بوست لقراء سودانيز أون لاين

Quote: ودي هوادة في الله الطاجن. .............. غيمة وضبانة ترغب في ارتشاف شاي صباحي مع توافد بعض الرذاذ فتتعثر خطواتها ....... شاي باجنحة الضبان مع زلابية بالسكر المسحوق... هووووووووووووي ياجنى.................. (البعماية) دي ما تقدموها للراعي (تسبي ) من امس فليل ظنيتا بتلد في (الضحوية) دي انا ماشة اعوس لي (شيطات) .... اجى وين الطايوق ياربي ختيتو؟؟؟؟؟ الهبابة وينا ؟؟؟؟؟؟؟؟؟؟؟؟ الله يستر اليوم ده ريحتو موت موت اصلن موتم في الخريف غير التلتلة (والخمجي) في الطين مابعرفو لي حاجة .... (القصبات) ديل جاتن موية من وين مالا نارن (هامدة) كدى.. . . يمى يمى؟؟؟؟؟ (انجمى) ماااااااااااالك في شنو ووووووووووووووو البعامية مرقت (فقايتا) والله والله كضاب هي متين قعدت خلاص قمت (تلاهي) بيها بتكتلا بى (نجيهتك )دى يمى يمى خلاس ادينا( شيطة ).؟ ياولد تاكل (الحمت ربت )هسي ما مليت (دغيجتك) دي بطش زلابية (بتتشق) ... ومن قبيل تتلصق وتسلبط عشان نفيستك في شيطة لا بس بشيلا........... والله بشيلا............ ياولد ياولد الجنى الممسوخ ده يوم بتحرق يدك يووووووووووووووووما يووووووووووووووما عنزنا البعامية ولدت عنزنا البعامية ولدت وجابت جابت جابت سخله عندها سبحة كان لقيتك كضاب (بفشخك) الليلة !!!!!!!!!!!! والله ولدت.............. هي جيد لينا النقوم عليها.... ياولد هوووي جيب البراد عشان نريق السخل .......... اجرى تجر فيك (..........) فللي كويس... البراد لشاي الشفع وترييق السخل (اشتراكية طبيعية) يمى يمى داير ( اللبى )هسسسسع هي يا جنا ات مسكون تلوك النهار كلو السخل ده بتقومو دغور من هسي داير تقاسمو لا لا بس داير (لبى ) ياولد ( اللبى ) بالنهار ( بفطسك ) اليفطسني ات مالك؟؟؟؟؟؟؟ هي كمان جابتليها لماضة وفصاحة اها الليلة تشمو قدحة بكلم ابوى و.........