الكـــــوز (عزالدين بيلو) اجب بلا او نعم؟!

Quote: وخلونا نعرف بيلو ده من ياتو نوع من الكيزان 1-سيخ 2-امير 3-تجنيد برالمة 4- ولا كيزان ظل 5-لا كوز نضيف حالق كارل لويس وحايم في النشاط بين الشباب

Quote: ب- ورينا جريدتك دي 1-تنظيم 2-لا دعم ذاتي

أنا طبعاً أحب الصراحة.. والصراحة راحة.. وانت ما بتعرفش

أول ما جيت الجامعة وأنا برلوم

مشيت اشتريت لي 4 جوز فلسكاب

وعملت فيهم جريدة حائطية..

طبعاً هاجمت ليك فيها أنصار السنة

لغاية ما قاموا سموني (ضد الدين)

وكنت بهاجم ليك فيها التجمع

أها.. الوقت داك كنت شغال براي فيها

قاموا الكيزان اتصلوا علي.. وعرضو دعمهم لها

وافقت بدون تردد

وأسميتها (الحقيقة)

وكنت بسلخ ليك فيها ناس حزب الأمة جنس سلخ

لغاية ما يوم لموا فيني براي جنب كافتريا النشاط

ودايرين يكسروني

لكن ربك شاف عليهم

Quote: ج- 1-لو فرضنا جدلا بانك كوز (سيخ) هل انت من العينة البتجري وبتنط السلك ولا النوع البقيف وبتراجف وبقول ياشباب خلوني عليكم الله...

أنا كنت زول بتاع قلم ساي

مالي ومال السيخ يا فردة

Quote: د- عدد مرات تواجدك في كراكير مسجد الجامعة للتامر ضد الحركة الطلابية..

ها زول ها

مسجد الجامعة ده ما كنا بنفارقوا البتة

Quote: ه- مشيت جهاد ولا كبيت الزوقة من كوستي وانا خايفك يا بيلو تكون كبيتها من ربك ظاتتتو

أنحنا ناس: وروني العدو.. واقعدوا فراجة