|
|
|
 Re: اححح ضاعت عليكم 33 دولار يا احمد ونضال الله يجازي اللي كانوا السبب!! (Re: حيدر حسن ميرغني)
|
ياعمدة ... سلامات
الجاتك فى مالك سامحتك .
و يازميل إنت غلطان و ين الفراسة و ليه ما قلت ليهو ( كاش أب فرنت أو إتخارج من البداية ؟)
المهم
تعال نحكى ليك ألذّ واحدة عندنا ، حصلت لصديق عزيز و زميل ، لشقاوة حالو إتزلق فى الثلج ، و قول الحمد لله ربنا ساتركم من دى
وقع كسر رجلو الشمال .
طلع من المستشفى مش بقول الحمد لله على كل حال ، لا كان بقول ينصر دين الأوتماتيك و الحمد لله جات فى الشمال!
شفت كيف القناعة بانو سوء الحظ مفروض يلازمنا ؟
المهم بعد كم يوم ، أصرّ يواصل الكفاح ، و قوووم يا الكمبيوتر صفّر ( فير ويتنق) معليش ياعمدة قصة تحول عربى و ترجع إنجليزى
دى ، مرات بتجننى ...
المهم الزميل كسبو ، و جاهو ماشاء الله واحد ظريف و لابس قيافة ، ( المظاهر خدّاعة)
أول حاجة لاحظ ليها العصايات الصرفها الدكتور لصاحبنا قدام و سألو منها ، و عمل فيها إتأثر للقصة ، بعد داك دخل شمال و طلع
من جيبو كمية دولارات زغللت عيون الزميل ، وقال ليهو إنتى الليلة حتعمل قروش!
و بتستحق (تب كبير) لأنك رغم الإعاقة شغال ، و بدأت الإجابة على الإسئلة العشرة الشهيرة
و بعدها ونسة الكورة كالمعتاد . و لفّ بصاحبنا الدنيا و مافيها ، أخيراً و العداد وصل كم وتسعين ، قال ليهو هنا
قدام مبنى مكون من عدة شقق ، صاحبنا وقف ، و الزبون ود الحلال البعرف السودان ، و أمنيتو يمشى أفريقيا ، و( الجينوسايد و شنو )
قال ليهو الجينز بتاعى ضيق لحظة ، نزل طلع القروش و الكاشف بعاين، قفل الباب و الكاشف بعاين ، لفّ جاه فى شبكاو و الكاشف متوقّع حقو
أشر ليهو ينزل القزاز ، و قد كان ...
آخرتها قال ليهو و الله زى ما شايف عندى قروش بس قررت ما أدفع ليك ، و أنا متأكد بعصاياتك و رجلك الشفتها دى ما بتقدر تجرى
ليلة سعيدة !
و بخطى أقّل من بطيئة دخل المبنى و أشار لصاحبنا بالوداع !
حارة حقتك و لا حقتو بالله ؟
ربنا يرجعنا سالمين ويخلصنا من جحيم الغربة ....
مودتى
| |
 
|
|
|
|
|
|
|
|
Re: اححح ضاعت عليكم 33 دولار يا احمد ونضال الله يجازي اللي كانوا السبب!! (Re: عبدالرحمن عزّاز)
|
معاوية ,ايمن, الفحل, ادم حيدر و عبد الرحمن
سلامات
والله واجعاني وجعة شديدة الثلاثة وتلاتين دولار دي قانص ليها انصاص الليالي
بكل المخاطرات والبنزين الغالي ده...اجي ود الخالة بكل سهولة ساكت ما ادي اللحمة الزرقاء دي حقها... والله لو عملها واحد ابيض ولا مكسيكي..ماكان زعلت الزعل ده..بس ود الخالة ظااطو وهم بعملوها دايما لينا نحن اولاد خالاتن... والله لو كان قال لي ما عندي حق المشوار كان وديتو..اححح الله في!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
Wasil Ali
Tragie Mustafa
الطاهر ساتي
Moawia Mohammed
Adam Omer
أيمن الطيب
حيدر حسن ميرغني
عبدالرحمن عزّاز
فيس بوك
تويتر
انستقرام
يوتيوب
بنتيريست