بوست لقراء سودانيز أون لاين

Quote: شكرا يا دكتور أو طلبة أيهما تشاء هههههههه وكلاهما خير وكذلك الشكر موصول لحيدر ميرغني الغرض من فتح البوست كما هو واضح ودون دخول في النيّات هو استقراء للوضع الحالي لسودانيزاونلاين في أذهان المتصفحين له، يأتي بعد هذا الخروج بما يمكنه أن يساهم في ارتقاء الموقع نحو الأفضل والوسائل التي يمكن بها تحقيق هذا الأمر ودون هذا يبقى الخيط بلا طائل (في تقديري) عنّي يهمني هذا الموقع لتناوله للشأن السوداني والنقاش لايف فيما يخص هذه البلاد المسكينة مما يسمح بتكوين وجهة نظر ووعي سليم يساهم في الوعي الجماعي الذي نسعى له جميعا كدي خليني أركز على حمل الصكوك وتوزيعها ونزعها ودي ما من حق أي زول خصوصا صكوك المجني عليها الوطنية، وأنا بخت ليها مقياس شخصي بدون ما أحكم على آخر معيّن بها فالوطنية في ظني إني ما أقطع شعرة معاوية لا بشتائم ولا باطلاق نعوت ولا بمنح صكوك خيانة أو غيرها من النعوت العجيبة طالما هذا الشخص المحاور لي تضمني معه رقعة جغرافية وبالتالي مصلحة مشتركة بالتالي عدم وصولي معه لنقطة مرضية في حوارنا ولو بحد أدنى يعتبر ضد مصلحة هذه الرقعة الجغرافية وهو ليس حريصا بصورة كافية على مصالحها وتطورها كونه يقطع الطريق على التعاون في حده الأدنى بشتائم وبلغة لا يستخدمها إنسان يعي مفهوم الوطن بمعناه العميق والذي يعني تكاتف الذين يستظلون بظله وكما تعني الشتائم والنعوت العجيبة أصلا عدم احتكام هذا الشخص لقانون في حده الأدنى يحفظ كرامة الانسان وأعني هنا قانونه الخاص ناهيك عن سيادة القانون التي يفترض ان تحكم الجميع هذه النظرة الشخصية للوطنية لا تمنحني الحق بأن أحكم على آخر بعدم الوطنية ويمكنني أن أحتفظ برأيي فيما يقول وأحاول أن أصل معه إلى ما يمكن أن نرتضيه سويا طالما أن القانون يمنحه هذا الحق في التواجد في نفس الرقعة الجغرافية هذه من النقاط التي تهدم الحوار في سودانيز أون لاين ويجب أن تشملها اللوائح ويحكمها قانون الموقع فيتم فصل أي شخص يتجاوز في حق الآخر بحيث يسمح هذا بوجود حوار محترم يفضي إلى نتائج ليه ياخي الناس تقول رأيها أيا كان شكلو يسمعوا الارهاب اللفظي ده وليه نسئ الظن قبل أن نتبين؟ ومنو الأدانا الحق أصلا في إساءة الظن؟ يمكن يجي زول يقول لي السودان ياهو كده الناس بتتعامل باساءة الظن بقت في السوق وغيرو وحقول ليهو لكن ده ما السودان ده موقع بتكلم عن شئون سودانية والبتكلموا فيهو ناس تم اختيارهم ومن ثمّ اختبارهم بصحة لغتهم وبضمانات من مرشحيهم للعضوية ويفترض إنو تكون درجة وعيهم أعلى مننا بالتالي ما مفترض يتعاملوا زينا ولا مش كده؟ ما عايز أتكلم عن القذف وأشكالو والشتائم وأشكالها الموجودة في الموقع ده وفي كتابات تتمنى لو صاحبها خلاها تبيت يوم أو يومين ولومك بي يغير رأيو في بعضها أو كلها ليه سيد الحوش ده ما يعرف إنو الموقع النضيف برضو بجيب كليكات؟ ياخي أرجع أقول سيادة القانون زيها مافي ومفروض تقيفوا وقفة حازمة تجاه البحصل ده كلو وبتقدروا توقفوهو وقبل كده وقف بعض الناس وسجلوا موقف والله يعجب واللي هم مجموعة عزاز شامي التي خسرها هذا الموقع وخسرناها بسببه وتقريبا متأكد لو الناس كلها أخدت موقف كما يجب وقتها لما بقى الحال كما هو عليه الآن بالنسبة للاخوة الاتهبشوا في بعض المشاركات ما أظن الناس البتعجبها كتاباتكم حتغير رأيها في الكتابات دي بسبب إنو في زول عندو رأي سلبي في كتاباتكم أو فيكم وعموما الناس تكتب فتعجب أحدا هنا ثم تكتب فلا تعجب نفس هذا الأحد وهكذا والتعميم عموما ما حبابو يمكن أجيك تاني ويمكن لا ممنونين Ameen R محمد أمين