|
Re: مبروك للابنة نضال هباني ذهبية شمال تكساس في مادة الصحافة (Re: عمار يس النور)
|
قريبي الدويمابي الاصيل عمار
سلامات
واسف شديد للسهو...ما خلاص اخوك تعبان مع الكبرونية بتفقد الزول التركيز! ومليون شكر يا غالي علي الشعور الطيب وان شاء الله الابنة نضال تكون عند حسن ظنكم وعقبال للاشبال العندك قطع شك حيكونوا رافعين راسنا فوق والشطارة حارساهم من الجهتين الام الشاطرة والوالد سيد الشطار وبالاضافة الي انهم من الدويم من بخت الرضا دار العلم والعلوم. محبتي واحترماتي
هشام
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: طارق الأمين)
|
المدبع الرائع والفنان طارق الامين ظاااااطو
سلامات يا زول يا سمح
Quote: مبرووووك لي نضال هباني
اها
ايوييويويويويويويا |
اها حرررم زغرودتك السمحة يا طارق دي ياني القايم لها فوووووق ورررب ارتب لمن انشرط مركوبي البقري الامريكي التكساسي فوق ارض اليانكي!
الف مراحب بيك يا طارق وشكرا علي مرورك الانيق والاصيل مع تحياتي لزمرة المبدعين معك من الذين يتابطون الفرح والابداع كل يوم لاسعاد شعب ارقه الظلم. محبتي واحترامي
هشام هباني
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: هشام هباني)
|
حان الآن لـ 35 مليون سوداني أن يرفعوا رؤوسهم يا أخي جعلتمونا أكبر قامة أقول هنيئاً لشمال تكساس قبل ان أهنيك وأهني هذا الكنز الرائع الذي يمثل السودان لكم التحية على هذا المجهود
تخريمة : تاريك يا ابن الذين عجوووووووووووووووز كنت مفتكرك قدري لكن نحن لسه يادوب ماشين على التلاتين يعني لو ناس الحكومة عملوا ضرائب على الأعمار وحددوها بأي مسمى ان شاء الله تكون { زكاة جسم } نحن حاندفع ليهم 300 الف جنيه باعتبار السنة ب 10 آلاف أها شيلوا شيلتكم يا الاتخطيتوا الأربعين !!!
تخريمة تانية : ماعندكم واحد امريكي عاوز ليهو سواق تاكسي عليك الله شوف لينا معاك طريقة
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: ABDELMAGID ABDELMAGID)
|
الحبيب / ود هبانى الف مبروك لآل هبانى كلهم ومليون مبروك للابنة نضال هبانى طبعا البنت طالعا لامهما اكيد والف مبروك ياام نضال عرفتى تربي ياودهباني ماتزعل بنتك دى برضو طالعا لابوها من هسع يعني اكيد ح تكون صحافية لامعة ومش صحفي ساكت زى ابوها ... مع العلم انه لافرق بين صحافي وصحفي الا عند ود هبانى والصادق المهدى تقبل ايضا تهانى الحبيب احمد عبد الباقى ابن العم بسفارة السودان بكوالالمبور وياصحافة السودان استعدي كما ارجو ان تخبرنا يا اخ هشام مزيدا من المعلومات عن هذه الذهبية وهل مادة الصحافة تدرس في المدارس الثانوية وله البنت كبرت ياودهبانى
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: مجاهد عبدالله)
|
Quote: Wal-Mart is a microcosm of America. A little wacky, quite diverse, huge and extremely dominant without apology.
Wal-Mart is your average Joe. The tired office worker. The grungy teenager. The screaming child. The single mom.
Wal-Mart is somewhere when you can always feel at ease. Always. |
مقتطف من مقالة نضال عن الدكان الامريكى المشهور (وولمارت). نضال كاتبة ذكية وفطنة ومرحة وساخرة ومشروع روائية باذخة. حفظها الله.
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: هشام هباني)
|
الف الف مبروك ياهشام الف مبروك يا نضال شوفي يا نضال لما يكون الوطن مابيعرف قيمة أبنائيه وبناته ويسؤمهم الويلات والعذاب نفس الناس البتتعذب دي لوقلبه ثابت ويقينه قوي بتصبر وتناضل وتتعلم وتجي تبني وتعمر ، ولما يتحقق نجاح لواحد فيهم بيكون في فرح كبير زي الفرح الحاصل في البوست ده لانو بيشعروا انو في انسان رفع رأسهم وعزز الطمانينه جواهم بيوم جاي افضل واحسن .. أسالي نفسك ليه هم كلهم فرحانين كده ولي كل واحد بيذكر نجاحك بيربطو بالمستقبل للسودان ؟!! للاسف يا نضال سودانيات وسودانيين كتار جداً يسدوا عين الشمس ويعزو الزول ويرفعوا راسو لي فوق بلدنا بدل ما تحتفظ بيهم بطفشهم وتقطع عليهم الاستقرار والطمانينة والآمان وبتستفيد منهم بلدان تانية ، لكن ختي في بالك يا صديقتي العزيزة بيجي اليوم البيقوم فيهو سودان عدل وخير ومحبة وده مابيجي بالهين دا دربو طويل وقاسي لكن بيجي باصرارنا علي النجاح واصرارنا علي انو الغلط يتصلح وكل شي يقوم علي أساس القانون.
فرحته ليك وفرحته لي روحي دي .
والف مبروك للاسرة الوالدة وللشاب احمد . تحياتي يا هشام .
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: هشام هباني)
|
... نضال هبانى هي بعض عربية ، و بعض افريقية ، و بعض نيلية و تخصيصا هي هبانية و جعلية و بالضرورة تسير في درب الثقافة الكونية .. و اجمالا هي سودانية من نوع الغد الجديد .. تشع ذكاء و جمال ! لا نملك الا ان نهدى لها عبر والدها الهُمام العمدة هشام ، كلمات الشيخ محمد ود الرضى الموجهة لناس بحر ابيض جنوب القطينة: .. صباح الخير على أُم نفلين .. أهنّى البيها محتفلين .. سيد الحسن رب اللّين .. شرّف كوستى و الجبلين .. و ايضا شرفت تكساس و الدويم و عموم سودان التاما و الفور و الدناقلة و النوير و البُشاريين و الزاندى و القُمز و المحس و البرتا و المابان .. خالص التهانى لجماهير دائرة نِعيمة البرلمانية .. و غدا نعود يا هشام للغابة السمراء للكوخ الموشح بالورود ! رحم الله العطبراوى و محى الدين فارس الذى قال لن أحيد ! و تأكد يا هشام ان خالك ود ملين الذى ينادونه ايضا ب ( عبد الرحمن دمت مظفرا ) لن يخيب ظنك ابدا .. سوى انه ( وبسبب الواقع السياسي المُتردى ، و دِيك ود سند الناطى فوق العُدة ) ، شايل فوق الدبر دون ميلان او انحراف يسارى او يمينى .. ! و هي معادلة سياسية كما تعلم معقدة و كبيرة إلا علي الصابرين الصادقين ! دعواتنا له و لكم بالصحة و الامان ..
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: أحمد طراوه)
|
العزيز الجميل الطراوة دكتور احمد
سلامات
والف شكر علي المرور الثمين بما فيه من نبل واصالة وسودانية ناخعة في (ام تلافيف) وجدانك السليم موغلا في تفاصيل ريفية جميلة وهبتني بها سفرا بالمجان الي نعيمة والقطينة والجبلين وفي (جنة بلال طمنتنا علي احوال خالنا ودملين) رد الله غربته! مع خالص ودي واحترامي
هشام
| |
|
|
|
|
|
|
Re: مبروك للابنة نضال هباني ذهبية شمال تكساس في مادة الصحافة (Re: Deng)
|
الف مبروك لنضال ... و للناظر هشام ابونضال ... و اخلاص ام نضال ... و عموم الهبانية و الحسانية و ال برير و لينا كلنا و احمد كمان ... مع اجمل الامنيات بالتوفيق و النجاح ...
dear nidal my little daughter
we are very proud of your achievements my dear daughter and i send my daughter and all my family congratulation to you and to your father who is a true sudanese wad ballad aseel and we love him very much
uncle mustafa and family
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|