جامعة سودانيزاونلاين للعلوم و الآداب

يا سلاآآم أشكرك على التحويل يا برووف ، وبت اناس دي ان شاء الله ما بتسقط ، ما يا سقطنا سوا يا نجحنا سوا ، نحن من النوع اللي لا الولد لا البت بخللو زولهم وراهم وللا قدامهم الـحـجـل في الـرجـل

بس بصراحه حنبدا أنا وهي من يوم الاتنين "نـدك" بعض محاضرات البورد مسافرين وكدا ، أها دا عذر مقبول ؟
صدقني ما دايرين نزوغ على الكافتريا أو على سينما الصداقه نحضر الفلم الهندي (رحله في قلب امرأه) !!! هيهيهي والله الفلم دا أيام جامعة الخرطوم ما شفنا لينا طالب أو طالبه ما حضرو ! العجيبه شنو
أنو كان في أولاد ياخدو البت للفلم ويعيشها الجو ، وبعد يومين ياخد بت تانيه ويحضرها الفلم وكأنو دي أول مشيه ليهو
!
مفروض كان يسموهو (رحلة في قلوب البنات) ! وللا كيف ؟
بس انت أكيد ما حضرت ! الكلام دا كان حاجه بتاعت 1993-1994 على ما أظن

أما مصاريف التحويل ، ف قرشو دا زولي
زمان كان في واحد ريجيسترار هندسه اسمو (شمبول) زول ما معقول وكرهنا وما بنفع معاهو أي لف و دوران ، زول بروليتاريا لما غلط
أما لو (قرشو) ، فمافي خوف ، لاحظ اسمو زاتو جايبو من (القرش) و(القروش) ببساطه
يعتي بدكن ليهو حاجه بتحت تحت كدا و بمرر الموضوع
أما لو اتعكلت معاي فيستناني في الأول أتم حق الشيله بعدين الريجيستري