مكتبة هشام هباني

حلايب: هلْ ستُلوِّحُ مصرُ بخيارِ الاسْتِفْتاء بعدَ أنْ أحْكمتْ قبْضتَها عَلى المُثلّث؟

قناة المعارضه السودانيه... مالها وماعليها...!!!

دورة رئاسية أخرى للبشير .. معاني ودلالات

خيارات شعبنا الصعبة ولا مفر منها : الإنقاذ أو التدعش.....!!!!

الرجل السوداني عادةً لمن يجي يعرس بيكون....

المنبر العام

مقالات و تحليلات ابحث

بيانات صحفية

تحديث المنتدى

المتواجدون الآن

مواقع سودانية

Latest News Press Releases

دليل الخريجين

اجتماعيات

الاخبار

أغانى سودانية الارشيف والمكتبات مواضيع توثيقية ومتميزة اغانى مختارة
مرحبا Guest [دخول]
أخر زيارة لك: 26-10-2014, 04:38 AM الرئيسية

مكتبة هشام هباني(هشام هباني)فرضية ود هباني ان ابونا ادم ســـــــوداني!!
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
أقرا احدث/اخر مداخلة فى هذا الموضوع »
29-12-2006, 09:29 AM

هشام هباني

تاريخ التسجيل: 31-10-2003
مجموع المشاركات: 46125
للتواصل معنا
FaceBook
تويتر Twitter
YouTube



فرضية ود هباني ان ابونا ادم ســـــــوداني!!

    أليس من حقنا كشعب ان نصوغ اسطورة تحدد هويتنا و تؤاخينا وتوحدنا لنستقر سياسيا واقتصاديا كي نساهم في بناء الحضارة البشرية مثلنا ومثل الامم العظيمة ونحن ندخل سباق الحضارات اكثر تاهيلا وعطاء وحضورا بعد ان عجزنا في تحقيق صيغة التوحد والانسجام وقد عجزالتباين الديني بيننا في تحقيق صيغة للتعايش السلمي و ايضا قد عجزت الايديولوجيات في توحيدناسياسيا وفكريا وثقافيا... وصوغ اسطورة الان محاولة اخيرة للبحث عن اصرة او وشيجة هي مفتاح الحل لازماتنا..فالاساطير قدكانت اقوى اثرا في تشكيل وجدانات امم بحالها عائشة وحاضرة وفاعلة حتى اليوم في هذا العصر الحديث وهي تساهم في بناء صرح الحضارة الانسانية باسهامات ملموسة وثرية...انظرواالى الصين واليابان والهند والحضارات الاغريقيةوالرومانية العريقة حيث كانت ولا زالت الاسطورة مشكلا حقيقيا ومحركا لروح هذا الزخم الحضاري الرائع الذي يكلل هامات هذه الامم العظيمة..وكان الناتج هو دول الشرق الاقصي العظيمة والامم الراقية في اوروبا بانجازاتها المشهودة وقد حققهاانسانها المبدع الخلاق والذي لو قورن بانسان ما بعد تنزل الاديان السماوية لوجدناه اليوم اكثر سوية واخلاقية وابداعا من هؤلاء.. وليس حديثي هذا انتقاصا لدور الاديان حيث كانت الديانات السماوية ايضا تقر وتعترف باساطير الاولين ولكن تباين الاديان وتضادها من اخطر الامور تاثيرا في حياة الشعوب واستقرارها.
    فنحن شعب لا دين ولا ايديولوجيا ولا ثقافة مشتركة وحدته... ولكن هنالك سر غريب وغامض ظل هو مصدر تماسك واستمرار هذه الشخصية السودانية عبر التاريخ وهي شخصية لا زالت في حالة تخلق وتناسل مستمر وانصهار رغم كل المعسرات والعقابيل... وحتى الان لا نمتلك اسطورة قومية توحدنا وتشكل وجداننا القومي ولكنها مطلوبة بشكل ملح اليوم قبل غد حتى لو نصنعها صنعة.. ومن حقنا ان نصيغ الاسطورة التي نريد وهي تؤطر مشروع الهوية ( المجهجهة) وبفرضية تدعمها وهي فرضية اكثر منطقا وواقعية لصوغ هذه الاسطورة...رغم ان الاساطير لا تقبل منطق العقل حين نخضعها للتحليل بعقل اليوم...فقد تكون مقبولة ذات عصر ما مقنعة حد التدين والاعتقاد فيها ولكنها قد تبدو فكرة ساذجة هذه الايام في ظل عصر المعارف الكبرى وثورة الاتصالات العظيمة والعولمة!
    واليكم فرضية قد تبدو منطقية في تاسيس هذه الفكرة الاسطورة التي نحتاجها جدا نحن اهل السودان في هذا العصر الذي قامت فيه ايضااسطورة شعب الله المختار وارض الميعاد ودولة الجنس الاري الكبرى و دول الاساطير..اليابان والصين والهند ونمور اسيا الاسطورية وهي تساهم في بناء الحضارة في الالفية الثالثة من اوسع ابوابها اشراقا واعتقادي الجازم ان وراء هذا الانجاز العظيم قد كانت تحركه روح الاسطورة !! والاسطورة التي يمكن ان تبعث فينا الهوية من جديد لها ما يدعمها من منطق علمي اكثر موضوعية اذا اخضعناها لمنطق العقل من بقية تلكم الاساطير السابقة...فنحن محتاجون ان نرفع من روحنا المعنوية ونحقق قدرا من التوزازن النفسي كي نقف علي ارجلنا كشعب ليبدأ المسير قدما في صنع الحياة مع بقية الامم والشعوب..بدلا من هذا الضياع وهذا الخراب ..
    وفرضيتي تدعمهاقرائن ودلالات تشير الى اننا نحن السودانيين كنا مبتدأ الحياة وبالتالي مبتدأ الحضارات ومن عندنا بدأ التاريخ البشري حيث من ترابنا الاسود جاء ابو البشر (ادم) وكلنا لادم وادم من تراب والتراب او الطين اسود والسواد اذن هو لون الانسان الاول اي الاصلي ولذا كان مصطلح اثيوبيا وهو مصطلح يطابق كلمة السودان... فهي تعني في اليونانية القديمة حسب تعريف هيرودوتس الذي اطلق عليها هذا الاسم تعني ذوي الوجوه المحروقة ...اي السوداء فكانت ارض السودان!

    *****

    الاسم: الســـودان = اثيوبيا= ذوي الوجوه المحروقة = السود.... وهو تطابق بين المصطلحين العربي واليوناني القديم حسب مصطلح هيرودوتس والذي اطلق مصطلح اثيوبيا علي تلكم المنطقة التي تقطنها الشعوب السمراء وتضم السودان واثيوبيا والصومال وارتريا وجيبوتي اي منطقة القرن الافريقي والعرب اسموها ..بلاد السودان اي بلاد السود وهي المنطقة الممتدة جنوب الصحراء الكبرى في افريقيا.

    اللون: الاسود ايضا يعادل الاسمر... واللون الاسود هو لون ادم وادم من الاديم وجه الارض وايضا الادمة وهي طبقة الجلد السمراء ....وادم في العبرية اي الانسان و(اداماه) هي الارض في اللغة العبرية ..... وادم حسب رواية كل الاديان السماوية خلق من الطين اي من تراب ... والطين بالطبع اسود؟؟؟؟ اذن الانسان الاول كان اسود....

    ان اسم (ادم) بلا جدال ومغالطة هواكثر الاسماء في الدنيا تركزا وبشكل ملحوظ في منطقة السودان الحالية اليوم اي السودان ذو الحدود السياسية والجغرافية الحالية وبالذات في غرب السودان وتحديدا اقليم دارفور وتحديدا منطقة جبل مرة واسم( ادم وادومةو وادمو وادامايا) وابشر اي ابو البشر في جنوب دارفور هي من الاسماء الشائعةجدا جدا ولا يخلو بيت سوداني في تلكم المنطقة من اسم ادم وهو اكثر من اسماء الرسل الاخرى وفي ذات المنطقة اسم حواء الاكثر تركيزا في الدنيا وهي ( حواية) ايضا واحيانا ام الناس...!!

    الا يمكن ان نسوغ القصة التي عززتها الاديان بان ادم هبط من السماء الى الارض والارض كانت حسب فرضيتي هي السودان وليست الهند كما تزعم بعض الاساطير لان اسم ادم ليس موجودا وشائعا في الهند حتى يدعم ذالك الزعم الذي يقول ان ادم هبط في الهند؟؟ وايضا الكشوفات الحديثة دللت علي ان الانسان الاول عاش في افريقيا وتحديدا منطقة حوض السودان واثيوبيا!! و السؤال المنطقي لماذا اسم (ادم) بالتحديد شائع جدا جدا هنا في السودان! هل هو مجرد مصادفة ام ان هناك سببا منطقيايبرر هذا الاهتمام والتركز في هذه المنطقة ويبدو انه سبب موغل في التاريخ ضارب في اعماقه فالاسماء تدلل احيانا علي جنس الشعوب وتعرف اي جهة ينتمي اليها هذا الانسان صاحب الاسم الفلاني؟؟ فعلي سبيل المثال نجد ان الاسماء الصينية والهندية واللاتينية والعربية دوما نعرفها من مجرد نطقها!

    وقرينة اخري تعضد هذه الفرضية تتعلق بتفاحة ادم وما هي قصة شجرة التفاحة التي بسببها خرج ادم وحواء من الجنة وهبطا بسببها الى الارض....
    واذا كانت الشجرة تفاحة اذن الا يمكننا ان نفترض ان التفاح الذي بجبل مرة الان هو من نسل التفاحة الام اي تفاح الجنة ؟؟؟حيث اخرجها ادم وحواء في الارض بعد هبوطهما اليها بعد ان اكلاها في الجنة ؟؟؟؟

    وما هي قصة اسطورة ( تمر ابونا) في الثقافة السودانية وهي نبتة كنا ناكلها ونحن صغار؟؟ ومن هو ابونا أليس باحتمال مرجح ان يكون هو (ادم)؟؟؟؟

    وما سر تركز اسمي الجنة و(غانيت) عند السودانيين والاحباش بشكل ملفت للنظر اليس هنالك رابط بين الاسمين المتطابقين في المعني وتقريبا في اللفظ وقصة الجنة وهبوط ادم وحواء منها وايضا قصة طيور الجنة وزهور الجنة؟؟

    وما سر اسم مدينة ( جــدة) في المملكة السعودية اليست جدة هي (حواء) امنا وام الناس؟؟

    ولماذا اسم قابيل بن ادم وحواء منتشر هناك في ارض مصر وهو اسم مصري شائع ؟؟

    واخر القرائن الهامة جدا وهي القرينة التي تؤكد صحة هذه الفرضية وهي احدث الاكتشافات الاثرية لاقدم اثار لكائن بشري في التاريخ علي الاطلاق كانت في منطقة تقع في غرب اثيوبيا وقبلها كانت اثار عند بحيرة تشاد وايضا قبلها كانت جمجمة انسان ( سنجة)؟؟
    يعني اذا رسمنا خطا يمتد من بحيرة تشاد غربا ومرورا بسنجة شرقا وحتى غرب اثيوبيا اذن هذه الرقعة او الحوض الذي تمت فيه الاكتشافات لاقدم اثار لكائن بشري في العالم هي السودان الحالي ولذلك ترجح ان تكون هذه المنطقة اي السودان الحالي هي المنطقة الاولي التي عاش فيها اول كائن بشري الا وهو ابونا (ادم) وحسب الفرضية هي منطقة دارفور الحالية.... وذلك بقرينة تركز اسمي ادم وحواء بهذه المنطقة بشكل ملحوظ ووقوع المنطقة في ذات الخط الذي تمت فيه الاكتشافات لاقدم اثار بشرية وهو الخط الواقع بين بحيرة تشاد غربا ومرورا بمنطقة سنجة السودانية وشرقا حتى غرب اثيوبيا بشكل يدلل علي منطقية هذه الفرضية..

    وفائده هذه الفرضية تدعم موضوع الهوية السودانية المفقودة حيث تثبتها وتؤكد وحدتها حيث نحن شعب لا يمكن ان تختزل هويته في دين واحد بعينه ولا في ثقافة او اثنية او لون سياسي بعينه لان مكوناتنا الحضارية اقدم واكبر من ان تختزل في مثل هكذا احاديات ..... ولذا نحن في حوجة لفكرة محورية بؤرية يتوحد حولها كل اهل البلاد بمختلف مكوناتهم اي عندها تتلاقي القواسم المشتركة وحتى لو كانت اسطورة ينبغي ان تستوعب الجميع بمختلف اديانهم وثقافاتهم والوانهم السياسية لحسم قضية الهوية ونبني عليها مستقبلنا ومستقبل ابنائنا واحفادنا واجيالناونحن نحقق الاستقرار السياسي والاقتصادي والتاخي الاجتماعي والوحدة الوطنية من غير الغاء او اقصاء لاخرين داخل هذا النسيج
    الوطني الواحد باسم الدين او العرق او الثقافة!

    ((لذا ينبغي ان نبني الاسطورة الان اسطورة( الدولة الادمية) وكل الحاجات القلتها ليكم قبيل بتنفع وتلفق عشان نسوي الشغل ده يعني عديل ولا لف ولا دوران ونتفك من حكاية عبيد وحلب وعرب وكل واحد عاوز يلغي الاخر وكمان حكاية نحن اشراف وجدنا النبي وجدنا العباس وجدي الزبير بن عوام ومافي واحد لحدي الان قال جدو عنتر ولا بلال والمصيبة اسم ادم وهو ابو الانبياء دايما سيدو تلقاهو اسود عديل ةوكمان مهمش..... والعاملين فيهااولاد عرب ما بسموا ادم اصلا ولا حواء ... يعني سيدنا وابونا ادم ابو الانبياء ظاااتو مهمش وحواء ظاتها مهمشة و هم محتاجين لمن يدافع عنهم..... حصل لقيتوا ليكم ولد من العمارات ولا الرياض ولا الطائف اسمو ادم دايما ادم اما الخدام او الجنايني وحصل لقيتو ليكم مصري ولا سعودي ولا لبناني ولا هندي اسمو ادم....... حتى لو كان اسمو ادم معناهو فيه( ريحة) يعني بالواضح اصلو زول (ازرق او اخدر) عديل؟؟؟ الخواجات غايتو بستحوا شوية ومرات مرات بسمو ادم عشان كده سمعنا بالشيخ ادم سميث صاحب النظرية الراسمالية وسمعنا بجيري ادمز بتاع الشين فين الايرلندي .... لكن حاجة عجيبة المسلمين واليهود والمسيحيين كلهم بتفقوا حول قصة ابوناادم وعارفنو ابو الانبياء وبختلفوا حول انبياؤهم ورغما عن ذلك ما شغالين بيهو ولا بقدسوهو يعني والله ابونا ادم مهمش زينا نحن السودانيين ... عشان كده نحن الوجيعين في الدنيا دي ومحترمينو شديد وما في شعوب في الدنيا دي كلها بتسمي وليداتها علي ابونا ادم وبدلعوهو كمان زينا( ادومة , ادمو وادامايا وابشر وابو الكل ) ولا بسمو علي امنا حواء زينا نحن السودانيين والغريبة عندهم اسمها (Eve) وما عارف كيف الاسم العلم بتغير ولايه كان بتغير ما غيرو اسم ادم!!؟ ..... عشان كده اسم ابوناادم ارتبط بينا نحن الزرق ( اولاد قرف) عديل وحواء دي ما بسموها الا اخواتنا
    ( بنات قرف) .. امانة في ظمتكم لقيتوا ليكم بت من بنات العمارات ولا نمرة اتنين ولا المسالمةاسمها حواء اتحداكم امرقوها حواء لازم تسعين في المية ( بت قرف)..!!

    المهم نحن محتاجين لفكرة زي دي تشبه ( كمونيتنا ومرارتنا) زي ما الكمونية مستحيل تبقي بالكرشة بس ولا بالكبدة براها ولا بالضنب براهو ولا بالمصارين براها ولا بالفشفاش براهو ولا بالكلاوي براها ولا كمان بائتلاف اتنين من المجموعة دي ..... لكن لمن اتلخبتوا كلهم مع بعض بطلعوا اجمل صحن بتاع ملاح سوداني ليهو نكهة وطعم مميز... يعني عاوزين اسطورة تعمل ب( الميكانيزم) بتاع الكمونية وتطلع لينا من( الفسيخ شربات)
    يعني بالواضح لا الدين الاسلامي ولا المسيحي ولا كريم المعتقدات كل واحد براهو اقدر اختزل السودان الكبير ده كلو في بطنو ..... ولا اولاد العرب ولا اولاد العجم الحمر ولا الزنوج براهم اقدروا اختزلوا السودان العظيم ده كلو في اثنياتهم فقط !!

    لكن قصةابونا ادم دي وابونا عديل والفكرة بتاعة نحن بداية الجنس البشري اي الجنس الادمي دي بتلفق مع الجميع لانو ابونا ادم الكل بتفق انو ابوهم وابو الانبياء كلهم وحتي المهمشين ظااااطم الكلام ده ببسطهم لانو ادم ظااااتو كان مهمش وغلبان زيهم وضاع من الجنة وصقطها من زمان وتاني ما في واحد استعبطهم واقول ليهم جدي النبي حلمني وقال لي احكم بالعدل عشان اياكل راسهم واياكل بعد داك تمرهم ومنقتهم واسرق سلطتهم ....

    يعني فكرة نحن محتاجين لفكرة محورية ولومن اسطورة شعبية نتفق عليها كي نبني عليها حاجاتنا وتبقي فكرة اساسية . وانتو شفتوا زي ما قلت ليكم قبيل واكرر انو الاساطير في الصين واليابان وفي الهند بل في شرق اسيا كلو لحد اليوم وحدت مشاعر ووجدان امم عظيمة في حجم تلكم الامم بل افرزت فيها انسانااكثر سوية واخلاقية من بشر عديل ملتزمين بديانات سماوية سواء كانوا مسيحيين او مسلمين او يهود..... يعني لو عاوزين نقارن هاشموتو البوزي عابد التماثيل والاساطير رئيس وزراء اليابان الحالي مع امير المؤمنين وحامي حمى الاسلام العرور الرسالي عمر البشير تبدو المقارنة سخيفة وغير قائمة بين نقيضين الاول بن حضارة قائمة على الاساطير ولم يؤمن بدين سماوي البتة ولكنه اكثر اخلاقية وقيميةونزاهة وصاحب وجدان سليم اكثر من الاخر الرسالي حامي حمي اخر الديانات امير المؤمنين السفاح اللص الكاذب عمر البشير... عشان كده جماعة الاساطير ديلك ما كانوا محتاجين من رب العزة عشان انزل ليهم رسل وانبياء ولو كان ربنا سبحانه وتعالي عايز انزل ليهم انبياء لكان ممكن .... لكن الحكاية تبدو لي زي حكاية الزول العندو وليدات فيهم تلاتة شطار وما محتاجين دفرة ومجتهدين جدا ومبرزين في القراية وعندو تلاتة سجمانين محتاجين مدرس خصوصي وحصص خاصة اي درس عصر بالظبط ده الحاصل في الدنيا في امم كانت محتاجة درس عصر ومدرسين ومصلحين وانبياء وفي امم شاطرة وما احتاجت لانبياء ورسل عشان كده رب العزة ما نزل ليها انبياء بل اكتفت باساطيرها وكانت امم عندها مثل وقيم واخلاق عشان كده الاسلام لمن جاء قال النبي (ص) ( بعثت لاتمم مكارم الاخلاق) يعني الاخلاق كانت موجودة في الدنيا قبل الاديان بس ناقصة في الحتة الجاء فيها النبي وحتي الدين كان بعترف باساطير الاولين ... يعني لمن نجي نشوف الاسلام في السودان ما عارفنو الليلة الاسلام الصحيح عند منو عنداهلنا الختمية ولا اهلناالانصار ولا انصار السنة ولا الكيزان بنوعيهم ولا عندالملل والنحل الظهرت قريبا من الجماعات التكفيرية ولا المتصوفة ... يعني المسلمين في السودان هم في دينهم مختلفين وتبدو اختلافات كبيرة وخطيرة... وايضا المسيحيين شي بروتستانت وشي كاثوليك وشي انجيليين وكذلك جماعات الديانات المحلية ناس الكجور وغيرهم كل زول بدينو ...... يعني حكاية نلبس جلابية دين واحد في البلد ده بالقوة امر مستحيل .... وحكاية نلبس جلابية سياسية بلون واحد ايضا من المستحيلات وما ممكن كمان نبقي كلنا عرب او زنوج او حلب والا ابقى نوع من العبط !!

    يعني باختصار القصة وما فيها محتاجين لينا لجلابية تلبسنا كلنا ومقاسنا بالظبط وما في زول اشتكي من ضيقها..... بعد ما فشلت جلابية الدين والسياسة والثقافة في ان تكون قدر مقاسنا بالظبط لكنها كانت حسب مقاسات اصحابها وخياطيهافقط ( والترزي شوف جنو التقول موصنو حي انا)؟؟؟

    نحن محتاجين اسطورة مركزية ان لا تتعارض مع مكوناتنا الروحية ولا تكويناتنا الثقافية ولذلك كانت حكاية ( الفكرة الادمية) ونحن اولاد ادم عديل لا وهم اشراف ولا شعب الله المختار ولا وهم شوفينية الجنس الاري ودي اسطورة بتلفق مع كل الاديان وتؤيدها وكمان بتلفق مع اهلنا المهمشين لان ادم وحواء ظااااطهم مهمشين عديل.....وما عندهم قداسة موسى او عيسى او محمد عند معظم البشر رغم انو ادم ابو البشر بما فيهم كل الرسل والانبياء وهو اول الانبياء!!
    فالقصة وما فيها نحن شعب السودان زي ما بقولوا اهلنا بتاعين الكوشتينة (ورقنا ابيض ومحتاجين لينا لمساكة ورق ) والا حنتسنفك عديل .... فعشان تجاري اللعب وتتفادى السنفكة لازم اكون عندك مساكة ولا ( مراقة).... والمساكة دي هي الهويةبتاعتك في الملعب العالمي للحضارات الانسانية الحاسمة قصة هويتها وحاجاتها من زمان واستقرت خلاص امورها....يعني بوضوح شديد قطر الانفصال هسع مدور والركاب راكبين والعطشجية كل زول اخد مكانه في القطر بس منتظرين صفارة ناظر المحطة وخط الجنوب فاتح والمحطة الاولى جوبا وغالبا تكون المحطة التانية الفاشر والتالتة كسلا ظاااااطها والرابعة الدمازين والخامسة كادوقلي..... يعني الشغلانية خطيرة شديد علي مستقبل البلد.....عشان كده الحقوا وشوفوا ليكم شغلة توقفوا بيها الركاب ديل وتقنعوهم بالقعاد وبفهم يستوعبنا كلنابالتراضي!!
    يعني انا بدوركم يا الترزية المثقفاتية من الشغلانيات القلتها ليكم قبيل من قصة( تمر ابونا والجنة وطير الجنة وحواء وادم وادومة وقابيل وجده وتفاح جبل مرة وانسان سنجة وانسان بحيرة تشاد والاكتشافات الاخيرة في غرب اثيوبيا) فصلوا لينا اسطورة مقاسنا تلبسنا كلنا وتقول نحن اعظم من شعب الله المختار ظااااااتو وكمان مأصلين اكتر من الجنس الاري ظااااااااااااطو بتاع هتلر... ومافي اشراف اكتر مننا!!!؟؟
    اذا كانت الدعوة النازية بقيادة الفوهرر ادولف هتلر في خلال عقد واحد من الزمان اقنعت الامة الالمانية وحركت فيها اعصارا قوميا شوفينيا كاسحااي ( هوشة) لحد ما صدق الالمان انهم اسياد العالم و قربوا احكموا العالم كلو لو لا لطف الله انو الاوروبيون صحوا من النوم بعد خراب اوروبا كلها تحت الجزمة النازية الالمانية واتوحدوا ومعاهم الامريكان والروس حتين قدروا اوقفوا المارد الالماني صاحب اسطورة الدم الازرق الاري عند حدو!!؟
    واما الاسطورة بتاعة شعب الله المختار وارض الميعاد اها اليهود الصهاينة الشواطين استطاعوا في خمسين سنة احالة الاسطورة الي واقع يعني بالضبط من التخطيط ليهافي المؤتمر الصهيوني العالمي في بازل في سويسرا 1898 لحد سنة 1947 وهو تاريخ قيام اسرائيل يعني في خمسين سنة بس الاسطورة اليهودية تحققت والتف حولها كل يهود العالم وتكون لديهم حس قومي واحد انهم كلهم من نسل واحد ودين واحد والكل الان يدافع قوميا عن اسطورة شعب الله المختار وارض الميعاد من الفلاشا اولاد قرف الزرق لحد المجموعات السامية النقية من ذوي الدم الازرق اليهودي ؟؟
    عشان كده نحن الافضل بين شعوب الدنيا و( اولاد ادم وحواء ) عديل ومن غير لخابيت وعندنا ادلة واثباتات لفرضيتنا لتاسيس اسطورتنا وهي اقرب للحقيقة من الخيال واكثر منطقية من الدعاوي الصهيونية او النازية اذا كانوا ديلك الجنس الاري وشعب الله المختار نحن شعب الله الجبار ظاااطو!!!
    وانا خايف نحن السودانيين ناس هواشين وفشارين نقوم كمان نتمسك لينا بشغلانية لافقة زي دي نتنفخ و نقوم نجهجه الدنيا كلها لحد ما تقوم القيامة وفي القيامة خايف ابونا ادم ظاااطو اتنكر لينا اقول لا بعرفنا ولا حاجة ولا نحن اولادو ولا شبهو يعني شعب لبــط؟؟

    المهم يا اعزائي عايزين افكاركم في الشغلانية دي عشان نلحق قبل ما القطر ما يصفر فالهوية حاجة اساسية وبالله سيبونا من كلام المتفلفسين ديل وشوفا لينا بالله ( تمر ابونا) ده حكايتو شنو ؟ و( كمان تفاحة جبل مرة) دي اصلها من وين وعمرها كم سنة وهل تطابق مواصفات تفاحة ادم ؟ وكمان شوفوا لينا قصة طير الجنة ده في السودان وهل فعلا جاء مع ادم من الجنة وشنو سر تسمي السودانيين والاحباش باسم الجنة و( غانيت) وكمان شوفوا لينا الحاجة الاهم شديد وشديد حكاية شيوع اسم ادم وحواء بتركيز عالي في السودان بشكل يدعو للاندهاش وبتركيز يدلل علي وجود اسباب جوهريةتؤكد فرضية اخوكم المهترش ود هباني في هوية اهل السودان... وهي هوية ادمية قحة... يعني لو ثبتنا الشغلانية دي نحن محتاجين ليها في تثبيت حاجات وقناعات كتيرة عشان نرفع من روحنا المعنوية وما نبقي زي ود الحرام ما عارف منو ابوهو وكمان محتاجين ليها تبقى لينا دافع معنوي للصمود والشموخ عشان ننتج وعشان نتطور ونتقدم والبلد تمشي لقدام وتاني ما في واحد اتلبط فينا انا جدي النبي ولا جدي العباس ولا جدي طرزان ظااااااطو كلنا سوا ســــــــــــوا اولاد ادم ظاااااطو وادم ظاااااطو من التراب !!!))

    سندة: ابليس ظااااااطو ســـوداني ان شاء الله عرفتوه؟؟


    محبتي واحترامي


    هباني ظااااطو

    (عدل بواسطة هشام هباني on 29-12-2006, 03:17 PM)
    (عدل بواسطة هشام هباني on 31-12-2006, 10:28 AM)
    (عدل بواسطة هشام هباني on 31-12-2006, 05:14 PM)

                   Subscribe on YouTube |Articles |News |مقالات |اخبار

العنوان الكاتب Date
فرضية ود هباني ان ابونا ادم ســـــــوداني!! هشام هباني29-12-06, 09:29 AM
  Re: فرضية ود هباني ان ابونا ادم ســـــــوداني!! هشام هباني29-12-06, 09:40 AM
    Re: فرضية ود هباني ان ابونا ادم ســـــــوداني!! هشام هباني29-12-06, 03:51 PM
      Re: فرضية ود هباني ان ابونا ادم ســـــــوداني!! Mustafa Mahmoud29-12-06, 04:12 PM
        Re: فرضية ود هباني ان ابونا ادم ســـــــوداني!! هشام هباني29-12-06, 04:19 PM
          Re: فرضية ود هباني ان ابونا ادم ســـــــوداني!! هشام هباني30-12-06, 01:18 AM
            Re: فرضية ود هباني ان ابونا ادم ســـــــوداني!! هشام هباني30-12-06, 01:25 AM
              Re: فرضية ود هباني ان ابونا ادم ســـــــوداني!! هشام هباني31-12-06, 05:16 PM
                Re: فرضية ود هباني ان ابونا ادم ســـــــوداني!! حيدر حسن ميرغني31-12-06, 05:29 PM
                  Re: فرضية ود هباني ان ابونا ادم ســـــــوداني!! هشام هباني01-01-07, 01:28 AM
                    Re: فرضية ود هباني ان ابونا ادم ســـــــوداني!! هشام هباني04-01-07, 03:52 PM

[رد على الموضوع] صفحة 1 من 1:   <<  1  >>

تعليقات قراء سودانيزاونلاين دوت كم على هذا الموضوع:

فرضية ود هباني ان ابونا ادم ســـــــوداني!! فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

© Copyright 2001-02
Sudanese Online
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de