|
|
 العضو سيجيمان, أنت مريض وعنصري وتحتاج لعلاج نفسي
|
العضو سيجيمان, أنت مريض وعنصري وتحتاج لعلاج نفسي .
لا تعتقد أن سحبك لبوستاتك الكريهة يعني معناه خلاص المشكلة انتهت,
كلا وألف كلا, فمازالت المشكلة قائمة. فأنت لا تعترف بأخطائك أبدا والدليل على ذلك
أنك عندما عنونت خطاب الاعتذار, كان بوستك عبارة عن مطاعنة وإساءة بالغة.
نصيحتي لك ولأمثالك بأن تبحث لك على علاج نفسي لكي تتخلص من عنصريتك وأمراضك الأخرى . خصوصاً لغة الهوس التي تستعملها في كتابتك والكل يعرف جيداً بماذا أعني أنا كلمة هوس.
دينق.
|
|
 
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
أخي العزيز دينق،
صدقني أنت صوت متفرد في هذا المنبر وأحد الأقلام الجذابة فيه.. اتفق أو اختلف المرء معك
وهذا رأيي الذي عبرت عنه سابقاً وأعيد تكراره هنا..
أتمني أن تواصل ذلك الصمود والتحدي وتلك الجاذبية
ولنتجاوز جميعنا هذه المحنة
ولتدم المحبة بين الجميع
لك إعزازي الوافر
معز
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأعزاء/ تماضر وعادل.
يجب أن يفهم هذا المريض, بأن ما يمارسه من سلوك هو شئ كريه ويجب أن يواجه
بكل شدة. وأنا شخصياً لا أحبذ المجاملات والغطغطة بمثل هذا الأمور.
لقد حذرت ذلك السيجيمان من قبل ولكن يبدو لي بأنه لم يعي الدرس جيداً.
لن أمسح هذا البوست أبدا . يجب أن يظل في مكانه.
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: abdalla BABIKER)
|
الاخ دينق
بهذا الفت نظرك الي ان العنوان المستخدم من طرفك في هذا البوست واللغة المستخدمة منك فيه تجاه العضو عادل سجيمان تخالف سياسة النشر في المنبر ؛ وازاء اصرارك عليها فلا املك الا ان الفت نظرك رسميا لهذه المخالفة واتمني انتنتبه لسياسة النشر في المستقبل.
عادل عبدالعاطي
امين المنبر
29-09-2004
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ دينق، سلامات..
لا أظنك طالباً الأخ سجيمان أن يشنق نفسه! كلنا معرضون للخطأ.. وخيرنا من يبادر إلى تصحيح خطأؤه.. ياأخى دينق.. أما سمعت أن الشعراء يتملكهم شيطان الشعر؟ وكذا سائر المبدعين.. وسجيمان ليس إستثناء..
صفات مثل العنصرية، الإنتهازية، الخ.. تعبر عن سلوك مستمر.. وليس حالة عارضة أو طارئة.. وليت يادينق، كل من أساء إلى بنى آدم –بقصد أو بدون قصد- ليته يتراجع ويعتذر.. فالنأخذ من حكمة مارتن لوثر كنج ونلسون مانديلا، هل نفعل؟ أرجو أن تفعل..
عدلان.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
عادل عبد العاطي.
شوف أنا عاوز أقول لك حاجة.
لفت نظرك ده لا يعني لي أي شئ. فكأنه غير موجود بالنسبة لي.
أنا أتمسك بكل كلمة كتبها هنا وكلماتي تعني ما أقول.
أنا ليس بهاوي كتابة أو مشاكل, وفي نفس الوقت لن أسكت على أي مسخرة وقلة أدب تكتب بحقي. لقد كان بوست العنصري المريض موجود لأكثر من يوم فلماذا تنتظرون يا إدارة من صاحب البوست نفسه بأن يطالبكم بحذفه؟ وماذا كان سيحدث إذا لم يطالبكم بحذفه؟
لا أعتقد بأنني كنت سوف الجاء للرد عليه إذا قمتم بالواجب يا إدارة وسحبتم البوست في وقته. ولكنكم لم تفعلوا ذلك إلا بعد أن قرر صاحبه سحبه. مالكم كيف تحكمون؟
أكرر, تحذيرك لي لا أعتبره موجود يا عادل. وهو بالطبع لا يعنيني أبدا.
دينق.
| |
|
|
|
|
|
|
|
|
 Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ : دينق
والأعزاء المتداخلين جميعآ.........
لي مرحظه بسيطه فيما حدث بين دينق وسجيمان وموقف الأداره من بوست دينق
لماذا لو تسحب الأداره بوست المدعو : سجيمان فى وقته أو محاسبته والأنتظار حتي يطلب المدعو سحبه...؟
أما الآن ودينق يرد على المدعو أعلاه يلفت نظره للطريقه التي رد بها..؟
فيما يتعلق بسيايات النشر كلنا معها ونؤيدها مع الأستاذ: عادل عبد العاطي ..المحترم
ولكن في هذه الحاله لم تنصف القوانيين والوائح الأخ: دينق
فجاء رده كنتيجه طبيعيه
وشكرآ لكم جميعآ
وشكرآ للأخ : دينق
مع تحياتي
مهدي الأمين
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
كتب هشام مدني:
Quote: ما ممكن كل الخلق خطاء وانت صح ياخى ما معقول طوال انت هكذا حاول غير من طريقتك
خاطب الخلق بكلمات افضل ما معقول تكون طوالى مهاجم ما صح كده
مع تحياتى |
Quote: حاول ان تضبط كلامك واحترم الناس حتى يحترموك ياخى
مع تحياتى |
يا هشام مدني, كلامي الكاتبه ده رد لذلك المريض, هل أنت ترى أي شئ غير طبيعي في ردي عليه؟ وبعدين بلاش مجاملات أحسن نكون واضحين.
كل كلمة يا هشام كتبتها أنا مسئول عنها. وأنا ما جاي هنا أنتقد لي زول بدون سبب.
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
العزيز الاخ دينق
اعلم ان انت مسؤل من كل كلمة ما اعترض على كلامك ياخى ارفع شكوى للادارة وان لم تنصفك لك مطلق الحرية فى ما تقول لكن اخاطبك لان بعض الكلمات تخرج عن بطريقة ربما لا تحمد مثل قلت ادب وكوز وغيره انا معك ارفع للادارة كل ما تراة فيه ضرر لك وهى الذى تنصفك
لك معزتى
هشام مدنى
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ العزيز/ عدلان.
| Quote: لا أظنك طالباً الأخ سجيمان أن يشنق نفسه! كلنا معرضون للخطأ.. وخيرنا من يبادر إلى تصحيح خطأؤه.. ياأخى دينق.. أما سمعت أن الشعراء يتملكهم شيطان الشعر؟ وكذا سائر المبدعين.. وسجيمان ليس إستثناء.. |
أنا هنا لا أتحدث عن زلة لسان فقط, بل أنا أتحدث عن سلوك وممارسة مستمرة من جانب سيجيمان منذ فترة طويلة ولقد حذرته من قبل. ولكنه تمادى في ذلك السلوك المشين. ومن أهم أسباب ذلك هو, هناك يوجد بعض الاخوة الذين يشجعونه على مثل تلك الكتابات العنصرية و الإيحائية الجنسية.
| Quote: صفات مثل العنصرية، الإنتهازية، الخ.. تعبر عن سلوك مستمر.. وليس حالة عارضة أو طارئة.. وليت يادينق، كل من أساء إلى بنى آدم –بقصد أو بدون قصد- ليته يتراجع ويعتذر.. فالنأخذ من حكمة مارتن لوثر كنج ونلسون مانديلا، هل نفعل؟ أرجو أن تفعل.. |
يجب مواجهة مثل هذا السلوك الذي لا يحتمل المجاملة ابداً.
Deng.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
صديقى دينق .. سلام
مطالبة سجيمان بسحب البوست يفترض ان ترضيك اكثر من لو قامت
الاداره بسحبه بقرار
هذا يعنى ان هنالك مساحة التقاء بينكما مشى فيها سجيمان خطوه
مهمه وكنت اتوقع منك التصرف بالمثل وعلى اسوأ الفروض اذا
لم تمش خطوه تجاه سجيمان ألا ترجع خطوات للخلف
انت مضرب المثل فى ضبط النفس فانتصر لمبادئك فى وجه الانفعال
تحياتى
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
| Quote: اعلم ان انت مسؤل من كل كلمة ما اعترض على كلامك ياخى ارفع شكوى للادارة وان لم تنصفك لك مطلق الحرية فى ما تقول لكن اخاطبك لان بعض الكلمات تخرج عن بطريقة ربما لا تحمد مثل قلت ادب وكوز وغيره انا معك ارفع للادارة كل ما تراة فيه ضرر لك وهى الذى تنصفك |
هشام مدني.
أنا أعرف كيف أستعمل اللغة المناسبة وفي الوقت المناسب.
ولا يوجد هناك شخص له الحق بأن يوجهني لكي أرد بطريقة معينة.
كما أعرف كل حقوقي وواجباتي.
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ دينق..
معك حق.. المواجهة تجب فيما لايحتمل المجاملة، وقد تمت مواجهة السلوك.. فتم الإعتذار بسحب البوستات، فأدت المواجهة غرضها.. لماذا نشعللها؟
رجاء خاص أن تحذف هذا البوست من تلقاء ذاتك دون أى إلتفات لتهديدات جوفاء.. فالحوت مابيهددوا بالغرق!!
لك الود..
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الاخ دينق
تحية طيبة
يا اخي بوست الاخ سجيمان اعترض عليه الاخ هاشم نوريت؛ مطالبا بحذفه؛ وقد رددت عليه في وقته موضحا الاجراءات والقانون؛ وطلب بعد ذلك ان يتحول الموضوع الي شكوي ؛ وقد كان
بوست الاخ سجيمان لم يكن عنوانه كعنوانك؛ وكان يحتمل اوجه متعددة؛ وقد طلبنا منه سحب البوست وفعل؛ وكذلك تعاملنا معك؛ ولولا حرصناعليك لما طلبنا منك المبادرة بسحب البوست؛ رغم ان بويتك بصورة واضحة ومباشرة يخرق قوانين البورد؛ بينما بوست سجيمان كان يخرقها بطريقة غير مباشرة
علي كل حال استجابة العضو سجيمان - المتاخرة - تحسب له؛ وعدم استجابتك لاراء الناس تحسب عليك؛ وان كنت اتمني ان تسمع لراي من يخاطبوك هنا؛ اما معاملتك للفت النظر وكانه لم يكن؛ فهذا لا يغير من حقيقة وجوده
عادل
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الحبيب دينق.
معاك مليون حق وهذا السيجيمان فقط اعتذر لي معارفو او جبر خاطرهم، لكن ابدا ما اعتذر ليك، وحتي لو اعتذر ولاشئ لانو ماقالو واقع كابده ويكابده الملايين علي مر الدهور والايام، فمنهم من قضي نحبه ومنهم من ينتظر مثلك يا حبيب .
فدي معركة واحدة من ملايين المعارك في حرب طويلة.
علي كده حسبو كويس او حتعرف how its time to move on.
ماتستعمل جبخانتك كلها في معركة واحدة.
تعلم متين تحني راسك للعاصفة، او متين ترفعها، and never loose your cool ياحبيت.
انت هنا في مهمة محددة، فما علي كيفك.
في الاخير الشورة شورتك.
عادل عبد العاطي،
تحاشي مزالق ال power struggle والاستئساد علي العزل والعنز الفاردة.
بي ياتو حق تغض الطرف عن عفن هذا السجمان لتتحرش بي دينق بعد رودا؟
علي الاقل دينق ودفاعا عن نفسو وجه كلامو لي فرد بينما السيجيمان اساء لي مجموعة كاملة وباعترافوا، انو ده كان فش غبينة رخيص وجبان.
فلو في زول بستحق لفت نظر فهو السيجيمان ومن ثم انت لانك متحامل وغير منصف وبتلبس اللوائح تلبيس بلا مسوغ او حيثيات.
بالعدم ورينا كيف كلام السجمان متوافق مع اللوائح ودفاع دينق عن نفسو خروج عن لوائحك العجزت توفر ليهو الحماية بل وفرت المظلة الشرعية للمعتدي يكمل الجريمة.
عشان كده طالبنا بي تمثيل نسبي بدل هذا التسلط.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
عادل عبد العاطي.
من متين بتطلبوا من الاعضاء سحب الإساءات البكتبوها؟
ولا ده زول عنده معاملة خاصة؟
شوف يا عادل وبقية الادارة, أنا لن أشتكي أحد هنا في البورد ده.
وأنتو يا إدارة لو ما أنا أتصديت لذلك المعتوه لكنتم سكتو وأعتبرتو الموضوع عادي جداً.
لكن بعد كتاباتي وردي عليه تحركتو لحمايته. أنا الكلام الكتبته ده بعنيه جيداً.
ولن أهتم بتحذير ولا إنذار. ده لعب على العقول فقط. سجيمان كاتب ليهو مقال ليه أكثر من يوم
ولم يتحرك لكم ساكناً فلماذا الانتظار للتحانيس له لكي يقوم بسحب بوسته؟
وهل كان البوست موجه لكم أصلاً لكي تطالبوه بسحبه ولا خايفين على صديق؟
أكرر لك ولبقية أعضاء الادارة. تحذيرك لا يعنيني بشيء أبداً.
كما أرجو منكم بأن تعيدوا كل رد كتبته أنا بذلك البوست. فأنتم لا يحق لكم بأن تمحوا رد لي أبداً.
من حق ذلك العنصري بأن يمسح ما يريد من ما كتبه قلمه هو, ولكن ليس من حقه بأن يطلب منكم بأن تمسحوا ردود الناس له.
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
كتب سجيمان منتقما هذا البوست:
و....كان ود الطهـــور..دينـــكاوياً
نقلناه هنا حتى يتم توثيقه.
(و....كان ود الطهـــور..دينـــكاوياً
الجمل... حيوان....فعلا ضخم.... وجهامة....ولما يكورك.... مزعج ويخوف الما يخاف.... اخوانا الجنوبين الله يصلحهم ويصلحنا... قاعدين يخايفو منو.... خوف شديد.... يعني لو رسمت لي واحد فيهم جمل.. في ورقة ووريتو ليهو..... تلقاهو... قام صوف..... حلفو قالو في جنوبي... في زنك اللحمة حق بحري.... واقف جنب الجزار... الجزار قالو عندنا لحم جمل.... الجنوبي..دا.... وقّف اضنيهو.... وبقى رقيق....وجري.... ما حاشهو علا في الحاج يوسف....ولي حسي مكتّف في ام ضبان ..والفكي يعزم لو...ويقرا لو.....
بند سري من بنود.. اتفاقية اديس ابابا... انو ما يجيبو سيرة الجمل بالغلط ساكت.... لا في قراية......ولا في ونسة.... ولا في بيرة...حتى القروش الاكان مرسوم فيها الجمل ديك غيروها...........
.صاحبي ماجوك.... زول صاحبي جد جد والله.... دينكاوي... وعلي العليهو شاعر.....لكن بعدين اسلم...... منو وليهو...دخل الاسلام... من قصايدو.... قصيدتو في تريزا....مرتو....وحات الله قاعد يريدا جنس ريده عينة...قال فيها
تريزا يا هلوة يا كرئين تواااااااال زي كرئين زراف
ما بي يسبه الأواليق داك اسان انينا منو بي.... كاف
الترجمة
تريزا يا حلوة... يا كرعين طواال زي كرعين زراف
ما بي يشبه العواليق داك عشان نحن منو بي .....نخاف
....و العواليق المقصود في هذه القصيدة العصماء.... هو الجمل.... شفتو الكجنة دي؟....حتى اسمو ما داير يجيبو.....
ماجوك لما اسلم شحدناهو...عشان يطهّر... باللوال عصلج علينا...ومن نجيب لو سيرة الطهارة..... يمسك عراقيهو من قدام ويقوم جاري........ شوية شوية رضا...... كلمنا عمنا حسن طهّار الحلة.....وقلنا لو دايرين نطهر ماجوك دا... الزول بقى مسلم...عمنا حسن .... بارك الله فيهو قبل يطهر الزول القدرو دا.... وجيبنا ماجوك وفي نص حوشنا فرشنا لو العنقريب....ومسكوهو وهجروهو اربعة رجال.... عمنا حسن عاين لو اشهّد.....وقال لنا حسي زولكم دا يطهروهو بالطول...ولاّ بالعرض؟.....انا قلت لو شوف يا عم حسن ماجوك دا ولدك......والبي يريحك سويهو...اهاااا قام طهرو بالطول.....وهو شغال يطهر.... عاين لي وقال لي يا سجيمان عليك الله جيب لي قـُفة فاضية..... سعلتو لي شنو يا عم حسن؟..... قال لي عشان اخت فيها الجِلد...... عم حسن منعمنو شفت... اتاريهو عندو رأي في الجلد.....انتهت الطهارة..... قوم يا مجوك.... اهرج فوقنا وكيف الطهّاريشيل الجلد....وقال الجلد انا كنت دايرو لي تريزا عشان تضبب بيهو عكازا....قلت لو يا مجوك احمد ربك عمنا حسن الطهّار دا.... نوع طهارتك دي وحات الله قاعد يشيل فيها الجلد والراس....دحين وقت اتفنجر وخلا لك الراس ماقصر معاك والله....
عم حسن الطهار.... شيل الجلد داك....وامشي سوق الجلود في امدرمان عشان تبيعو.......ويلمو فيهو ناس حرس الصيد....ويمسكو عمنا حسن...ويصادرو الجلد..... الغبيانين قايلنو جلد اصلة.........
تريزا جات...من البلد...ما عارفين الحدسا منو بالطهارة؟.....وهي غناية....وحلفت تِف علا تسوي حفلة لي ماجوك..... وقالت عندها ليهو غنية جرتق........
يا بنينا هيييييييييي..........
بن وبنا بين يا بنية......بنينا هيييييييي
عاجبني الولد..........
عاجبني الولد الراقد في العنقريب طويل وممدد
عاجبني الولد اب جِلدن تخين ومااااااااهو مقدد
يا بنينة هيييييييييييييي
عاجبني الولد.......
عاجبني الولد البي ينهر نسيبو ويهرش حماتو
ان شاء الله يدُ قني شديييييييد واموت......زاتو
يا بنينة هيييييييييييييييييييييييييي
عاجبني الولد....
عاجبني الولد الفي الحارة والطهارة يشد الحيل
عاجبني الولد اب جلدن اصلة مو جلد صارقيل
يا بنينة هييييييييييييييييييييي
بعد يومين..... اشوف عم حسن الطهار ومعاهو ماجوك وتريزا.... بيشاورو فيهو عشان يطهر تريزا برضو..... لكن ماجوك...شايفو ينهر في عم حسن وقالو اوئئئئك... تشيلي جلد.............. )
هذا ماكتبه سجيمان يادينق.
أبقيتا عليه، وقلنا أن البعض يظن أن مثل هذا الخطاب ظاهره معزوله، و لكن ان بحثنا فى المنبر نستطيع استخراج مئات التعابير و الجمل التى لاتختلف عما اتى به هذا السجيمان، قلنا هذا هو واقعنا الذى نعيشه.
شكرا لك على كل الدعم يا اخى دينق و اتمنى لك حظ جيد فى المنبر
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
بعد قرائتى لمقال سجيمان أجد نفسي متفهما جدا لموقف الأخ دينق للأسباب الأتية:
*أطلق سجيمان لقلمه العنان و بجرأة متجاوزة لما هو متعارف عليه من أدب عام في مواضيع اقل مايمكن ن يقال عنها أنها بالغة الحساسية, في بلد هو أشد ما يكون للتواصل الثقافي, هذا النوع من الكتابة العبثية يدخل في خانة ما يعرف با Politically Incorrect وعندما يقع المبدعون و غيرهم في هذا النوع من الأخطاء يبادرون بألأعتذار حينا و يستقيلون من مناصبهم أحيانا أخر غير أنهم يتوقعون ردودا غاضبة تستمر لفترة في وسانل الأعلام و غيرها.
*من حق دينق ان يغضب بصوت عالي و الرأي عندي أنه لم يتجاوز حدود المعقول في الرد علي مقالة سجيمان (العويرة) تلك
*رغم أن سجيمان سحب المقالة الا ان ذلك لا يعفيه من تحمل تبعات ما كتب و ألا فكيف ينتشر الوعي بمثل هذه القضايا
*هذا البوست من دينق يمكن ان يصنف بالموضوعي و (التوصيفي) أستنادا لقراءة دينق للمقالة أكثر من كونه شتيمة
أخيرا أضم صوتى لصوت دينق و أرجو من الأدارة أعادة قراءة هذه المسألة بكل أبعادها السياسية و القانونية و الأجتماعية
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: abusin)
|
الاخوة الفوق
* عادل كتب بوست يفتكره نفسه على صواب
* كل الناس اتفقت على انه اخطاء.. فى هذا البوست
* طالب سجيمان بسحب البوست احتراما للكل
*اها البوست انسحب
*انتو عاوزين شنو تانى
نخقنقو ليكم..
* ولا يحذف اسمه من البورد نهائيا
* نحن مش ملائكة هنا
* كلنا فينا اخطاء لا يمكن ان تصحح بين ليلة وضحاها
* سجيمان دا رباطابى..وعلى ما اظن جده العباس
نرجعه السعودية تانى ولا رايكم شنو
ياعالم الناس مفروض تكون موضوعية عشان تعم الفائدة كل كلمة فيها صفار وسواد ناطين عنصرية عنصرية... اذا انا عندى راى فى الدنكا مش عرب...اها رايكم شنو.
وزى اخنتنا دى عندها مشكلة شخصية مع اشخاص معينين فى زمن سبق فى بقعة من بقاع السودان كبرت مشكلتها وبقت تعمم حقدها على كل عربى مسلم...وتطورت الى ان وصلت الى درجت سب الحرم والله والرسول...اها دى يسموها شنو....
سجيمان دا عندو معجبين وقراء هنا...وبشكل جيل الوسطية ..والوسطية هى السواد الاعظم ..المظلوم زى ظلمكم ...المهمش زى تهميشكم...كفر بكل الحكومات..هاجر لبلد تانى
اصبح يفضل نار الغربة..على نسمة النيل...والله يادينق لو دى طريقتك حتلقى نفسك برا البورد
او انت براك فى البورد او انت موجود ولكن معزول ..
عزلة بوردية..
وسببها العنصرية
وضد الكيزان...
شابكنا دا عربى
وما مؤدب بادبى
ودا واحد مرضان..
ياخى نحن عاوزين
نسير
ونلحق ذاك النفير
ونحرر السودان...
| |
|
|
|
|
|
|
|
|
 Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ دينق
معك كل الحق في غضبك
رغم ان سجيمان قد سحب البوست
ولكنه لم يعتذر علنا وبشكل مباشر
اما الأدارة فقد جلست تتفرج وتقرا
في البوست لمدة يومين ،، حتي تكرم سجيمان
بسحب البوست ،،
وهنا اطالب سجيمان بأعتذار واضح دون لف ودوران
واطالب الأدارة بلفت نظر لسجيمان علي ما كتب
ومافي داعي للأدارة ان تحاول تغطية السما بالريش
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: aosman)
|
Salamat Deng
I agree with you, if we want a constructive discussion then we should be fair and avoiding any kind of bias.
I read what Segeman has written it was absolutely un acceptable and destructive article. And even the way he apologize it showed clearly that he did not mean it. Of course you are not looking for conflicts but it is a reaction, Iam not only understanding it iam felling it. So both Admin board and Segeman should write down a clear apologize as indication for learning the lesson. Why the admin? Because they kept quite for the whole day !
Salam
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Mohammed Tirab)
|
الاخوات والاخوان
تحية طيبة
لم تقف الادارة مربعة يديها كما يقال؛ بل ردت علي طلب العضوهاشم نوريت بخصوص البوست؛ وتقدم بشكوي تقبلتها منه؛ وسارت في مجراها.
البوست كان حمال اوجه؛ وقد دعوت انا واخواني واخواتي في الادارة الاخ سجيمان لسحبه؛ وقد تم سحبه.
مفس الشي مارسته مع الاخ دينق؛ وطالبته بلطف بسحب هذا البوست؛ رغم انه واضح في مخالفته للقانون؛ ولكنه رفض بتاتا؛ مما يوضح رفضه للقانون؛ ولذلك تم توجيه لفت النظر اليه.
الاخ دينق يقول انه لا يحفل بالادارة ولن يشتكي ويفيد بما معناه انه سياخذ حقو بيدو؛ وهذا منهج مرفوض؛ طالما ارتضينا اللجوء للمؤسسات وحكم القانون؛ ولا زال للاخ دينق وغيره حق شكوي الادارة لمجلس التحكيم اذا ما راي ان الادارة قد اخطات .
مع التقدير .
عادل
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Abdel Aati)
|
يا عادل
البوست ليس حمال اوجه! البوست بوست عنصري مقيت وهو من اسواء ما قرأت حتي في الكتابات العنصريه نفسها.
ان كنت لا تستطيع ان تتبين عنصرية مثل هذا البوست فارجو ان تستقيل من الاشراف علي المنبر!
غريبه جدا أن توجه لفت نظر للاخ دينق ولا توجه ذلك للاخ سيجيمان!
انا اطالبك بسحب لفت النظر من دينق وتوجيهه لسجيمان. وما حديث الاخ دينق الا احساسه بالتقصير من قبل المشرف، وانت نفسك يا عادل ( بصفتك كمشرف علي المنبر) يجب أن تعتذر للاخ دينق ولاعضاء المنبر لتقصيرك في القيام بمهمتك لانك سمحت لمثل هذا الحديث العنصري الساقط ان ينشر!
لا بد ان تعتذر للاعضاء يا عادل فبنفس القدر الذي تتطالب فيه الاعضاء بالانضباط يجب عليك عدم التقصير في مهمتك، وان كنت لا تستطيع ان تفعل ذلك انصحك بالاستقاله، فوظيفة المشرف لا تنحصر في توجيه لفت النظر فقط، يجب عليك ان تنهض بها بكل همه او تركها أن لم تكن تستطيع ذلك.
وساظل الاحقك بمطالبتي بالاعتذار لاعضاء المنبر!!
عسكوري
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Asskouri)
|
Quote: الاستاذ دينق
دبايوا
اسمح لى ان اختلف معك فى توقيت ثورتك لا اسبابها لان سجيمان طلب
حذف البوست نعم لم يعتذر ولكن بعد ان كثرة عليه الانتقادات طلب
حذف البوست وكان عليك ان تكتب ما تريد كتابته فى البوست نفسه
لا بعد ان تنتهى الحفلة والناس تلم الكراسى تقول بانك زعلان وتشيل
العكاز يادوب .
نصيحتى لك بان لا تتجاوز رغبة الغالبية فى اغلاق هذا الملف الذى لا نريده ان يستمر وكذلك اضم صوتى للمطالبين لك بان لا تستمر فى هذا البوست والمساحة واسعة يمكنك اطلاق عنان قلمك فيما يفيد .
ولك ودى |
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Asskouri)
|
تحية من هنا للسيد هاشم نوريت على اتباعه الطريق السليم فى الاعتراض
السيد/عسكورى
Quote:
البوست ليس حمال اوجه! البوست بوست عنصري مقيت وهو من اسواء ما قرأت حتي في الكتابات العنصريه نفسها.
|
هل يمكن ان تقوم باقتباس أمثله من هذه العبارات هنا حتى نسلط الضوء عليها باعتبارها اسواء ما كتب فى العنصرية
Quote:
ان كنت لا تستطيع ان تتبين عنصرية مثل هذا البوست فارجو ان تستقيل من الاشراف علي المنبر!
|
و ما هذا الخلط، القرار طلع من مجلس حكماء البورد، و السيد عادل عبدالعاطى لم يقم الا بتنفيذ ما جاء فى حكمهم، عشان كده كلامك ده مفروض يكون معنون لهيئه الحكماء و ليس أمين المنبر
Quote:
غريبه جدا أن توجه لفت نظر للاخ دينق ولا توجه ذلك للاخ سيجيمان!
|
لو رجعت لى فوق لوجدت ان السيد/Deng اصر على موقفه و بينما سحب السيد/سجيمان ما كتبه، و لذلك و من ناحية قانونية بوردية تم لفت نظر صاحب البوست لعدم شطبه لما جاء فى كتاباته
Quote:
انا اطالبك بسحب لفت النظر من دينق وتوجيهه لسجيمان. وما حديث الاخ دينق الا احساسه بالتقصير من قبل المشرف، وانت نفسك يا عادل ( بصفتك كمشرف علي المنبر) يجب أن تعتذر للاخ دينق ولاعضاء المنبر لتقصيرك في القيام بمهمتك لانك سمحت لمثل هذا الحديث العنصري الساقط ان ينشر!
|
حاجة غريبة، يعنى انت عايز يعرف الناس حتكتب شنو كيف، و كمان عايزو يقرر بنفسو يمسح شنو و يخلى شنو ؟؟؟؟ مش فى مجلس حكماء فى البورد ده، و لا عايز تخليهم صورة حائطية ؟؟؟
Quote:
لا بد ان تعتذر للاعضاء يا عادل فبنفس القدر الذي تتطالب فيه الاعضاء بالانضباط يجب عليك عدم التقصير في مهمتك، وان كنت لا تستطيع ان تفعل ذلك انصحك بالاستقاله، فوظيفة المشرف لا تنحصر في توجيه لفت النظر فقط، يجب عليك ان تنهض بها بكل همه او تركها أن لم تكن تستطيع ذلك.
وساظل الاحقك بمطالبتي بالاعتذار لاعضاء المنبر!!
عسكوري
|
السيد/عسكورى
اعترضك على شنو بالضبط، حتى نستطيع جميعا ان نقف على ارضية مشتركة؟
و لكم التحية جميعا
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: محمد الامين احمد)
|
السيد محمد الامين
ســــلام
اعتقد انك – ربما - اطلعت علي كتابات سابقه ممعنه في العنصريه كتبتها ساره منصور وأبوحسين وغيرهما هنا في البورد ويمكنك الرجوع اليها في الارشيف لو ترغب.
اعتراضي علي ان عادل او الادراه او ( الشخص المسئول) لم يوجه لفت نظر للسيد سيجيمان ولا يكفي ان السيد سجيمان سحب البوست، وكان يجب توجيه لفت نظر له حتي بعد سحب البوست، والاعتذار نفسه بينه كافيه إن البوست فيه تجاوز كبير مما يعني انه كان يقتضي توجيه لفت نظر وصاحب البوست نفسه مقر بذلك ولكن الاداره رأت فقط سحب البوست السئ بكل ما يحتويه وعدم توجيه لفت نظر لصاحبه وهذا يعني ( ان أي شخص ممكن ان يكتب بوست منحط وملئ بغث الكلام وينشره تم يقوم بعد مده بالمطالبه بسحبه) وبذلك ينجو من لفت النظر ومن العقوبه!!!
انا رأيي أن يتم لفت نظر أي شخص يقوم بنشر مثل ذلك الكلام بصرف النظر عن سحبه للبوست أو اعتذاره الخ...
اما تقصير المشرفين بما فيهم الاخ عادل فهو واضح مما دار، أي انه لو لم يتم توجيه انتباههم لذلك البوست لظل البوست معلقا حتي اللحظه، وهذا يعني ان هنالك تقصير في الاشراف وعلي الشخص المشرف ( عادل او غيره) ان يعتذر للاعضاء.
انا لازلت اطالب المشرف للاعتذار واطالب الاداره بيوجيه لفت نظر للسيد سحيمان قدم اعتذار ام لم يقدمه لا تفرق.
عسكوري
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Asskouri)
|
كنت قد تداخلت فى بوست سابق حول " أصول الفنان عبدالكريم الكابلى " وهو بوست آخر للدكتور سجيمان، ملئ بالعنصرية -- على الأقل حسب فهمى لها . وكنت حينها ذهلت جدا للعفوية السمجة وإضفاء البراءة التى يقوم بها القراء إزاء مواضيع الأخ سيجمان. وتعحبت أكثر - أن يأتى مثقف نقدى قلق فى قامة اسامة الخواض / يشارك فى نشر المسرات / اوالبهجة على حساب قضايا يشكل الأنسان لحمتها !
أنظروا إلى كل المواضيع التى يكتبها سجيمان - فسوف تجدون أن مادة حكاياته كلها - الأنسان.
آياً يكون الأنسان - جنوبى ، حلبى ، عربى ، أو حتى حبشى !
كما لا أعتقد - بأن سجميان يسعى عبر كتباته تحوير القضايا الإجتماعية / أو تغيرها ، ببساطة لأن وسائله ضعيفة جداً.
شخصيا لم أضحك طوال فترة فى المنبر بكتابات سجميمان، كنت دائما أعدّها من باب المرض النفسى .
فهل نعاتب الأخ دينق على غضبته النبيلة الأن؟
أخ دينق لك مقطع من قصيدة لدرويش ؛ فى رثاء إدوارد سعيد :
إنَّ الهوية بنتُ الولادة لكنها
في النهاية إبداعُ صاحبها, لا
وراثة ماضٍ. أنا المتعدِّدَ... في
داخلي خارجي المتجدِّدُ. لكنني
أنتمي لسؤال الضحية. لو لم أكن
من هناك لدرَّبْتُ قلبي على أن
يُرَبي هناك غزال الكِنَايةِ...
فاحمل بلادك أنّى ذهبتَ وكُنْ
نرجسيّاً إذا لزم الأمرُ/
- منفىً هوَ العالَمُ الخارجيُّ
ومنفىً هوَ العالَمُ الباطنيّ
فمن أنت بينهما؟
< لا أعرِّفُ نفسي
لئلاّ أضيِّعها. وأنا ما أنا.
وأنا آخَري في ثنائيّةٍ
تتناغم بين الكلام وبين الإشارة
ولو كنتُ أكتب شعراً لقُلْتُ:
أنا اثنان في واحدٍ
كجناحَيْ سُنُونُوَّةٍ
إن تأخّر فصلُ الربيع
اكتفيتُ بنقل البشارة!
يحبُّ بلاداً, ويرحل عنها.
] هل المستحيل بعيدٌ؟ [
يحبُّ الرحيل الى أيِّ شيء
ففي السَفَر الحُرِّ بين الثقافات
قد يجد الباحثون عن الجوهر البشريّ
مقاعد كافيةً للجميع...
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: محمد الامين احمد)
|
Quote: ولا يوجد هناك شخص له الحق بأن يوجهني لكي أرد بطريقة معينة.
كما أعرف كل حقوقي وواجباتي |
يا شباب انتو بتقولو في شنو ؟
دينق دا ما بتعجبو الا نفسو والله دا لو قعد براهو يغالط نفسو
شوفو الدوغمائية دي منططه عيونا كيف :
* لا يوجد هناك شخص له الحق بان يوجهني
* كما اعرف كل حقوقي ووجباتي
* والكل يعرف جيداً بماذا أعني أنا كلمة هوس.
* يعني بالبساطة والسذاجة دي ولا شنو؟
* Big No
* يجب أن يفهم هذا المريض
* لقد حذرت ذلك السيجيمان من قبل ولكن يبدو لي بأنه لم يعي الدرس جيداً
* لفت نظرك ده لا يعني لي أي شئ. فكأنه غير موجود بالنسبة لي.
* أنا أتمسك بكل كلمة كتبها هنا وكلماتي تعني ما أقول.
* وفي نفس الوقت لن أسكت على أي مسخرة وقلة أدب تكتب بحقي
* لقد كان بوست العنصري المريض
* أكرر, تحذيرك لي لا أعتبره موجود يا عادل. وهو بالطبع لا يعنيني أبدا.
* يا هشام مدني, كلامي الكاتبه ده رد لذلك المريض
* أنا أعرف كيف أستعمل اللغة المناسبة وفي الوقت المناسب.
* ولا يوجد هناك شخص له الحق بأن يوجهني لكي أرد بطريقة معينة.
* كما أعرف كل حقوقي وواجباتي.
* أنا أعرف جيداً كيف أتعامل مع مثل تلك النوعية.
* وأنتو يا إدارة لو ما أنا أتصديت لذلك المعتوه لكنتم سكتو وأعتبرتو الموضوع عادي جداً.
* لكن بعد كتاباتي وردي عليه تحركتو لحمايته. أنا الكلام الكتبته ده بعنيه جيداً.(( خطررررررر يا دينق ))
* ولن أهتم بتحذير ولا إنذار. ده لعب على العقول فقط
* أكرر لك ولبقية أعضاء الادارة. تحذيرك لا يعنيني بشيء أبداً
* وع السماح لبعض البلطجية
* بالكتابة وإساءات الناس.
* بعدين لجنة التحكيم دي زاتها جاية من نفس تلك الثقافة الأحادية في السودان ولا يمكن نعمل من الفسيخ شربات
اها بعد دا .. دا كلام زول بتناقش ولا بتهبش أحسن تبروهو ببعيد بعيد
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
السيد/عسكورى
تحية طيبة
اذا عبارتك المذكورة تصبح كالتالى
وهو من اسواء ما قرأت حتي في الكتابات العنصريه نفسهافى هذا المنبر
الادارة لم تقول كلمتها، تقدم السيد هاشم نوريت بشكوى و سحبهاعلى حسب علمى، اذا يمكنك ان تقوم بصياغة شكوى و ترفعها الى الادارة بصورة رسمية بدلا من ان نقوم بتوزيع الكلام هنا و هناك، لنتبع الخطوات، و ليأخذ كل صاحب حق حقه، من حقك انت و السيد/Deng او السيد/سجيمان تقديم شكوى الى الادارة كما فعل السيد/هاشم نوريت، اليس هذا هو السبب الذى من اجله تكون مجلس الحكماء
اما بخصوص التقصير فكلنا بشر، و تختلف اوقات تواجدنا هنا، و كعضو يجب ان انبه الادارة الى اى موضوع فيه شئ مخالف للقوانيين
و لك الشكر
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الدكتاتور الصغير عادل
وين لفت النظر؟
مالك رحت بالي او شارب مويتو؟
تذكر لمان قلت ليك ابعد من مزالق ال power struggle؟
ماانا عارفك حتجر واطي لان هذا ظلم باين واستئساد علي الماعندهم ضهر يا شفيف!
ياما وقع راجل وسقطت ورقة التوت!
لمان نقول ده نادي شمالي، جلابي، اقصائي فهذا مانقصد!
كلهم كانو اتنين رودا او دينق الان صفر، والدور علي الغرابة، فاستعد ياحامد حجر!
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
| Quote: I read what Segeman has written it was absolutely un acceptable and destructive article. And even the way he apologize it showed clearly that he did not mean it. |
Brother Ibrahim.
I just wonder, what this people think what we are thinking?
Deng.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
| Quote: ولكنه رفض بتاتا؛ مما يوضح رفضه للقانون؛ ولذلك تم توجيه لفت النظر اليه |
| Quote: الاخ دينق يقول انه لا يحفل بالادارة ولن يشتكي ويفيد بما معناه انه سياخذ حقو بيدو؛ وهذا منهج مرفوض؛ |
الله يهديك يا عادل عبد العاطي يا اخوي
انت اصلا لفت نظرو عشان ماسمع الكلام من باب انت ما ارجل مني ياربي دي المؤسسيه !!
بعدين دينق ده حاياخد حقو بيدو كيف !! ياربي حا يخبط سجيمان بالبنبر في راسو ولا حايضربو رصاص
ياعادل يا اخوي دينق حقو انو دكتور سجيمان يعتذر علي الملاء او يواصل فضح كتاباته و في الحالتين دكتور سجيمان كسبان
1/ كسبان نفسو و القراء باعتذارو
2/ كسبان قلمو و القراء بانضباطو في الكتابه
دينق
اشيد بموقفك في التمسك بحقك
اللائحه لائحه حتي علي من نحبهم .. طالب بما تريد حتي يسجل الموقف
لضمان عدم تكراره علي الاقل
انا معك في عدم احترامك للقرار .. القصه ما الفي ايدو القلم .
سجيمان
انت من نحبهم لكن مطالب باعتذار لدينق و لكل الجنوبيين
همسه اخيره
دينق لي رجـاء عندك .. خفف من لغتك حتي و انت غاضب
| |
|
|
|
|
|
|
|
|
 Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
كتب الأخ مهدى الأمين
Quote:
لي مرحظه بسيطه فيما حدث بين دينق وسجيمان وموقف الأداره من بوست دينق
لماذا لو تسحب الأداره بوست المدعو : سجيمان فى وقته أو محاسبته والأنتظار حتي يطلب المدعو سحبه...؟
أما الآن ودينق يرد على المدعو أعلاه يلفت نظره للطريقه التي رد بها..؟
فيما يتعلق بسيايات النشر كلنا معها ونؤيدها مع الأستاذ: عادل عبد العاطي ..المحترم
ولكن في هذه الحاله لم تنصف القوانيين والوائح الأخ: دينق
فجاء رده كنتيجه طبيعيه
|
الأخ مهدى أتفق معك100%
ومعاك أخ دينق حتى النهايه
الأخ سيجمان لم يعتذر وألا لما قام بكتابة هذا البوست
الطـــريّفـــي.....و...جمــــــلو
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Tumadir)
|
Previously I was referring to this
إن كلام سجيمان هذا مجافٍٍ لكل زمانٍ وكل موقعٍ له صلةٌ بالمواطنة والإنسانية الناضجة. ففي اللحظة التي يتنادى فيه أبناء السودان الوطن الواحد الحقيقيون إلى كلمة عهدٍ إخاءٍ تزيل الغبائن المديدة، وتأسو "الجراح الصادحة"، يخرج علينا سجيمان، وأمثالٌ له كثر، بمثل هذه اللغة الغاشمة!!؟؟ اللهم إننا نبرأ إليك من مثل هذا الفهم للمواطنة.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
| Quote: الاخ دينق يقول انه لا يحفل بالادارة ولن يشتكي ويفيد بما معناه انه سياخذ حقو بيدو؛ وهذا منهج مرفوض؛ طالما ارتضينا اللجوء للمؤسسات وحكم القانون؛ ولا زال للاخ دينق وغيره حق شكوي الادارة لمجلس التحكيم اذا ما راي ان الادارة قد اخطات . |
عادل عبد العاطي.
إذا كان ده مستوى الإدارة فمن حقي بأن أقول لكم بأنكم على خطاء. وما فعلتموه بحقي لا يمثل بالنسبة لي سوى أحد المسرحيات بتاعت الجلابة في السودان عندما يتحدثون عن الحريات والديمقراطية.
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
بعدين وين هربو الجماعة الكانو بدافعوا على ذلك العنصري المريض؟
أين هربوا جماعة " ياناس باركوها" ؟
ولا البوست التاني الكتبوا في حق الاستاذ عبدالله بولا خلاكم تخجلوا من نفسكم
ومن الكلام الكتبتوه هنا ده؟ شفتو حبل الكذب والدجل بتاعكم ده قصير كيف؟
دينق.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأستاذ عبد العاطى كتبت:
الاخ دينق
بهذا الفت نظرك الي ان العنوان المستخدم من طرفك في هذا البوست واللغة المستخدمة منك فيه تجاه العضو عادل سجيمان تخالف سياسة النشر في المنبر ؛ وازاء اصرارك عليها فلا املك الا ان الفت نظرك رسميا لهذه المخالفة واتمني انتنتبه لسياسة النشر في المستقبل.
عادل عبدالعاطي
امين المنبر
29-09-2004
أود أن أعبر لك عن موقفى و الذى يتبنى العنوان و اللغه التى كتبها الأخ دينق فى هذا البوست بالكامل.
ولك أن تطبق على ماطبقت على الأخ دينق.
وشكرا
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Roada)
|
Dear Deng,
It is not the first time from this man who is one of the best Sudanese doctors as it is understood.
Once he wrote something about (Eris AboAldardog Lilgmara,) after the case of the marriage between a southerner Ambriza Ghone Boasko to the girl from northern Sudan, and when we said to him he is racist and discriminative, and simply many of whom are the intellectuals of this board defended him and the way he thinks and write.
I just want you to know what is done by Cgiman is what is going on daily during the time of relaxation and the Wanasa in the houses of most of the Araboislamian cultures bearer. All what Cgiman did is he said it loudly while the others try to hide it within many ways.
I agree with you for what so ever you said with out loosing your objectivity and your calmness, and by the way I don't think the council members of the this board have a better understanding than what Cgiman mentioned and wrote, I hope not, but keeping silent for two days reflects to how extent they think it is normal to read such a nonsense and disgusting statement, surprisingly some tried to defend it as a sort of arts, what is a funny country??????????
Thanks Roada for giving me the chance to read what the realty of the people who are so clean from out side their inside is just Cgiman’s subconscious
Bakry
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Bakry Eljack)
|
الاخ/العزيز دينق
سلام
نقول لك ان ما خطه قلم الاخ سجيمان, يسيء في المقام الاول لسجيمان كانسان, قبل ان يسيء للاخرين/ات, لذلك من حقك ان تغضب و لا تغضب, ان تغضب لما خطه قلم الرجل اي بمعني ان تثور ضده, و لكن في نفس الوقت, الا تعالج (جريمة الرجل ضد الانسانية) بصورة غاضبة تفقدك بوصلة الحوار, و لا اقول لك سرا اذا قلت لك ان ما فعله الاخ سجيمان, هو ما ادخل السودان و شعبه في هذه الحروب الضروس, و ان ما فعله سجيمان هو اسلوب حياة و منهج مذل للانسانية عمره مئات السنيين في السودان و غير السودان, لذلك عليك يا اخ دينق بمنازلة منهج سجيمان الذي في طريقه الي الانقراض, منازلة فكرية, لانها انفع و اجدي, فتحليل الخطاب السجيماني و ارجاعه لجذوره التأريخية هو السبيل الوحيد لنا, للخروج من ثقافة الاستعلاء العرقي و الديني و الثقافي و اللغوي بضم اللام...الخ, فانت يا دينق مطالب مثل غيرك من الناس, باحداث خلخلة تتبعها هزات فكرية (عنيفة) للمشروع الثقافي السجيماني, لانه مشروع يتجاوز سجيمان كشخص, ليشمل (امة) باكملها, يعتقد من ينتمون اليها (حقيقة او وهما) بانهم شعب الله المختار!! و لا ادري لماذا يحاول بعض الناس هنا في المنبر ان يقولوا لنا, يجب عليكم/ن التفريق بين (الاسلام و الاسلامويين/ات), و بين العرب و المستعربيين) و العديد العديد من الثنائيات التي تستحق البحث و التدقيق, لذلك نقول ان ما يفعله بعض المسلمين/ات نابع من فهمهم/ن لنصوص الدين, و بدون اية عملية تجميل للموضوع او محاولة ايجاد مصطلحات جديدة من نوع المتأسلمين/ات, الاسلامويين/ات, لان هذه المصطلحات لا تفيدنا في شيء, غير عملية تبسطينا او تلاعبنا بالموضوع, و دعنا يا اخ دينق ان نطرح على الناس الذين يقولون بهذه المصطلحات اسئلة مباشرة وهي الاتي: هل يوجد رق في الاسلام ام لا؟ هل توجد نصوص تؤكد عملية الرق هذه ام لا؟ و هل ان دية (الحر) لا تساوي دية (العبد) ام لا؟ و هل يوجد ما يسمي (بعتق رقبة مؤمنة) ام لا؟ و هل توجد (جواري و اماة في الاسلام ام لا؟ و هل توجد ما (ملكت ايمانكم ) في الاسلام ام لا؟و هل شهادة رجل بامرأتين ام لا؟ و هل للذكر مثل حظ الانثيين ام لا؟ و هل يحق للرجل ان يتزوج من اربع نساء ام لا؟ و هل توجد قوامة الرجال المشروطة على النساء ام لا؟ و هل توجد اية قتال السيف في الاسلام ام لا؟ ...الخ, فكل هذه القضايا مسنودة بنصوص من الدين, و هذه النصوص موجودة الان بين دفتي المصحف, فاذا قام شخص ما بتطبيقها, لماذا نستهبل على الناس و نقول لهم, يجب ان تفرقوا بين حديث هذا الشخص و الاسلام, لان هذا الشخص متسألم/ة؟ لماذا لا نعترف صراحة بوجود النصوص التي يستند عليها من يقومون بالاعمال التي لا تحترم انسانية الانسان؟ فما فعله (سيف العبور/النجم الثاقب / مسك الختام ...الخ) في جنوب السودان او جبال النوبة او شرق السودان, لم يأت من فراغ؟ و ما فعله اسامة بن لادن لم يات من فراغ؟ فهذا المستوي من الخطاب موجود, في الاسلام, و هنالك خطاب اخر ايضا موجود في الاسلام, يمثله على سبيل المثال لا الحصر, في السودان, شيخ الشهداء, الشهيد الاستاذ محمود محمد طه, فمحمود محمد طه مسلم و الترابي مسلم و بن لادن مسلم, فلا يعقل باية حال من الاحوال ان نسمي محمود محمد طه مسلماو نسمي الترابي او بن لادن بالمتأسلمين او الاسلامويين؟ و للجميع التحية و التقدير.
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
Quote: تعال يا اخوي انت...شنو لامي في الناس..عنصري..مريض ..الخ
الزول دا طالب بسحب البوست..وسجبوها ليهو ..اها دايرو يعمل ليك شنو اكتر من كده؟؟؟
.
.
روق المنقي شوية.. |
Quote: دينق..
انا طالع ماشي المدرسة...لكن بجيك صادي للرد..
سلام للوقت داكـ.. |
راني.
انته لسه ما رجعت من المدرسة ولا خجلت تجي تاني تدافع لسيجيمان؟
دينق
| |
|
|
|
|
|
|
|
|
|
Re: العضو سيجيمان, أنت مريض وعنصري وتحتاج لعلاج نفسي (Re: Deng)
|
الأخ العزيز/ بكري الجاك.
مثل هولا الناس يعتقدون بأن لنا ذاكرة ضعيفة لا نتذكر بها جيداً.
لقد فعلها هذا المريض من قبل وحذرته بأسلوب كان شديدي اللهجة
ولكنه لم يتعظ من تلك التجربة. يجب أن نعمل جميعاً من أجل كشف وتعرية مثل هذا الأفكار.
فمثل هولا لا ينفع معهم سوى المواجهة وكشفهم وفضحهم للجميع. وكما ترى ألان لقد توارى المدافعين عن ذلك المريض تواروا خجلاً بعد أن أكد وصفي له ببوست الأستاذ بولا.
دينق.
| |
|
|
|
|
|
|
| |
Deng
rani
Abdel Aati
Tumadir
Dr. Moiz Bakhiet
Safa Fagiri
mahdy alamin
هاشم نوريت
osly2
Bashasha
abusin
abuguta
ahmed haneen
aosman
Mohammed Tirab
Asskouri
محمد الامين احمد
Kostawi
mansur ali
khider
عبد الله بولا
Bakry Eljack
برير اسماعيل يوسف
أحمد أمين
فيس بوك
تويتر
انستقرام
يوتيوب
بنتيريست