|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتز القريش)
|
الأخ / معتز القريش
شكرا على الصور الجميلة والمعبرة والف مبروك المنزل يا بكري وربنا يجعله عامر دائماً وتكون ايامك كلها سعادة والله لمتكم جميلة جدا وتمنيتي لو كنت موجود بينكم وحقيقة نتفق أو نختلف في النهاية نحن أخوان ويجب ان تكون علاقتنا دائماً قوية ولا ندع الاختلاف يفسد لنا هذا الجمال . تحياتي للإخوة بورداب الخرطوم على هذا الجمال وإن شاء الله دائما مبسوطين وتحية لصاحب الحوش والدار وربنا يجعل ايامك كلها فرح وسعادة ويجعل دارك عامرة وتحية خاصة لكل أخي معتز القريش على هذا البوست الجميل
أبو كريم
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتز القريش)
|
يامعتز القريش لقد اثلجت صدورنا بي كسيرك للتلج الناعم ده اها انشاء الله ما تكونوا عديتوها صور ورمرمه ساكت ماشفنا واحد جاب ليهو طقم كراسي ولا واحده شايله طقم عشاء ولا كبابي ساكت ياود القريش تهادوا تحابوا لوووول بعدين دقوا صدركم كده وقولوا للراجل السيراميك بتاع الحوش علينا ماتشرطوا عينا بعدين انا متبرع ازرع ليهو كم شجرة كده قدام البيت للناس الماعندها باس ورد ترطب بره البيت وتتخارج لووووووووول يكه ولا من شاف ولا من دري يابكوري منزلا مباركا انشاء الله ربنا يلم فيهو شملكم ويجعله دارا عامرا.
تحياتي
زاتوووو
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتصم عيدروس)
|
معقولة ياجماعة حسع بعد ضحكة هيبة المن جوووووووووووووووووووووووه دى حسين ما يفك ضحكتو - اللى عصرها بطوبة خوفا من قائدة {الرهط}
ياخ والله انا سعيدة اشوفك بتضحك ياحسين ياخ شفت الضحك ده سمح كييييييييييييييف بس المرة الجاية زود عيار الضخة شوية الضحك بيطول العمر وبيحافظ على الشباب
لمة حلوة بس فاقدة {فانوس عتيق} ولا شنو يا ود القريش؟!!
ومبروك البيت يا سيد الحوش
------
يعلم الله حسيت بضحكتك يا هيبة زى التقول يوم دااااااااااااك فى رمضان قبال 18 سنة فى بيتكم فى الشعبية
سلامى لي ناس البيت الكبير والصغير
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: Ishraga Mustafa)
|
Quote: معقولة ياجماعة حسع بعد ضحكة هيبة المن جوووووووووووووووووووووووه دى حسين ما يفك ضحكتو - اللى عصرها بطوبة خوفا من قائدة {الرهط} |
Quote: ياخ والله انا سعيدة اشوفك بتضحك ياحسين ياخ شفت الضحك ده سمح كييييييييييييييف |
اشراقة كيفك مشتاقين وكدا تعرفي انا والقرصان دا اتونسنا وضحكنا كتير ورغم تقارب السكن لكن اول مرة الاقيهو لكن كم مرة كدا اتكلمنا بالتلفون وللامانة هو زول لطيف جدا وحبوب لكن البحصل ليهو في المنبر شنو انا ما عارف اتفقنا اتفاقية بتاعة جنتلمان انو انا وهو كل زول في حالو والبوست بتاع عصام جبرالله المزعلو مني دا اهاانا خليتو ليهو ان شاء الله يـ## فوقو . فعلا اللمة كانت جميلة جدا فاقداك والله لكن لما تجي انت بنعمل ليك واحدة اكبر من دي وبنصورها فيديو ونبثها على حلقات . غايتو يا اشراقة عدم الكاميرا مشكلة اها شوفي جدادة الخلا متجدع فينا كيف بكميرتو السوداء السمحة دي والليلة عازمنو عشاء برضو عشان كمرتو .
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتز القريش)
|
معتز القريش ..
Quote: ناذر الخليفة يا كضاااااب
ياربي المتصور هنا مع عصام الخواض وتبلدينا دي حبوبتي ؟؟
عاين كمان واقف لي الصورة كيف وآخر خفة ولفافة وشاقي الحنك
يا كضاب
|
يا زول ما تبهتني ساكت .. لو لاحظت في الصورة الاولى أنا ما كنت منتبه وما قايلك بتصور فيني .. والصورة التانية انا لا حظت ليك لكن ما قاي كاميرتك شغالة والصورا البعدا إتصورت نزولا على رغبة عصام الخواض لانو قال نفسو يتصور مع شخصية مشهورة في الخرطوم وأنا صراحة ما حبيت اكسفو
بعدين الشايلو داك ما سفن أب ,, دا بزيانوس
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: سارة علي)
|
حقيقة اجمل حاجة يا اخوانا انه اتلاقينامعاكم
والله ناس حلوين وجميلين زيكم كده مافي
اول مرة اشوفكم واشوف بكري
لقيتكم يا بورداب الخرطوم خطرين
أخطر من السفن اب (صلاح ابودية ما تزعل مني)
والله لمة جميلة ولو ما الظروف
كنا نكون من ناس (بورداب من الداخل)
بس رجعنا للهم بدون ما نحضر راس السنة
ويا انعام حيمورة ختي لي مقعد امامي فاضي واكتبي عليهو ورقة فيها اسمي زي الحضرت معاكم
ومنتظرين باقي الصور يا معتز القريش
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتز القريش)
|
يستاهل بكري أبوبكر البيت.. في الحقيقة البيت الأساسي العملو بكري ابوبكر هو بيت سودانيز أون لاين منذ سنوات مضت..دا هو البيت الحقيقي.. القدر يديرو ومعه مجموعة تساعد وتسير في نفس الخطى.. بيت يجمع كل ألوان الطيف السوداني.. وحرية مسهبة.. حدودها مترامية الأطراف .......... الحاجة التانية العايز يأكد عليها الواحد هي فرحة البورداب والبوردابيات.. ببيت بكري واسرته ودي فرحة متوقعة منهم الحقيقة الشئ المدهش ولاحظته منذ وقت طويل هو أعضاء سودانيز أون لاين وعضواته أنفسهن التقيت بمجموعات كبيرة منهم في الخليج وفي السودان بنات وشبان وكهول كلهم يتحدثون بواقع عمر واحد وسن واحدة لا فوارق بينهم شهوتهم الفكر ومحبتهم الثقافة تشيع بينهم الفرحة.. ويحاولون إشاعة الأفراح في الوطن كله شباب وشابات في منتهى الإنضباط والخلق الرفيع الراقي كل واحد عارف حدودو لايتعداها هظار.. ونسه.. مجامله( كسير تلج) ناس مفتوحين على الدنيا بأريحية على المكشوف.. لكن من وراء ذلك.صمامة.. أريحية.. قيم عليا منضبطة تماماً عندما يكون الإنسان مفتوح على العالم الخارجي كأنو في بيتو ما بيفضل في جوفو شئ يخبيهو.. ويصبح إنسان صحيح خالي من العقد النفسية وحتى الخيانة الناس هنا على ما أظن أصحاء كل الخوف من الناس الغماسي..كتامي..ديل هو الكعبين بعضهم متفرجين من خارج موقع سودانيز أون لاين..وبعضهم من أطراف سوادانيز أون لاين عندما يرون الناس هنا يحسبونهم شرذمة محسوبة على إتجاه واحد معين ويحسبونهم خارجين على القيم ويحسبونهم فاضين.فيقعون في المحظور..الظن السيئ ( وسوء الظن خطيئة تفوح) يمكنك أن تقول لكل أب أو أم.. أو شقيقة أو شقيق..هنا حيث الحرية وفض كبت الكلام والتعبير هنا حيث الشهوة الفكرية وشهوة الإبداع يمكنك أن تقول هنا حيث الناس الأصحاء.. والذين تعالجون بمداد الحروف..وصهوة الكلام .... موش غريبة على البورداب يشاركوا بكري فرحته ببيته لكن هذا البيت المتواضع( يعجبك المهندسين السودانين، في لكديم الأسمنت والطوب.. والحكاية برة بقت كلها زجاج وأسمنت وألمونيوم.. وايام تلقى البنيان إكتمل.. هنا الليلة عملنا البيم.. الليلة رفعنا الصبة.. الليلة وصلنا العتب.. يلا أضبحوا للعتب..خلاص وصلنا السقف.. السقف الليبي السقف البلدي.. يلا جيبوا أسرة من جنوب الوطن اسرة البنا البنا البيت تحرسوا.. أبواب وشبابيك خالية من الذوق لحام مردوم ردم بدون ذوق..معجون بوظ روعةالزجاج المشجر على الشبابيك مجلفط برة مجراه .. معمول ومجرور بالإبهام اليمين..حمامات افرنجية لكن ضاعت روعتها وجمالها وأناقتها بالتوصيلات البايخة وعدم روعة الفنشنق..) وأخيرا نبارك البيت لصاحب البيت الكبير بكري
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: معتز القريش)
|
سلام للجميع،
مرة تانى نقول لبكرى، مبروك البيت، و الله يزيدك و يديك الفى مرادك،،
و شكرا للدعوة الرائعة بروعة لقيا الأصحاب،، و حقيقة تجمعات زى دى بتشحننا بطاقة إيجابية لأيام كتيرة، ارجو أننا نواصل هذا الصخب الجميل، و ما ننقطع،،،
معتز القريش، ديل منو الصورتهم جمب الباب و جوة ديل؟؟؟؟ ما عرفت و لا واحدة ياخ،،،
ناذر،
Quote: بعدين الشايلو داك ما سفن أب ,, دا بزيانوس |
دة إنت الشربت البزيانوس حقتى؟؟؟
ما لى دعوة، أنا دايرة البزيانوس حقتى،،،
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: Safia Mohamed)
|
صفية كيفنك
Quote: الظاهر عليك عملت خروج نهائي يا ود القريش |
فال الله ولا فالك ... تفي من خشمك
Quote: اها الفورد وصلت ولا لسع |
وصلت وقاعدة في الغدا حتى أكلت ضلعة زي ضلعة نادية عثمان
Quote: عازوماتك كملن ولا لسع في فرقة المهم من هنا لحد بعد نص ساعة كان ما سافرت ادينا خبر عندنا عزومة مدتها تلاتة دقايق بس التاكيد خلال نص ساعة ماذا والا ستتلغي الدعوة |
يا زولة هوووي بطلي حركات أنا قاعد وقاعد شهر تاني كمان يلا العزومة شنو ووين؟؟؟
يلا سريييييع
| |
|
|
|
|
|
|
Re: صورـ بورداب الخرطوم يفتتحون منزل الريس بكري أبوبكر في لمة بديعة ـ بوست كسّير تلج (Re: Safia Mohamed)
|
ألف مبروك يا ريس البيت الجديد ..
و إن شاء الله تعمروه برضا الله و الحب و السعادة و الذرية الصالحة و ربنا يديم عليكم كل الخير ، و عقبال البورداب أعضاء و قراء ..
و سلام و تحية لكل بورداب الخرطوم و ضيوفهم .. خاصة جمال الرشاشة / جمال السنوسي ، و لأخي الرائع سمؤل أبو سن فكأني رأيته بينكم ..
و قررربت أكون معاكم ..
لكن لقيتها رحلة عمل يومين بس و ما فيها ( راس سنة ) قمت ( زغت ) منها..
و قررريب إن شاء الله نتلاقى ..
شكراً و حمداً لله تعالى ثم لسودانيز أون لاين التي أضحت عائلة ممتدة متواصلة ..
و ربنا يديم أفراحكم و تواصلكم ..
ــ
| |
|
|
|
|
|
|
|