|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: رشا سالم)
|
Quote: وبحبه شديد لوجه الله وبتفاءل بيه ما عارف ليه ؟؟ لأنه لو قريت ليه حاجات كتيرة فى يوم واحد طوالى تحصل لى حاجة حلوة , قلت ليه سبحان الله ,, |
الأخ ... الباشمهندس ..... و العضو لاحقاً
كمال ....
أتفق مع كل حرف كتبته ، المحبة من عند الله ، و تمبس ممن أنعم الله عليهم بتلك النعمة ، مثلك لم ألتقيه ، و لكن ربما أفوقك فى أننى تحدثت إليه من قبل و سأفعل متى ما سمح لى الزمن ... هناك حكمة تقول : قل لى من تعاشر أقل لك من أنت ! هل تعرف معتصم دفع الله ؟ لو كانت إجابتك بنعم ، فلا غرابة ، و لو كانت بلا فأعرفه من إحساسك تجاه تمبس . له كل المحبة ، و عميق الإحترام ... مع خالص الوّد
أستاذة ... آمال (أم وضاح) لك نفس المقام ...
تحياتى وودّى ؛؛
.
| |
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: محمد فرح)
|
بالرغم من إني ما قادر ارد في البوست ده .. وزعلان من المسالة بتاعت عدم المقدرة على الرد .. وبالرغم من أنو عماد عبد الله زايغ مني ومخليني براي .. إلا أن .. قاتــل الله النرجسية.. ورسالة عزيزة على نفسي من أخــت عزيزة جدا على نفسي وهي من ضمن الاشياء الجميلة البضيفه لحياتي .. إني عرفت ناس ممكن تديك قيمتك كبني آدم حتى ولو ما لاقتك .. شكرا تاني يا ام وضاح .. ومشتاقين ليك .. شكرا تاني يا باشمهندس .. ويا صديقتي حفظك الله .. مكانك النجوم .. وسيعد بي انك في الجــوار ومتابعة أي حاجة بكتب فيها والكتاب ح يصلك في أقرب فرصة ولو بي بساط الريح أو الحمام الزاجل:
Quote: النهارات الطيبة ياتمبس ود امى لانو اختك مفلسة ماممكن تشترى حافلة وتكتب عليها زى اخونا الباشمهندس وبصيغة الجمع نحنا بنحبك ياتامبا لكن كتبتها فى حيطة من الحيط بعد مامسحت جملة سخيفة وعنصرية بيكتبها العنصريون الجدد ومعناها الى الجحيم ياعبيد، كتبت بدلها ياتمبس ياود امى نحنا والله بنحبك حب لى الله كده ود صافى نية واخو اخوات وشيال حارة، وعاد ماشفت لمن الخواجات قروها فرهدوا بالحياة والبنات الشابات حملوا لافتات وهللن تمبس ياحبيبنا، اختك اتحزمت واتلزمت وقلت ليهن هوى يابنات ياحلوات كل شىء ولاتمبسنا قال يمشى قال يعنى تطلع تمشى ووين وانا لمن يكون مزاجى معكر وعاوزه اروقو بجيب ليهو الشب التامبسى وبيروق حزنت لماحدث بينك وطه ولكنى اؤكد لك من معرفتى بيهو انو انسان بالجد لكن على طريقتو الخاصة وانت انسان على طريقتنا العامة، المهم النفوس صفت ورجعت لينا اها بركة بالشوفة الاسفيرية واوعك تعمل كدة واسمع كلام اختك الكبيرة وتحت تحت لو كان عرسونى فى سن 12 كان بتكون ولدى، حبيت اعبر عن فرحتى ليك بعودتك وفرحى الكبير بحب القوم ده ليك على اختلافهم وتنوعهم وعلية اقر بانك ود السودان البنحبو، ولانى وزى ماقلت ليك مالى علاقة بالنت العام وبدخلو كقارئة حبيت اتواصل معاك على طريقتى الخاصة اذن عقوبتك حاتكون مخففة لاستجابتك السريعة تهدى لى كتاب ابوجهينه وتخليهو يكتب لى فيهو اهداء وترسل لى عنوانو البريدى على برق السرعة وتخليهو يكتب فى الاهداء نحنا بنحبك ياتمبس لانك انسان دمت لاختك |
| |
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: رقم صفر)
|
سلام ياام وضاح ولك الشكر لهذا الحب لهذه الشخصيه الرائعه
ولكن حقيقة تمبس/ معتصم دفع الله/ صلاح شتات حباهم الله بدرجه عاليه من القبول
وهذه والله نعمه كبيره انعم بها المولى عليهم وقليل من الناس من يتمتع بهذه
الهبه اسال الله ان يديمها عليهم وان يسعوا جادين للمحافظه عليهافالخلق الحسن
من الايمان وموده خالصه لأم وضاح فالقلب الذى يحب بهذا القدر لامكان للكراهية بين جوانحه
ادام الله الحب بيننا وتحياتى
ابو ختم
| |
|
|
|
|
|
|
|