كل المحتاجين
بسكن مريح ونضيف
وتعليم مجانى
وتتحل قضية الاطفال اامشردين
ونحلم ونحلم...............................................................................
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
معاك بحلم
كأني علي فرس طاير
أغني علي وتر مشدود
واطير عبر السما الممدود
سما الوطن اللي مالو حدود
حمامة جناها لا خايف
ولا مفقود
وافر الغيمة خيمة علي النجم وارتاح
أصادف أجمل الغابات
واصادق غصنك الفواح
واشرد من زوايا القلب جنبك آخر الأشباح
وتفتح كلمة من عينيك لي
مجري الغنا المسدود
واخت اسمك علي باب الزمان أكليل
وردة صبية تلمع فوق صدير النيل
وباسمك أغني لي عالم بسيط وجميل
وانادي عليك
ملاذا في شتا الأيام
وبردا في الحياة وسلام
وفي شدة هجير وزحام
جزيرة حنينة
بين نهرين حنان ألقاك عليك اتلم
وهودج في صحاري الهم
وعالي نخيل
عليك اتلم
وفي السكة اللي ما بتعود
معاك لآخر المشوار
أغني علي وتر مشدود
أحلام عمر الدوش
برؤية وردية( محمد وردي)
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
الحلم شئ جميل ، لكين ما بالضرورة يكون على وساده وثيرة ونور خافت ، لأنو النور عندنا يا ميتين وعشرين فولت بق يا ما في باببح ، الأحلام زاتها خشم بيوت ، في منها القابل للتحقق وده حاجة لا تذكر وفي النوع الآخر الغير قابل للتحقق وهو كل أحلامنا وآملانا وواقعنا ، أها الحلم ما بالضرورة يجيك وإنت راقد ، يعني ممكن تكون ماشي وهايم على وشك تفكر والتفكير جزء أساسي من الحلم أى حلم في موضوع معين وما أكثر مواضيعنا التي نفكر فيها بدء من دفتر الجرورة في الدكان ، أها وفي أثناء سرحانك أو سرحاني لا مشكلة تنفرج بي جمبه عشان تنمكش بالجمبه التانيه ويتواصل الحلم وطرااخ أدقش ليك حافله واقفه في أمان الله ، أو حتى كشك ليمون أو عمود كهرباء أو جمم بلوغ تقع في بلاعه وتقوم تتنفض وتتحوقل وتتعوذ وتستعدل وتجري ساكي الحافلة.
الأحلام لا يمكن أن تتصادر لكين يمكن أن تتخنق لمن تتشحط عروقها
والأحلام ألوان وأشكال في النوع الوردي والضبابي والمظلل ، والأحلام بينها وبين الكسل والتواكل شعرة صغيرة يعني إنت بتكون عاوز وعايز وداير وقاعد ما شلت خطوة واحده أها أحلامك دي تتحقق كيف ، وفي أحلام صعبة شديد بل مستحيل تحقيقيها ودي حتى لو جاتنا حقو نطردها بي أى حاجة نهشها مثلا بي جرية زيها وزي الضبانه نتغتي منها بي ملاية زي ما بنعمل مع الباعوضه بس المشكلة تقوم تجر الملايا منننا أو تقعد حارسنا لغاية ما نرفع الغطاء تقول لينا هرشك لحم كرشك قايلني مشيت.
| |
|
|
|
|
|
|
|
|
|
Re: الاحلام مسموح بها....دعوه للجميع (Re: almulaomar)
|
سمية سلامات وشتاقين يااااااااخي أو يا أخت
أنا غايتو ما لي في قصة الأحلام دي، لإنو الواقع بفرض رقبتو شديد علي وبياكلني أكل، عموما الخشة دي ذاتها ما خشة حلم معاي، ده مقام ترحيب وسلام كتير واشواق أكتر. ربما أكون متأخر في الترحيب، لكن دي براها قصة تانية، عارفا كان داخل علي شبه حليفة كده من سودانيز آونلاين، لكن الضرورات شكلها بتبيح المحظورات...باين.
يا ستي ألف مرحب بيك هنا، وتزودي فإن خير الزاد في هذا المكان الجوع. لكن المتأكد منو إنتي إضافة لكل ما يكون في مرمى إهتمامك. أها سامية شكلها برضو ح تفك الحظر وتخش بي هنا لإن أديتا الخبر وقعدت تصرخ في التلفون.. دحين أرجي الراجيك. سلام منعم وكل من شارك سمية أحلامها. سلام من هنا لاعن عندك
SPLA OYEE ده عنوان الصورة العلي يمينك دي.
مرتضى جعفر
| |
|
|
|
|
|
|
|
|
|
Re: الاحلام مسموح بها....دعوه للجميع (Re: Murtada Gafar)
|
مرتضى جعفر الخليفه
اخيرا
انا حققت جزء من احلامى ان التقيك هنا
وانت حقت ولاعلى كيفك جزء من احلامك ان يكون بيننا هذا التواصل
كم انا سعيده الان وتكتمل سعادتى بوجود الجميله ساميه
ولحدى ما ربنا يحقق الحلم الكبير ويجمعنا من تانى ....
والله ما بتتمنى تلاقينا ???? ها ها ها
انا متاكده من الاجابه
كل الحب
| |
|
|
|
|
|
|
|
|
|
Re: الاحلام مسموح بها....دعوه للجميع (Re: almulaomar)
|
الاخ العزيز almulaomar
الاهل بقولوا هما يبكي وهما يضحك
كثير مرت بينا مواقف ذي دى تكون ماشى في الشارع
وانت بتحسب وان ما دقشك عمود بتنتبه لانوا في زول
بعاين ليك وفي وشو علامات استفهام كثيره
لانو بكون شافك وانت بتتكلم براك وعموما
لو اصرينا على الشئ بيتعمل الياس مصير النفسو قصير
وما بالضروره ذي ما قلت نحلم ونحن راقدين وفي وساده وثيره
ولكن فقط استدعاء للخيال
وفعلا الاحلام بينها وبين الكسل شعره
وده بذكرني المثل السوداني البقول[ حشاش بي دقنو ]
اها ذي ده نحن ما عايزينو يكفينا ما بنا من احباط
وعايزين كل ما هو محفز للمشي لي قدام
ولي قدام
| |
|
|
|
|
|
|
|
|
|
Re: الاحلام مسموح بها....دعوه للجميع (Re: احمد العربي)
|
العربي
هي الأحلام التي يسرقها ليل الكوابيس
الملونة من ضفر ميكانيكي متربي ..
خدش الافق في محل تغرب الشمس..
فشخصت عيوننا في الغربة..وموسيقى
الوطن ساكنه في الأوتار..
من يصحي نبضها ليكون اللحن الجميل
الاخير ..وهذه الغارقة في ليمون
الروح " سامية" احبها احبها
لاشعل غيرة ذاك العملاق..
لك التحية وشكرا جميلا وكتر من
من انغام البورتريهات
فقد اسعدتنا.
| |
|
|
|
|
|
|
|
|
|
Re: الاحلام مسموح بها....دعوه للجميع (Re: عبد المنعم ابراهيم الحاج)
|
احمد العربي سلامات والله الاحلام حققتها لينا انت ده.. تعرف
دي عشرة سنوات ما شفت فيها الزول العجز الفي الصورة والله
يا مرتضى لكن زمن... تتخيل انا قلت دا منو ال مع طالع..لكن
بكون شالع
احمد العربى
والله كلام عبد المنعم الفوق ده غيره ساى منو
عشان ما لاقي الوجاهه
دى وشعرو بقى ابيض وحالوا اتبشتن
| |
|
|
|
|
|
|
|
|
|
Re: الاحلام مسموح بها....دعوه للجميع (Re: احمد العربي)
|
يا سلام يا عربى مرتضى ده لى منو سنين كثيره
وانا سعيده لانو احلامى دى جابت لى ناس انا احبهم واشتاقهم
وعرفتنى برضو بى ناس ايضا احبهم مهما اختلفنا هم اضافه
وشوف طالع ده مش بالدنيا ... نواصل الاحلام
ولى فدام
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
بت قسم العزيزة تحياتى
كتر خيرك انك لفتى نظرى للبوست ده وانا لا اروض البورد الا لماما وخطفا منذ اسبوع
وانا عندى حلمه طايرة لى فى راسى من زمان..والحمد لله لقيت متنفس
سبقنى صديقى الوغد عماد عبد الله وقال :انى لنا ان نحلم
نحن اسم سودانى وقد صدق الرجل فيما قال..
انا من زمن بحلم نرجع اهلنا بعد هذه الغربه التى طالت
واستطالت وتمددت فى امعاءنا الدقيقة والغليظه
فنحن عشرة اخوان اولاد وبنات من صلب رجل واحد
وام واحده رحم الله والدى وامد الله فى عمر الحاجه ومنذ
ثلاثون عاما لم نلتقى فى المنزل سويا
امى ادعوا لها بطول العمر قالت لى يا ولدى بقينا زى الطير
نلد وتفروا..ما اصدقها وما اغبانى
صحيح امى لا تعرف عن الحيكومات الجائرة كثيرا
وكل ما يعنيها فى علم الاقتصاد ومدخلات الانتاج وفائض
القيمه وما يتشدق به وزراء ماليتنا..هو القفه
وكيف ان الماهية تقضى الى اخر الشهر ،فيما عدا ذلك فكل
حديث عن مزقنا فاتورة شنو،وحققنا معدلات انتاج شنو لايهمها.
احلم ان نعود الى بيتنا كما كنا نتشاكل فى منو البغرف البلاعة
ومنو البدخل المراتب فى حوش كبير مبهول فيه همبريب
بكميات تجاريه وهنالك قله صغيرة غطاءها صحن.. وبها
ماء كم احن اليه يا سميه..(على فكرة اختى التى تصغرنى مباشرة اسمها سميه)
وهى من تبقى فى البيت من البنات اما الاخريات فطارن مع ازواجهن.
احلم بتلك الصبية التى تحيك كوابيسى كل ليله
واحلالى بيها تلك التى تسكن الاصقاع هناك
وتسكن منى العصب ،كم اودها اجلها واشتاق كثيرا
لصوتها ،وغضبها وحلمها...
تلك حلمة اخرى..فكلنا رواد احلام ......
نحلم ببناتنا عرائس يرفلن فى ثياب بيض
وبابناءنا فى المراتب العلا وكما ذكرتى صديقتى فالاحلام
حقوق مشروعة..وهى ما تبقى لنا
اتمنى لك ولهم احلام سعيده والحقى البوست ده مايروح فى حلمة
مع الارشفة...دمتى حالمه،،،،
| |
|
|
|
|
|
|
|
|
|
Re: الاحلام مسموح بها....دعوه للجميع (Re: صديق الموج)
|
الاخ صديق الموج
اولا شكرا لانك قبلت العيزومه
وثانيا ما انت براك.. نحن برضو كل زول في بلد
وامي مشلهته معانا بشكل ما عادى ناس في مسقط ناس فى امريكا
ناس فى القاهره ناس فى السودان ويعنى من ما جات حكومة السجم دى
ذى ا للغم السودان كلو اتفتت حته حته وكل زول وقع فى بلد
والحرقو والغرقو والاتشوهت ملامحهم واللقو روحهم في العراء لابيت ولا ذاد
وحريق في كل مكان وغايتو الله يعينك يا السودان
المفروض بقدر ما بنكره الغربه بقدر ما نعمل لاسقاط هذا النظام الفاسد
نحن شعب فعلا صبور 18 سنه جربو فينا كل انواع الدمار ولسه ولسه في نفس نهجها
دى حكومه بطاله
حكومه ما بنصلح حالها
لابد من نقاو يها ونقلعها من ارضنا
وكل هدف هو حلم لابد من نصلو
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
انا بحلم بوطن شامخ معافا
فيهو إحتياجات كل الغلابا
فيهو صحة فيهو تعليم فيهو ساحات للثقافة
فيهو نرتاح من تعبنا ومن غربة طالت وعزبتنا
بحلم انا بوطن موحد لا فوارق لا قرابا
شكراً كتير يا سمية ومعليش كلمات مرتجلة خرجت دون إذن مني .
| |
|
|
|
|
|
|
|
|
|
Re: الاحلام مسموح بها....دعوه للجميع (Re: somia gassim)
|
الحلم الثاني
ويخص هذاالمنبر
رغم اختلافاتنا
العقائديه
والسياسيه
والقبليه
هناك ارضية تجمعنا جميعا
وهى الارض السودان
اتمنى واحلم ان كل فرد منا
ان يعشق هذا الشاسع
وان يعمل
اولا لمصلحته
واخيرا لمصلحته
عندها سنجد انفسنا غصبا عنا نحب بعضنا بعضا
| |
|
|
|
|
|
|
| |
somia gassim
Emad Abdulla
Alsa7afa_30
mohmed khalail
bayan
ALGARADABI
almulaomar
Murtada Gafar
احمد العربي
صديق الموج
هاشم أحمد خلف الله
هند محمد
د.محمد حسن
عبدالبارى العجيل
فيس بوك
تويتر
انستقرام
يوتيوب
بنتيريست