بوست لقراء سودانيز أون لاين

Quote: السلام عليكم ورحمه الله وبركاته .... يسعدني أن أشارك في هذا الموضوع الجميل لنا نحن كقراء لهذا الموقع الرائع وأشكرك أخي طارق جبريل ...أول حاجة أنا حابي أوضح حاجة للسياسيين داخل الموقع إن اغلب الشعب السوداني لا ينتمي لحزب أو طائفة معينة أقدرهم بحوالي ( 85 % ) هذا من خلال ما أراه هنا أما انتم فقد طال بكم البعاد عن ارض الوطن وأفيدكم بان كل شي تغيير في فهم الناس خلال العشرين سنه الأخيرة هذه المقدمة لكي اوضح لكم بان ما يكتب هنا من سياسيين المنبر مكشوف للجميع معارضيين او حكومة وباختصار الشعب رمي طوبتكم الاثنين حكومة ومعارضة وبقينا في هم معيشتنا الطائرة دي عشان كدة مايجي واحد يتفلسف أو يكذب أو يدجل او يستعرض هنا فالمسرح أصبح مكشوف والله الاثنين ما نافعين معانا وتبا لكم .. أما من ناحية الكتاب هناك مجموعه كبيرة تكتب ما يفيد وما يرغمك على متابعته بشوق فلهم التحية واتمني من الذين غادروا العودة لهذا الموقع الجميل..... استمتع جدا بكتابات حبيب نورة والعوض ود المشرف ( راقي جدا وعميق ) محمد على ( محلل جيد للأحداث ) د . نجاة بعيدا عن المشاكل ونفس الشي صديق الموج بعيدا عن السياسة وكضبها تيسير عووضة عندما ترش الناس المحتاجه رش والله بتر يحيني للطيش وخاصة ( الصفايح والدفارات وناس المنقة ) أما معتز القرشي تابعت لك موضوع أو مشكلة مع كيكي في النهاية لقيتك ما عندك موضوع جرجرتنا في الفاضي وفي الاخر طلع الزول البركب جيب أمريكي او بلبس علم دولة أخري عندك عميل !!! ارحمونا بالله استمتع بخفة دم محمد ود هارون أما الزول البد عوا له من قلبي هو الأخ بدر الدين ( الشيوعي ) والله صراحه انت زول دغري وانا بحب الناس الدغريين الذيك ديل وانأ بدعي ليك من قلبي انك تترك الشيوعية دي وان شاء الله ربنا يستجيب لدعائي في يوما ما... اما الحبيب والخال وهبة ده احلي زول في الموقع واي واحد يفرنب ههههه بقعدوا في علبوا وبريحنا شديد بي اسلوبو السوداني الحلو فالتحية لك يا خال والله يمتعك بالصحه والعافية ولكم جميعا خالص التحايا ولنا عوده ان شاء الله ... أخوكم / محمد عبد الله