بوست لقراء سودانيز أون لاين

Quote: تحية طيبة وبعد ا لشكر لك ودجبرين على فتح (طاقة) نطل بها عبر سودانيزاونلاين تعريجة كرعيني حفن من من الجري للتقديم عشان نجي نشوفكم جوة علا شكلو نلوك الصبر بس صابرين على وعد المنى نمرة تلاتة اتنين فطيناها قصد نتفسح الليلة نفط بمزاجنا صوت شكر واعجاب لى زول فاقع مرارة كمية كبيرة من ناس سودانيز اونلاين (اخونا في الله ود الباوقة) الزول ده مؤمن بقناعاتو رغم كرهي وكره الغالبية العظمى منى ابناء شعبنا للطاغية واعوانه الا أني احترم الزول ده عشان دي قناعتو وزي ما نحنا بنعاني من الكبت والحجر نخلي ود الباوقة يقول كلامو والعرجى لى مراحة بجي راجع طالما كورت ناسو بقت مصرجة وشكر وعرفان للزول الجميل صديق الموج الزول ده موسوعة وبساطة سوداني اصلي حصل لي الشرف أن التقيته قبل شهرين وكان زي البعرفو قبل سنين متعك الله بالصحة والعافية وزولنا زول الخلاء ود البوش نضميهوعنكوليب الا متفاسل بيهو ياخ جيبو نقرمش معاك عشان المرارة مالية حلقنا الناس الجميلين ملح الارض نبض الشعب / حجر/مكاوي /خالد العبيد/ابوساندرا لكم التحايا وصوتكم مسموع رغم ضبابية المشهد ابوحسين بالاتقليزي والله اقلب في الموقع ده كل يوم عشان نشوفك شايت وين بس غير ليا ليا دي مالقينالك حاجة برضو لك التحية معاوية عبيد لك التحايا والاحترام الاديبة الراقية ست البنات / سلمى الشيخ سلامة في انتظار المزيد من ابداعتكم دينق لك التحية مع الامنيات بالاستقرار لاهلنا في الجنوب وتحية لكل اعضاء المنبر من اقصى اليمين الى اقصى اليسار اها نجي للنجيضة الغالبية من الناس البتكتب في الموقع ده طافشين برة ومساهمتكم في التغيير المطلوب غير القلم ماف حاجة حالياً طيب انتو عارفين ناس الكيزان نهبوا البلد وغرقونا ديون يلا الديون دي حندفعها نحنا بعدين وحالياً الحركات الثورية بتحارب ومعركة التحرير طويلة ومحتاجة للدعم واى دعم بجي دين في عنقرتنا دي يبقى يااهلنا الني للنار لملمولكم قريشات بالفي بس افتحولكم حساب الناس تورد شهري عشان السلاح والاكل للناس القابضة على الزناد اولاً دي مشاركة حقيقة منكم وتاني شيء تخفيف من الدين البلاقينا بعد رحيل النظام الحالي وخلاس الشغلة قربت الحيطة بقت تتلولح براها يدكم عشان تجي بردلب واقعة ونبداء نبني من جديد وطن يسعنا باختلاف الواننا وادياننا وطن العدالة والمساواة والحرية اى عارف طولت الشغلة ومعاكم لى لاهاي ملحوظة (لغير الناطقين بالدارجية الترجمة لاحقاً ). ودمتم الجنيد حمد الامارات -ابوظبي